১. ৱিভঙ্গৱাৰো

হেতুপচ্চযো

৭৫. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স হেতুপচ্চযেন পচ্চযো – দস্সনেন পহাতব্বহেতুকা হেতূ সম্পযুত্তকানং খন্ধানং হেতুপচ্চযেন পচ্চযো. (১)

দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স হেতুপচ্চযেন পচ্চযো – দস্সনেন পহাতব্বহেতুকা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স হেতুপচ্চযেন পচ্চযো – দস্সনেন পহাতব্বহেতুকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

ভাৱনায পহাতব্বহেতুকো ধম্মো… তীণি.

৭৬. নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স হেতুপচ্চযেন পচ্চযো…পে….

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স হেতুপচ্চযেন পচ্চযো – ৱিচিকিচ্ছাসহগতো মোহো সম্পযুত্তকানং খন্ধানং হেতুপচ্চযেন পচ্চযো. (২)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স হেতুপচ্চযেন পচ্চযো – উদ্ধচ্চসহগতো মোহো সম্পযুত্তকানং খন্ধানং হেতুপচ্চযেন পচ্চযো. (৩)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স হেতুপচ্চযেন পচ্চযো – ৱিচিকিচ্ছাসহগতো মোহো সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৪)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স হেতুপচ্চযেন পচ্চযো – উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৫)

আৰম্মণপচ্চযো

৭৭. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আৰম্মণপচ্চযেন পচ্চযো – দস্সনেন পহাতব্বহেতুকং ৰাগং অস্সাদেতি অভিনন্দতি; তং আৰব্ভ দস্সনেন পহাতব্বহেতুকো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. দিট্ঠিং অস্সাদেতি অভিনন্দতি; তং আৰব্ভ দস্সনেন পহাতব্বহেতুকো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. ৱিচিকিচ্ছং আৰব্ভ ৱিচিকিচ্ছা উপ্পজ্জতি, দিট্ঠি উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. দস্সনেন পহাতব্বহেতুকং দোমনস্সং আৰব্ভ দস্সনেন পহাতব্বহেতুকং দোমনস্সং উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি. (১)

দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – অৰিযা দস্সনেন পহাতব্বহেতুকে পহীনে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি, দস্সনেন পহাতব্বহেতুকে খন্ধে অনিচ্চতো…পে… চেতোপৰিযঞাণেন…পে… দস্সনেন পহাতব্বহেতুকা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স অনাগতংসঞাণস্স, আৱজ্জনায মোহস্স চ আৰম্মণপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আৰম্মণপচ্চযেন পচ্চযো – দস্সনেন পহাতব্বহেতুকে খন্ধে আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. (৩)

৭৮. ভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – ভাৱনায পহাতব্বহেতুকং ৰাগং অস্সাদেতি অভিনন্দতি; তং আৰব্ভ ভাৱনায পহাতব্বহেতুকো ৰাগো উপ্পজ্জতি, উদ্ধচ্চং উপ্পজ্জতি, ভাৱনায পহাতব্বহেতুকং দোমনস্সং উপ্পজ্জতি. উদ্ধচ্চং আৰব্ভ উদ্ধচ্চং উপ্পজ্জতি, ভাৱনায পহাতব্বহেতুকং দোমনস্সং উপ্পজ্জতি. ভাৱনায পহাতব্বহেতুকং দোমনস্সং আৰব্ভ ভাৱনায পহাতব্বহেতুকং দোমনস্সং উপ্পজ্জতি, উদ্ধচ্চং উপ্পজ্জতি. (১)

ভাৱনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আৰম্মণপচ্চযেন পচ্চযো – ভাৱনায পহাতব্বহেতুকং ৰাগং অস্সাদেতি অভিনন্দতি; তং আৰব্ভ দস্সনেন পহাতব্বহেতুকো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. উদ্ধচ্চং আৰব্ভ দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. ভাৱনায পহাতব্বহেতুকং দোমনস্সং আৰব্ভ দস্সনেন পহাতব্বহেতুকং দোমনস্সং উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি. (২)

ভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – অৰিযা ভাৱনায পহাতব্বহেতুকে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি, ভাৱনায পহাতব্বহেতুকে খন্ধে অনিচ্চতো…পে… চেতোপৰিযঞাণেন…পে… ভাৱনায পহাতব্বহেতুকা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায মোহস্স চ আৰম্মণপচ্চযেন পচ্চযো. (৩)

ভাৱনায পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আৰম্মণপচ্চযেন পচ্চযো – ভাৱনায পহাতব্বহেতুকে খন্ধে আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. (৪)

ভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আৰম্মণপচ্চযেন পচ্চযো – ভাৱনায পহাতব্বহেতুকে খন্ধে আৰব্ভ উদ্ধচ্চসহগতা খন্ধা চ মোহো চ উপ্পজ্জন্তি. (৫)

৭৯. নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – দানং দত্ৱা…(ৱিত্থাৰেতব্বং দস্সনত্তিকসদিসং) আৱজ্জনায মোহস্স চ আৰম্মণপচ্চযেন পচ্চযো. (১)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আৰম্মণপচ্চযেন পচ্চযো – দানং দত্ৱা… (যথা দস্সনত্তিকং). (২)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – দানং দত্ৱা… (যথা দস্সনত্তিকং). (৩)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আৰম্মণপচ্চযেন পচ্চযো – চক্খুং আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. সোতং…পে… ৱত্থুং… নেৱদস্সনেন নভাৱনায পহাতব্বহেতুকে খন্ধে আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. (৪)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আৰম্মণপচ্চযেন পচ্চযো – চক্খুং…পে… ৱত্থুং… নেৱদস্সনেন নভাৱনায পহাতব্বহেতুকে খন্ধে আৰব্ভ উদ্ধচ্চসহগতা খন্ধা চ মোহো চ উপ্পজ্জন্তি. (৫)

৮০. দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স আৰম্মণপচ্চযেন পচ্চযো – ৱিচিকিচ্ছাসহগতে খন্ধে চ মোহঞ্চ আৰব্ভ দস্সনেন পহাতব্বহেতুকা খন্ধা উপ্পজ্জন্তি. (১)

দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – ৱিচিকিচ্ছাসহগতে খন্ধে চ মোহঞ্চ আৰব্ভ নেৱদস্সনেন নভাৱনায পহাতব্বহেতুকা খন্ধা চ মোহো চ উপ্পজ্জন্তি. (২)

দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আৰম্মণপচ্চযেন পচ্চযো – ৱিচিকিচ্ছাসহগতে খন্ধে চ মোহঞ্চ আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. (৩)

৮১. ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স আৰম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আৰব্ভ দস্সনেন পহাতব্বহেতুকা খন্ধা উপ্পজ্জন্তি. (১)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা ভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আৰব্ভ ভাৱনায পহাতব্বহেতুকা খন্ধা উপ্পজ্জন্তি. (২)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আৰব্ভ নেৱদস্সনেন নভাৱনায পহাতব্বহেতুকা খন্ধা চ মোহো চ উপ্পজ্জন্তি. (৩)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আৰম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. (৪)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আৰম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আৰব্ভ উদ্ধচ্চসহগতা খন্ধা চ মোহো চ উপ্পজ্জন্তি. (৫)

অধিপতিপচ্চযো

৮২. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো (দস্সনত্তিকসদিসং, দস পঞ্হা).

অনন্তৰপচ্চযো

৮৩. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা দস্সনেন পহাতব্বহেতুকা খন্ধা পচ্ছিমানং পচ্ছিমানং দস্সনেন পহাতব্বহেতুকানং খন্ধানং অনন্তৰপচ্চযেন পচ্চযো. (১)

দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা খন্ধা পচ্ছিমস্স পচ্ছিমস্স মোহস্স অনন্তৰপচ্চযেন পচ্চযো; দস্সনেন পহাতব্বহেতুকা খন্ধা ৱুট্ঠানস্স অনন্তৰপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা খন্ধা পচ্ছিমানং পচ্ছিমানং ৱিচিকিচ্ছাসহগতানং খন্ধানং মোহস্স চ অনন্তৰপচ্চযেন পচ্চযো. (৩)

৮৪. ভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা ভাৱনায পহাতব্বহেতুকা খন্ধা পচ্ছিমানং পচ্ছিমানং ভাৱনায পহাতব্বহেতুকানং খন্ধানং অনন্তৰপচ্চযেন পচ্চযো. (১)

ভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা উদ্ধচ্চসহগতা খন্ধা পচ্ছিমস্স পচ্ছিমস্স মোহস্স অনন্তৰপচ্চযেন পচ্চযো; ভাৱনায পহাতব্বহেতুকা খন্ধা ৱুট্ঠানস্স অনন্তৰপচ্চযেন পচ্চযো. (২)

ভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা উদ্ধচ্চসহগতা খন্ধা পচ্ছিমানং পচ্ছিমানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো. (৩)

৮৫. নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচিকিচ্ছাসহগতো উদ্ধচ্চসহগতো মোহো পচ্ছিমস্স পচ্ছিমস্স ৱিচিকিচ্ছাসহগতস্স উদ্ধচ্চসহগতস্স মোহস্স অনন্তৰপচ্চযেন পচ্চযো; পুৰিমা পুৰিমা নেৱদস্সনেন নভাৱনায পহাতব্বহেতুকা খন্ধা পচ্ছিমানং পচ্ছিমানং নেৱদস্সনেন নভাৱনায পহাতব্বহেতুকানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স… অনুলোমং ৱোদানস্স…পে… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (১)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচিকিচ্ছাসহগতো মোহো পচ্ছিমানং পচ্ছিমানং ৱিচিকিচ্ছাসহগতানং খন্ধানং অনন্তৰপচ্চযেন পচ্চযো; আৱজ্জনা দস্সনেন পহাতব্বহেতুকানং খন্ধানং অনন্তৰপচ্চযেন পচ্চযো. (২)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমো পুৰিমো উদ্ধচ্চসহগতো মোহো পচ্ছিমানং পচ্ছিমানং উদ্ধচ্চসহগতানং খন্ধানং অনন্তৰপচ্চযেন পচ্চযো; আৱজ্জনা ভাৱনায পহাতব্বহেতুকানং খন্ধানং অনন্তৰপচ্চযেন পচ্চযো. (৩)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচিকিচ্ছাসহগতো মোহো পচ্ছিমানং পচ্ছিমানং ৱিচিকিচ্ছাসহগতানং খন্ধানং মোহস্স চ অনন্তৰপচ্চযেন পচ্চযো; আৱজ্জনা ৱিচিকিচ্ছাসহগতানং খন্ধানং মোহস্স চ অনন্তৰপচ্চযেন পচ্চযো. (৪)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স অনন্তৰপচ্চযেন পচ্চযো – পুৰিমো পুৰিমো উদ্ধচ্চসহগতো মোহো পচ্ছিমানং পচ্ছিমানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো; আৱজ্জনা উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো. (৫)

৮৬. দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা খন্ধা চ মোহো চ পচ্ছিমানং পচ্ছিমানং ৱিচিকিচ্ছাসহগতানং খন্ধানং অনন্তৰপচ্চযেন পচ্চযো. (১)

দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা খন্ধা চ মোহো চ পচ্ছিমস্স পচ্ছিমস্স মোহস্স অনন্তৰপচ্চযেন পচ্চযো; ৱিচিকিচ্ছাসহগতা খন্ধা চ মোহো চ ৱুট্ঠানস্স অনন্তৰপচ্চযেন পচ্চযো. (২)

দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা খন্ধা চ মোহো চ পচ্ছিমানং পচ্ছিমানং ৱিচিকিচ্ছাসহগতানং খন্ধানং মোহস্স চ অনন্তৰপচ্চযেন পচ্চযো. (৩)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা ভাৱনায পহাতব্বহেতুকস্স ধম্মস্স অনন্তৰপচ্চযেন পচ্চযো… তীণি (দস্সনেন সদিসং গমনং).

সমনন্তৰপচ্চযাদি

৮৭. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স সমনন্তৰপচ্চযেন পচ্চযো… (অনন্তৰসদিসং) সহজাতপচ্চযেন পচ্চযো… (সংখিত্তং. পটিচ্চৱাৰে সহজাতসদিসং) অঞ্ঞমঞ্ঞপচ্চযেন পচ্চযো… (সংখিত্তং. পটিচ্চৱাৰে অঞ্ঞমঞ্ঞসদিসং) নিস্সযপচ্চযেন পচ্চযো… (সংখিত্তং. পচ্চযৱাৰে নিস্সযৱাৰসদিসং. ৱিসুং ঘটনা নত্থি).

