১. ৱিভঙ্গৱাৰো

হেতুপচ্চযো

২৯. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স হেতুপচ্চযেন পচ্চযো – অনিদস্সনঅপ্পটিঘা হেতূ সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং ৰূপানং হেতুপচ্চযেন পচ্চযো. পটিসন্ধিক্খণে অনিদস্সনঅপ্পটিঘা হেতূ সম্পযুত্তকানং খন্ধানং অনিদস্সনঅপ্পটিঘানঞ্চ কটত্তাৰূপানং হেতুপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স হেতুপচ্চযেন পচ্চযো – অনিদস্সনঅপ্পটিঘা হেতূ সনিদস্সনসপ্পটিঘানং চিত্তসমুট্ঠানানং ৰূপানং হেতুপচ্চযেন পচ্চযো. পটিসন্ধিক্খণে…পে…. (২)

(অনিদস্সনঅপ্পটিঘমূলকেযেৱ ইমিনা কাৰণেন সত্ত পঞ্হা ৱিভজিতব্বা.)

আৰম্মণপচ্চযো

৩০. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স আৰম্মণপচ্চযেন পচ্চযো – ৰূপে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি, দিব্বেন চক্খুনা ৰূপং পস্সতি, ৰূপাযতনং চক্খুৱিঞ্ঞাণস্স আৰম্মণপচ্চযেন পচ্চযো. সনিদস্সনসপ্পটিঘা খন্ধা ইদ্ধিৱিধঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স আৰম্মণপচ্চযেন পচ্চযো. চক্খুং…পে… কাযং… সদ্দে… গন্ধে… ৰসে… ফোট্ঠব্বে… অনিচ্চতো…পে… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… অনিদস্সনসপ্পটিঘা খন্ধা ইদ্ধিৱিধঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

৩১. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি, নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. অৰিযা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি…পে… ৱত্থুং… ইত্থিন্দ্ৰিযং… পুৰিসিন্দ্ৰিযং… জীৱিতিন্দ্ৰিযং… আপোধাতুং… কবড়ীকাৰং আহাৰং… অনিদস্সনঅপ্পটিঘে খন্ধে অনিচ্চতো…পে… দোমনস্সং উপ্পজ্জতি, চেতোপৰিযঞাণেন অনিদস্সনঅপ্পটিঘচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স আৰম্মণপচ্চযেন পচ্চযো. আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… অনিদস্সনঅপ্পটিঘা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অধিপতিপচ্চযো

৩২. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো. আৰম্মণাধিপতি – ৰূপং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো. আৰম্মণাধিপতি – চক্খুং…পে… কাযং… সদ্দে… গন্ধে… ৰসে… ফোট্ঠব্বে… গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

৩৩. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা…পে… ঝানা ৱুট্ঠহিত্ৱা…পে… অৰিযা মগ্গা ৱুট্ঠহিত্ৱা…পে… ফলা ৱুট্ঠহিত্ৱা…পে… ফলং গৰুং কত্ৱা…পে… নিব্বানং গৰুং কত্ৱা… নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো. ৱত্থুং… ইত্থিন্দ্ৰিযং… পুৰিসিন্দ্ৰিযং… জীৱিতিন্দ্ৰিযং… আপোধাতুং… কবড়ীকাৰং আহাৰং… অনিদস্সনঅপ্পটিঘে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অনিদস্সনঅপ্পটিঘাধিপতি সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং ৰূপানং অধিপতিপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স অধিপতিপচ্চযেন পচ্চযো. সহজাতাধিপতি – অনিদস্সনঅপ্পটিঘাধিপতি সনিদস্সনসপ্পটিঘানং চিত্তসমুট্ঠানানং ৰূপানং অধিপতিপচ্চযেন পচ্চযো. (২)

(অনিদস্সনঅপ্পটিঘমূলকে সত্তপি পঞ্হা ৱিভজিতব্বা, অধিপতি তিৱিধৰূপসঙ্গহেন.)

