১. ৱিভঙ্গৱাৰো

হেতুপচ্চযো

১৬৩. চিত্তসম্পযুত্তো ধম্মো চিত্তসম্পযুত্তস্স ধম্মস্স হেতুপচ্চযেন পচ্চযো – চিত্তসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (১)

চিত্তসম্পযুত্তো ধম্মো চিত্তৱিপ্পযুত্তস্স ধম্মস্স হেতুপচ্চযেন পচ্চযো – চিত্তসম্পযুত্তা হেতূ চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৱিপ্পযুত্তস্স চ ধম্মস্স হেতুপচ্চযেন পচ্চযো – চিত্তসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (৩)

আৰম্মণপচ্চযো

১৬৪. চিত্তসম্পযুত্তো ধম্মো চিত্তসম্পযুত্তস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা ৱুট্ঠহিত্ৱা ঝানং…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি. পহীনে কিলেসে…পে… ৱিক্খম্ভিতে কিলেসে পচ্চৱেক্খন্তি. পুব্বে সমুদাচিণ্ণে কিলেসে জানন্তি. চিত্তসম্পযুত্তে খন্ধে অনিচ্চতো…পে… দোমনস্সং উপ্পজ্জতি. চেতোপৰিযঞাণেন চিত্তসম্পযুত্তসমঙ্গিস্স চিত্তং জানন্তি. আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… চিত্তসম্পযুত্তা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

১৬৫. চিত্তৱিপ্পযুত্তো ধম্মো চিত্তসম্পযুত্তস্স ধম্মস্স আৰম্মণপচ্চযেন পচ্চযো – অৰিযা নিব্বানং পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; চক্খুং…পে… ৱত্থুং চিত্তৱিপ্পযুত্তে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণসহগতানং খন্ধানং…পে… ফোট্ঠব্বাযতনং…পে… চিত্তৱিপ্পযুত্তা খন্ধা ইদ্ধিৱিধঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অধিপতিপচ্চযো

১৬৬. চিত্তসম্পযুত্তো ধম্মো চিত্তসম্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. পুব্বে…পে… ঝানা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং গৰুং কত্ৱা পচ্চৱেক্খন্তি, চিত্তসম্পযুত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – চিত্তসম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

চিত্তসম্পযুত্তো ধম্মো চিত্তৱিপ্পযুত্তস্স ধম্মস্স অধিপতিপচ্চযেন পচ্চযো. সহজাতাধিপতি – চিত্তসম্পযুত্তাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৱিপ্পযুত্তস্স চ ধম্মস্স অধিপতিপচ্চযেন পচ্চযো. সহজাতাধিপতি – চিত্তসম্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

১৬৭. চিত্তৱিপ্পযুত্তো ধম্মো চিত্তসম্পযুত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা নিব্বানং গৰুং কত্ৱা পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, অধিপতিপচ্চযেন পচ্চযো; চক্খুং…পে… ৱত্থুং চিত্তৱিপ্পযুত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

অনন্তৰপচ্চযাদি

১৬৮. চিত্তসম্পযুত্তো ধম্মো চিত্তসম্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা চিত্তসম্পযুত্তা খন্ধা…পে… ফলসমাপত্তিযা অনন্তৰপচ্চযেন পচ্চযো… সমনন্তৰপচ্চযেন পচ্চযো… সহজাতপচ্চযেন পচ্চযো… সত্ত (পটিচ্চসদিসা, পঞ্হাঘটনা নত্থি)… অঞ্ঞমঞ্ঞপচ্চযেন পচ্চযো… ছ (পটিচ্চসদিসা)… নিস্সযপচ্চযেন পচ্চযো… সত্ত (পচ্চযৱাৰসদিসা, পঞ্হাঘটনা নত্থি).

উপনিস্সযপচ্চযো

১৬৯. চিত্তসম্পযুত্তো ধম্মো চিত্তসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো …পে…. পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি; সীলং…পে… পত্থনং কাযিকং সুখং… কাযিকং দুক্খং উপনিস্সায দানং দেতি…পে… পাণং হনতি…পে… সঙ্ঘং ভিন্দতি; সদ্ধা…পে… কাযিকং দুক্খং সদ্ধায…পে… মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

চিত্তৱিপ্পযুত্তো ধম্মো চিত্তসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি; উতু… ভোজনং… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

পুৰেজাতপচ্চযো

১৭০. চিত্তৱিপ্পযুত্তো ধম্মো চিত্তসম্পযুত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণসহগতানং খন্ধানং…পে… ফোট্ঠব্বাযতনং…পে…. ৱত্থুপুৰেজাতং – চক্খাযতনং চক্খুৱিঞ্ঞাণসহগতানং খন্ধানং…পে… কাযাযতনং…পে… ৱত্থু চিত্তসম্পযুত্তকানং খন্ধানং পুৰেজাতপচ্চযেন পচ্চযো. (১)

পচ্ছাজাতাসেৱনপচ্চযা

১৭১. চিত্তসম্পযুত্তো ধম্মো চিত্তৱিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং) একং, আসেৱনপচ্চযেন পচ্চযো … একং.

