১. ৱিভঙ্গৱাৰো

হেতুপচ্চযো

২১০. চিত্তসমুট্ঠানো ধম্মো চিত্তসমুট্ঠানস্স ধম্মস্স হেতুপচ্চযেন পচ্চযো – চিত্তসমুট্ঠানা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স হেতুপচ্চযেন পচ্চযো – চিত্তসমুট্ঠানা হেতূ চিত্তস্স হেতুপচ্চযেন পচ্চযো; পটিসন্ধিক্খণে চিত্তসমুট্ঠানা হেতূ চিত্তস্স কটত্তা চ ৰূপানং হেতুপচ্চযেন পচ্চযো. (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স হেতুপচ্চযেন পচ্চযো – চিত্তসমুট্ঠানা হেতূ সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (৩)

আৰম্মণপচ্চযো

২১১. চিত্তসমুট্ঠানো ধম্মো চিত্তসমুট্ঠানস্স ধম্মস্স আৰম্মণপচ্চযেন পচ্চযো – চিত্তসমুট্ঠানে খন্ধে আৰব্ভ চিত্তসমুট্ঠানা খন্ধা উপ্পজ্জন্তি. (মূলং কাতব্বং) চিত্তসমুট্ঠানে খন্ধে আৰব্ভ চিত্তং উপ্পজ্জতি. (মূলং কাতব্বং) চিত্তসমুট্ঠানে খন্ধে আৰব্ভ চিত্তসমুট্ঠানা খন্ধা চ চিত্তঞ্চ উপ্পজ্জন্তি. (৩)

২১২. নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং…পে… নিব্বানং পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; চক্খুং…পে… ৱত্থুং নোচিত্তসমুট্ঠানে খন্ধে অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ চিত্তং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন নোচিত্তসমুট্ঠানচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং…পে… নোচিত্তসমুট্ঠানা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স আৰম্মণপচ্চযেন পচ্চযো – অৰিযা মগ্গা…পে… নিব্বানং পচ্চৱেক্খন্তি (পঠমগমনসদিসং); চক্খুং…পে… ৱত্থুং নোচিত্তসমুট্ঠানে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি…পে… ৰূপাযতনং চক্খুৱিঞ্ঞাণসহগতানং খন্ধানং…পে… ফোট্ঠব্বাযতনং…পে… নোচিত্তসমুট্ঠানা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স আৰম্মণপচ্চযেন পচ্চযো – অৰিযা মগ্গা…পে… নিব্বানং পচ্চৱেক্খন্তি (পঠমগমনসদিসং), নোচিত্তসমুট্ঠানে খন্ধে অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স সম্পযুত্তকানঞ্চ খন্ধানং…পে… ফোট্ঠব্বাযতনং…পে… নোচিত্তসমুট্ঠানা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স আৰম্মণপচ্চযেন পচ্চযো… তীণি (আৰব্ভ কাতব্বা).

অধিপতিপচ্চযো

২১৩. চিত্তসমুট্ঠানো ধম্মো চিত্তসমুট্ঠানস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – চিত্তসমুট্ঠানে খন্ধে গৰুং কত্ৱা চিত্তসমুট্ঠানা খন্ধা উপ্পজ্জন্তি. সহজাতাধিপতি – চিত্তসমুট্ঠানাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো (তীণিপি আৰম্মণাধিপতি, সহজাতাধিপতিপি কাতব্বা). (৩)

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স অধিপতিপচ্চযেন পচ্চযো – আৰম্মণাধিপতি – অৰিযা মগ্গা…পে… নিব্বানং গৰুং কত্ৱা…পে… নোচিত্তসমুট্ঠানে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা চিত্তং উপ্পজ্জতি. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা…পে… নিব্বানং গৰুং কত্ৱা পচ্চৱেক্খন্তি…পে… নোচিত্তসমুট্ঠানে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নোচিত্তসমুট্ঠানাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা মগ্গা…পে… নিব্বানং গৰুং কত্ৱা পচ্চৱেক্খন্তি…পে… নোচিত্তসমুট্ঠানে খন্ধে গৰুং কত্ৱা…পে… চিত্তঞ্চ সম্পযুত্তকা চ খন্ধা উপ্পজ্জন্তি. (৩)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স অধিপতিপচ্চযেন পচ্চযো – আৰম্মণাধিপতি… তীণি (আৰম্মণাধিপতিযেৱ).

অনন্তৰ-সমনন্তৰপচ্চযা

২১৪. চিত্তসমুট্ঠানো ধম্মো চিত্তসমুট্ঠানস্স ধম্মস্স অনন্তৰপচ্চযেন পচ্চযো… তীণি (ৱুট্ঠানং নত্থি).

