১. ৱিভঙ্গৱাৰো

হেতুপচ্চযো

১. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধা. (১)

দস্সনেন পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকে খন্ধে পটিচ্চ চিত্তসমুট্ঠানং ৰূপং. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি হেতুপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধা…পে…. (৩)

২. ভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি হেতুপচ্চযা – ভাৱনায পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধা. (১)

ভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি হেতুপচ্চযা – ভাৱনায পহাতব্বহেতুকে খন্ধে পটিচ্চ চিত্তসমুট্ঠানং ৰূপং. (২)

ভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি হেতুপচ্চযা – ভাৱনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

৩. নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি হেতুপচ্চযা – নেৱদস্সনেন নভাৱনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; ৱিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং ৰূপং. পটিসন্ধিক্খণে নেৱদস্সনেন নভাৱনায পহাতব্বহেতুকং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধা…পে… খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

নেৱদস্সনেন নভাৱনায পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৱিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নেৱদস্সনেন নভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি হেতুপচ্চযা – উদ্ধচ্চসহগতং মোহং পটিচ্চ সম্পযুত্তকা খন্ধা. (৩)

নেৱদস্সনেন নভাৱনায পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি হেতুপচ্চযা – ৱিচিকিচ্ছাসহগতং মোহং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং. (৪)

নেৱদস্সনেন নভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি হেতুপচ্চযা – উদ্ধচ্চসহগতং মোহং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং. (৫)

৪. দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৱিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধে চ মোহঞ্চ পটিচ্চ দ্ৱে খন্ধা. (১)

দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং; ৱিচিকিচ্ছাসহগতে খন্ধে চ মোহঞ্চ পটিচ্চ চিত্তসমুট্ঠানং ৰূপং. (২)

দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি হেতুপচ্চযা – ৱিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ মোহঞ্চ পটিচ্চ দ্ৱে খন্ধা…পে…. (৩)

৫. ভাৱনায পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি হেতুপচ্চযা – উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধে চ মোহঞ্চ পটিচ্চ দ্ৱে খন্ধা. (১)

ভাৱনায পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি হেতুপচ্চযা – ভাৱনায পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং; উদ্ধচ্চসহগতে খন্ধে চ মোহঞ্চ পটিচ্চ চিত্তসমুট্ঠানং ৰূপং. (২)

ভাৱনায পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি হেতুপচ্চযা – উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে…. (৩)

আৰম্মণপচ্চযো

৬. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আৰম্মণপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

দস্সনেন পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি আৰম্মণপচ্চযা – ৱিচিকিচ্ছাসহগতে খন্ধে পটিচ্চ ৱিচিকিচ্ছাসহগতো মোহো. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি আৰম্মণপচ্চযা – ৱিচিকিচ্ছাসহগতং একং খন্ধং পটিচ্চ তযো খন্ধা চ মোহো চ…পে… দ্ৱে খন্ধে পটিচ্চ দ্ৱে খন্ধা চ মোহো চ. (৩)

ভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি আৰম্মণপচ্চযা… তীণি. (দস্সনেন সদিসং ৱিভজিতব্বং.)

৭. নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি আৰম্মণপচ্চযা – নেৱদস্সনেন নভাৱনায পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে…পে… ৱত্থুং পটিচ্চ খন্ধা. (১)

নেৱদস্সনেন নভাৱনায পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আৰম্মণপচ্চযা – ৱিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নেৱদস্সনেন নভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি আৰম্মণপচ্চযা – উদ্ধচ্চসহগতং মোহং পটিচ্চ সম্পযুত্তকা খন্ধা. (৩)

৮. দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আৰম্মণপচ্চযা – ৱিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধে চ মোহঞ্চ পটিচ্চ দ্ৱে খন্ধা. (১)

ভাৱনায পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি আৰম্মণপচ্চযা – উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধে চ মোহঞ্চ পটিচ্চ দ্ৱে খন্ধা. (১)

অধিপতিপচ্চযো

৯. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি অধিপতিপচ্চযা… তীণি (হেতুসদিসা).

