১. ৱিভঙ্গৱাৰো

হেতুপচ্চযো

২৫৭. চিত্তসহভূ ধম্মো চিত্তসহভুস্স ধম্মস্স হেতুপচ্চযেন পচ্চযো – চিত্তসহভূ হেতূ সম্পযুত্তকানং খন্ধানং চিত্তসহভূনং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

চিত্তসহভূ ধম্মো নোচিত্তসহভুস্স ধম্মস্স হেতুপচ্চযেন পচ্চযো – চিত্তসহভূ হেতূ চিত্তস্স নোচিত্তসহভূনং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে চিত্তসহভূ হেতূ চিত্তস্স কটত্তা চ ৰূপানং হেতুপচ্চযেন পচ্চযো. (২)

চিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স হেতুপচ্চযেন পচ্চযো; চিত্তসহভূ হেতূ সম্পযুত্তকানং খন্ধানং চিত্তস্স চ চিত্তসহভূনঞ্চ নোচিত্তসহভূনঞ্চ চিত্তসমুট্ঠানানং ৰূপানং হেতুপচ্চযেন পচ্চযো. (৩)

আৰম্মণপচ্চযো

২৫৮. চিত্তসহভূ ধম্মো চিত্তসহভুস্স ধম্মস্স আৰম্মণপচ্চযেন পচ্চযো… নৱ (চিত্তসমুট্ঠানদুকসদিসং, নিন্নানাকৰণং).

অধিপতিপচ্চযো

২৫৯. চিত্তসহভূ ধম্মো চিত্তসহভুস্স ধম্মস্স অধিপতিপচ্চযেন পচ্চযো… তীণি (আৰম্মণাধিপতিপি সহজাতাধিপতিপি কাতব্বা).

নোচিত্তসহভূ ধম্মো নোচিত্তসহভুস্স ধম্মস্স অধিপতিপচ্চযেন পচ্চযো… তীণি (আৰম্মণাধিপতিপি সহজাতাধিপতিপি ইমেসম্পি তিণ্ণং কাতব্বা. নৱপি পঞ্হা চিত্তসমুট্ঠানদুকসদিসা. অন্তে তীণি আৰম্মণাধিপতিযেৱ).

অনন্তৰপচ্চযাদি

২৬০. চিত্তসহভূ ধম্মো চিত্তসহভুস্স ধম্মস্স অনন্তৰপচ্চযেন পচ্চযো… নৱ (চিত্তসমুট্ঠানদুকসদিসং, নিন্নানাকৰণং)… সমনন্তৰপচ্চযেন পচ্চযো… নৱ (পটিচ্চসদিসা) … সহজাতপচ্চযেন পচ্চযো… নৱ (পটিচ্চসদিসা)… অঞ্ঞমঞ্ঞপচ্চযেন পচ্চযো… নৱ (পটিচ্চসদিসা)… নিস্সযপচ্চযেন পচ্চযো… নৱ (পচ্চযৱাৰসদিসা)… উপনিস্সযপচ্চযেন পচ্চযো… নৱ (চিত্তসমুট্ঠানদুকসদিসা).

পুৰেজাতপচ্চযো

২৬১. নোচিত্তসহভূ ধম্মো নোচিত্তসহভুস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং… তীণি (নোচিত্তসহভূ মূলংযেৱ লব্ভতি, চিত্তসমুট্ঠানদুকসদিসা. তীণিপি নিন্নানাকৰণং).

পচ্ছাজাতাসেৱনপচ্চযা

২৬২. চিত্তসহভূ ধম্মো নোচিত্তসহভুস্স ধম্মস্স পচ্ছাজাতপচ্চযেন পচ্চযো – পচ্ছাজাতা চিত্তসহভূ খন্ধা পুৰেজাতস্স ইমস্স নোচিত্তসহভুস্স কাযস্স পচ্ছাজাতপচ্চযেন পচ্চযো. (১)

নোচিত্তসহভূ ধম্মো নোচিত্তসহভুস্স ধম্মস্স পচ্ছাজাতপচ্চযেন পচ্চযো…পে…. (১)

চিত্তসহভূ চ নোচিত্তসহভূ চ ধম্মা নোচিত্তসহভুস্স ধম্মস্স পচ্ছাজাতপচ্চযেন পচ্চযো (সংখিত্তং)… আসেৱনপচ্চযেন পচ্চযো… নৱ.

