১. ৱিভঙ্গৱাৰো

হেতুপচ্চযো

১১৯. চেতসিকো ধম্মো চেতসিকস্স ধম্মস্স হেতুপচ্চযেন পচ্চযো – চেতসিকা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (১)

চেতসিকো ধম্মো অচেতসিকস্স ধম্মস্স হেতুপচ্চযেন পচ্চযো – চেতসিকা হেতূ চিত্তস্স চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (২)

চেতসিকো ধম্মো চেতসিকস্স চ অচেতসিকস্স চ ধম্মস্স হেতুপচ্চযেন পচ্চযো – চেতসিকা হেতূ সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (৩)

আৰম্মণপচ্চযো

১২০. চেতসিকো ধম্মো চেতসিকস্স ধম্মস্স আৰম্মণপচ্চযেন পচ্চযো – চেতসিকে খন্ধে আৰব্ভ চেতসিকা খন্ধা উপ্পজন্তি. (মূলং পুচ্ছিতব্বং) চেতসিকে খন্ধে আৰব্ভ চিত্তং উপ্পজ্জতি. (মূলং পুচ্ছিতব্বং) চেতসিকে খন্ধে আৰব্ভ চেতসিকা খন্ধা চ চিত্তঞ্চ উপ্পজ্জন্তি. (৩)

১২১. অচেতসিকো ধম্মো অচেতসিকস্স ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা…পে… ফলং পচ্চৱেক্খন্তি, নিব্বানং পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; চক্খুং…পে… ৱত্থুং অচেতসিকে খন্ধে অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ চিত্তং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন অচেতসিকচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… অচেতসিকা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা…পে… নিব্বানং পচ্চৱেক্খন্তি (পঠমগমনসদিসং); চক্খুং…পে… ৱত্থুং অচেতসিকে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন অচেতসিকচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণসহগতানং খন্ধানং…পে… ফোট্ঠব্বাযতনং কাযৱিঞ্ঞাণসহগতানং খন্ধানং…পে… অচেতসিকা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

অচেতসিকো ধম্মো চেতসিকস্স চ অচেতসিকস্স চ ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা…পে… নিব্বানং পচ্চৱেক্খন্তি (পঠমগমনসদিসং); চক্খুং…পে… ৱত্থুং অচেতসিকে খন্ধে অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা ৰূপং পস্সতি…পে… ৰূপাযতনং চক্খুৱিঞ্ঞাণস্স সম্পযুত্তকানঞ্চ খন্ধানং আৰম্মণপচ্চযেন পচ্চযো…পে… ফোট্ঠব্বাযতনং কাযৱিঞ্ঞাণস্স সম্পযুত্তকানঞ্চ খন্ধানং…পে… অচেতসিকা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

১২২. চেতসিকো চ অচেতসিকো চ ধম্মা চেতসিকস্স ধম্মস্স আৰম্মণপচ্চযেন পচ্চযো – চেতসিকে খন্ধে চ চিত্তঞ্চ আৰব্ভ চেতসিকা খন্ধা উপ্পজ্জন্তি. (মূলং পুচ্ছিতব্বং) চেতসিকে খন্ধে চ চিত্তঞ্চ আৰব্ভ চিত্তং উপ্পজ্জতি. (মূলং পুচ্ছিতব্বং) চেতসিকে খন্ধে চ চিত্তঞ্চ আৰব্ভ চেতসিকা খন্ধা চ চিত্তঞ্চ উপ্পজ্জন্তি. (৩)

অধিপতিপচ্চযো

১২৩. চেতসিকো ধম্মো চেতসিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – চেতসিকে খন্ধে গৰুং কত্ৱা চেতসিকা খন্ধা উপ্পজ্জন্তি. সহজাতাধিপতি – চেতসিকাধিপতি সম্পযুত্তকানং খন্ধানং অধিপতিপচ্চযেন পচ্চযো. (মূলং পুচ্ছিতব্বং) আৰম্মণাধিপতি – চেতসিকে খন্ধে গৰুং কত্ৱা চিত্তং উপ্পজ্জতি. সহজাতাধিপতি – চেতসিকাধিপতি চিত্তস্স চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (মূলং পুচ্ছিতব্বং ) আৰম্মণাধিপতি – চেতসিকে খন্ধে গৰুং কত্ৱা চেতসিকা খন্ধা চ চিত্তঞ্চ উপ্পজ্জন্তি. সহজাতাধিপতি – চেতসিকাধিপতি সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

