১. ৱিভঙ্গৱাৰো

নহেতুপচ্চযো

১৭. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নহেতুপচ্চযা – অনিদস্সনসপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং. অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ চক্খাযতনং…পে… ৰসাযতনং. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং অনিদস্সনসপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং, মহাভূতে পটিচ্চ…পে….

(অনিদস্সনসপ্পটিঘমূলকে ইমিনা কাৰণেন সত্তপি পঞ্হা ৱিভজিতব্বা.)

১৮. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি নহেতুপচ্চযা – অহেতুকং অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ কটত্তাৰূপং…পে… খন্ধে পটিচ্চ ৱত্থু, ৱত্থুং পটিচ্চ খন্ধা. আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ ইত্থিন্দ্ৰিযং…পে… কবড়ীকাৰো আহাৰো. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং আপোধাতুং পটিচ্চ অনিদস্সনঅপ্পটিঘং কটত্তাৰূপং উপাদাৰূপং. ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো.

(অনিদস্সনঅপ্পটিঘমূলকা ইমিনা কাৰণেন সত্ত পঞ্হা ৱিভজিতব্বা.)

১৯. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি নহেতুপচ্চযা – অহেতুকে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং ৰূপং. অহেতুকপটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তাৰূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ ৰূপাযতনং. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং কটত্তাৰূপং উপাদাৰূপং.

(ইমিনা কাৰণেন সত্ত পঞ্হা ৱিত্থাৰেতব্বা অসম্মোহন্তেন.)

নআৰম্মণপচ্চযো

২০. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নআৰম্মণপচ্চযা – অনিদস্সনসপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং. অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ চক্খাযতনং…পে… ৰসাযতনং. বাহিৰং… আহাৰসমুট্ঠানং…, উতুসমুট্ঠানং… অসঞ্ঞসত্তানং অনিদস্সনসপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং…পে….

(অনিদস্সনসপ্পটিঘমূলকা ইমিনা কাৰণেন সত্তপি পঞ্হা ৱিত্থাৰেতব্বা.)

২১. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি নআৰম্মণপচ্চযা – অনিদস্সনঅপ্পটিঘে খন্ধে পটিচ্চ অনিদস্সনঅপ্পটিঘং চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে পটিচ্চ অনিদস্সনঅপ্পটিঘং কটত্তাৰূপং. খন্ধে পটিচ্চ ৱত্থু…পে… আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ ইত্থিন্দ্ৰিযং…পে… কবড়ীকাৰো আহাৰো. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং আপোধাতুং পটিচ্চ অনিদস্সনঅপ্পটিঘং কটত্তাৰূপং উপাদাৰূপং.

(অনিদস্সনঅপ্পটিঘমূলকে ইমিনা কাৰণেন সত্তপি পঞ্হা ৱিত্থাৰেতব্বা.)

২২. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি নআৰম্মণপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তাৰূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ ৰূপাযতনং. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং কটত্তাৰূপং উপাদাৰূপং.

(ঘটনে ইমিনা কাৰণেন সত্তপি পঞ্হা ৱিভজিতব্বা.)

নঅধিপতিপচ্চযাদি

২৩. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নঅধিপতিপচ্চযা (সহজাতসদিসং)… নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা – অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ চক্খাযতনং…পে… ৰসাযতনং… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং মহাভূতে পটিচ্চ অনিদস্সনসপ্পটিঘং কটত্তাৰূপং উপাদাৰূপং.

(ইমিনা কাৰণেন একৱীস পঞ্হা ৱিভজিতব্বা.)

নউপনিস্সযপচ্চযা… নপুৰেজাতপচ্চযা… নপচ্ছাজাতপচ্চযা… নআসেৱনপচ্চযা… নকম্মপচ্চযা – বাহিৰং… আহাৰসমুট্ঠানং… উতুসমুট্ঠানং… অনিদস্সনসপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং. অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং উপাদাৰূপং (কম্মং ৱিভজিত্ৱা নকম্মেনেৱ একৱীস পঞ্হা কাতব্বা), নৱিপাকপচ্চযা (পটিসন্ধিপি কটত্তাপি নত্থি, পঞ্চৱোকাৰেযেৱ কাতব্বা), নআহাৰপচ্চযা – বাহিৰং… উতুসমুট্ঠানং… অসঞ্ঞসত্তানং…পে… (ইমিনা কাৰণেন ৱিভজিতব্বা একৱীসাপি).

নইন্দ্ৰিযপচ্চযাদি

২৪. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নইন্দ্ৰিযপচ্চযা – বাহিৰং… আহাৰসমুট্ঠানং… উতুসমুট্ঠানং… অনিদস্সনসপ্পটিঘং একং মহাভূতং…পে… অসঞ্ঞসত্তানং মহাভূতে পটিচ্চ ৰূপজীৱিতিন্দ্ৰিযং (সংখিত্তং, সব্বে পঞ্হা ৱিভজিতব্বা)… নঝানপচ্চযা – বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং (সংখিত্তং, সত্তপি পঞ্হা ৱিভজিতব্বা).

অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি নঝানপচ্চযা – পঞ্চৱিঞ্ঞাণসহগতং একং খন্ধং পটিচ্চ তযো খন্ধা…পে… দ্ৱে খন্ধে…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং আপোধাতুং পটিচ্চ অনিদস্সনঅপ্পটিঘং কটত্তাৰূপং উপাদাৰূপং.

(এৱং সত্তপি পঞ্হা ৱিভজিতব্বা.)

২৫. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি নঝানপচ্চযা – বাহিৰং… আহাৰসমুট্ঠানং… উতুসমুট্ঠানং…, অসঞ্ঞসত্তানং…পে… অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং কটত্তাৰূপং উপাদাৰূপং.

(এৱং সত্তপি পঞ্হা ৱিভজিতব্বা), নমগ্গপচ্চযা… (নহেতুসদিসং কাতব্বং. পৰিপুণ্ণং. মোহো নত্থি). নসম্পযুত্তপচ্চযা… নৱিপ্পযুত্তপচ্চযা (পৰিপুণ্ণং)… নোনত্থিপচ্চযা… নোৱিগতপচ্চযা.