কম্মপচ্চযো

২৬৩. চিত্তসহভূ ধম্মো চিত্তসহভুস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসহভূ চেতনা সম্পযুত্তকানং খন্ধানং চিত্তসহভূনং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসহভূ চেতনা ৱিপাকানং চিত্তসহভূনং খন্ধানং কম্মপচ্চযেন পচ্চযো. (১)

চিত্তসহভূ ধম্মো নোচিত্তসহভুস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসহভূ চেতনা চিত্তস্স নোচিত্তসহভূনং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসহভূ চেতনা ৱিপাকস্স চিত্তস্স কটত্তা চ ৰূপানং কম্মপচ্চযেন পচ্চযো. (২)

চিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসহভূ চেতনা সম্পযুত্তকানং খন্ধানং চিত্তস্স চ চিত্তসহভূনঞ্চ নোচিত্তসহভূনঞ্চ চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসহভূ চেতনা ৱিপাকানং খন্ধানং চিত্তস্স কটত্তা চ ৰূপানং কম্মপচ্চযেন পচ্চযো. (৩)

ৱিপাকপচ্চযাদি

২৬৪. চিত্তসহভূ ধম্মো চিত্তসহভুস্স ধম্মস্স ৱিপাকপচ্চযেন পচ্চযো (চিত্তসমুট্ঠানদুকসদিসং)… আহাৰপচ্চযেন পচ্চযো… নৱ (চিত্তসমুট্ঠানদুকসদিসা. ইমম্পি একং কবড়ীকাৰআহাৰসদিসং). চিত্তসহভূ ধম্মো চিত্তসহভুস্স ধম্মস্স ইন্দ্ৰিযপচ্চযেন পচ্চযো… নৱ (চিত্তসমুট্ঠানদুকসদিসং, নিন্নানাকৰণং)… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… পঞ্চ.

ৱিপ্পযুত্তপচ্চযো

২৬৫. চিত্তসহভূ ধম্মো চিত্তসহভুস্স ধম্মস্স ৱিপ্পযুত্তপচ্চযেন পচ্চযো. সহজাতা – চিত্তসহভূ খন্ধা চিত্তসহভূনং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. (১)

চিত্তসহভূ ধম্মো নোচিত্তসহভুস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – চিত্তসহভূ খন্ধা নোচিত্তসহভূনং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – চিত্তসহভূ খন্ধা পুৰেজাতস্স ইমস্স নোচিত্তসহভুস্স কাযস্স ৱিপ্পযুত্তপচ্চযেন পচ্চযো. (২)

চিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স ৱিপ্পযুত্তপচ্চযেন পচ্চযো. সহজাতা – চিত্তসহভূ খন্ধা চিত্তসহভূনঞ্চ নোচিত্তসহভূনঞ্চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. (৩)

২৬৬. নোচিত্তসহভূ ধম্মো নোচিত্তসহভুস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতং – চিত্তং নোচিত্তসহভূনং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে চিত্তং কটত্তাৰূপানং ৱিপ্পযুত্তপচ্চযেন পচ্চযো; চিত্তং ৱত্থুস্স ৱিপ্পযুত্তপচ্চযেন পচ্চযো; ৱত্থু চিত্তস্স ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স ৱিপ্পযুত্তপচ্চযেন পচ্চযো…পে… কাযাযতনং…পে… ৱত্থু চিত্তস্স ৱিপ্পযুত্তপচ্চযেন পচ্চযো. পচ্ছাজাতং – চিত্তং পুৰেজাতস্স ইমস্স নোচিত্তসহভুস্স কাযস্স ৱিপ্পযুত্তপচ্চযেন পচ্চযো. (১)

নোচিত্তসহভূ ধম্মো চিত্তসহভুস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – চিত্তং চিত্তসহভূনং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণসহগতানং খন্ধানং ৱিপ্পযুত্তপচ্চযেন পচ্চযো…পে… কাযাযতনং…পে… ৱত্থু চিত্তসহভূনং খন্ধানং ৱিপ্পযুত্তপচ্চযেন পচ্চযো. (২)

নোচিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – চিত্তং চিত্তসহভূনঞ্চ নোচিত্তসহভূনঞ্চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স সম্পযুত্তকানঞ্চ ৰূপানং ৱিপ্পযুত্তপচ্চযেন পচ্চযো…পে… কাযাযতনং…পে… ৱত্থু চিত্তস্স সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. (৩)