অনন্তৰপচ্চযো

৩৪. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স অনন্তৰপচ্চযেন পচ্চযো – পুৰিমা পুৰিমা অনিদস্সনঅপ্পটিঘা খন্ধা পচ্ছিমানং পচ্ছিমানং অনিদস্সনঅপ্পটিঘানং খন্ধানং অনন্তৰপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স… মগ্গো ফলস্স… ফলং ফলস্স… অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (১)

সমনন্তৰপচ্চযো

৩৫. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স সমনন্তৰপচ্চযেন পচ্চযো (অনন্তৰসদিসং).

সহজাতপচ্চযাদি

৩৬. অনিদস্সনসপ্পটিঘো ধম্মো অনিদস্সনসপ্পটিঘস্স ধম্মস্স সহজাতপচ্চযেন পচ্চযো (পটিচ্চৱাৰসদিসং সাধুকং কাতব্বং. অঞ্ঞমঞ্ঞপচ্চযে পটিচ্চৱাৰে অঞ্ঞমঞ্ঞসদিসং, নিস্সযপচ্চযে পটিচ্চৱাৰসদিসং).

উপনিস্সযপচ্চযো

৩৭. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – ৱণ্ণসম্পদং পত্থযমানো দানং দেতি, সীলং সমাদিযতি, উপোসথকম্মং…পে… ৱণ্ণসম্পদা সদ্ধায…পে… পঞ্ঞায, ৰাগস্স…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – চক্খুসম্পদং পত্থযমানো…পে… কাযসম্পদং… সদ্দসম্পদং…পে… ফোট্ঠব্বসম্পদং পত্থযমানো দানং দেতি, সীলং সমাদিযতি, উপোসথকম্মং… উতুং… সেনাসনং উপনিস্সায দানং দেতি সীলং সমাদিযতি. উপোসথকম্মং, ঝানং… ৱিপস্সনং… মগ্গং… অভিঞ্ঞং… সমাপত্তিং উপ্পাদেতি পাণং হনতি…পে… সঙ্ঘং ভিন্দতি. চক্খুসম্পদা…পে… ফোট্ঠব্বসম্পদা, উতু, সেনাসনং সদ্ধায…পে… পঞ্ঞায, ৰাগস্স…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

৩৮. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি, সীলং সমাদিযতি, উপোসথকম্মং… ঝানং… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. সীলং…পে… পঞ্ঞং… ৰাগং…পে… পত্থনং, কাযিকং সুখং… কাযিকং দুক্খং… ভোজনং উপনিস্সায দানং দেতি…পে… সঙ্ঘং ভিন্দতি. সদ্ধা …পে… পঞ্ঞা, ৰাগো…পে… পত্থনা, কাযিকং সুখং… কাযিকং দুক্খং… ভোজনং সদ্ধায…পে… পঞ্ঞায, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

পুৰেজাতপচ্চযো

৩৯. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স পুৰেজাতপচ্চযেন পচ্চযো. আৰম্মণপুৰেজাতং – ৰূপে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, ৰূপাযতনং চক্খুৱিঞ্ঞাণস্স পুৰেজাতপচ্চযেন পচ্চযো. (১)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… কাযং… সদ্দে…পে… ফোট্ঠব্বে অনিচ্চতো…পে… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স পুৰেজাতপচ্চযেন পচ্চযো. (১)

অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – ৱত্থুং… ইত্থিন্দ্ৰিযং… পুৰিসিন্দ্ৰিযং… জীৱিতিন্দ্ৰিযং… আপোধাতুং… কবড়ীকাৰং আহাৰং… অনিচ্চতো…পে… দোমনস্সং উপ্পজ্জতি. ৱত্থুপুৰেজাতং – ৱত্থু অনিদস্সনঅপ্পটিঘানং খন্ধানং পুৰেজাতপচ্চযেন পচ্চযো. (১)

৪০. সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. ৰূপাযতনঞ্চ ৱত্থু চ অনিদস্সনঅপ্পটিঘানং খন্ধানং পুৰেজাতপচ্চযেন পচ্চযো. (১)

অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. চক্খাযতনঞ্চ ৱত্থু চ…পে… ফোট্ঠব্বাযতনঞ্চ ৱত্থু চ অনিদস্সনঅপ্পটিঘানং খন্ধানং পুৰেজাতপচ্চযেন পচ্চযো. (১)

সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. ৰূপাযতনঞ্চ চক্খাযতনঞ্চ চক্খুৱিঞ্ঞাণস্স পুৰেজাতপচ্চযেন পচ্চযো. (১)

পচ্ছাজাতপচ্চযো

৪১. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনঅপ্পটিঘা খন্ধা পুৰেজাতস্স ইমস্স অনিদস্সনঅপ্পটিঘস্স কাযস্স পচ্ছাজাতপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনঅপ্পটিঘা খন্ধা পুৰেজাতস্স ইমস্স সনিদস্সনসপ্পটিঘস্স কাযস্স পচ্ছাজাতপচ্চযেন পচ্চযো. (২)

(এৱং সত্ত পঞ্হা ৱিভজিতব্বা, তিৱিধৰূপসঙ্গহো.) (৭)

আসেৱনপচ্চযো

৪২. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আসেৱনপচ্চযেন পচ্চযো – পুৰিমা পুৰিমা অনিদস্সনঅপ্পটিঘা খন্ধা পচ্ছিমানং পচ্ছিমানং অনিদস্সনঅপ্পটিঘানং খন্ধানং আসেৱনপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (১)

কম্মপচ্চযো

৪৩. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অনিদস্সনঅপ্পটিঘা চেতনা সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং ৰূপানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – অনিদস্সনঅপ্পটিঘা চেতনা ৱিপাকানং খন্ধানং অনিদস্সনঅপ্পটিঘানঞ্চ কটত্তাৰূপানং কম্মপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অনিদস্সনঅপ্পটিঘা চেতনা সনিদস্সনসপ্পটিঘানং চিত্তসমুট্ঠানানং ৰূপানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – অনিদস্সনঅপ্পটিঘা চেতনা সনিদস্সনসপ্পটিঘানং কটত্তাৰূপানং কম্মপচ্চযেন পচ্চযো. (২)

(এৱং সত্ত পঞ্হা সহজাতা নানাক্খণিকা ইমিনা কাৰণেন ৱিভজিতব্বা, তিৱিধৰূপসঙ্গহো.) (৭)

ৱিপাকপচ্চযো

৪৪. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ৱিপাকপচ্চযেন পচ্চযো – ৱিপাকো অনিদস্সনঅপ্পটিঘো একো খন্ধো তিণ্ণন্নং খন্ধানং অনিদস্সনঅপ্পটিঘানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে অনিদস্সনঅপ্পটিঘো একো খন্ধো তিণ্ণন্নং খন্ধানং অনিদস্সনঅপ্পটিঘানঞ্চ কটত্তাৰূপানং ৱিপাকপচ্চযেন পচ্চযো…পে… খন্ধা ৱত্থুস্স ৱিপাকপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স ৱিপাকপচ্চযেন পচ্চযো – ৱিপাকা অনিদস্সনঅপ্পটিঘা খন্ধা সনিদস্সনসপ্পটিঘানং চিত্তসমুট্ঠানানং ৰূপানং ৱিপাকপচ্চযেন পচ্চযো. পটিসন্ধিক্খণে অনিদস্সনঅপ্পটিঘা খন্ধা সনিদস্সনসপ্পটিঘানং কটত্তাৰূপানং ৱিপাকপচ্চযেন পচ্চযো. (২)

(এৱং সত্ত পঞ্হা ৱিত্থাৰেতব্বা, পৱত্তিপটিসন্ধি.) (৭)

আহাৰপচ্চযো

৪৫. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আহাৰপচ্চযেন পচ্চযো – অনিদস্সনঅপ্পটিঘা আহাৰা সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং ৰূপানং আহাৰপচ্চযেন পচ্চযো. পটিসন্ধিক্খণে অনিদস্সনঅপ্পটিঘা আহাৰা সম্পযুত্তকানং খন্ধানং অনিদস্সনঅপ্পটিঘানঞ্চ কটত্তাৰূপানং আহাৰপচ্চযেন পচ্চযো. কবড়ীকাৰো আহাৰো ইমস্স অনিদস্সনঅপ্পটিঘস্স কাযস্স আহাৰপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স আহাৰপচ্চযেন পচ্চযো – অনিদস্সনঅপ্পটিঘা আহাৰা সনিদস্সনসপ্পটিঘানং চিত্তসমুট্ঠানানং ৰূপানং আহাৰপচ্চযেন পচ্চযো. পটিসন্ধিক্খণে অনিদস্সনঅপ্পটিঘা আহাৰা সনিদস্সনসপ্পটিঘানং কটত্তাৰূপানং আহাৰপচ্চযেন পচ্চযো. কবড়ীকাৰো আহাৰো ইমস্স সনিদস্সনসপ্পটিঘস্স কাযস্স আহাৰপচ্চযেন পচ্চযো. (২)