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স অনন্তৰপচ্চযেন পচ্চযো – পুৰিমং পুৰিমং চিত্তং পচ্ছিমস্স পচ্ছিমস্স…পে… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো (ইতৰে দ্ৱে গণনা, ইমস্স সদিসাযেৱ কাতব্বা).

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স অনন্তৰপচ্চযেন পচ্চযো (তীণি কাতব্বা, ৱুট্ঠানং নত্থি)… সমনন্তৰপচ্চযেন পচ্চযো.

সহজাতপচ্চযাদি

২১৫. চিত্তসমুট্ঠানো ধম্মো চিত্তসমুট্ঠানস্স ধম্মস্স সহজাতপচ্চযেন পচ্চযো (পটিচ্চৱাৰসদিসং)… অঞ্ঞমঞ্ঞপচ্চযেন পচ্চযো (পটিচ্চৱাৰসদিসং)… নিস্সযপচ্চযেন পচ্চযো (পচ্চযৱাৰসদিসং).

উপনিস্সযপচ্চযো

২১৬. চিত্তসমুট্ঠানো ধম্মো চিত্তসমুট্ঠানস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – (তীণি পঞ্হা কাতব্বা). (৩)

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… সঙ্ঘং ভিন্দতি; উতু… ভোজনং… সেনাসনং চিত্তং চিত্তস্স উপনিস্সযপচ্চযেন পচ্চযো. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… সঙ্ঘং ভিন্দতি; উতু… ভোজনং… সেনাসনং চিত্তং সদ্ধায…পে… মগ্গস্স ফলসমাপত্তিযা উপনিস্সযপচ্চযেন পচ্চযো. (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… সঙ্ঘং ভিন্দতি; উতু… ভোজনং… সেনাসনং চিত্তং চিত্তসমুট্ঠানানং খন্ধানং চিত্তস্স চ উপনিস্সযপচ্চযেন পচ্চযো. (৩)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো… তীণি.

পুৰেজাতপচ্চযো

২১৭. চিত্তসমুট্ঠানো ধম্মো চিত্তসমুট্ঠানস্স ধম্মস্স পুৰেজাতপচ্চযেন পচ্চযো. আৰম্মণপুৰেজাতং – চিত্তসমুট্ঠানে ৰূপে…পে… ফোট্ঠব্বে অনিচ্চতো…পে… ৱিপস্সতি…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণসহগতানং খন্ধানং পুৰেজাতপচ্চযেন পচ্চযো…পে… ফোট্ঠব্বাযতনং কাযৱিঞ্ঞাণসহগতানং খন্ধানং পুৰেজাতপচ্চযেন পচ্চযো. (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স পুৰেজাতপচ্চযেন পচ্চযো. আৰম্মণপুৰেজাতং – চিত্তসমুট্ঠানে ৰূপে…পে… ফোট্ঠব্বে অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ চিত্তং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স পুৰেজাতপচ্চযেন পচ্চযো. আৰম্মণপুৰেজাতং – চিত্তসমুট্ঠানে ৰূপে…পে… ফোট্ঠব্বে অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স সম্পযুত্তকানঞ্চ খন্ধানং পুৰেজাতপচ্চযেন পচ্চযো…পে… ফোট্ঠব্বাযতনং…পে…. (৩)

২১৮. নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… কাযং, ৰূপে…পে… ফোট্ঠব্বে ৱত্থুং অনিচ্চতো…পে… তং আৰব্ভ চিত্তং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং …পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং…পে… ৱত্থু চিত্তস্স পুৰেজাতপচ্চযেন পচ্চযো. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণসহগতানং খন্ধানং…পে… ফোট্ঠব্বাযতনং…পে…. ৱত্থুপুৰেজাতং – চক্খাযতনং চক্খুৱিঞ্ঞাণসহগতানং খন্ধানং…পে… কাযাযতনং…পে… ৱত্থু চিত্তসমুট্ঠানানং খন্ধানং পুৰেজাতপচ্চযেন পচ্চযো. (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… তং আৰব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স সম্পযুত্তকানঞ্চ খন্ধানং…পে… ফোট্ঠব্বাযতনং…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স সম্পযুত্তকানঞ্চ খন্ধানং…পে… কাযাযতনং…পে… ৱত্থু চিত্তস্স সম্পযুত্তকানঞ্চ খন্ধানং পুৰেজাতপচ্চযেন পচ্চযো. (৩)

