১. ৱিভঙ্গৱাৰো

হেতুপচ্চযো

১৪৪. চিত্তসম্পযুত্তং ধম্মং পটিচ্চ চিত্তসম্পযুত্তো ধম্মো উপ্পজ্জতি হেতুপচ্চযা – চিত্তসম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; পটিসন্ধিক্খণে…পে…. (১)

চিত্তসম্পযুত্তং ধম্মং পটিচ্চ চিত্তৱিপ্পযুত্তো ধম্মো উপ্পজ্জতি হেতুপচ্চযা – চিত্তসম্পযুত্তে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (২)

চিত্তসম্পযুত্তং ধম্মং পটিচ্চ চিত্তসম্পযুত্তো চ চিত্তৱিপ্পযুত্তো চ ধম্মা উপ্পজ্জন্তি হেতুপচ্চযা – চিত্তসম্পযুত্তং একং খন্ধং পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে…পে… পটিসন্ধিক্খণে…পে…. (৩)

১৪৫. চিত্তৱিপ্পযুত্তং ধম্মং পটিচ্চ চিত্তৱিপ্পযুত্তো ধম্মো উপ্পজ্জতি হেতুপচ্চযা – একং মহাভূতং…পে… মহাভূতে পটিচ্চ চিত্তসমুট্ঠানং ৰূপং…পে… পটিসন্ধিক্খণে…পে… একং মহাভূতং…পে… মহাভূতে পটিচ্চ কটত্তাৰূপং উপাদাৰূপং. (১)

চিত্তৱিপ্পযুত্তং ধম্মং পটিচ্চ চিত্তসম্পযুত্তো ধম্মো উপ্পজ্জতি হেতুপচ্চযা – পটিসন্ধিক্খণে ৱত্থুং পটিচ্চ চিত্তসম্পযুত্তকা খন্ধা. (২)

চিত্তৱিপ্পযুত্তং ধম্মং পটিচ্চ চিত্তসম্পযুত্তো চ চিত্তৱিপ্পযুত্তো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৱত্থুং পটিচ্চ চিত্তসম্পযুত্তকা খন্ধা, মহাভূতে পটিচ্চ কটত্তাৰূপং. (৩)

১৪৬. চিত্তসম্পযুত্তঞ্চ চিত্তৱিপ্পযুত্তঞ্চ ধম্মং পটিচ্চ চিত্তসম্পযুত্তো ধম্মো উপ্পজ্জতি হেতুপচ্চযা – পটিসন্ধিক্খণে চিত্তসম্পযুত্তং একং খন্ধঞ্চ ৱত্থুঞ্চ পটিচ্চ দ্ৱে খন্ধা, দ্ৱে খন্ধে চ…পে…. (১)

চিত্তসম্পযুত্তঞ্চ চিত্তৱিপ্পযুত্তঞ্চ ধম্মং পটিচ্চ চিত্তৱিপ্পযুত্তো ধম্মো উপ্পজ্জতি হেতুপচ্চযা – চিত্তসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে চিত্তসম্পযুত্তে খন্ধে চ মহাভূতে চ পটিচ্চ কটত্তাৰূপং. (২)

চিত্তসম্পযুত্তঞ্চ চিত্তৱিপ্পযুত্তঞ্চ ধম্মং পটিচ্চ চিত্তসম্পযুত্তো চ চিত্তৱিপ্পযুত্তো চ ধম্মা উপ্পজ্জন্তি হেতুপচ্চযা – পটিসন্ধিক্খণে চিত্তসম্পযুত্তং একং খন্ধঞ্চ ৱত্থুঞ্চ পটিচ্চ দ্ৱে খন্ধা, দ্ৱে খন্ধে চ…পে… চিত্তসম্পযুত্তে খন্ধে চ মহাভূতে চ পটিচ্চ কটত্তাৰূপং. (৩)

আৰম্মণপচ্চযো

১৪৭. চিত্তসম্পযুত্তং ধম্মং পটিচ্চ চিত্তসম্পযুত্তো ধম্মো উপ্পজ্জতি আৰম্মণপচ্চযা – চিত্তসম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে…পে… পটিসন্ধিক্খণে…পে…. (১)

চিত্তৱিপ্পযুত্তং ধম্মং পটিচ্চ চিত্তসম্পযুত্তো ধম্মো উপ্পজ্জতি আৰম্মণপচ্চযা – পটিসন্ধিক্খণে ৱত্থুং পটিচ্চ চিত্তসম্পযুত্তকা খন্ধা. (১)

চিত্তসম্পযুত্তঞ্চ চিত্তৱিপ্পযুত্তঞ্চ ধম্মং পটিচ্চ চিত্তসম্পযুত্তো ধম্মো উপ্পজ্জতি আৰম্মণপচ্চযা – পটিসন্ধিক্খণে চিত্তসম্পযুত্তং একং খন্ধঞ্চ ৱত্থুঞ্চ পটিচ্চ দ্ৱে খন্ধা, দ্ৱে খন্ধে চ…পে… (সংখিত্তং). (১)