১. ৱিভঙ্গৱাৰো

নহেতুপচ্চযো

৭. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নহেতুপচ্চযা – অহেতুকং অজ্ঝত্তং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা. একং মহাভূতং…পে… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে… মহাভূতে পটিচ্চ কটত্তাৰূপং উপাদাৰূপং. ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নহেতুপচ্চযা – অহেতুকং বহিদ্ধা একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা. একং মহাভূতং পটিচ্চ…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে… ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযো

৮. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নআৰম্মণপচ্চযা – অজ্ঝত্তে খন্ধে পটিচ্চ চিত্তসমুট্ঠানং ৰূপং. পটিসন্ধিক্খণে অজ্ঝত্তে খন্ধে পটিচ্চ কটত্তাৰূপং. খন্ধে পটিচ্চ ৱত্থু…পে… একং মহাভূতং পটিচ্চ…পে… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নআৰম্মণপচ্চযা – বহিদ্ধা খন্ধে পটিচ্চ চিত্তসমুট্ঠানং ৰূপং. পটিসন্ধিক্খণে বহিদ্ধা খন্ধে পটিচ্চ কটত্তাৰূপং. খন্ধে পটিচ্চ ৱত্থু…পে… একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. (১)

নঅধিপতিপচ্চযাদি

৯. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নঅধিপতিপচ্চযা…পে… (অনুলোমসহজাতসদিসং, নিন্নানাকৰণং) নঅনন্তৰপচ্চযা… নসমনন্তৰপচ্চযা … নঅঞ্ঞমঞ্ঞপচ্চযা … নউপনিস্সযপচ্চযা, নপুৰেজাতপচ্চযা – অৰূপে অজ্ঝত্তং একং খন্ধং পটিচ্চ…পে… অজ্ঝত্তে খন্ধে পটিচ্চ চিত্তসমুট্ঠানং ৰূপং. পটিসন্ধিক্খণে অজ্ঝত্তং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা. একং মহাভূতং পটিচ্চ…পে… আহাৰসমুট্ঠানং… উতুসমুট্ঠানং… অসঞ্ঞসত্তানং…পে….

১০. বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নপুৰেজাতপচ্চযা – অৰূপে বহিদ্ধা একং খন্ধং পটিচ্চ…পে… দ্ৱে খন্ধে…পে… বহিদ্ধা খন্ধে পটিচ্চ চিত্তসমুট্ঠানং ৰূপং. পটিসন্ধিক্খণে (পৰিপুণ্ণং) একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে….

নপচ্ছাজাতপচ্চযাদি

১১. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নপচ্ছাজাতপচ্চযা, নআসেৱনপচ্চযা, নকম্মপচ্চযা – অজ্ঝত্তে খন্ধে পটিচ্চ অজ্ঝত্তা চেতনা. আহাৰসমুট্ঠানং… উতুসমুট্ঠানং…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নকম্মপচ্চযা – বহিদ্ধা খন্ধে পটিচ্চ বহিদ্ধা চেতনা. বাহিৰং… আহাৰসমুট্ঠানং… উতুসমুট্ঠানং…. (১)

নৱিপাকপচ্চযাদি

১২. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নৱিপাকপচ্চযা (পটিসন্ধি নত্থি), নআহাৰপচ্চযা – উতুসমুট্ঠানং… অসঞ্ঞসত্তানং…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নআহাৰপচ্চযা – বাহিৰং… উতুসমুট্ঠানং… অসঞ্ঞসত্তানং…পে…. (১)

অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নইন্দ্ৰিযপচ্চযা – আহাৰসমুট্ঠানং… উতুসমুট্ঠানং… অসঞ্ঞসত্তানং… মহাভূতে পটিচ্চ ৰূপজীৱিতিন্দ্ৰিযং. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নইন্দ্ৰিযপচ্চযা – বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং… মহাভূতে পটিচ্চ ৰূপজীৱিতিন্দ্ৰিযং. (১)

নঝানপচ্চযো

১৩. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নঝানপচ্চযা – পঞ্চৱিঞ্ঞাণসহগতং…পে… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নঝানপচ্চযা – পঞ্চৱিঞ্ঞাণসহগতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. (১)

নমগ্গপচ্চযাদি

১৪. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নমগ্গপচ্চযা… (নহেতুসদিসং. মোহো নত্থি) নসম্পযুত্তপচ্চযা… নৱিপ্পযুত্তপচ্চযা – অৰূপে…পে… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. (১)

বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নৱিপ্পযুত্তপচ্চযা – অৰূপে…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… নোনত্থিপচ্চযা, নোৱিগতপচ্চযা.