১. ৱিভঙ্গৱাৰো

হেতুপচ্চযো

২৪৭. চিত্তসহভুং ধম্মং পচ্চযা চিত্তসহভূ ধম্মো উপ্পজ্জতি হেতুপচ্চযা… তীণি (পটিচ্চসদিসা).

নোচিত্তসহভুং ধম্মং পচ্চযা নোচিত্তসহভূ ধম্মো উপ্পজ্জতি হেতুপচ্চযা – ৱত্থুং পচ্চযা চিত্তং, চিত্তং পচ্চযা নোচিত্তসহভু চিত্তসমুট্ঠানং ৰূপং; পটিসন্ধিক্খণে…পে… (পটিচ্চৱাৰসদিসং, সব্বে মহাভূতা). (১)

নোচিত্তসহভুং ধম্মং পচ্চযা চিত্তসহভূ ধম্মো উপ্পজ্জতি হেতুপচ্চযা – চিত্তং পচ্চযা সম্পযুত্তকা খন্ধা চিত্তসহভু চিত্তসমুট্ঠানঞ্চ ৰূপং, ৱত্থুং পচ্চযা চিত্তসহভূ খন্ধা; পটিসন্ধিক্খণে…পে… (সব্বে মহাভূতা পটিচ্চসদিসং). (২)

নোচিত্তসহভুং ধম্মং পচ্চযা চিত্তসহভূ চ নোচিত্তসহভূ চ ধম্মা উপ্পজ্জন্তি হেতুপচ্চযা – চিত্তং পচ্চযা সম্পযুত্তকা খন্ধা চিত্তসহভু চ নোচিত্তসহভু চ চিত্তসমুট্ঠানং ৰূপং, ৱত্থুং পচ্চযা চিত্তঞ্চ সম্পযুত্তকা চ খন্ধা; পটিসন্ধিক্খণে…পে… (পটিচ্চসদিসং, সব্বে মহাভূতা). (৩)

২৪৮. চিত্তসহভুঞ্চ নোচিত্তসহভুঞ্চ ধম্মং পচ্চযা চিত্তসহভূ ধম্মো উপ্পজ্জতি হেতুপচ্চযা – চিত্তসহভুং একং খন্ধঞ্চ চিত্তঞ্চ পচ্চযা দ্ৱে খন্ধা চিত্তসহভু চিত্তসমুট্ঠানঞ্চ ৰূপং, দ্ৱে খন্ধে চ…পে… চিত্তসহভুং একং খন্ধঞ্চ ৱত্থুঞ্চ পচ্চযা দ্ৱে খন্ধা, দ্ৱে খন্ধে চ…পে… পটিসন্ধিক্খণে…পে… (পটিচ্চসদিসং, সব্বে মহাভূতা). (১)

চিত্তসহভুঞ্চ নোচিত্তসহভুঞ্চ ধম্মং পচ্চযা নোচিত্তসহভূ ধম্মো উপ্পজ্জতি হেতুপচ্চযা – চিত্তসহভূ খন্ধে চ চিত্তঞ্চ পচ্চযা নোচিত্তসহভু চিত্তসমুট্ঠানং ৰূপং, চিত্তসহভূ খন্ধে চ ৱত্থুঞ্চ পচ্চযা চিত্তং. চিত্তসহভূ খন্ধে চ মহাভূতে চ পচ্চযা নোচিত্তসহভু চিত্তসমুট্ঠানং ৰূপং; পটিসন্ধিক্খণে…পে… (পটিচ্চসদিসং, সব্বে মহাভূতা). (২)

চিত্তসহভুঞ্চ নোচিত্তসহভুঞ্চ ধম্মং পচ্চযা চিত্তসহভূ চ নোচিত্তসহভূ চ ধম্মা উপ্পজ্জন্তি হেতুপচ্চযা – চিত্তসহভুং একং খন্ধঞ্চ চিত্তঞ্চ পচ্চযা দ্ৱে খন্ধা চিত্তসহভু চ নোচিত্তসহভু চ চিত্তসমুট্ঠানং ৰূপং, চিত্তসহভুং একং খন্ধঞ্চ ৱত্থুঞ্চ পচ্চযা দ্ৱে খন্ধা চিত্তঞ্চ, দ্ৱে খন্ধে চ…পে… পটিসন্ধিক্খণে…পে… (পটিচ্চসদিসং, সব্বে মহাভূতা). (৩)

আৰম্মণপচ্চযো

২৪৯. চিত্তসহভুং ধম্মং পচ্চযা চিত্তসহভূ ধম্মো উপ্পজ্জতি আৰম্মণপচ্চযা… তীণি (পটিচ্চসদিসং).

নোচিত্তসহভুং ধম্মং পচ্চযা নোচিত্তসহভূ ধম্মো উপ্পজ্জতি আৰম্মণপচ্চযা…পে… চক্খাযতনং পচ্চযা চক্খুৱিঞ্ঞাণং…পে… কাযাযতনং…পে…. (ইমং চিত্তসমুট্ঠানদুকং পচ্চযৱাৰে আৰম্মণসদিসং. ছন্নম্পি ইমেসং পঞ্চৱিঞ্ঞাণমূলা কাতব্বা. সংখিত্তং.)