উপনিস্সযপচ্চযো

৮৮. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, ৫১অনন্তৰূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বহেতুকং ৰাগং উপনিস্সায পাণং হনতি…পে… সঙ্ঘং ভিন্দতি. দস্সনেন পহাতব্বহেতুকং দোসং… মোহং… দিট্ঠিং… পত্থনং উপনিস্সায পাণং হনতি…পে… সঙ্ঘং ভিন্দতি. দস্সনেন পহাতব্বহেতুকো ৰাগো… দোসো… মোহো… দিট্ঠি… পত্থনা দস্সনেন পহাতব্বহেতুকস্স ৰাগস্স…পে… পত্থনায উপনিস্সযপচ্চযেন পচ্চযো. (১)

দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বহেতুকং ৰাগং উপনিস্সায দানং দেতি…পে… সমাপত্তিং উপ্পাদেতি. দস্সনেন পহাতব্বহেতুকং দোসং… মোহং… দিট্ঠিং… পত্থনং উপনিস্সায দানং দেতি…পে… সমাপত্তিং উপ্পাদেতি. দস্সনেন পহাতব্বহেতুকো ৰাগো…পে… পত্থনা… সদ্ধায…পে… পঞ্ঞায… কাযিকস্স সুখস্স, কাযিকস্স দুক্খস্স ফলসমাপত্তিযা মোহস্স চ উপনিস্সযপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বহেতুকো ৰাগো… দোসো… মোহো… দিট্ঠি… পত্থনা ৱিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৮৯. ভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – ভাৱনায পহাতব্বহেতুকো ৰাগো… দোসো… মোহো… মানো… পত্থনা ভাৱনায পহাতব্বহেতুকস্স ৰাগস্স… দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (১)

ভাৱনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – ভাৱনায পহাতব্বহেতুকং ৰাগং উপনিস্সায পাণং হনতি…পে… সঙ্ঘং ভিন্দতি. ভাৱনায পহাতব্বহেতুকং দোসং… মোহং… মানং… পত্থনং উপনিস্সায পাণং হনতি…পে… সঙ্ঘং ভিন্দতি. ভাৱনায পহাতব্বহেতুকো ৰাগো…পে… পত্থনা দস্সনেন পহাতব্বহেতুকস্স ৰাগস্স… দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. সকভণ্ডে ছন্দৰাগো পৰভণ্ডে ছন্দৰাগস্স উপনিস্সযপচ্চযেন পচ্চযো. সকপৰিগ্গহে ছন্দৰাগো পৰপৰিগ্গহে ছন্দৰাগস্স উপনিস্সযপচ্চযেন পচ্চযো. (২)

ভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ভাৱনায পহাতব্বহেতুকং ৰাগং উপনিস্সায দানং দেতি…পে… সমাপত্তিং উপ্পাদেতি. ভাৱনায পহাতব্বহেতুকং দোসং… মোহং… মানং… পত্থনং উপনিস্সায দানং দেতি…পে… সমাপত্তিং উপ্পাদেতি. ভাৱনায পহাতব্বহেতুকো ৰাগো…পে… পত্থনা সদ্ধায…পে… পঞ্ঞায… কাযিকস্স সুখস্স, কাযিকস্স দুক্খস্স ফলসমাপত্তিযা মোহস্স চ উপনিস্সযপচ্চযেন পচ্চযো. (৩)

ভাৱনায পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো…. পকতূপনিস্সযো – ভাৱনায পহাতব্বহেতুকো ৰাগো…পে… পত্থনা ৱিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৪)

ভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ভাৱনায পহাতব্বহেতুকো ৰাগো…পে… পত্থনা উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৫)

