১. ৱিভঙ্গৱাৰো

নহেতুপচ্চযো

৪৬. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে খন্ধে পচ্চযা ৱিচিকিচ্ছাসহগতো মোহো. (১)

ভাৱনায পহাতব্বং ধম্মং পচ্চযা ভাৱনায পহাতব্বো ধম্মো উপ্পজ্জতি নহেতুপচ্চযা – উদ্ধচ্চসহগতে খন্ধে পচ্চযা উদ্ধচ্চসহগতো মোহো. (১)

নেৱদস্সনেন নভাৱনায পহাতব্বং ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নহেতুপচ্চযা – অহেতুকং নেৱদস্সনেন নভাৱনায পহাতব্বং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পচ্চযা ৱত্থু, ৱত্থুং পচ্চযা খন্ধা; একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা অহেতুকা নেৱদস্সনেন নভাৱনায পহাতব্বা খন্ধা. (১)

নেৱদস্সনেন নভাৱনায পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নহেতুপচ্চযা – ৱত্থুং পচ্চযা ৱিচিকিচ্ছাসহগতো মোহো. (২)

নেৱদস্সনেন নভাৱনায পহাতব্বং ধম্মং পচ্চযা ভাৱনায পহাতব্বো ধম্মো উপ্পজ্জতি নহেতুপচ্চযা – ৱত্থুং পচ্চযা উদ্ধচ্চসহগতো মোহো. (৩)

৪৭. দস্সনেন পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পচ্চযা দস্সনেন পহাতব্বো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো মোহো. (১)

ভাৱনায পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পচ্চযা ভাৱনায পহাতব্বো ধম্মো উপ্পজ্জতি নহেতুপচ্চযা – উদ্ধচ্চসহগতে খন্ধে চ ৱত্থুঞ্চ পচ্চযা উদ্ধচ্চসহগতো মোহো. (১)

নআৰম্মণপচ্চযো

৪৮. দস্সনেন পহাতব্বং ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নআৰম্মণপচ্চযা – দস্সনেন পহাতব্বে খন্ধে পচ্চযা চিত্তসমুট্ঠানং ৰূপং. (১)

ভাৱনায পহাতব্বং ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নআৰম্মণপচ্চযা – ভাৱনায পহাতব্বে খন্ধে পচ্চযা চিত্তসমুট্ঠানং ৰূপং. (১)

নেৱদস্সনেন নভাৱনায পহাতব্বং ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নআৰম্মণপচ্চযা – নেৱদস্সনেন নভাৱনায পহাতব্বে খন্ধে পচ্চযা চিত্তসমুট্ঠানং ৰূপং. পটিসন্ধিক্খণে নেৱদস্সনেন নভাৱনায পহাতব্বে খন্ধে পচ্চযা কটত্তাৰূপং, খন্ধে পচ্চযা ৱত্থু; একং মহাভূতং পচ্চযা…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. (১)

৪৯. দস্সনেন পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পচ্চযা দস্সনেন পহাতব্বো ধম্মো উপ্পজ্জতি নআৰম্মণপচ্চযা – দস্সনেন পহাতব্বে খন্ধে চ মহাভূতে চ পচ্চযা চিত্তসমুট্ঠানং ৰূপং. (১)

ভাৱনায পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নআৰম্মণপচ্চযা – ভাৱনায পহাতব্বে খন্ধে চ মহাভূতে চ পচ্চযা চিত্তসমুট্ঠানং ৰূপং. (১)

নঅধিপতিপচ্চযাদি

৫০. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নঅধিপতিপচ্চযা (সহজাতসদিসং)… নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা.

নপুৰেজাতপচ্চযো

৫১. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নপুৰেজাতপচ্চযা – অৰূপে দস্সনেন পহাতব্বং একং খন্ধং পচ্চযা…পে…. (১)

দস্সনেন পহাতব্বং ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নপুৰেজাতপচ্চযা – দস্সনেন পহাতব্বে খন্ধে পচ্চযা চিত্তসমুট্ঠানং ৰূপং. (২)

ভাৱনায পহাতব্বং ধম্মং পচ্চযা ভাৱনায পহাতব্বো ধম্মো উপ্পজ্জতি নপুৰেজাতপচ্চযা – অৰূপে ভাৱনায পহাতব্বং একং খন্ধং পচ্চযা…পে…. (১)

ভাৱনায পহাতব্বং ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নপুৰেজাতপচ্চযা – ভাৱনায পহাতব্বে খন্ধে পচ্চযা চিত্তসমুট্ঠানং ৰূপং. (২)

