১. ৱিভঙ্গৱাৰো

হেতুপচ্চযো

১. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনসপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং. অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ চক্খাযতনং…পে… ৰসাযতনং…পে…. (১)

অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ ৰূপাযতনং. (২)

অনিদস্সনসপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি হেতুপচ্চযা – অনিদস্সনসপ্পটিঘে মহাভূতে পটিচ্চ অনিদস্সনঅপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ আপোধাতু, ইত্থিন্দ্ৰিযং…পে… কবড়ীকাৰো আহাৰো. (৩)

অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ ৰূপাযতনং, আপোধাতু, ইন্দ্ৰিযং…পে… কবড়ীকাৰো আহাৰো. (৪)

অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘং একং মহাভূতং পটিচ্চ দ্ৱে মহাভূতা আপোধাতু চ, দ্ৱে মহাভূতে পটিচ্চ একং মহাভূতং আপোধাতু চ. অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ চক্খাযতনং…পে… ৰসাযতনং, আপোধাতু, ইত্থিন্দ্ৰিযং…পে… কবড়ীকাৰো আহাৰো. (৫)

অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ ৰূপাযতনং, চক্খাযতনং…পে… ৰসাযতনং. (৬)

অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ ৰূপাযতনং, চক্খাযতনং…পে… ৰসাযতনং, আপোধাতু, ইত্থিন্দ্ৰিযং…পে… কবড়ীকাৰো আহাৰো. (৭)

২. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ চিত্তসমুট্ঠানং ৰূপং…পে… দ্ৱে খন্ধে পটিচ্চ দ্ৱে খন্ধা অনিদস্সনঅপ্পটিঘঞ্চ চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ কটত্তাৰূপং…পে… দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা. আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ ইত্থিন্দ্ৰিযং…পে… কবড়ীকাৰো আহাৰো. (১)

অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘং চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘং কটত্তাৰূপং. আপোধাতুং পটিচ্চ সনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ ৰূপাযতনং. (২)

অনিদস্সনঅপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে পটিচ্চ অনিদস্সনসপ্পটিঘং চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে পটিচ্চ অনিদস্সনসপ্পটিঘং কটত্তাৰূপং. আপোধাতুং পটিচ্চ অনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ চক্খাযতনং…পে… ৰসাযতনং. (৩)

অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং…পে… দ্ৱে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা. সনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তাৰূপং…পে… দ্ৱে খন্ধে…পে… আপোধাতুং পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ ৰূপাযতনং, ইত্থিন্দ্ৰিযং…পে… কবড়ীকাৰো আহাৰো. (৪)

অনিদস্সনঅপ্পটিঘং ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং…পে… দ্ৱে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তাৰূপং…পে… দ্ৱে খন্ধে…পে… আপোধাতুং পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ চক্খাযতনং…পে… ৰসাযতনং, ইত্থিন্দ্ৰিযং…পে… কবড়ীকাৰো আহাৰো. (৫)

অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ কটত্তাৰূপং. আপোধাতুং পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ ৰূপাযতনং, চক্খাযতনং…পে… ৰসাযতনং. (৬)

অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং…পে… দ্ৱে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তাৰূপং…পে… দ্ৱে খন্ধে…পে… আপোধাতুং পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ ৰূপাযতনং চক্খাযতনং…পে… ৰসাযতনং, ইত্থিন্দ্ৰিযং…পে… কবড়ীকাৰো আহাৰো. (৭)

৩. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তাৰূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ ৰূপাযতনং. (১)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘং চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘং কটত্তাৰূপং. অনিদস্সনসপ্পটিঘং একং মহাভূতঞ্চ আপোধাতুঞ্চ পটিচ্চ দ্ৱে মহাভূতা, দ্ৱে মহাভূতে চ আপোধাতুঞ্চ পটিচ্চ একং মহাভূতং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ অনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ চক্খাযতনং…পে… ৰসাযতনং. (২)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনঅপ্পটিঘং চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনঅপ্পটিঘং কটত্তাৰূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ অনিদস্সনঅপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ ইত্থিন্দ্ৰিযং…পে… কবড়ীকাৰো আহাৰো. (৩)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তাৰূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ ৰূপাযতনং, ইত্থিন্দ্ৰিযং…পে… কবড়ীকাৰো আহাৰো. (৪)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তাৰূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং কটতাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ চক্খাযতনং…পে… ৰসাযতনং, ইত্থিন্দ্ৰিযং…পে… কবড়ীকাৰো আহাৰো. (৫)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ কটত্তাৰূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ ৰূপাযতনং, চক্খাযতনং…পে… ৰসাযতনং. (৬)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তাৰূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ ৰূপাযতনং, চক্খাযতনং…পে… ৰসাযতনং, ইত্থিন্দ্ৰিযং…পে… কবড়ীকাৰো আহাৰো. (৭)