৯০. নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি. সীলং…পে… পঞ্ঞং… কাযিকং সুখং… কাযিকং দুক্খং… উতুং… ভোজনং… সেনাসনং… মোহং উপনিস্সায দানং দেতি…পে… সদ্ধা…পে… মোহো সদ্ধায…পে… ফলসমাপত্তিযা মোহস্স চ উপনিস্সযপচ্চযেন পচ্চযো. (১)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি. সীলং…পে… পঞ্ঞং… কাযিকং সুখং… কাযিকং দুক্খং…পে… সেনাসনং… মোহং উপনিস্সায পাণং হনতি…পে… সঙ্ঘং ভিন্দতি. সদ্ধা…পে… সেনাসনং মোহো চ দস্সনেন পহাতব্বহেতুকস্স ৰাগস্স…পে… পত্থনায উপনিস্সযপচ্চযেন পচ্চযো. (২)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি…পে… মোহং উপনিস্সায মানং জপ্পেতি. সদ্ধা…পে… সেনাসনং মোহো চ ভাৱনায পহাতব্বহেতুকস্স ৰাগস্স…পে… পত্থনায উপনিস্সযপচ্চযেন পচ্চযো. (৩)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধা…পে… পঞ্ঞা… কাযিকং সুখং… কাযিকং দুক্খং…পে… সেনাসনং মোহো চ ৱিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৪)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধা…পে… সেনাসনং মোহো চ উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৫)

৯১. দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ৱিচিকিচ্ছাসহগতা খন্ধা চ মোহো চ দস্সনেন পহাতব্বহেতুকস্স ৰাগস্স…পে… পত্থনায উপনিস্সযপচ্চযেন পচ্চযো. (১)

দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ৱিচিকিচ্ছাসহগতা খন্ধা চ মোহো চ সদ্ধায…পে… পঞ্ঞায… কাযিকস্স সুখস্স, কাযিকস্স দুক্খস্স ফলসমাপত্তিযা মোহস্স চ উপনিস্সযপচ্চযেন পচ্চযো. (২)

দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ৱিচিকিচ্ছাসহগতা খন্ধা চ মোহো চ ৱিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৯২. ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো. পকতূপনিস্সযো – উদ্ধচ্চসহগতা খন্ধা চ মোহো চ দস্সনেন পহাতব্বহেতুকস্স ৰাগস্স…পে… পত্থনায উপনিস্সযপচ্চযেন পচ্চযো. (১)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা ভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – উদ্ধচ্চসহগতা খন্ধা চ মোহো চ ভাৱনায পহাতব্বহেতুকস্স ৰাগস্স…পে… পত্থনায উপনিস্সযপচ্চযেন পচ্চযো. (২)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – উদ্ধচ্চসহগতা খন্ধা চ মোহো চ সদ্ধায…পে… ফলসমাপত্তিযা মোহস্স চ উপনিস্সযপচ্চযেন পচ্চযো. (৩)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো. পকতূপনিস্সযো – উদ্ধচ্চসহগতা খন্ধা চ মোহো চ ৱিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৪)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – উদ্ধচ্চসহগতা খন্ধা চ মোহো চ উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৫)

পুৰেজাতপচ্চযো

৯৩. নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং অনিচ্চতো…পে… ৱিপস্সতি, সোতং…পে… ৱত্থুং অনিচ্চতো…পে… ৱিপস্সতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নেৱদস্সনেন নভাৱনায পহাতব্বহেতুকানং খন্ধানং মোহস্স চ পুৰেজাতপচ্চযেন পচ্চযো. (১)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি; তং আৰব্ভ দস্সনেন পহাতব্বহেতুকো ৰাগো…পে… দিট্ঠি…পে… ৱিচিকিচ্ছা…পে… দস্সনেন পহাতব্বহেতুকং দোমনস্সং উপ্পজ্জতি. ৱত্থুপুৰেজাতং – ৱত্থু দস্সনেন পহাতব্বহেতুকানং খন্ধানং পুৰেজাতপচ্চযেন পচ্চযো. (২)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি; তং আৰব্ভ ভাৱনায পহাতব্বহেতুকো ৰাগো উপ্পজ্জতি, উদ্ধচ্চং উপ্পজ্জতি, ভাৱনায পহাতব্বহেতুকং দোমনস্সং উপ্পজ্জতি. ৱত্থুপুৰেজাতং – ৱত্থু ভাৱনায পহাতব্বহেতুকানং খন্ধানং পুৰেজাতপচ্চযেন পচ্চযো. (৩)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. ৱত্থুপুৰেজাতং – ৱত্থু ৱিচিকিচ্ছাসহগতানং খন্ধানং মোহস্স চ পুৰেজাতপচ্চযেন পচ্চযো. (৪)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং আৰব্ভ উদ্ধচ্চসহগতা খন্ধা চ মোহো চ উপ্পজ্জন্তি. ৱত্থুপুৰেজাতং – ৱত্থু উদ্ধচ্চসহগতানং খন্ধানং মোহস্স চ পুৰেজাতপচ্চযেন পচ্চযো. (৫)