৫২. নেৱদস্সনেন নভাৱনায পহাতব্বং ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নপুৰেজাতপচ্চযা – অৰূপে নেৱদস্সনেন নভাৱনায পহাতব্বং একং খন্ধং পচ্চযা তযো খন্ধা…পে… নেৱদস্সনেন নভাৱনায পহাতব্বে খন্ধে পচ্চযা চিত্তসমুট্ঠানং ৰূপং. পটিসন্ধিক্খণে…পে… খন্ধে পচ্চযা কটত্তাৰূপং, খন্ধে পচ্চযা ৱত্থু, ৱত্থুং পচ্চযা খন্ধা; একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং, অসঞ্ঞসত্তানং…পে…. (১)

দস্সনেন পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নপুৰেজাতপচ্চযা – দস্সনেন পহাতব্বে খন্ধে চ মহাভূতে চ পচ্চযা চিত্তসমুট্ঠানং ৰূপং. (১)

ভাৱনায পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পচ্চযা নেৱদস্সনেন নভাৱনায পহাতব্বো ধম্মো উপ্পজ্জতি নপুৰেজাতপচ্চযা – ভাৱনায পহাতব্বে খন্ধে চ মহাভূতে চ পচ্চযা চিত্তসমুট্ঠানং ৰূপং. (১)

নপচ্ছাজাতপচ্চযাদি

৫৩. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নপচ্ছাজাতপচ্চযা… নআসেৱনপচ্চযা.

নকম্মপচ্চযো

৫৪. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নকম্মপচ্চযা – দস্সনেন পহাতব্বে খন্ধে পচ্চযা দস্সনেন পহাতব্বা চেতনা. (১)

ভাৱনায পহাতব্বং ধম্মং…পে… নকম্মপচ্চযা – ভাৱনায পহাতব্বে খন্ধে পচ্চযা ভাৱনায পহাতব্বা চেতনা. (১)

নেৱদস্সনেন নভাৱনায পহাতব্বং ধম্মং…পে… নকম্মপচ্চযা – নেৱদস্সনেন নভাৱনায পহাতব্বে খন্ধে পচ্চযা নেৱদস্সনেন নভাৱনায পহাতব্বা চেতনা; বাহিৰং… আহাৰসমুট্ঠানং… উতুসমুট্ঠানং…পে…. (১)

নেৱদস্সনেন নভাৱনায পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নকম্মপচ্চযা – ৱত্থুং পচ্চযা দস্সনেন পহাতব্বা চেতনা. (২)

নেৱদস্সনেন নভাৱনায পহাতব্বং ধম্মং পচ্চযা ভাৱনায পহাতব্বো ধম্মো উপ্পজ্জতি নকম্মপচ্চযা – ৱত্থুং পচ্চযা ভাৱনায পহাতব্বা চেতনা. (৩)

৫৫. দস্সনেন পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পচ্চযা দস্সনেন পহাতব্বো ধম্মো উপ্পজ্জতি নকম্মপচ্চযা – দস্সনেন পহাতব্বে খন্ধে চ ৱত্থুঞ্চ পচ্চযা দস্সনেন পহাতব্বা চেতনা. (১)

ভাৱনায পহাতব্বঞ্চ নেৱদস্সনেন নভাৱনায পহাতব্বঞ্চ ধম্মং পচ্চযা ভাৱনায পহাতব্বো ধম্মো উপ্পজ্জতি নকম্মপচ্চযা – ভাৱনায পহাতব্বে খন্ধে চ ৱত্থুঞ্চ পচ্চযা ভাৱনায পহাতব্বা চেতনা. (১)

নৱিপাকপচ্চযাদি

৫৬. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নৱিপাকপচ্চযা (পৰিপুণ্ণং, পটিসন্ধি নত্থি), নআহাৰপচ্চযা – বাহিৰং… উতুসমুট্ঠানং… অসঞ্ঞসত্তানং…পে… নইন্দ্ৰিযপচ্চযা – বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… মহাভূতে পচ্চযা ৰূপজীৱিতিন্দ্ৰিযং… নঝানপচ্চযা – পঞ্চৱিঞ্ঞাণং…পে… বাহিৰং…পে… অসঞ্ঞসত্তানং…পে… নমগ্গপচ্চযা – অহেতুকং নেৱদস্সনেন নভাৱনায পহাতব্বং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… অহেতুকপটিসন্ধিক্খণে…পে… একং মহাভূতং…পে… অসঞ্ঞসত্তানং…পে… নসম্পযুত্তপচ্চযা, নৱিপ্পযুত্তপচ্চযা – অৰূপে দস্সনেন পহাতব্বং একং খন্ধং পচ্চযা…পে… অৰূপে ভাৱনায পহাতব্বং একং খন্ধং পচ্চযা তযো খন্ধা…পে… নেৱদস্সনেন নভাৱনায পহাতব্বং ধম্মং পচ্চযা নেৱদস্সনেন…পে… অৰূপে নেৱদস্সনেন নভাৱনায পহাতব্বং একং খন্ধং পচ্চযা তযো খন্ধা…পে… দ্ৱে খন্ধে…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… নোনত্থিপচ্চযা… নোৱিগতপচ্চযা.