১২৪. অচেতসিকো ধম্মো অচেতসিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা ৱুট্ঠহিত্ৱা…পে… নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স. মগ্গস্স, ফলস্স অধিপতিপচ্চযেন পচ্চযো; চক্খুং …পে… ৱত্থুং অচেতসিকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা চিত্তং উপ্পজ্জতি. সহজাতাধিপতি – অচেতসিকাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা ৱুট্ঠহিত্ৱা…পে… নিব্বানং গৰুং কত্ৱা…পে… (পঠমগমনসদিসং); চক্খুং…পে… ৱত্থুং অচেতসিকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অচেতসিকাধিপতি সম্পযুত্তকানং খন্ধানং অধিপতিপচ্চযেন পচ্চযো. (২)

অচেতসিকো ধম্মো চেতসিকস্স চ অচেতসিকস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা ৱুট্ঠহিত্ৱা…পে… নিব্বানং…পে… (পঠমগমনং) অচেতসিকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা চেতসিকা খন্ধা চ চিত্তঞ্চ উপ্পজ্জন্তি. সহজাতাধিপতি – অচেতসিকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

চেতসিকো চ অচেতসিকো চ ধম্মা চেতসিকস্স ধম্মস্স অধিপতিপচ্চযেন পচ্চযো – আৰম্মণাধিপতি… তীণি (আৰম্মণাধিপতিযেৱ).

অনন্তৰপচ্চযাদি

১২৫. চেতসিকো ধম্মো চেতসিকস্স ধম্মস্স অনন্তৰপচ্চযেন পচ্চযো – পুৰিমা পুৰিমা চেতসিকা খন্ধা পচ্ছিমানং পচ্ছিমানং চেতসিকানং খন্ধানং অনন্তৰপচ্চযেন পচ্চযো. (মূলং পুচ্ছিতব্বং) পুৰিমা পুৰিমা চেতসিকা খন্ধা পচ্ছিমস্স পচ্ছিমস্স চিত্তস্স অনন্তৰপচ্চযেন পচ্চযো. (মূলং পুচ্ছিতব্বং) পুৰিমা পুৰিমা চেতসিকা খন্ধা পচ্ছিমানং পচ্ছিমানং চেতসিকানং খন্ধানং চিত্তস্স চ অনন্তৰপচ্চযেন পচ্চযো. (৩)

১২৬. অচেতসিকো ধম্মো অচেতসিকস্স ধম্মস্স অনন্তৰপচ্চযেন পচ্চযো – পুৰিমং পুৰিমং চিত্তং পচ্ছিমস্স পচ্ছিমস্স চিত্তস্স অনন্তৰপচ্চযেন পচ্চযো; অনুলোমং গোত্ৰভুস্স…পে… ফলসমাপত্তিযা অনন্তৰপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স অনন্তৰপচ্চযেন পচ্চযো (এৱং তীণি কাতব্বানি, পঠমগমনসদিসং. পূৰিত্ৱা কাতব্বং, নিন্নানাকৰণং).

চেতসিকো চ অচেতসিকো চ ধম্মা চেতসিকস্স ধম্মস্স অনন্তৰপচ্চযেন পচ্চযো… তীণি (আৱজ্জনাপি ৱুট্ঠানম্পি নত্থি).

সমনন্তৰপচ্চযেন পচ্চযো… নৱ, সহজাতপচ্চযেন পচ্চযো… নৱ (পটিচ্চৱাৰসদিসং), অঞ্ঞমঞ্ঞপচ্চযেন পচ্চযো… নৱ (পটিচ্চৱাৰসদিসং), নিস্সযপচ্চযেন পচ্চযো… নৱ (পচ্চযৱাৰসদিসং).

উপনিস্সযপচ্চযো

১২৭. চেতসিকো ধম্মো চেতসিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – চেতসিকা খন্ধা চেতসিকানং খন্ধানং উপনিস্সযপচ্চযেন পচ্চযো. (মূলং পুচ্ছিতব্বং, তীণি উপনিস্সযা) চেতসিকা খন্ধা চিত্তস্স উপনিস্সযপচ্চযেন পচ্চযো. (মূলং পুচ্ছিতব্বং, তীণি উপনিস্সযা) চেতসিকা খন্ধা চেতসিকানং খন্ধানং চিত্তস্স চ উপনিস্সযপচ্চযেন পচ্চযো. (৩)

১২৮. অচেতসিকো ধম্মো অচেতসিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… সঙ্ঘং ভিন্দতি; উতুং… ভোজনং… সেনাসনং চিত্তং সদ্ধায…পে… পঞ্ঞায… ৰাগস্স…পে… পত্থনায কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো পকতূপনিস্সযো…পে…. পকতূপনিস্সযো – উতুং… ভোজনং… সেনাসনং চিত্তং উপনিস্সায দানং দেতি…পে… (তীণি, পঠমগমনসদিসং নিন্নানাকৰণং).

