১. ৱিভঙ্গৱাৰো

নহেতুপচ্চযো

১৭. দস্সনেন পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে খন্ধে পটিচ্চ ৱিচিকিচ্ছাসহগতো মোহো. (১)

ভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নহেতুপচ্চযা – উদ্ধচ্চসহগতে খন্ধে পটিচ্চ উদ্ধচ্চসহগতো মোহো. (১)

নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নহেতুপচ্চযা – অহেতুকং নেৱদস্সনেন নভাৱনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধা; অহেতুকপটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. (১)

নআৰম্মণপচ্চযো

১৮. দস্সনেন পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নআৰম্মণপচ্চযা – দস্সনেন পহাতব্বহেতুকে খন্ধে পটিচ্চ চিত্তসমুট্ঠানং ৰূপং. (১)

ভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নআৰম্মণপচ্চযা – ভাৱনায পহাতব্বহেতুকে খন্ধে পটিচ্চ চিত্তসমুট্ঠানং ৰূপং. (১)

নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নআৰম্মণপচ্চযা – নেৱদস্সনেন নভাৱনায পহাতব্বহেতুকে খন্ধে পটিচ্চ চিত্তসমুট্ঠানং ৰূপং; ৱিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং ৰূপং. পটিসন্ধিক্খণে নেৱদস্সনেন নভাৱনায পহাতব্বহেতুকে খন্ধে পটিচ্চ কটত্তাৰূপং, খন্ধে পটিচ্চ ৱত্থু…পে… একং মহাভূতং…পে… অসঞ্ঞসত্তানং…পে…. (১)

১৯. দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নআৰম্মণপচ্চযা – দস্সনেন পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং; ৱিচিকিচ্ছাসহগতে খন্ধে চ মোহঞ্চ পটিচ্চ চিত্তসমুট্ঠানং ৰূপং. (১)

ভাৱনায পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নআৰম্মণপচ্চযা – ভাৱনায পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং; উদ্ধচ্চসহগতে খন্ধে চ মোহঞ্চ পটিচ্চ চিত্তসমুট্ঠানং ৰূপং. (১)

নঅধিপতিপচ্চযাদি

২০. দস্সনেন পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নঅধিপতিপচ্চযা… (সহজাতসদিসং) নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা.

নপুৰেজাতপচ্চযো

২১. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নপুৰেজাতপচ্চযা – অৰূপে দস্সনেন পহাতব্বহেতুকং একং খন্ধং পটিচ্চ…পে…. (১)

দস্সনেন পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নপুৰেজাতপচ্চযা – অৰূপে ৱিচিকিচ্ছাসহগতে খন্ধে পটিচ্চ ৱিচিকিচ্ছাসহগতো মোহো; দস্সনেন পহাতব্বহেতুকে খন্ধে পটিচ্চ চিত্তসমুট্ঠানং ৰূপং. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি নপুৰেজাতপচ্চযা – অৰূপে ৱিচিকিচ্ছাসহগতং একং খন্ধং পটিচ্চ তযো খন্ধা মোহো চ…পে… দ্ৱে খন্ধে…পে…. (৩)

ভাৱনায পহাতব্বহেতুকং ধম্মং… তীণি (দস্সনেন সদিসং).

২২. নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নপুৰেজাতপচ্চযা – অৰূপে নেৱদস্সনেন নভাৱনায পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধা, নেৱদস্সনেন নভাৱনায পহাতব্বহেতুকে খন্ধে পটিচ্চ চিত্তসমুট্ঠানং ৰূপং; ৱিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং ৰূপং. পটিসন্ধিক্খণে…পে… অসঞ্ঞসত্তানং…পে…. (১)

নেৱদস্সনেন নভাৱনায পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নপুৰেজাতপচ্চযা – অৰূপে ৱিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নেৱদস্সনেন নভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি নপুৰেজাতপচ্চযা – অৰূপে উদ্ধচ্চসহগতং মোহং পটিচ্চ সম্পযুত্তকা খন্ধা. (৩)

২৩. দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নপুৰেজাতপচ্চযা – অৰূপে ৱিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে…. (১)

দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নপুৰেজাতপচ্চযা – দস্সনেন পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং; ৱিচিকিচ্ছাসহগতে খন্ধে চ মোহঞ্চ পটিচ্চ চিত্তসমুট্ঠানং ৰূপং. (২)

ভাৱনায পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি নপুৰেজাতপচ্চযা (ইমেপি দ্ৱে কাতব্বা).