(এৱং সত্ত পঞ্হা পৱত্তিপটিসন্ধি ৱিভজিতব্বা, সত্তসুপি কবড়ীকাৰো আহাৰো কাতব্বো.) (৭)

ইন্দ্ৰিযপচ্চযো

৪৬. অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স ইন্দ্ৰিযপচ্চযেন পচ্চযো. (১)

অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ইন্দ্ৰিযপচ্চযেন পচ্চযো – অনিদস্সনঅপ্পটিঘা ইন্দ্ৰিযা সম্পযুত্তকানং খন্ধানং অনিদস্সনঅপ্পটিঘানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো. পটিসন্ধিক্খণে অনিদস্সনঅপ্পটিঘা ইন্দ্ৰিযা সম্পযুত্তকানং খন্ধানং অনিদস্সনঅপ্পটিঘানঞ্চ কটত্তাৰূপানং ইন্দ্ৰিযপচ্চযেন পচ্চযো. ৰূপজীৱিতিন্দ্ৰিযং অনিদস্সনঅপ্পটিঘানং কটত্তাৰূপানং ইন্দ্ৰিযপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স ইন্দ্ৰিযপচ্চযেন পচ্চযো – অনিদস্সনঅপ্পটিঘা ইন্দ্ৰিযা সনিদস্সনসপ্পটিঘানং চিত্তসমুট্ঠানানং ৰূপানং ইন্দ্ৰিযপচ্চযেন পচ্চযো. পটিসন্ধিক্খণে অনিদস্সনঅপ্পটিঘা ইন্দ্ৰিযা সনিদস্সনসপ্পটিঘানং কটত্তাৰূপানং ইন্দ্ৰিযপচ্চযেন পচ্চযো. ৰূপজীৱিতিন্দ্ৰিযং সনিদস্সনসপ্পটিঘানং কটত্তাৰূপানং ইন্দ্ৰিযপচ্চযেন পচ্চযো. (২)

(এৱং পৱত্তিপটিসন্ধি সত্ত পঞ্হা ৱিভজিতব্বা, ৰূপজীৱিতিন্দ্ৰিযঞ্চ অন্তে অন্তে.) (৭)

৪৭. অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযঞ্চ চক্খুৱিঞ্ঞাণঞ্চ চক্খুৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো…পে… কাযিন্দ্ৰিযঞ্চ কাযৱিঞ্ঞাণঞ্চ কাযৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো. (১)

ঝানপচ্চযাদি

৪৮. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো – অনিদস্সনঅপ্পটিঘো একো খন্ধো তিণ্ণন্নং খন্ধানং সম্পযুত্তপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে…পে….

ৱিপ্পযুত্তপচ্চযো

৪৯. অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স ৱিপ্পযুত্তপচ্চযেন পচ্চযো. (১)

অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – অনিদস্সনঅপ্পটিঘা খন্ধা অনিদস্সনঅপ্পটিঘানং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পটিসন্ধিক্খণে অনিদস্সনঅপ্পটিঘা খন্ধা অনিদস্সনঅপ্পটিঘানং কটত্তাৰূপানং ৱিপ্পযুত্তপচ্চযেন পচ্চযো. খন্ধা ৱত্থুস্স ৱিপ্পযুত্তপচ্চযেন পচ্চযো. ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – ৱত্থু অনিদস্সনঅপ্পটিঘানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – অনিদস্সনঅপ্পটিঘা খন্ধা পুৰেজাতস্স ইমস্স অনিদস্সনঅপ্পটিঘস্স কাযস্স ৱিপ্পযুত্তপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনিদস্সনঅপ্পটিঘা খন্ধা সনিদস্সনসপ্পটিঘানং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পটিসন্ধিক্খণে অনিদস্সনঅপ্পটিঘা খন্ধা সনিদস্সনসপ্পটিঘানং কটত্তাৰূপানং ৱিপ্পযুত্তপচ্চযেন পচ্চযো. পচ্ছাজাতা – অনিদস্সনঅপ্পটিঘা খন্ধা পুৰেজাতস্স ইমস্স সনিদস্সনসপ্পটিঘস্স কাযস্স ৱিপ্পযুত্তপচ্চযেন পচ্চযো. (২)