ভাৱনায পহাতব্বহেতুকং ধম্মং পটিচ্চ…পে… তীণি (হেতুসদিসা, অধিপতিযা মোহো নত্থি).

নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি অধিপতিপচ্চযা – নেৱদস্সনেন নভাৱনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধা. একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

১০. দস্সনেন পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি অধিপতিপচ্চযা – দস্সনেন পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

ভাৱনায পহাতব্বহেতুকঞ্চ নেৱদস্সনেন নভাৱনায পহাতব্বহেতুকঞ্চ ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি অধিপতিপচ্চযা – ভাৱনায পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অনন্তৰ-সমনন্তৰপচ্চযা

১১. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি অনন্তৰপচ্চযা. সমনন্তৰপচ্চযা (আৰম্মণসদিসং).

সহজাতপচ্চযো

১২. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি সহজাতপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

দস্সনেন পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি সহজাতপচ্চযা – দস্সনেন পহাতব্বহেতুকে খন্ধে পটিচ্চ চিত্তসমুট্ঠানং ৰূপং; ৱিচিকিচ্ছাসহগতে খন্ধে পটিচ্চ মোহো চিত্তসমুট্ঠানঞ্চ ৰূপং. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি সহজাতপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; ৱিচিকিচ্ছাসহগতং একং খন্ধং পটিচ্চ তযো খন্ধা মোহো চ চিত্তসমুট্ঠানঞ্চ ৰূপং…পে…. (৩)

১৩. ভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি সহজাতপচ্চযা – ভাৱনায পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

ভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি সহজাতপচ্চযা – ভাৱনায পহাতব্বহেতুকে খন্ধে পটিচ্চ চিত্তসমুট্ঠানং ৰূপং; উদ্ধচ্চসহগতে খন্ধে পটিচ্চ মোহো চ চিত্তসমুট্ঠানঞ্চ ৰূপং. (২)

ভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো চ নেৱদস্সনেন নভাৱনায পহাতব্বহেতুকো চ ধম্মা উপ্পজ্জন্তি সহজাতপচ্চযা – ভাৱনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; উদ্ধচ্চসহগতং একং খন্ধং পটিচ্চ তযো খন্ধা মোহো চ চিত্তসমুট্ঠানঞ্চ ৰূপং…পে…. (৩)

১৪. নেৱদস্সনেন নভাৱনায পহাতব্বহেতুকং ধম্মং পটিচ্চ নেৱদস্সনেন নভাৱনায পহাতব্বহেতুকো ধম্মো উপ্পজ্জতি সহজাতপচ্চযা – নেৱদস্সনেন নভাৱনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… ৱিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং ৰূপং. পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং…পে…. (১)

নেৱদস্সনেন নভাৱনায পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি সহজাতপচ্চযা – ৱিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নেৱদস্সনেন নভাৱনায পহাতব্বহেতুকং ধম্মং পটিচ্চ ভাৱনায পহাতব্বহেতুকো ধম্মো উপ্পজ্জতি সহজাতপচ্চযা (সংখিত্তং. হেতুসদিসং কাতব্বং). (৩)

অঞ্ঞমঞ্ঞপচ্চযাদি

১৫. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি অঞ্ঞমঞ্ঞপচ্চযা, নিস্সযপচ্চযা, উপনিস্সযপচ্চযা, পুৰেজাতপচ্চযা, আসেৱনপচ্চযা, কম্মপচ্চযা, ৱিপাকপচ্চযা, আহাৰপচ্চযা, ইন্দ্ৰিযপচ্চযা, ঝানপচ্চযা, মগ্গপচ্চযা, সম্পযুত্তপচ্চযা, ৱিপ্পযুত্তপচ্চযা, অত্থিপচ্চযা, নত্থিপচ্চযা, ৱিগতপচ্চযা, অৱিগতপচ্চযা.