১. ৱিভঙ্গৱাৰো

নহেতুপচ্চযো

১৬. দস্সনেন পহাতব্বং ধম্মং পটিচ্চ দস্সনেন পহাতব্বো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে খন্ধে পটিচ্চ ৱিচিকিচ্ছাসহগতো মোহো. (১)

ভাৱনায পহাতব্বং ধম্মং পটিচ্চ ভাৱনায পহাতব্বো ধম্মো উপ্পজ্জতি নহেতুপচ্চযা – উদ্ধচ্চসহগতে খন্ধে পটিচ্চ উদ্ধচ্চসহগতো মোহো. (১)

নেৱদস্সনেন নভাৱনায পহাতব্বং ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নহেতুপচ্চযা – অহেতুকং নেৱদস্সনেন নভাৱনায পহাতব্বং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ…পে… অহেতুকপটিসন্ধিক্খণে নেৱদস্সনেন নভাৱনায পহাতব্বং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা…পে… খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তাৰূপং উপাদাৰূপং. (১)

নআৰম্মণপচ্চযো

১৭. দস্সনেন পহাতব্বং ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নআৰম্মণপচ্চযা – দস্সনেন পহাতব্বে খন্ধে পটিচ্চ চিত্তসমুট্ঠানং ৰূপং. (১)

ভাৱনায পহাতব্বং ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নআৰম্মণপচ্চযা – ভাৱনায পহাতব্বে খন্ধে পটিচ্চ চিত্তসমুট্ঠানং ৰূপং. (১)

নেৱদস্সনেন নভাৱনায পহাতব্বং ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নআৰম্মণপচ্চযা – নেৱদস্সনেন নভাৱনায পহাতব্বে খন্ধে পটিচ্চ চিত্তসমুট্ঠানং ৰূপং. পটিসন্ধিক্খণে নেৱদস্সনেন নভাৱনায পহাতব্বে খন্ধে পটিচ্চ কটত্তাৰূপং, খন্ধে পটিচ্চ ৱত্থু; একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

১৮. দস্সনেন পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নআৰম্মণপচ্চযা – দস্সনেন পহাতব্বে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

ভাৱনায পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নআৰম্মণপচ্চযা – ভাৱনায পহাতব্বে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

নঅধিপতিপচ্চযাদি

১৯. দস্সনেন পহাতব্বং ধম্মং পটিচ্চ দস্সনেন পহাতব্বো ধম্মো উপ্পজ্জতি নঅধিপতিপচ্চযা… (পৰিপুণ্ণং হেতুপচ্চযসদিসং) নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা.

নপুৰেজাতপচ্চযো

২০. দস্সনেন পহাতব্বং ধম্মং পটিচ্চ দস্সনেন পহাতব্বো ধম্মো উপ্পজ্জতি নপুৰেজাতপচ্চযা – অৰূপে দস্সনেন পহাতব্বং একং খন্ধং পটিচ্চ তযো খন্ধা…পে…. (১)

দস্সনেন পহাতব্বং ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নপুৰেজাতপচ্চযা – দস্সনেন পহাতব্বে খন্ধে পটিচ্চ চিত্তসমুট্ঠানং ৰূপং. (২)

ভাৱনায পহাতব্বং ধম্মং পটিচ্চ ভাৱনায পহাতব্বো…পে… অৰূপে ভাৱনায পহাতব্বং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

ভাৱনায পহাতব্বং ধম্মং পটিচ্চ নেৱদস্সনেন নভাৱনায পহাতব্বো…পে… ভাৱনায পহাতব্বে খন্ধে পটিচ্চ চিত্তসমুট্ঠানং ৰূপং. (২)

২১. নেৱদস্সনেন নভাৱনায পহাতব্বং ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নপুৰেজাতপচ্চযা – অৰূপে নেৱদস্সনেন নভাৱনায পহাতব্বং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা, নেৱদস্সনেন নভাৱনায পহাতব্বে খন্ধে পটিচ্চ চিত্তসমুট্ঠানং ৰূপং. পটিসন্ধিক্খণে নেৱদস্সনেন নভাৱনায পহাতব্বং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা কটত্তা চ ৰূপং, খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

দস্সনেন পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পটিচ্চ নেৱদস্সনেন নভাৱনায পহাতব্বো ধম্মো…পে… দস্সনেন পহাতব্বে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

ভাৱনায পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নপুৰেজাতপচ্চযা – ভাৱনায পহাতব্বে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

নপচ্ছাজাতপচ্চযাদি

২২. দস্সনেন পহাতব্বং ধম্মং পটিচ্চ দস্সনেন পহাতব্বো ধম্মো উপ্পজ্জতি নপচ্ছাজাতপচ্চযা… নআসেৱনপচ্চযা.