২১৯. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. চিত্তসমুট্ঠানং ৰূপাযতনঞ্চ চক্খাযতনঞ্চ চক্খুৱিঞ্ঞাণসহগতানং খন্ধানং …পে… চিত্তসমুট্ঠানং ফোট্ঠব্বাযতনঞ্চ কাযাযতনঞ্চ কাযৱিঞ্ঞাণসহগতানং খন্ধানং পুৰেজাতপচ্চযেন পচ্চযো; চিত্তসমুট্ঠানং ৰূপাযতনঞ্চ ৱত্থু চ চিত্তসমুট্ঠানানং খন্ধানং পুৰেজাতপচ্চযেন পচ্চযো…পে… চিত্তসমুট্ঠানং ফোট্ঠব্বাযতনঞ্চ ৱত্থু চ…পে…. (১)

চিত্তসমুট্ঠানো চ নোচিত্তসমুট্ঠানো চ ধম্মা নোচিত্তসমুট্ঠানস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. চিত্তসমুট্ঠানং ৰূপাযতনঞ্চ চক্খাযতনঞ্চ চক্খুৱিঞ্ঞাণস্স…পে… চিত্তসমুট্ঠানং ফোট্ঠব্বাযতনঞ্চ কাযাযতনঞ্চ কাযৱিঞ্ঞাণস্স পুৰেজাতপচ্চযেন পচ্চযো; চিত্তসমুট্ঠানং ৰূপাযতনঞ্চ ৱত্থু চ চিত্তস্স পুৰেজাতপচ্চযেন পচ্চযো…পে… চিত্তসমুট্ঠানং ফোট্ঠব্বাযতনঞ্চ ৱত্থু চ…পে…. (২)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স চ নোচিত্তসমুট্ঠানস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. চিত্তসমুট্ঠানং ৰূপাযতনঞ্চ চক্খাযতনঞ্চ চক্খুৱিঞ্ঞাণস্স সম্পযুত্তকানঞ্চ খন্ধানং পুৰেজাতপচ্চযেন পচ্চযো…পে… চিত্তসমুট্ঠানং ফোট্ঠব্বাযতনং চ…পে… চিত্তসমুট্ঠানং ৰূপাযতনঞ্চ ৱত্থু চ চিত্তস্স সম্পযুত্তকানঞ্চ খন্ধানং পুৰেজাতপচ্চযেন পচ্চযো…পে… চিত্তসমুট্ঠানং ফোট্ঠব্বাযতনঞ্চ ৱত্থু চ…পে…. (৩)

পচ্ছাজাতাসেৱনপচ্চযা

২২০. চিত্তসমুট্ঠানো ধম্মো চিত্তসমুট্ঠানস্স ধম্মস্স পচ্ছাজাতপচ্চযেন পচ্চযো – পচ্ছাজাতা চিত্তসমুট্ঠানা খন্ধা পুৰেজাতস্স ইমস্স চিত্তসমুট্ঠানস্স কাযস্স পচ্ছাজাতপচ্চযেন পচ্চযো (ইমিনাকাৰেনেৱ পচ্ছাজাতো ৱিত্থাৰেতব্বো)… আসেৱনপচ্চযেন পচ্চযো… নৱ.

কম্ম-ৱিপাকপচ্চযা

২২১. চিত্তসমুট্ঠানো ধম্মো চিত্তসমুট্ঠানস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসমুট্ঠানা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসমুট্ঠানা চেতনা ৱিপাকানং খন্ধানং কম্মপচ্চযেন পচ্চযো. (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসমুট্ঠানা চেতনা চিত্তস্স কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসমুট্ঠানা চেতনা ৱিপাকস্স চিত্তস্স কটত্তা চ ৰূপানং কম্মপচ্চযেন পচ্চযো. (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসমুট্ঠানা চেতনা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসমুট্ঠানা চেতনা ৱিপাকানং খন্ধানং চিত্তস্স চ কটত্তা চ ৰূপানং কম্মপচ্চযেন পচ্চযো. (৩)

চিত্তসমুট্ঠানো ধম্মো চিত্তসমুট্ঠানস্স ধম্মস্স ৱিপাকপচ্চযেন পচ্চযো… নৱ.

আহাৰপচ্চযো

২২২. চিত্তসমুট্ঠানো ধম্মো চিত্তসমুট্ঠানস্স ধম্মস্স আহাৰপচ্চযেন পচ্চযো – চিত্তসমুট্ঠানা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে…. (মূলং কাতব্বং) চিত্তসমুট্ঠানা আহাৰা চিত্তস্স আহাৰপচ্চযেন পচ্চযো; পটিসন্ধিক্খণে…পে… চিত্তসমুট্ঠানো কবড়ীকাৰো আহাৰো ইমস্স নোচিত্তসমুট্ঠানস্স কাযস্স আহাৰপচ্চযেন পচ্চযো. (মূলং কাতব্বং) চিত্তসমুট্ঠানা আহাৰা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে…. (৩)

২২৩. নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স আহাৰপচ্চযেন পচ্চযো – পটিসন্ধিক্খণে নোচিত্তসমুট্ঠানা আহাৰা কটত্তাৰূপানং আহাৰপচ্চযেন পচ্চযো; নোচিত্তসমুট্ঠানো কবড়ীকাৰো আহাৰো ইমস্স নোচিত্তসমুট্ঠানস্স কাযস্স আহাৰপচ্চযেন পচ্চযো. (মূলং কাতব্বং) নোচিত্তসমুট্ঠানা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে…. (মূলং কাতব্বং) পটিসন্ধিক্খণে নোচিত্তসমুট্ঠানা আহাৰা সম্পযুত্তকানং খন্ধানং কটত্তা চ ৰূপানং আহাৰপচ্চযেন পচ্চযো. (৩)

২২৪. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স আহাৰপচ্চযেন পচ্চযো – চিত্তসমুট্ঠানা চ নোচিত্তসমুট্ঠানা চ আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে…. (মূলং কাতব্বং) পটিসন্ধিক্খণে চিত্তসমুট্ঠানা চ নোচিত্তসমুট্ঠানা চ আহাৰা কটত্তাৰূপানং আহাৰপচ্চযেন পচ্চযো; চিত্তসমুট্ঠানো চ নোচিত্তসমুট্ঠানো চ কবড়ীকাৰো আহাৰো ইমস্স নোচিত্তসমুট্ঠানস্স কাযস্স আহাৰপচ্চযেন পচ্চযো. (মূলং কাতব্বং) পটিসন্ধিক্খণে চিত্তসমুট্ঠানা চ নোচিত্তসমুট্ঠানা চ আহাৰা সম্পযুত্তকানং খন্ধানং কটত্তা চ ৰূপানং আহাৰপচ্চযেন পচ্চযো. (৩)

ইন্দ্ৰিযপচ্চযাদি

২২৫. চিত্তসমুট্ঠানো ধম্মো চিত্তসমুট্ঠানস্স ধম্মস্স ইন্দ্ৰিযপচ্চযেন পচ্চযো… তীণি.

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স ইন্দ্ৰিযপচ্চযেন পচ্চযো – পটিসন্ধিক্খণে নোচিত্তসমুট্ঠানা ইন্দ্ৰিযা কটত্তাৰূপানং ইন্দ্ৰিযপচ্চযেন পচ্চযো; পটিসন্ধিক্খণে…পে… চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স…পে… ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো. (মূলং কাতব্বং) নোচিত্তসমুট্ঠানা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে…পে… চক্খুন্দ্ৰিযং চক্খুৱিঞ্ঞাণসহগতানং খন্ধানং…পে… কাযিন্দ্ৰিযং…পে…. (মূলং কাতব্বং) পটিসন্ধিক্খণে নোচিত্তসমুট্ঠানা ইন্দ্ৰিযা সম্পযুত্তকানং খন্ধানং কটত্তা চ ৰূপানং ইন্দ্ৰিযপচ্চযেন পচ্চযো; চক্খুন্দ্ৰিযং চক্খুৱিঞ্ঞাণস্স চক্খুৱিঞ্ঞাণসহগতানঞ্চ খন্ধানং…পে… কাযিন্দ্ৰিযং…পে…. (৩)

২২৬. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স ইন্দ্ৰিযপচ্চযেন পচ্চযো – চিত্তসমুট্ঠানা চ নোচিত্তসমুট্ঠানা চ ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে…পে… চক্খুন্দ্ৰিযঞ্চ উপেক্খিন্দ্ৰিযঞ্চ চক্খুৱিঞ্ঞাণসহগতানং খন্ধানং…পে… কাযিন্দ্ৰিযঞ্চ সুখিন্দ্ৰিযঞ্চ…পে… কাযিন্দ্ৰিযঞ্চ দুক্খিন্দ্ৰিযঞ্চ কাযৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো. (মূলং কাতব্বং) পটিসন্ধিক্খণে চিত্তসমুট্ঠানা চ নোচিত্তসমুট্ঠানা চ ইন্দ্ৰিযা কটত্তাৰূপানং ইন্দ্ৰিযপচ্চযেন পচ্চযো; চক্খুন্দ্ৰিযঞ্চ উপেক্খিন্দ্ৰিযঞ্চ চক্খুৱিঞ্ঞাণস্স …পে… কাযিন্দ্ৰিযঞ্চ…পে…. (মূলং কাতব্বং) পটিসন্ধিক্খণে চিত্তসমুট্ঠানা চ নোচিত্তসমুট্ঠানা চ ইন্দ্ৰিযা সম্পযুত্তকানং খন্ধানং কটত্তা চ ৰূপানং ইন্দ্ৰিযপচ্চযেন পচ্চযো; চক্খুন্দ্ৰিযঞ্চ উপেক্খিন্দ্ৰিযঞ্চ চক্খুৱিঞ্ঞাণস্স সম্পযুত্তকানঞ্চ খন্ধানং ইন্দ্ৰিযপচ্চযেন পচ্চযো; কাযিন্দ্ৰিযং চ…পে…. (৩)

ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… পঞ্চ…পে….

ৱিপ্পযুত্তপচ্চযো

২২৭. চিত্তসমুট্ঠানো ধম্মো চিত্তসমুট্ঠানস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতং – পটিসন্ধিক্খণে (সংখিত্তং). (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স ৱিপ্পযুত্তপচ্চযেন পচ্চযো… পচ্ছাজাতং (সংখিত্তং). (৩)

২২৮. নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতং – পটিসন্ধিক্খণে চিত্তং কটত্তা ৰূপানং ৱিপ্পযুত্তপচ্চযেন পচ্চযো, চিত্তং ৱত্থুস্স ৱিপ্পযুত্তপচ্চযেন পচ্চযো, ৱত্থু চিত্তস্স ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু চিত্তস্স ৱিপ্পযুত্তপচ্চযেন পচ্চযো. পচ্ছাজাতা – নোচিত্তসমুট্ঠানা খন্ধা পুৰেজাতস্স ইমস্স নোচিত্তসমুট্ঠানস্স কাযস্স ৱিপ্পযুত্তপচ্চযেন পচ্চযো. (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (৩)

২২৯. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

চিত্তসমুট্ঠানো চ নোচিত্তসমুট্ঠানো চ ধম্মা নোচিত্তসমুট্ঠানস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (২)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স চ নোচিত্তসমুট্ঠানস্স চ ধম্মস্স ৱিপ্পযুত্তপচ্চযেন পচ্চযো… পচ্ছাজাতং (সংখিত্তং). (৩)

অত্থিপচ্চযাদি

২৩০. চিত্তসমুট্ঠানো ধম্মো চিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (১)

চিত্তসমুট্ঠানো ধম্মো নোচিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং (সংখিত্তং). (২)

চিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (৩)

নোচিত্তসমুট্ঠানো ধম্মো নোচিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (১)

নোচিত্তসমুট্ঠানো ধম্মো চিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (২)

নোচিত্তসমুট্ঠানো ধম্মো চিত্তসমুট্ঠানস্স চ নোচিত্তসমুট্ঠানস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং (সংখিত্তং). (৩)

২৩১. চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতো – চক্খুৱিঞ্ঞাণসহগতো একো খন্ধো…পে… (সংখিত্তং). (১)

চিত্তসমুট্ঠানো চ নোচিত্তসমুট্ঠানো চ ধম্মা নোচিত্তসমুট্ঠানস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – চক্খুৱিঞ্ঞাণসহগতা খন্ধা চ চক্খাযতনঞ্চ চক্খুৱিঞ্ঞাণস্স অত্থিপচ্চযেন পচ্চযো…পে… কাযৱিঞ্ঞাণসহগতা…পে…. সহজাতা – চিত্তসমুট্ঠানা…পে… (পচ্চযৱাৰসদিসং পটিসন্ধিপি পৱত্তিপি কাতব্বা সব্বেসম্পি পঞ্হানং.) পচ্ছাজাতা – চিত্তসমুট্ঠানা খন্ধা চ চিত্তঞ্চ পুৰেজাতস্স ইমস্স নোচিত্তসমুট্ঠানস্স কাযস্স অত্থিপচ্চযেন পচ্চযো. পচ্ছাজাতা – চিত্তসমুট্ঠানা খন্ধা চ চিত্তঞ্চ কবড়ীকাৰো আহাৰো চ ইমস্স নোচিত্তসমুট্ঠানস্স কাযস্স অত্থিপচ্চযেন পচ্চযো. পচ্ছাজাতা – চিত্তসমুট্ঠানা খন্ধা চ চিত্তঞ্চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

চিত্তসমুট্ঠানো চ নোচিত্তসমুট্ঠানো চ ধম্মা চিত্তসমুট্ঠানস্স চ নোচিত্তসমুট্ঠানস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতো – চক্খুৱিঞ্ঞাণসহগতো…পে… (সংখিত্তং). (৩)

নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.