চেতসিকো চ অচেতসিকো চ ধম্মা চেতসিকস্স ধম্মস্স উপনিস্সযপচ্চযেন পচ্চযো… তীণি.

পুৰেজাতপচ্চযো

১২৯. অচেতসিকো ধম্মো অচেতসিকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ চিত্তং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু চিত্তস্স পুৰেজাতপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণসহগতানং খন্ধানং…পে… ফোট্ঠব্বাযতনং কাযৱিঞ্ঞাণসহগতানং খন্ধানং…পে…. ৱত্থুপুৰেজাতং – চক্খাযতনং চক্খুৱিঞ্ঞাণসহগতানং খন্ধানং…পে… কাযাযতনং…পে… ৱত্থু চেতসিকানং খন্ধানং পুৰেজাতপচ্চযেন পচ্চযো. (২)

অচেতসিকো ধম্মো চেতসিকস্স চ অচেতসিকস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স সম্পযুত্তকানঞ্চ খন্ধানং…পে… ফোট্ঠব্বাযতনং…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স সম্পযুত্তকানঞ্চ খন্ধানং…পে… কাযাযতনং…পে… ৱত্থু চিত্তস্স সম্পযুত্তকানঞ্চ খন্ধানং পুৰেজাতপচ্চযেন পচ্চযো. (৩)

পচ্ছাজাতাসেৱনপচ্চযা

১৩০. চেতসিকো ধম্মো অচেতসিকস্স ধম্মস্স পচ্ছাজাতপচ্চযেন পচ্চযো (সংখিত্তং).

অচেতসিকো ধম্মো অচেতসিকস্স ধম্মস্স পচ্ছাজাতপচ্চযেন পচ্চযো (সংখিত্তং).

চেতসিকো চ অচেতসিকো চ ধম্মা অচেতসিকস্স ধম্মস্স পচ্ছাজাতপচ্চযেন পচ্চযো (সংখিত্তং).

চেতসিকো ধম্মো চেতসিকস্স ধম্মস্স আসেৱনপচ্চযেন পচ্চযো (সংখিত্তং).

কম্মপচ্চযো

১৩১. চেতসিকো ধম্মো চেতসিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চেতসিকা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চেতসিকা চেতনা ৱিপাকানং খন্ধানং কম্মপচ্চযেন পচ্চযো. (১)

চেতসিকো ধম্মো অচেতসিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চেতসিকা চেতনা চিত্তস্স চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চেতসিকা চেতনা ৱিপাকস্স চিত্তস্স কটত্তা চ ৰূপানং কম্মপচ্চযেন পচ্চযো. (২)

চেতসিকো ধম্মো চেতসিকস্স চ অচেতসিকস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – চেতসিকা চেতনা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – চেতসিকা চেতনা ৱিপাকানং খন্ধানং চিত্তস্স কটত্তা চ ৰূপানং কম্মপচ্চযেন পচ্চযো. (৩)

ৱিপাকপচ্চযাদি

১৩২. চেতসিকো ধম্মো চেতসিকস্স ধম্মস্স ৱিপাকপচ্চযেন পচ্চযো… নৱ… আহাৰপচ্চযেন পচ্চযো… নৱ… ইন্দ্ৰিযপচ্চযেন পচ্চযো… নৱ… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… পঞ্চ.

ৱিপ্পযুত্তপচ্চযো

১৩৩. চেতসিকো ধম্মো অচেতসিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

অচেতসিকো ধম্মো অচেতসিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতং – চিত্তং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে চিত্তং কটত্তাৰূপানং ৱিপ্পযুত্তপচ্চযেন পচ্চযো; চিত্তং ৱত্থুস্স ৱিপ্পযুত্তপচ্চযেন পচ্চযো; ৱত্থু চিত্তস্স ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স ৱিপ্পযুত্তপচ্চযেন পচ্চযো…পে… কাযাযতনং কাযৱিঞ্ঞাণস্স…পে… ৱত্থু চিত্তস্স ৱিপ্পযুত্তপচ্চযেন পচ্চযো. পচ্ছাজাতং – চিত্তং পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অচেতসিকো ধম্মো চেতসিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু চেতসিকানং খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণসহগতানং খন্ধানং…পে… কাযাযতনং কাযৱিঞ্ঞাণসহগতানং খন্ধানং…পে… ৱত্থু চেতসিকানং খন্ধানং ৱিপ্পযুত্তপচ্চযেন পচ্চযো. (২)

অচেতসিকো ধম্মো চেতসিকস্স চ অচেতসিকস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু চেতসিকানং খন্ধানং চিত্তস্স চ ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স সম্পযুত্তকানঞ্চ খন্ধানং…পে… কাযাযতনং কাযৱিঞ্ঞাণস্স সম্পযুত্তকানঞ্চ খন্ধানং…পে… ৱত্থু চিত্তস্স সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. (৩)

চেতসিকো চ অচেতসিকো চ ধম্মা অচেতসিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং).