কম্মপচ্চযো

১৭২. চিত্তসম্পযুত্তো ধম্মো চিত্তসম্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসম্পযুত্তা চেতনা ৱিপাকানং খন্ধানং কম্মপচ্চযেন পচ্চযো. (১)

চিত্তসম্পযুত্তো ধম্মো চিত্তৱিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসম্পযুত্তা চেতনা চিত্তসমুট্ঠানানং ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসম্পযুত্তা চেতনা কটত্তাৰূপানং কম্মপচ্চযেন পচ্চযো. (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৱিপ্পযুত্তস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চিত্তসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চিত্তসম্পযুত্তা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (৩)

ৱিপাকাহাৰপচ্চযা

১৭৩. চিত্তসম্পযুত্তো ধম্মো চিত্তসম্পযুত্তস্স ধম্মস্স ৱিপাকপচ্চযেন পচ্চযো… তীণি.

চিত্তসম্পযুত্তো ধম্মো চিত্তসম্পযুত্তস্স ধম্মস্স আহাৰপচ্চযেন পচ্চযো… তীণি.

চিত্তৱিপ্পযুত্তো ধম্মো চিত্তৱিপ্পযুত্তস্স ধম্মস্স আহাৰপচ্চযেন পচ্চযো – কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)

ইন্দ্ৰিযপচ্চযাদি

১৭৪. চিত্তসম্পযুত্তো ধম্মো চিত্তসম্পযুত্তস্স ধম্মস্স ইন্দ্ৰিযপচ্চযেন পচ্চযো… তীণি.

চিত্তৱিপ্পযুত্তো ধম্মো চিত্তৱিপ্পযুত্তস্স ধম্মস্স ইন্দ্ৰিযপচ্চযেন পচ্চযো – ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো. (১)

চিত্তৱিপ্পযুত্তো ধম্মো চিত্তসম্পযুত্তস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযং চক্খুৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো…পে… কাযিন্দ্ৰিযং…পে…. (২)

চিত্তসম্পযুত্তো চ চিত্তৱিপ্পযুত্তো চ ধম্মা চিত্তসম্পযুত্তস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযঞ্চ উপেক্খিন্দ্ৰিযঞ্চ চক্খুৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো …পে… কাযিন্দ্ৰিযঞ্চ সুখিন্দ্ৰিযঞ্চ…পে… কাযিন্দ্ৰিযঞ্চ দুক্খিন্দ্ৰিযঞ্চ কাযৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো. (১)

ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… একং.

ৱিপ্পযুত্তপচ্চযো

১৭৫. চিত্তসম্পযুত্তো ধম্মো চিত্তৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

চিত্তৱিপ্পযুত্তো ধম্মো চিত্তসম্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু চিত্তসম্পযুত্তকানং খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণসহগতানং খন্ধানং ৱিপ্পযুত্তপচ্চযেন পচ্চযো…পে… কাযাযতনং …পে… ৱত্থু চিত্তসম্পযুত্তকানং খন্ধানং ৱিপ্পযুত্তপচ্চযেন পচ্চযো. (১)

অত্থিপচ্চযো

১৭৬. চিত্তসম্পযুত্তো ধম্মো চিত্তসম্পযুত্তস্স ধম্মস্স অত্থিপচ্চযেন পচ্চযো… একং (পটিচ্চসদিসং). (১)

চিত্তসম্পযুত্তো ধম্মো চিত্তৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)

চিত্তসম্পযুত্তো ধম্মো চিত্তসম্পযুত্তস্স চ চিত্তৱিপ্পযুত্তস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)

১৭৭. চিত্তৱিপ্পযুত্তো ধম্মো চিত্তৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, আহাৰং, ইন্দ্ৰিযং (সংখিত্তং). (১)

চিত্তৱিপ্পযুত্তো ধম্মো চিত্তসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু চিত্তসম্পযুত্তকানং খন্ধানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অনিচ্চতো…পে… (পুৰেজাতসদিসং). (২)

১৭৮. চিত্তসম্পযুত্তো চ চিত্তৱিপ্পযুত্তো চ ধম্মা চিত্তসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – চক্খুৱিঞ্ঞাণসহগতো একো খন্ধো চ চক্খাযতনঞ্চ দ্ৱিন্নং খন্ধানং…পে… কাযৱিঞ্ঞাণসহগতো একো খন্ধো চ কাযাযতনঞ্চ দ্ৱিন্নং খন্ধানং…পে… চিত্তসম্পযুত্তো একো খন্ধো চ ৱত্থু চ দ্ৱিন্নং খন্ধানং…পে… দ্ৱে খন্ধা চ…পে… পটিসন্ধিক্খণে…পে…. (১)

চিত্তসম্পযুত্তো চ চিত্তৱিপ্পযুত্তো চ ধম্মা চিত্তৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – চিত্তসম্পযুত্তা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – চিত্তসম্পযুত্তকা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – চিত্তসম্পযুত্তকা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)