নকম্মপচ্চযো

২৩. দস্সনেন পহাতব্বং ধম্মং পটিচ্চ দস্সনেন পহাতব্বো ধম্মো উপ্পজ্জতি নকম্মপচ্চযা – দস্সনেন পহাতব্বে খন্ধে পটিচ্চ দস্সনেন পহাতব্বা চেতনা. (১)

ভাৱনায পহাতব্বং ধম্মং পটিচ্চ ভাৱনায পহাতব্বো ধম্মো উপ্পজ্জতি নকম্মপচ্চযা – ভাৱনায পহাতব্বে খন্ধে পটিচ্চ ভাৱনায পহাতব্বা চেতনা. (১)

নেৱদস্সনেন নভাৱনায পহাতব্বং ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নকম্মপচ্চযা – নেৱদস্সনেন নভাৱনায পহাতব্বে খন্ধে পটিচ্চ নেৱদস্সনেন নভাৱনায পহাতব্বা চেতনা; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

নৱিপাকপচ্চযো

২৪. দস্সনেন পহাতব্বং ধম্মং পটিচ্চ দস্সনেন পহাতব্বো ধম্মো উপ্পজ্জতি নৱিপাকপচ্চযা (নঅধিপতিপচ্চযসদিসং, পটিসন্ধি নত্থি).

নআহাৰপচ্চযো

২৫. নেৱদস্সনেন নভাৱনায পহাতব্বং ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নআহাৰপচ্চযা – বাহিৰং… উতুসমুট্ঠানং… অসঞ্ঞসত্তানং একং মহাভূতং…পে….

নইন্দ্ৰিযপচ্চযো

২৬. নেৱদস্সনেন নভাৱনায পহাতব্বং…পে… নইন্দ্ৰিযপচ্চযা – বাহিৰং… আহাৰসমুট্ঠানং… উতুসমুট্ঠান… একং মহাভূতং…পে… অসঞ্ঞসত্তানং মহাভূতে পটিচ্চ ৰূপজীৱিতিন্দ্ৰিযং.

নঝানপচ্চযো

২৭. নেৱদস্সনেন নভাৱনায পহাতব্বং ধম্মং…পে… নঝানপচ্চযা – পঞ্চৱিঞ্ঞাণসহগতং একং খন্ধং পটিচ্চ তযো খন্ধা…পে… দ্ৱে খন্ধে…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. উতুসমুট্ঠানং, অসঞ্ঞসত্তানং একং মহাভূতং…পে….

নমগ্গপচ্চযো

২৮. নেৱদস্সনেন নভাৱনায পহাতব্বং…পে… নমগ্গপচ্চযা – অহেতুকং নেৱদস্সনেন নভাৱনায পহাতব্বং…পে… অহেতুকপটিসন্ধিক্খণে…পে… একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে….

নসম্পযুত্তপচ্চযো

২৯. দস্সনেন পহাতব্বং ধম্মং পটিচ্চ নেৱদস্সনেন নভাৱনায পহাতব্বো ধম্মো উপ্পজ্জতি নসম্পযুত্তপচ্চযা (নআৰম্মণসদিসং).

নৱিপ্পযুত্তপচ্চযো

৩০. দস্সনেন পহাতব্বং…পে… নৱিপ্পযুত্তপচ্চযা – অৰূপে দস্সনেন পহাতব্বং একং খন্ধং পটিচ্চ…পে…. (১)

ভাৱনায পহাতব্বং…পে… নৱিপ্পযুত্তপচ্চযা – অৰূপে ভাৱনায পহাতব্বং একং খন্ধং…পে…. (১)

নেৱদস্সনেন নভাৱনায পহাতব্বং…পে… নৱিপ্পযুত্তপচ্চযা – অৰূপে নেৱদস্সনেন নভাৱনায পহাতব্বং একং খন্ধং পটিচ্চ…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. (১)

নোনত্থি-নোৱিগতপচ্চযা

৩১. দস্সনেন পহাতব্বং ধম্মং পটিচ্চ নেৱদস্সনেন নভাৱনায…পে… নোনত্থিপচ্চযা… নোৱিগতপচ্চযা (নআৰম্মণসদিসং).