আৰম্মণপচ্চযো

৪. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি আৰম্মণপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা…পে… দ্ৱে খন্ধে …পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা…পে… দ্ৱে খন্ধে…পে… ৱত্থুং পটিচ্চ খন্ধা. (১)

অধিপতিপচ্চযো

৫. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অধিপতিপচ্চযা – অনিদস্সনসপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং. অনিদস্সনসপ্পটিঘে মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

(অনিদস্সনসপ্পটিঘমূলকে ইমিনা কাৰণেন সত্ত পঞ্হা ৱিভজিতব্বা, পৰিযোসানপদা নত্থি.)

৬. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অধিপতিপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ চিত্তসমুট্ঠানং ৰূপং…পে… দ্ৱে খন্ধে…পে… আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং ৰূপং উপাদাৰূপং.

(ইমিনা কাৰণেন অনিদস্সনঅপ্পটিঘমূলকে সত্ত পঞ্হা ৱিভজিতব্বা, নিট্ঠানপদা নত্থি.)

৭. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি অধিপতিপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং ৰূপং. অনিদস্সনঅপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং ৰূপং উপাদাৰূপং.

(ইমিনা কাৰণেন সত্তপি পঞ্হা ৱিভজিতব্বা.)

অনন্তৰ-সমনন্তৰপচ্চযা

৮. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অনন্তৰপচ্চযা… সমনন্তৰপচ্চযা (আৰম্মণসদিসং).

সহজাতপচ্চযো

৯. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি সহজাতপচ্চযা – অনিদস্সনসপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং. অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনং পটিচ্চ চক্খাযতনং…পে… ৰসাযতনং. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ দ্ৱে মহাভূতা…পে….

(অনিদস্সনসপ্পটিঘমূলকা সত্ত পঞ্হা ইমিনা কাৰণেন ৱিভজিতব্বা.)

১০. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি সহজাতপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘং চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘং কটত্তা চ ৰূপং…পে… দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা. আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. আপোধাতুং পটিচ্চ ইত্থিন্দ্ৰিযং…পে… কবড়ীকাৰো আহাৰো. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং আপোধাতুং পটিচ্চ অনিদস্সনঅপ্পটিঘং কটত্তাৰূপং উপাদাৰূপং.

(অনিদস্সনঅপ্পটিঘমূলকে সত্ত পঞ্হা ইমিনা কাৰণেন কাতব্বা.)

১১. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি সহজাতপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং ৰূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তাৰূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং ৰূপং কটত্তাৰূপং উপাদাৰূপং. ফোট্ঠব্বাযতনঞ্চ আপোধাতুঞ্চ পটিচ্চ ৰূপাযতনং. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং কটত্তাৰূপং উপাদাৰূপং.

(ইমিনা কাৰণেন সত্ত পঞ্হা ৱিভজিতব্বা.)

অঞ্ঞমঞ্ঞপচ্চযো

১২. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনসপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং. (১)

অনিদস্সনসপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনসপ্পটিঘে মহাভূতে পটিচ্চ আপোধাতু. (২)

অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি অঞ্ঞমঞ্ঞপচ্চযা – অনিদস্সনসপ্পটিঘং একং মহাভূতং পটিচ্চ দ্ৱে মহাভূতা আপোধাতু চ, দ্ৱে মহাভূতে পটিচ্চ একং মহাভূতং আপোধাতু চ. বাহিৰং…পে…. (৩)

১৩. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা ৱত্থু চ…পে… দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা. (১)

অনিদস্সনঅপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – আপোধাতুং পটিচ্চ অনিদস্সনসপ্পটিঘা মহাভূতা. বাহিৰং…পে…. (২)

১৪. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনসপ্পটিঘং একং মহাভূতঞ্চ আপোধাতুঞ্চ পটিচ্চ দ্ৱে মহাভূতা, দ্ৱে মহাভূতে চ আপোধাতুঞ্চ পটিচ্চ একং মহাভূতং. বাহিৰং…পে…. (১)

নিস্সযপচ্চযাদি

১৫. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নিস্সযপচ্চযা… উপনিস্সযপচ্চযা… পুৰেজাতপচ্চযা… আসেৱনপচ্চযা… কম্মপচ্চযা… ৱিপাকপচ্চযা… আহাৰপচ্চযা… ইন্দ্ৰিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৱিপ্পযুত্তপচ্চযা… অত্থিপচ্চযা… নত্থিপচ্চযা… ৱিগতপচ্চযা… অৱিগতপচ্চযা.