পচ্ছাজাতপচ্চযো

৯৪. দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা দস্সনেন পহাতব্বহেতুকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

ভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা ভাৱনায পহাতব্বহেতুকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা নেৱদস্সনেন নভাৱনায পহাতব্বহেতুকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা ৱিচিকিচ্ছাসহগতা খন্ধা চ মোহো চ পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা উদ্ধচ্চসহগতা খন্ধা চ মোহো চ পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

৯৫. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আসেৱনপচ্চযেন পচ্চযো – পুৰিমা পুৰিমা দস্সনেন পহাতব্বহেতুকা খন্ধা পচ্ছিমানং পচ্ছিমানং দস্সনেন পহাতব্বহেতুকানং খন্ধানং আসেৱনপচ্চযেন পচ্চযো. (১)

দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স আসেৱনপচ্চযেন পচ্চযো – পুৰিমা পুৰিমা ৱিচিকিচ্ছাসহগতা খন্ধা পচ্ছিমস্স পচ্ছিমস্স মোহস্স আসেৱনপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আসেৱনপচ্চযেন পচ্চযো – পুৰিমা পুৰিমা ৱিচিকিচ্ছাসহগতা খন্ধা পচ্ছিমানং পচ্ছিমানং ৱিচিকিচ্ছাসহগতানং খন্ধানং মোহস্স চ আসেৱনপচ্চযেন পচ্চযো.

ভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স (সংখিত্তং) তীণি.

নেৱদস্সনেন নভাৱনায পহাতব্বহেতুকো ধম্মো…পে…. (আসেৱনমূলকে ৱুট্ঠানস্সপি আৱজ্জনাযপি পহাতব্বং, সত্তৰস পঞ্হা পৰিপুণ্ণা, অনন্তৰসদিসা).

কম্মপচ্চযো

৯৬. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স কম্মপচ্চযেন পচ্চযো – দস্সনেন পহাতব্বহেতুকা চেতনা সম্পযুত্তকানং খন্ধানং কম্মপচ্চযেন পচ্চযো. (১)

দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা দস্সনেন পহাতব্বহেতুকা চেতনা মোহস্স চিত্তসমুট্ঠানানঞ্চ ৰূপানং কম্মপচ্চযেন পচ্চযো. নানাক্খণিকা – দস্সনেন পহাতব্বহেতুকা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স কম্মপচ্চযেন পচ্চযো – দস্সনেন পহাতব্বহেতুকা চেতনা সম্পযুত্তকানং খন্ধানং মোহস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

৯৭. ভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স কম্মপচ্চযেন পচ্চযো – ভাৱনায পহাতব্বহেতুকা চেতনা সম্পযুত্তকানং খন্ধানং কম্মপচ্চযেন পচ্চযো. (১)

ভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স কম্মপচ্চযেন পচ্চযো – ভাৱনায পহাতব্বহেতুকা চেতনা মোহস্স চিত্তসমুট্ঠানানঞ্চ ৰূপানং কম্মপচ্চযেন পচ্চযো. (২)

ভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স কম্মপচ্চযেন পচ্চযো – ভাৱনায পহাতব্বহেতুকা চেতনা সম্পযুত্তকানং খন্ধানং মোহস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

৯৮. নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নেৱদস্সনেন নভাৱনায পহাতব্বহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – নেৱদস্সনেন নভাৱনায পহাতব্বহেতুকা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযো

৯৯. নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স ৱিপাকপচ্চযেন পচ্চযো (পৱত্তিপটিসন্ধি) ৱিপাকা খন্ধা ৱত্থুস্স…পে….