নপচ্ছাজাতপচ্চযাদি

২৪. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নপচ্ছাজাতপচ্চযা… নআসেৱনপচ্চযা.

নকম্মপচ্চযো

২৫. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নকম্মপচ্চযা – দস্সনেন পহাতব্বহেতুকে খন্ধে পটিচ্চ দস্সনেন পহাতব্বহেতুকা চেতনা. (১)

ভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি নকম্মপচ্চযা – ভাৱনায পহাতব্বহেতুকে খন্ধে পটিচ্চ ভাৱনায পহাতব্বহেতুকা চেতনা. (১)

নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নকম্মপচ্চযা – নেৱদস্সনেন নভাৱনায পহাতব্বহেতুকে খন্ধে পটিচ্চ নেৱদস্সনেন নভাৱনায পহাতব্বহেতুকা চেতনা; বাহিৰং… আহাৰসমুট্ঠানং… উতুসমুট্ঠানং…পে…. (১)

নেৱদস্সনেন নভাৱনায পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নকম্মপচ্চযা – ৱিচিকিচ্ছাসহগতং মোহং পটিচ্চ সম্পযুত্তকা চেতনা. (২)

নেৱদস্সনেন নভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি নকম্মপচ্চযা – উদ্ধচ্চসহগতং মোহং পটিচ্চ সম্পযুত্তকা চেতনা. (৩)

২৬. দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নকম্মপচ্চযা – ৱিচিকিচ্ছাসহগতে খন্ধে চ মোহঞ্চ পটিচ্চ সম্পযুত্তকা চেতনা. (১)

ভাৱনায পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি নকম্মপচ্চযা – উদ্ধচ্চসহগতে খন্ধে চ মোহঞ্চ পটিচ্চ সম্পযুত্তকা চেতনা. (১)

নৱিপাকপচ্চযো

২৭. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নৱিপাকপচ্চযা (পটিসন্ধি নত্থি).

নআহাৰপচ্চযাদি

২৮. নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নআহাৰপচ্চযা – বাহিৰং… উতুসমুট্ঠানং… অসঞ্ঞসত্তানং…পে… নইন্দ্ৰিযপচ্চযা – বাহিৰং… আহাৰসমুট্ঠানং… উতুসমুট্ঠানং, অসঞ্ঞসত্তানং…পে… মহাভূতে পটিচ্চ ৰূপজীৱিতিন্দ্ৰিযং… নঝানপচ্চযা – পঞ্চৱিঞ্ঞাণং…পে… (মহাভূতা কাতব্বা) নমগ্গপচ্চযা – অহেতুকং নেৱদস্সনেন নভাৱনায পহাতব্বহেতুকং একং খন্ধং…পে… অসঞ্ঞসত্তানং…পে… নসম্পযুত্তপচ্চযা.

নৱিপ্পযুত্তপচ্চযাদি

২৯. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নৱিপ্পযুত্তপচ্চযা – অৰূপে দস্সনেন পহাতব্বহেতুকং একং খন্ধং পটিচ্চ তযো খন্ধা…পে…. (১)

দস্সনেন পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নৱিপ্পযুত্তপচ্চযা – অৰূপে ৱিচিকিচ্ছাসহগতে খন্ধে পটিচ্চ ৱিচিকিচ্ছাসহগতো মোহো. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি নৱিপ্পযুত্তপচ্চযা – অৰূপে ৱিচিকিচ্ছাসহগতং একং খন্ধং পটিচ্চ তযো খন্ধা মোহো চ…পে… দ্ৱে খন্ধে…পে…. (৩)

ভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি নৱিপ্পযুত্তপচ্চযা – অৰূপে ভাৱনায… তীণি.

৩০. নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি নৱিপ্পযুত্তপচ্চযা – অৰূপে নেৱদস্সনেন নভাৱনায পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. (১)

নেৱদস্সনেন নভাৱনায পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নৱিপ্পযুত্তপচ্চযা – অৰূপে ৱিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নেৱদস্সনেন নভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি নৱিপ্পযুত্তপচ্চযা – অৰূপে উদ্ধচ্চসহগতং মোহং পটিচ্চ সম্পযুত্তকা খন্ধা. (৩)

৩১. দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি নৱিপ্পযুত্তপচ্চযা – অৰূপে ৱিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধা. (১)

ভাৱনায পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি নৱিপ্পযুত্তপচ্চযা – অৰূপে উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধা… নোনত্থিপচ্চযা… নোৱিগতপচ্চযা.