অত্থিপচ্চযো

১৩৪. চেতসিকো ধম্মো চেতসিকস্স ধম্মস্স অত্থিপচ্চযেন পচ্চযো… একং (পটিচ্চৱাৰসদিসং).

চেতসিকো ধম্মো অচেতসিকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)

চেতসিকো ধম্মো চেতসিকস্স চ অচেতসিকস্স চ ধম্মস্স অত্থিপচ্চযেন পচ্চযো… একং (পটিচ্চৱাৰসদিসং). (৩)

১৩৫. অচেতসিকো ধম্মো অচেতসিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (১)

অচেতসিকো ধম্মো চেতসিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং – চিত্তং চেতসিকানং খন্ধানং অত্থিপচ্চযেন পচ্চযো; পটিসন্ধিক্খণে চিত্তং…পে… পটিসন্ধিক্খণে ৱত্থু চেতসিকানং খন্ধানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অনিচ্চতো…পে… (পুৰেজাতসদিসং নিন্নানাকৰণং). (২)

অচেতসিকো ধম্মো চেতসিকস্স চ অচেতসিকস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং – চিত্তং সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো; পটিসন্ধিক্খণে চিত্তং…পে… পটিসন্ধিক্খণে ৱত্থু চেতসিকানং খন্ধানং চিত্তস্স চ অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অনিচ্চতো…পে… (পুৰেজাতসদিসং নিন্নানং). (৩)

১৩৬. চেতসিকো চ অচেতসিকো চ ধম্মা চেতসিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – চক্খুৱিঞ্ঞাণসহগতো একো খন্ধো চ চক্খাযতনঞ্চ দ্ৱিন্নং খন্ধানং…পে… কাযৱিঞ্ঞাণসহগতো…পে… চেতসিকো একো খন্ধো চ ৱত্থু চ দ্ৱিন্নং খন্ধানং অত্থিপচ্চযেন পচ্চযো; দ্ৱে খন্ধা চ…পে…. সহজাতো – চেতসিকো একো খন্ধো চ চিত্তঞ্চ দ্ৱিন্নং খন্ধানং অত্থিপচ্চযেন পচ্চযো; দ্ৱে খন্ধা চ…পে… (পটিসন্ধিক্খণে) দ্ৱেপি কাতব্বা. (১)

চেতসিকো চ অচেতসিকো চ ধম্মা অচেতসিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – চক্খুৱিঞ্ঞাণসহগতা খন্ধা চ চক্খাযতনঞ্চ চক্খুৱিঞ্ঞাণস্স…পে… কাযৱিঞ্ঞাণস্স…পে… চেতসিকা খন্ধা চ চিত্তঞ্চ চিত্তসমুট্ঠানানং ৰূপানং অত্থিপচ্চযেন পচ্চযো; চেতসিকা খন্ধা চ চিত্তঞ্চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – চেতসিকা খন্ধা চ ৱত্থু চ চিত্তস্স অত্থিপচ্চযেন পচ্চযো (পটিসন্ধিক্খণে তীণিপি কাতব্বা). পচ্ছাজাতা – চেতসিকা খন্ধা চ চিত্তঞ্চ পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – চেতসিকা খন্ধা চ চিত্তঞ্চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – চেতসিকা খন্ধা চ চিত্তঞ্চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

চেতসিকো চ অচেতসিকো চ ধম্মা চেতসিকস্স চ অচেতসিকস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – চক্খুৱিঞ্ঞাণসহগতো একো খন্ধো চ চক্খাযতনঞ্চ দ্ৱিন্নং খন্ধানং চক্খুৱিঞ্ঞাণস্স চ অত্থিপচ্চযেন পচ্চযো…পে… কাযৱিঞ্ঞাণসহগতো একো খন্ধো চ কাযাযতনঞ্চ দ্ৱিন্নং খন্ধানং কাযৱিঞ্ঞাণস্স চ অত্থিপচ্চযেন পচ্চযো; দ্ৱে খন্ধা চ…পে…. সহজাতো – চেতসিকো একো খন্ধো চ ৱত্থু চ দ্ৱিন্নং খন্ধানং চিত্তস্স চ অত্থিপচ্চযেন পচ্চযো; দ্ৱে খন্ধা চ…পে… (পটিসন্ধিযা দ্ৱে কাতব্বা). (৩)