আহাৰপচ্চযো

১০০. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আহাৰপচ্চযেন পচ্চযো – দস্সনেন পহাতব্বহেতুকা আহাৰা সম্পযুত্তকানং খন্ধানং আহাৰপচ্চযেন পচ্চযো. (১)

দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স আহাৰপচ্চযেন পচ্চযো – দস্সনেন পহাতব্বহেতুকা আহাৰা মোহস্স চিত্তসমুট্ঠানানঞ্চ ৰূপানং আহাৰপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স আহাৰপচ্চযেন পচ্চযো – দস্সনেন পহাতব্বহেতুকা আহাৰা সম্পযুত্তকানং খন্ধানং মোহস্স চ চিত্তসমুট্ঠানানঞ্চ ৰূপানং আহাৰপচ্চযেন পচ্চযো. (৩)

ভাৱনায পহাতব্বহেতুকো ধম্মো… তীণি (দস্সনেন সদিসং).

নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স আহাৰপচ্চযেন পচ্চযো – নেৱদস্সনেন নভাৱনায পহাতব্বহেতুকা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. পটিসন্ধিক্খণে…পে… কবড়ীকাৰো আহাৰো ইমস্স কাযস্স আহাৰপচ্চযেন পচ্চযো.

ইন্দ্ৰিযপচ্চযাদি

১০১. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স ইন্দ্ৰিযপচ্চযেন পচ্চযো… তীণি (আহাৰসদিসং. মোহো কাতব্বো).

ভাৱনায পহাতব্বহেতুকো ধম্মো… তীণি.

নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স ইন্দ্ৰিযপচ্চযেন পচ্চযো – নেৱদস্সনেন নভাৱনায পহাতব্বহেতুকা ইন্দ্ৰিযা সম্পযুত্তকানং খন্ধানং…পে… চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স…পে… ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… (ইমে সহেতুকা কাতব্বা) সম্পযুত্তপচ্চযেন পচ্চযো (পটিচ্চৱাৰে সম্পযুত্তৱাৰসদিসং).

ৱিপ্পযুত্তপচ্চযো

১০২. দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (দস্সনত্তিকসদিসং).

ভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (দস্সনত্তিকসদিসং).

নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (দস্সনত্তিকসদিসং). পচ্ছাজাতা – নেৱদস্সনেন নভাৱনায পহাতব্বহেতুকা খন্ধা চ মোহো চ পুৰেজাতস্স ইমস্স কাযস্স…পে…. (১)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু দস্সনেন পহাতব্বহেতুকানং খন্ধানং…পে…. (২)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু ভাৱনায পহাতব্বহেতুকানং খন্ধানং…পে…. (৩)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু ৱিচিকিচ্ছাসহগতানং খন্ধানং মোহস্স চ ৱিপ্পযুত্তপচ্চযেন পচ্চযো. (৪)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু উদ্ধচ্চসহগতানং খন্ধানং মোহস্স চ ৱিপ্পযুত্তপচ্চযেন পচ্চযো. (৫)

১০৩. দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – ৱিচিকিচ্ছাসহগতা খন্ধা চ মোহো চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – ৱিচিকিচ্ছাসহগতা খন্ধা চ মোহো চ পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – উদ্ধচ্চসহগতা খন্ধা চ মোহো চ চিত্তসমুট্ঠানানং ৰূপানং…পে…. পচ্ছাজাতা – উদ্ধচ্চসহগতা খন্ধা চ মোহো চ পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযাদি

১০৪. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – দস্সনেন পহাতব্বহেতুকো একো খন্ধো তিণ্ণন্নং খন্ধানং…পে…. (১)

দস্সনেন পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – দস্সনেন পহাতব্বহেতুকা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – ৱিচিকিচ্ছাসহগতা খন্ধা মোহস্স চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পচ্ছাজাতা – দস্সনেন পহাতব্বহেতুকা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স অত্থিপচ্চযেন পচ্চযো – দস্সনেন পহাতব্বহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. ৱিচিকিচ্ছাসহগতো একো খন্ধো তিণ্ণন্নং খন্ধানং মোহস্স চ চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে…. (৩)

ভাৱনায পহাতব্বহেতুকো ধম্মো… তীণি.

