১. ৱিভঙ্গৱাৰো

হেতুপচ্চযো

১৮৬. চিত্তসমুট্ঠানং ধম্মং পটিচ্চ চিত্তসমুট্ঠানো ধম্মো উপ্পজ্জতি হেতুপচ্চযা – চিত্তসমুট্ঠানং একং খন্ধং পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে…পে… পটিসন্ধিক্খণে চিত্তসমুট্ঠানং একং খন্ধং পটিচ্চ দ্ৱে খন্ধা, দ্ৱে খন্ধে…পে… একং মহাভূতং…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

চিত্তসমুট্ঠানং ধম্মং পটিচ্চ নোচিত্তসমুট্ঠানো ধম্মো উপ্পজ্জতি হেতুপচ্চযা – চিত্তসমুট্ঠানে খন্ধে পটিচ্চ চিত্তং; পটিসন্ধিক্খণে চিত্তসমুট্ঠানে খন্ধে পটিচ্চ চিত্তং কটত্তা চ ৰূপং. (২)

চিত্তসমুট্ঠানং ধম্মং পটিচ্চ চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি হেতুপচ্চযা – চিত্তসমুট্ঠানং একং খন্ধং পটিচ্চ দ্ৱে খন্ধা চিত্তঞ্চ চিত্তসমুট্ঠানঞ্চ ৰূপং, দ্ৱে খন্ধে…পে… পটিসন্ধিক্খণে চিত্তসমুট্ঠানং একং খন্ধং পটিচ্চ দ্ৱে খন্ধা চিত্তঞ্চ কটত্তা চ ৰূপং, দ্ৱে খন্ধে…পে…. (৩)

১৮৭. নোচিত্তসমুট্ঠানং ধম্মং পটিচ্চ নোচিত্তসমুট্ঠানো ধম্মো উপ্পজ্জতি হেতুপচ্চযা – পটিসন্ধিক্খণে চিত্তং পটিচ্চ কটত্তাৰূপং; চিত্তং পটিচ্চ ৱত্থু, ৱত্থুং পটিচ্চ চিত্তং, একং মহাভূতং…পে… মহাভূতে পটিচ্চ কটত্তাৰূপং উপাদাৰূপং. (১)

নোচিত্তসমুট্ঠানং ধম্মং পটিচ্চ চিত্তসমুট্ঠানো ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং; পটিসন্ধিক্খণে চিত্তং পটিচ্চ সম্পযুত্তকা খন্ধা, পটিসন্ধিক্খণে ৱত্থুং পটিচ্চ চিত্তসমুট্ঠানা খন্ধা. (২)

নোচিত্তসমুট্ঠানং ধম্মং পটিচ্চ চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি হেতুপচ্চযা – পটিসন্ধিক্খণে চিত্তং পটিচ্চ সম্পযুত্তকা খন্ধা কটত্তা চ ৰূপং; পটিসন্ধিক্খণে ৱত্থুং পটিচ্চ চিত্তং সম্পযুত্তকা চ খন্ধা. (৩)

১৮৮. চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ চিত্তসমুট্ঠানো ধম্মো উপ্পজ্জতি হেতুপচ্চযা – চিত্তসমুট্ঠানং একং খন্ধঞ্চ চিত্তঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে চ…পে… পটিসন্ধিক্খণে চিত্তসমুট্ঠানং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে চ…পে… পটিসন্ধিক্খণে চিত্তসমুট্ঠানং একং খন্ধঞ্চ ৱত্থুঞ্চ পটিচ্চ দ্ৱে খন্ধা, দ্ৱে খন্ধে চ…পে…. (১)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ নোচিত্তসমুট্ঠানো ধম্মো উপ্পজ্জতি হেতুপচ্চযা – পটিসন্ধিক্খণে চিত্তসমুট্ঠানে খন্ধে চ চিত্তঞ্চ পটিচ্চ কটত্তাৰূপং; পটিসন্ধিক্খণে চিত্তসমুট্ঠানে খন্ধে চ মহাভূতে চ পটিচ্চ কটত্তাৰূপং, পটিসন্ধিক্খণে চিত্তসমুট্ঠানে খন্ধে চ ৱত্থুঞ্চ পটিচ্চ চিত্তং. (২)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি হেতুপচ্চযা – পটিসন্ধিক্খণে চিত্তসমুট্ঠানং একং খন্ধঞ্চ চিত্তঞ্চ পটিচ্চ দ্ৱে খন্ধা কটত্তা চ ৰূপং, দ্ৱে খন্ধে চ…পে… পটিসন্ধিক্খণে চিত্তসমুট্ঠানং একং খন্ধঞ্চ ৱত্থুঞ্চ পটিচ্চ দ্ৱে খন্ধা চিত্তঞ্চ, দ্ৱে খন্ধে চ…পে…. (৩)