(অৱসেসা পঞ্চ পঞ্হা এৱং ৱিত্থাৰেতব্বা. সহজাতা, পচ্ছাজাতা.)

অত্থিপচ্চযো

৫০. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অত্থিপচ্চযেন পচ্চযো. পুৰেজাতং – ৰূপে অনিচ্চতো…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, ৰূপাযতনং চক্খুৱিঞ্ঞাণস্স অত্থিপচ্চযেন পচ্চযো. (১)

৫১. অনিদস্সনসপ্পটিঘো ধম্মো অনিদস্সনসপ্পটিঘস্স ধম্মস্স অত্থিপচ্চযেন পচ্চযো – অনিদস্সনসপ্পটিঘং একং মহাভূতং দ্ৱিন্নং মহাভূতানং অত্থিপচ্চযেন পচ্চযো. দ্ৱে মহাভূতা একস্স মহাভূতস্স অত্থিপচ্চযেন পচ্চযো. অনিদস্সনসপ্পটিঘা মহাভূতা অনিদস্সনসপ্পটিঘানং চিত্তসমুট্ঠানানং ৰূপানং কটত্তাৰূপানং উপাদাৰূপানং অত্থিপচ্চযেন পচ্চযো. ফোট্ঠব্বাযতনং চক্খাযতনস্স…পে… ৰসাযতনস্স অত্থিপচ্চযেন পচ্চযো. বাহিৰং… আহাৰসমুট্ঠানং… উতুসমুট্ঠানং… একং মহাভূতং দ্ৱিন্নং মহাভূতানং অত্থিপচ্চযেন পচ্চযো. দ্ৱে মহাভূতা একস্স মহাভূতস্স অত্থিপচ্চযেন পচ্চযো. উতুসমুট্ঠানা মহাভূতা অনিদস্সনসপ্পটিঘানং উপাদাৰূপানং অত্থিপচ্চযেন পচ্চযো. অসঞ্ঞসত্তানং অনিদস্সনসপ্পটিঘং একং মহাভূতং দ্ৱিন্নং মহাভূতানং অত্থিপচ্চযেন পচ্চযো. দ্ৱে মহাভূতা…পে…. (১)

অনিদস্সনসপ্পটিঘো ধম্মো সনিদস্সনসপ্পটিঘস্স ধম্মস্স অত্থিপচ্চযেন পচ্চযো. (২)

(পটিচ্চৱাৰে নিস্সযপচ্চযসদিসং.)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতা – অনিদস্সনসপ্পটিঘা মহাভূতা অনিদস্সনঅপ্পটিঘানং চিত্তসমুট্ঠানানং ৰূপানং কটত্তাৰূপানং উপাদাৰূপানং অত্থিপচ্চযেন পচ্চযো (যাৱ অসঞ্ঞসত্তা ৱিত্থাৰেতব্বা). পুৰেজাতং – চক্খুং…পে… কাযং, সদ্দে…পে… ফোট্ঠব্বে অনিচ্চতো…পে… দোমনস্সং উপ্পজ্জতি, চক্খাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স অত্থিপচ্চযেন পচ্চযো. (৩)

(অৱসেসা চত্তাৰো পঞ্হা ৱিত্থাৰেতব্বা. পটিচ্চৱাৰে সহজাতপচ্চযসদিসা, নিন্নানাকৰণা.) (৭)