২৬৭. চিত্তসহভূ চ নোচিত্তসহভূ চ ধম্মা চিত্তসহভুস্স ধম্মস্স ৱিপ্পযুত্তপচ্চযেন পচ্চযো. সহজাতা – চিত্তসহভূ খন্ধা চ চিত্তঞ্চ চিত্তসহভূনং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. (১)

চিত্তসহভূ চ নোচিত্তসহভূ চ ধম্মা নোচিত্তসহভুস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – চিত্তসহভূ খন্ধা চ চিত্তঞ্চ নোচিত্তসহভূনং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে …পে…. পচ্ছাজাতা – চিত্তসহভূ খন্ধা চ চিত্তঞ্চ পুৰেজাতস্স ইমস্স নোচিত্তসহভুস্স কাযস্স ৱিপ্পযুত্তপচ্চযেন পচ্চযো. (২)

চিত্তসহভূ চ নোচিত্তসহভূ চ ধম্মা চিত্তসহভুস্স চ নোচিত্তসহভুস্স চ ধম্মস্স ৱিপ্পযুত্তপচ্চযেন পচ্চযো – চিত্তসহভূ খন্ধা চ চিত্তঞ্চ চিত্তসহভূনঞ্চ নোচিত্তসহভূনঞ্চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. (৩)

অত্থিপচ্চযো

২৬৮. চিত্তসহভূ ধম্মো চিত্তসহভুস্স ধম্মস্স অত্থিপচ্চযেন পচ্চযো – চিত্তসহভূ একো খন্ধো…পে… (পটিচ্চসদিসং). (১)

চিত্তসহভূ ধম্মো নোচিত্তসহভুস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)

চিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স অত্থিপচ্চযেন পচ্চযো – চিত্তসহভূ একো খন্ধো…পে… (পটিচ্চসদিসং). (৩)

নোচিত্তসহভূ ধম্মো নোচিত্তসহভুস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (১)

নোচিত্তসহভূ ধম্মো চিত্তসহভুস্স ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং. (২)

নোচিত্তসহভূ ধম্মো চিত্তসহভুস্স চ নোচিত্তসহভুস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং). (৩)

২৬৯. চিত্তসহভূ চ নোচিত্তসহভূ চ ধম্মা চিত্তসহভুস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – চক্খুৱিঞ্ঞাণসহগতো একো খন্ধো চ চক্খাযতনঞ্চ চক্খুৱিঞ্ঞাণঞ্চ দ্ৱিন্নং খন্ধানং…পে… দ্ৱে খন্ধা চ…পে… (সব্বং পটিসন্ধিযং কাতব্বং, সহজাতং পুৰেজাতম্পি). (১)

চিত্তসহভূ চ নোচিত্তসহভূ চ ধম্মা নোচিত্তসহভুস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – চক্খুৱিঞ্ঞাণসহগতা খন্ধা চক্খাযতনঞ্চ চক্খুৱিঞ্ঞাণস্স অত্থিপচ্চযেন পচ্চযো…পে… কাযৱিঞ্ঞাণসহগতা…পে… চিত্তসহভূ খন্ধা চ চিত্তঞ্চ নোচিত্তসহভূনং চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – চিত্তসহভূ খন্ধা চ ৱত্থু চ চিত্তস্স অত্থিপচ্চযেন পচ্চযো. সহজাতা – চিত্তসহভূ খন্ধা চ মহাভূতা চ নোচিত্তসহভূনং চিত্তসমুট্ঠানানং ৰূপানং অত্থিপচ্চযেন পচ্চযো (পটিসন্ধিক্খণে তীণিপি কাতব্বা). পচ্ছাজাতা – চিত্তসহভূ খন্ধা চ চিত্তঞ্চ পুৰেজাতস্স ইমস্স নোচিত্তসহভুস্স কাযস্স অত্থিপচ্চযেন পচ্চযো. পচ্ছাজাতা – চিত্তসহভূ খন্ধা চ কবড়ীকাৰো আহাৰো চ ইমস্স নোচিত্তসহভুস্স কাযস্স অত্থিপচ্চযেন পচ্চযো. পচ্ছাজাতা – চিত্তসহভূ খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

চিত্তসহভূ চ নোচিত্তসহভূ চ ধম্মা চিত্তসহভুস্স চ নোচিত্তসহভুস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – চক্খুৱিঞ্ঞাণসহগতো একো খন্ধো চ চক্খাযতনং চ…পে… (পচ্চযৱাৰসদিসং). (৩)