আৰম্মণপচ্চযো

১৮৯. চিত্তসমুট্ঠানং ধম্মং পটিচ্চ চিত্তসমুট্ঠানো ধম্মো উপ্পজ্জতি আৰম্মণপচ্চযা – চিত্তসমুট্ঠানং একং খন্ধং পটিচ্চ দ্ৱে খন্ধা, দ্ৱে খন্ধে…পে… পটিসন্ধিক্খণে…পে…. (১)

চিত্তসমুট্ঠানং ধম্মং পটিচ্চ নোচিত্তসমুট্ঠানো ধম্মো উপ্পজ্জতি আৰম্মণপচ্চযা – চিত্তসমুট্ঠানে খন্ধে পটিচ্চ চিত্তং; পটিসন্ধিক্খণে…পে…. (২)

চিত্তসমুট্ঠানং ধম্মং পটিচ্চ চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি আৰম্মণপচ্চযা – চিত্তসমুট্ঠানং একং খন্ধং পটিচ্চ দ্ৱে খন্ধা চিত্তঞ্চ, দ্ৱে খন্ধে…পে… পটিসন্ধিক্খণে…পে…. (৩)

১৯০. নোচিত্তসমুট্ঠানং ধম্মং পটিচ্চ নোচিত্তসমুট্ঠানো ধম্মো উপ্পজ্জতি আৰম্মণপচ্চযা – পটিসন্ধিক্খণে ৱত্থুং পটিচ্চ চিত্তং. (১)

নোচিত্তসমুট্ঠানং ধম্মং পটিচ্চ চিত্তসমুট্ঠানো ধম্মো উপ্পজ্জতি আৰম্মণপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে চিত্তং পটিচ্চ সম্পযুত্তকা খন্ধা; পটিসন্ধিক্খণে ৱত্থুং পটিচ্চ চিত্তসমুট্ঠানা খন্ধা. (২)

নোচিত্তসমুট্ঠানং ধম্মং পটিচ্চ চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি আৰম্মণপচ্চযা – পটিসন্ধিক্খণে ৱত্থুং পটিচ্চ চিত্তং সম্পযুত্তকা চ খন্ধা. (৩)

১৯১. চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ চিত্তসমুট্ঠানো ধম্মো উপ্পজ্জতি আৰম্মণপচ্চযা – চিত্তসমুট্ঠানং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে…পে… পটিসন্ধিক্খণে চিত্তসমুট্ঠানং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে…পে… পটিসন্ধিক্খণে চিত্তসমুট্ঠানং একং খন্ধঞ্চ ৱত্থুঞ্চ পটিচ্চ দ্ৱে খন্ধা, দ্ৱে খন্ধে…পে…. (১)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ নোচিত্তসমুট্ঠানো ধম্মো উপ্পজ্জতি আৰম্মণপচ্চযা – পটিসন্ধিক্খণে চিত্তসমুট্ঠানে খন্ধে চ ৱত্থুঞ্চ পটিচ্চ চিত্তং. (২)

চিত্তসমুট্ঠানঞ্চ নোচিত্তসমুট্ঠানঞ্চ ধম্মং পটিচ্চ চিত্তসমুট্ঠানো চ নোচিত্তসমুট্ঠানো চ ধম্মা উপ্পজ্জন্তি আৰম্মণপচ্চযা – পটিসন্ধিক্খণে চিত্তসমুট্ঠানং একং খন্ধঞ্চ ৱত্থুঞ্চ পটিচ্চ দ্ৱে খন্ধা চিত্তঞ্চ, দ্ৱে খন্ধে…পে…. (৩)