৫২. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – অনিদস্সনঅপ্পটিঘো একো খন্ধো তিণ্ণন্নং খন্ধানং অনিদস্সনঅপ্পটিঘানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. দ্ৱে খন্ধা…পে… পটিসন্ধিক্খণে…পে… আপোধাতু অনিদস্সনঅপ্পটিঘানং চিত্তসমুট্ঠানানং ৰূপানং কটত্তাৰূপানং উপাদাৰূপানং…পে… আপোধাতু ইত্থিন্দ্ৰিযস্স…পে… কবড়ীকাৰাহাৰস্স চ অত্থিপচ্চযেন পচ্চযো. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং আপোধাতু অনিদস্সনঅপ্পটিঘানং কটত্তাৰূপানং উপাদাৰূপানং অত্থিপচ্চযেন পচ্চযো. পুৰেজাতং – ৱত্থুং… ইত্থিন্দ্ৰিযং… পুৰিসিন্দ্ৰিযং… জীৱিতিন্দ্ৰিযং… আপোধাতুং… কবড়ীকাৰং আহাৰং… অনিচ্চতো…পে… দোমনস্সং উপ্পজ্জতি, ৱত্থু অনিদস্সনঅপ্পটিঘানং খন্ধানং অত্থিপচ্চযেন পচ্চযো. পচ্ছাজাতা – অনিদস্সনঅপ্পটিঘা খন্ধা পুৰেজাতস্স ইমস্স অনিদস্সনঅপ্পটিঘস্স কাযস্স অত্থিপচ্চযেন পচ্চযো. কবড়ীকাৰো আহাৰো ইমস্স অনিদস্সনঅপ্পটিঘস্স কাযস্স অত্থিপচ্চযেন পচ্চযো. ৰূপজীৱিতিন্দ্ৰিযং অনিদস্সনঅপ্পটিঘানং কটত্তাৰূপানং অত্থিপচ্চযেন পচ্চযো (এৱং অৱসেসা ছ পঞ্হা ৱিভজিতব্বা. সহজাতং, পচ্ছাজাতং, আহাৰং, ইন্দ্ৰিযম্পি কাতব্বা). (৭)

৫৩. সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো. পুৰেজাতং – ৰূপাযতনঞ্চ ৱত্থু চ অনিদস্সনঅপ্পটিঘানং খন্ধানং অত্থিপচ্চযেন পচ্চযো. (১)

অনিদস্সনসপ্পটিঘো চ অনিদস্সনঅপ্পটিঘো চ ধম্মা সনিদস্সনসপ্পটিঘস্স ধম্মস্স অত্থিপচ্চযেন পচ্চযো – অনিদস্সনঅপ্পটিঘা খন্ধা চ মহাভূতা চ সনিদস্সনসপ্পটিঘানং চিত্তসমুট্ঠানানং ৰূপানং অত্থিপচ্চযেন পচ্চযো. পটিসন্ধিক্খণে… (সংখিত্তং, অসঞ্ঞসত্তানঞ্চ কাতব্বা). (১)

অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনসপ্পটিঘস্স ধম্মস্স অত্থিপচ্চযেন পচ্চযো (সংখিত্তং). (২)

৫৪. অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতা – অনিদস্সনঅপ্পটিঘা খন্ধা চ মহাভূতা চ অনিদস্সনঅপ্পটিঘানং চিত্তসমুট্ঠানানং ৰূপানং…পে… (যাৱ অসঞ্ঞসত্তা কাতব্বা). পুৰেজাতং – চক্খাযতনঞ্চ ৱত্থু চ…পে… ফোট্ঠব্বাযতনঞ্চ ৱত্থু চ অনিদস্সনঅপ্পটিঘানং খন্ধানং অত্থিপচ্চযেন পচ্চযো. (৩) (অৱসেসা চতস্সো পঞ্হা ৱিভজিতব্বা.) (৭)

৫৫. সনিদস্সনসপ্পটিঘো চ অনিদস্সনসপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো. পুৰেজাতং – ৰূপাযতনঞ্চ চক্খাযতনঞ্চ চক্খুৱিঞ্ঞাণস্স অত্থিপচ্চযেন পচ্চযো. (১)

সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুৰেজাতং. ৰূপাযতনঞ্চ চক্খাযতনঞ্চ চক্খুৱিঞ্ঞাণঞ্চ চক্খুৱিঞ্ঞাণসহগতানং খন্ধানং অত্থিপচ্চযেন পচ্চযো. (১)

(নত্থিৱিগতপচ্চযং অনন্তৰসদিসং. অৱিগতপচ্চযং অত্থিসদিসং.)