১-৪. পচ্চযানুলোমাদি

২০৮. চিত্তসমুট্ঠানং ধম্মং সংসট্ঠো চিত্তসমুট্ঠানো ধম্মো উপ্পজ্জতি হেতুপচ্চযা – চিত্তসমুট্ঠানং একং খন্ধং সংসট্ঠা দ্ৱে খন্ধা, দ্ৱে খন্ধে…পে… পটিসন্ধিক্খণে…পে…. (১)

চিত্তসমুট্ঠানং ধম্মং সংসট্ঠো নোচিত্তসমুট্ঠানো ধম্মো উপ্পজ্জতি হেতুপচ্চযা – চিত্তসমুট্ঠানে খন্ধে সংসট্ঠং চিত্তং; পটিসন্ধিক্খণে…পে…. (২)

চিত্তসমুট্ঠানং ধম্মং সংসট্ঠো চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি হেতুপচ্চযা – চিত্তসমুট্ঠানং একং খন্ধং সংসট্ঠা দ্ৱে খন্ধা চিত্তঞ্চ, দ্ৱে খন্ধে…পে… পটিসন্ধিক্খণে…পে…. (৩)

২০৯. নোচিত্তসমুট্ঠানং ধম্মং সংসট্ঠো চিত্তসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠা সম্পযুত্তকা খন্ধা; পটিসন্ধিক্খণে…পে…. (১)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং সংসট্ঠো চিত্তসমুট্ঠানো ধম্মো উপ্পজ্জতি হেতুপচ্চযা – চিত্তসমুট্ঠানং একং খন্ধঞ্চ চিত্তঞ্চ সংসট্ঠা দ্ৱে খন্ধা, দ্ৱে খন্ধে…পে… পটিসন্ধিক্খণে…পে… (সংখিত্তং). (১)

হেতুযা পঞ্চ, আৰম্মণে পঞ্চ (সব্বত্থ পঞ্চ), অৱিগতে পঞ্চ.

চিত্তসমুট্ঠানং ধম্মং সংসট্ঠো চিত্তসমুট্ঠানো ধম্মো উপ্পজ্জতি নহেতুপচ্চযা (পঞ্চ পঞ্হা কাতব্বা. তীণি. মোহো).

নহেতুযা পঞ্চ, নঅধিপতিযা পঞ্চ, নপুৰেজাতে পঞ্চ, নপচ্ছাজাতে পঞ্চ, নআসেৱনে পঞ্চ, নকম্মে তীণি, নৱিপাকে পঞ্চ, নঝানে পঞ্চ, নমগ্গে পঞ্চ, নৱিপ্পযুত্তে পঞ্চ.