২. সঙ্খ্যাৱাৰো

সুদ্ধং

১৭৯. হেতুযা তীণি, আৰম্মণে দ্ৱে, অধিপতিযা চত্তাৰি, অনন্তৰে একং, সমনন্তৰে একং, সহজাতে সত্ত, অঞ্ঞমঞ্ঞে ছ, নিস্সযে সত্ত, উপনিস্সযে দ্ৱে, পুৰেজাতে একং, পচ্ছাজাতে একং, আসেৱনে একং, কম্মে তীণি, ৱিপাকে তীণি, আহাৰে চত্তাৰি, ইন্দ্ৰিযে ছ, ঝানে তীণি, মগ্গে তীণি, সম্পযুত্তে একং, ৱিপ্পযুত্তে দ্ৱে, অত্থিযা সত্ত, নত্থিযা একং, ৱিগতে একং, অৱিগতে সত্ত.

অনুলোমং.

পচ্চনীযুদ্ধাৰো

১৮০. চিত্তসম্পযুত্তো ধম্মো চিত্তসম্পযুত্তস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (১)

চিত্তসম্পযুত্তো ধম্মো চিত্তৱিপ্পযুত্তস্স ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৱিপ্পযুত্তস্স চ ধম্মস্স সহজাতপচ্চযেন পচ্চযো… কম্মপচ্চযেন পচ্চযো. (৩)

১৮১. চিত্তৱিপ্পযুত্তো ধম্মো চিত্তৱিপ্পযুত্তস্স ধম্মস্স সহজাতপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)

চিত্তৱিপ্পযুত্তো ধম্মো চিত্তসম্পযুত্তস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (২)

চিত্তসম্পযুত্তো চ চিত্তৱিপ্পযুত্তো চ ধম্মা চিত্তসম্পযুত্তস্স ধম্মস্স সহজাতং, পুৰেজাতং. (১)

চিত্তসম্পযুত্তো চ চিত্তৱিপ্পযুত্তো চ ধম্মা চিত্তৱিপ্পযুত্তস্স সহজাতং, পচ্ছাজাতং, আহাৰং, ইন্দ্ৰিযং. (২)