১০৫. নেৱদস্সনেন নভাৱনায পহাতব্বহেতুকো ধম্মো নেৱদস্সনেন নভাৱনায পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নেৱদস্সনেন নভাৱনায পহাতব্বহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… ৱিচিকিচ্ছাসহগতো উদ্ধচ্চসহগতো মোহো চিত্তসমুট্ঠানানং ৰূপানং অত্থিপচ্চযেন পচ্চযো. পটিসন্ধিক্খণে…পে… অসঞ্ঞসত্তানং…পে…. পুৰেজাতং – চক্খুং…পে… ৱত্থুং অনিচ্চতো…পে… দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং…পে… কাযাযতনং…পে… ৱত্থু নেৱদস্সনেন নভাৱনায পহাতব্বহেতুকানং খন্ধানং মোহস্স চ অত্থিপচ্চযেন পচ্চযো. পচ্ছাজাতা – নেৱদস্সনেন নভাৱনায পহাতব্বহেতুকা খন্ধা চ মোহো চ পুৰেজাতস্স ইমস্স কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স কাযস্স…পে… ৰূপজীৱিতিন্দ্ৰিযং কটত্তাৰূপানং…পে…. (১)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – ৱিচিকিচ্ছাসহগতো মোহো সম্পযুত্তকানং খন্ধানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অস্সাদেতি অভিনন্দতি; তং আৰব্ভ দস্সনেন পহাতব্বহেতুকো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি, ৱত্থু দস্সনেন পহাতব্বহেতুকানং খন্ধানং অত্থিপচ্চযেন পচ্চযো. (২)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – উদ্ধচ্চসহগতো মোহো সম্পযুত্তকানং খন্ধানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অস্সাদেতি অভিনন্দতি…পে… ৱত্থু ভাৱনায পহাতব্বহেতুকানং খন্ধানং অত্থিপচ্চযেন পচ্চযো. (৩)

নেৱদস্সনেন নভাৱনায পহাতব্বহেতুকো ধম্মো দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – ৱিচিকিচ্ছাসহগতো মোহো সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পুৰেজাতং – চক্খুং আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি…পে… ৱত্থুং আৰব্ভ…পে… ৱত্থু ৱিচিকিচ্ছাসহগতানং খন্ধানং মোহস্স চ অত্থিপচ্চযেন পচ্চযো. (৪)

নেৱদস্সনেন নভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পুৰেজাতং – চক্খুং আৰব্ভ উদ্ধচ্চসহগতা খন্ধা চ মোহো চ উপ্পজ্জন্তি…পে… ৱত্থুং আৰব্ভ…পে… ৱত্থু উদ্ধচ্চসহগতানং খন্ধানং মোহস্স চ অত্থিপচ্চযেন পচ্চযো. (৫)

১০৬. দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দস্সনেন পহাতব্বহেতুকো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো …পে… দ্ৱে খন্ধা…পে… ৱিচিকিচ্ছাসহগতো একো খন্ধো চ মোহো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা…পে…. (১)

দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা নেৱদস্সনেন নভাৱনায পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – দস্সনেন পহাতব্বহেতুকা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – ৱিচিকিচ্ছাসহগতা খন্ধা চ মোহো চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – ৱিচিকিচ্ছাসহগতা খন্ধা চ ৱত্থু চ মোহস্স অত্থিপচ্চযেন পচ্চযো. পচ্ছাজাতা – ৱিচিকিচ্ছাসহগতা খন্ধা চ মোহো চ পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – দস্সনেন পহাতব্বহেতুকা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – দস্সনেন পহাতব্বহেতুকা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৱদস্সনেন নভাৱনায পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – ৱিচিকিচ্ছাসহগতো একো খন্ধো চ ৱত্থু চ তিণ্ণন্নং খন্ধানং মোহস্স চ অত্থিপচ্চযেন পচ্চযো…পে… দ্ৱে খন্ধা…পে… ৱিচিকিচ্ছাসহগতো একো খন্ধো চ মোহো চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা চ মোহো চ…পে…. (৩)

ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা ভাৱনায পহাতব্বহেতুকস্স ধম্মস্স অত্থিপচ্চযেন পচ্চযো (সংখিত্তং. তিস্সো পঞ্হা, দস্সনেন নযেন ৱিভজিতব্বা, ‘‘উদ্ধচ্চ’’ন্তি নিযামেতব্বং) নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো….