১. ৱিভঙ্গৱাৰো

হেতুপচ্চযো

২৭. অজ্ঝত্তো ধম্মো অজ্ঝত্তস্স ধম্মস্স হেতুপচ্চযেন পচ্চযো – অজ্ঝত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে…পে…. (১)

বহিদ্ধা ধম্মো বহিদ্ধা ধম্মস্স হেতুপচ্চযেন পচ্চযো – বহিদ্ধা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে…পে…. (১)

আৰম্মণপচ্চযো

২৮. অজ্ঝত্তো ধম্মো অজ্ঝত্তস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি…পে… ঝানা ৱুট্ঠহিত্ৱা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. অজ্ঝত্তং চক্খুং…পে… কাযং… ৰূপে…পে… ফোট্ঠব্বে… ৱত্থুং… অজ্ঝত্তে খন্ধে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা ৰূপং পস্সতি, দিব্বায সোতুধাতুযা সদ্দং সুণাতি, আকাসানঞ্চাযতনং ৱিঞ্ঞাণঞ্চাযতনস্স আৰম্মণপচ্চযেন পচ্চযো. আকিঞ্চঞ্ঞাযতনং নেৱসঞ্ঞানাসঞ্ঞাযতনস্স আৰম্মণপচ্চযেন পচ্চযো. ৰূপাযতনং…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. অজ্ঝত্তা খন্ধা ইদ্ধিৱিধঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স আৰম্মণপচ্চযেন পচ্চযো – পৰো অজ্ঝত্তং চক্খুং…পে… ৱত্থুং… অজ্ঝত্তে খন্ধে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন অজ্ঝত্তচিত্তসমঙ্গিস্স চিত্তং জানাতি. অজ্ঝত্তং ৰূপাযতনং বহিদ্ধা চক্খুৱিঞ্ঞাণস্স…পে… অজ্ঝত্তং ফোট্ঠব্বাযতনং বহিদ্ধা কাযৱিঞ্ঞাণস্স আৰম্মণপচ্চযেন পচ্চযো. অজ্ঝত্তা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

২৯. বহিদ্ধা ধম্মো বহিদ্ধা ধম্মস্স আৰম্মণপচ্চযেন পচ্চযো – পৰো দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি… নিব্বানং পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. অৰিযা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে…পে… পৰো বহিদ্ধা চক্খুং…পে… ৱত্থুং… বহিদ্ধা খন্ধে অনিচ্চতো…পে… দোমনস্সং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন বহিদ্ধা চিত্তসমঙ্গিস্স…পে… আকাসানঞ্চাযতনং ৱিঞ্ঞাণঞ্চাযতনস্স আৰম্মণপচ্চযেন পচ্চযো. আকিঞ্চঞ্ঞাযতনং নেৱসঞ্ঞানাসঞ্ঞাযতনস্স আৰম্মণপচ্চযেন পচ্চযো. বহিদ্ধা ৰূপাযতনং বহিদ্ধা চক্খুৱিঞ্ঞাণস্স…পে… বহিদ্ধা ফোট্ঠব্বাযতনং বহিদ্ধা কাযৱিঞ্ঞাণস্স…পে… বহিদ্ধা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স আৰম্মণপচ্চযেন পচ্চযো – অৰিযা নিব্বানং পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. বহিদ্ধা চক্খুং…পে… ৱত্থুং… বহিদ্ধা খন্ধে অনিচ্চতো…পে… দোমনস্সং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন বহিদ্ধা চিত্তসমঙ্গিস্স চিত্তং জানাতি. বহিদ্ধা ৰূপাযতনং অজ্ঝত্তং চক্খুৱিঞ্ঞাণস্স…পে… বহিদ্ধা ফোট্ঠব্বাযতনং অজ্ঝত্তং কাযৱিঞ্ঞাণস্স…পে… বহিদ্ধা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

অধিপতিপচ্চযো

৩০. অজ্ঝত্তো ধম্মো অজ্ঝত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা, তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা…পে… ঝানা ৱুট্ঠহিত্ৱা ঝানং গৰুং কত্ৱা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা…পে… ফলং গৰুং কত্ৱা পচ্চৱেক্খন্তি. অজ্ঝত্তং চক্খুং…পে… ৱত্থুং… অজ্ঝত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অজ্ঝত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স অধিপতিপচ্চযেন পচ্চযো. আৰম্মণাধিপতি – পৰো অজ্ঝত্তং চক্খুং…পে… ৱত্থুং… অজ্ঝত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (২)

৩১. বহিদ্ধা ধম্মো বহিদ্ধা ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – পৰো দানং দত্ৱা সীলং সমাদিযিত্ৱা উপোসথকম্মং কত্ৱা, তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা…পে… ঝানা ৱুট্ঠহিত্ৱা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা…পে… ফলং গৰুং কত্ৱা…পে… নিব্বানং গৰুং কত্ৱা পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো. বহিদ্ধা চক্খুং…পে… ৱত্থুং… বহিদ্ধা খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – বহিদ্ধাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা নিব্বানং গৰুং কত্ৱা পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, অধিপতিপচ্চযেন পচ্চযো. বহিদ্ধা চক্খুং…পে… ৱত্থুং… বহিদ্ধা খন্ধে গৰুং কত্ৱা অস্সাদেতি, অভিনন্দতি, তং গৰুং কত্ৱা ৰাগো…পে… দিট্ঠি উপ্পজ্জতি. (২)

অনন্তৰপচ্চযো

৩২. অজ্ঝত্তো ধম্মো অজ্ঝত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা অজ্ঝত্তা খন্ধা পচ্ছিমানং পচ্ছিমানং অজ্ঝত্তানং খন্ধানং অনন্তৰপচ্চযেন পচ্চযো. অনুলোমং গোত্ৰভুস্স, অনুলোমং ৱোদানস্স, গোত্ৰভু মগ্গস্স, ৱোদানং মগ্গস্স, মগ্গো ফলস্স, ফলং ফলস্স, অনুলোমং ফলসমাপত্তিযা, নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (১)

বহিদ্ধা ধম্মো বহিদ্ধা ধম্মস্স অনন্তৰপচ্চযেন পচ্চযো (পুৰিমা পুৰিমা বহিদ্ধাতি নানাকৰণং, তংযেৱ গমনং). (১)

সমনন্তৰপচ্চযাদি

৩৩. অজ্ঝত্তো ধম্মো অজ্ঝত্তস্স ধম্মস্স সমনন্তৰপচ্চযেন পচ্চযো…পে… (অনন্তৰসদিসং)… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

উপনিস্সযপচ্চযো

৩৪. অজ্ঝত্তো ধম্মো অজ্ঝত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অজ্ঝত্তং সদ্ধং উপনিস্সায দানং দেতি, সীলং সমাদিযতি, উপোসথকম্মং…পে… ঝানং…পে… ৱিপস্সনং…পে… মগ্গং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. অজ্ঝত্তং সীলং…পে… পঞ্ঞং… ৰাগং…পে… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. অজ্ঝত্তা সদ্ধা…পে… পঞ্ঞা, ৰাগো…পে… পত্থনা, কাযিকং সুখং… কাযিকং দুক্খং… সেনাসনং অজ্ঝত্তায সদ্ধায…পে… পঞ্ঞায, ৰাগস্স…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স ফলসমাপত্তিযা উপনিস্সযপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – পৰো অজ্ঝত্তং সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি. পৰো অজ্ঝত্তং সীলং…পে… সেনাসনং উপনিস্সায দানং দেতি, পাণং হনতি…পে… সঙ্ঘং ভিন্দতি. অজ্ঝত্তা সদ্ধা…পে… সেনাসনং বহিদ্ধা সদ্ধায…পে… মগ্গস্স ফলসমাপত্তিযা উপনিস্সযপচ্চযেন পচ্চযো. (২)

৩৫. বহিদ্ধা ধম্মো বহিদ্ধা ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পৰো বহিদ্ধা সদ্ধং…পে… পত্থনং, কাযিকং সুখং…পে… সেনাসনং উপনিস্সায দানং দেতি…পে… সঙ্ঘং ভিন্দতি বহিদ্ধা সদ্ধা…পে… সেনাসনং বহিদ্ধা সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – বহিদ্ধা সদ্ধং…পে… সেনাসনং উপনিস্সায দানং দেতি…পে… সঙ্ঘং ভিন্দতি. বহিদ্ধা সদ্ধা…পে… সেনাসনং অজ্ঝত্তায সদ্ধায…পে… ফলসমাপত্তিযা উপনিস্সযপচ্চযেন পচ্চযো. (২)

পুৰেজাতপচ্চযো

৩৬. অজ্ঝত্তো ধম্মো অজ্ঝত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – অজ্ঝত্তং চক্খুং…পে… ৱত্থুং অনিচ্চতো দুক্খতো অনত্ততো ৱিপস্সতি…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু অজ্ঝত্তানং খন্ধানং পুৰেজাতপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স পুৰেজাতপচ্চযেন পচ্চযো. আৰম্মণপুৰেজাতং – পৰো অজ্ঝত্তং চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. অজ্ঝত্তং ৰূপাযতনং বহিদ্ধা চক্খুৱিঞ্ঞাণস্স…পে… অজ্ঝত্তং ফোট্ঠব্বাযতনং বহিদ্ধা কাযৱিঞ্ঞাণস্স পুৰেজাতপচ্চযেন পচ্চযো. (২)

৩৭. বহিদ্ধা ধম্মো বহিদ্ধা ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – পৰো বহিদ্ধা চক্খুং…পে… ৱত্থুং অনিচ্চতো…পে… দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. বহিদ্ধা ৰূপাযতনং বহিদ্ধা চক্খুৱিঞ্ঞাণস্স…পে… বহিদ্ধা ফোট্ঠব্বাযতনং বহিদ্ধা কাযৱিঞ্ঞাণস্স…পে…. ৱত্থুপুৰেজাতং – বহিদ্ধা চক্খাযতনং…পে… কাযাযতনং…পে… ৱত্থু বহিদ্ধা খন্ধানং পুৰেজাতপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স পুৰেজাতপচ্চযেন পচ্চযো. আৰম্মণপুৰেজাতং – বহিদ্ধা চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. বহিদ্ধা ৰূপাযতনং অজ্ঝত্তস্স চক্খুৱিঞ্ঞাণস্স…পে… বহিদ্ধা ফোট্ঠব্বাযতনং অজ্ঝত্তস্স কাযৱিঞ্ঞাণস্স পুৰেজাতপচ্চযেন পচ্চযো. (২)

৩৮. অজ্ঝত্তো চ বহিদ্ধা চ ধম্মা অজ্ঝত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. বহিদ্ধা ৰূপাযতনঞ্চ অজ্ঝত্তং চক্খাযতনঞ্চ অজ্ঝত্তস্স চক্খুৱিঞ্ঞাণস্স পুৰেজাতপচ্চযেন পচ্চযো…পে… বহিদ্ধা ফোট্ঠব্বাযতনঞ্চ অজ্ঝত্তং কাযাযতনঞ্চ অজ্ঝত্তস্স কাযৱিঞ্ঞাণস্স…পে… বহিদ্ধা ৰূপাযতনঞ্চ অজ্ঝত্তং ৱত্থু চ…পে… বহিদ্ধা ফোট্ঠব্বাযতনঞ্চ অজ্ঝত্তং ৱত্থু চ অজ্ঝত্তানং খন্ধানং পুৰেজাতপচ্চযেন পচ্চযো. (১)

অজ্ঝত্তো চ বহিদ্ধা চ ধম্মা বহিদ্ধা ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. অজ্ঝত্তং ৰূপাযতনঞ্চ বহিদ্ধা চক্খাযতনঞ্চ বহিদ্ধা চক্খুৱিঞ্ঞাণস্স পুৰেজাতপচ্চযেন পচ্চযো…পে… অজ্ঝত্তং ফোট্ঠব্বাযতনঞ্চ বহিদ্ধা কাযাযতনঞ্চ বহিদ্ধা কাযৱিঞ্ঞাণস্স পুৰেজাতপচ্চযেন পচ্চযো. অজ্ঝত্তং ৰূপাযতনঞ্চ বহিদ্ধা ৱত্থু চ…পে… অজ্ঝত্তং ফোট্ঠব্বাযতনঞ্চ বহিদ্ধা ৱত্থু চ বহিদ্ধা খন্ধানং পুৰেজাতপচ্চযেন পচ্চযো. (২)

পচ্ছাজাতপচ্চযো

৩৯. অজ্ঝত্তো ধম্মো অজ্ঝত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা অজ্ঝত্তা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

বহিদ্ধা ধম্মো বহিদ্ধা ধম্মস্স পচ্ছাজাতপচ্চযেন পচ্চযো – পচ্ছাজাতা বহিদ্ধা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

৪০. অজ্ঝত্তো ধম্মো অজ্ঝত্তস্স ধম্মস্স আসেৱনপচ্চযেন পচ্চযো – পুৰিমা পুৰিমা অজ্ঝত্তা খন্ধা পচ্ছিমানং পচ্ছিমানং অজ্ঝত্তানং খন্ধানং আসেৱনপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (১)

বহিদ্ধা ধম্মো বহিদ্ধা ধম্মস্স আসেৱনপচ্চযেন পচ্চযো – পুৰিমা পুৰিমা…পে… (অজ্ঝত্তসদিসংযেৱ).

কম্মপচ্চযো

৪১. অজ্ঝত্তো ধম্মো অজ্ঝত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অজ্ঝত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. নানাক্খণিকা – অজ্ঝত্তা চেতনা ৱিপাকানং অজ্ঝত্তানং খন্ধানং কটত্তা চ ৰূপানং কম্মপচ্চযেন পচ্চযো. (১)

বহিদ্ধা ধম্মো বহিদ্ধা ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – বহিদ্ধা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. নানাক্খণিকা – বহিদ্ধা চেতনা ৱিপাকানং বহিদ্ধা খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযো

৪২. অজ্ঝত্তো ধম্মো অজ্ঝত্তস্স ধম্মস্স ৱিপাকপচ্চযেন পচ্চযো…পে… (পৰিপুণ্ণং, পটিচ্চৱাৰসদিসং).

আহাৰপচ্চযো

৪৩. অজ্ঝত্তো ধম্মো অজ্ঝত্তস্স ধম্মস্স আহাৰপচ্চযেন পচ্চযো – অজ্ঝত্তা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. পটিসন্ধিক্খণে…পে… অজ্ঝত্তো কবড়ীকাৰো আহাৰো অজ্ঝত্তস্স কাযস্স আহাৰপচ্চযেন পচ্চযো. (১)

অজ্ঝত্তো ধম্মো বহিদ্ধা ধম্মস্স আহাৰপচ্চযেন পচ্চযো – অজ্ঝত্তো কবড়ীকাৰো আহাৰো বহিদ্ধা কাযস্স আহাৰপচ্চযেন পচ্চযো. (২)

বহিদ্ধা ধম্মো বহিদ্ধা ধম্মস্স আহাৰপচ্চযেন পচ্চযো (পৱত্তিপটিসন্ধি) বহিদ্ধা কবড়ীকাৰো আহাৰো বহিদ্ধা কাযস্স আহাৰপচ্চযেন পচ্চযো. (১)

বহিদ্ধা ধম্মো অজ্ঝত্তস্স ধম্মস্স আহাৰপচ্চযেন পচ্চযো – বহিদ্ধা কবড়ীকাৰো আহাৰো অজ্ঝত্তস্স কাযস্স আহাৰপচ্চযেন পচ্চযো. (২)

৪৪. অজ্ঝত্তো ধম্মো চ বহিদ্ধা ধম্মো চ অজ্ঝত্তস্স ধম্মস্স আহাৰপচ্চযেন পচ্চযো – অজ্ঝত্তো কবড়ীকাৰো আহাৰো চ বহিদ্ধা কবড়ীকাৰো আহাৰো চ অজ্ঝত্তস্স কাযস্স আহাৰপচ্চযেন পচ্চযো. (১)

অজ্ঝত্তো ধম্মো চ বহিদ্ধা ধম্মো চ বহিদ্ধা ধম্মস্স আহাৰপচ্চযেন পচ্চযো – অজ্ঝত্তো কবড়ীকাৰো আহাৰো চ বহিদ্ধা কবড়ীকাৰো আহাৰো চ বহিদ্ধা কাযস্স আহাৰপচ্চযেন পচ্চযো. (২)

ইন্দ্ৰিযপচ্চযাদি

৪৫. অজ্ঝত্তো ধম্মো অজ্ঝত্তস্স ধম্মস্স ইন্দ্ৰিযপচ্চযেন পচ্চযো, অজ্ঝত্তিকা ইন্দ্ৰিযা (ৰূপজীৱিতিন্দ্ৰিযম্পি ৱিত্থাৰেতব্বং)… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (মাতিকাপদানি অনুমজ্জন্তেন ৱিত্থাৰেতব্বানি).

বহিদ্ধা ধম্মো বহিদ্ধা ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং).

অত্থিপচ্চযো

৪৬. অজ্ঝত্তো ধম্মো অজ্ঝত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – অজ্ঝত্তো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং…পে… দ্ৱে খন্ধে…পে… পটিসন্ধিক্খণে…পে… খন্ধা ৱত্থুস্স …পে… ৱত্থু খন্ধানং…পে… একং মহাভূতং…পে… অসঞ্ঞসত্তানং একং মহাভূতং তিণ্ণন্নং মহাভূতানং…পে…. পুৰেজাতং – চক্খুং…পে… ৱত্থুং (পুৰেজাতসদিসং), ৱত্থু অজ্ঝত্তানং খন্ধানং অত্থিপচ্চযেন পচ্চযো. পচ্ছাজাতা – অজ্ঝত্তা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. অজ্ঝত্তো কবড়ীকাৰো আহাৰো অজ্ঝত্তস্স কাযস্স…পে… ৰূপজীৱিতিন্দ্ৰিযং কটত্তাৰূপানং…পে…. (১)

অজ্ঝত্তো ধম্মো বহিদ্ধা ধম্মস্স অত্থিপচ্চযেন পচ্চযো – পুৰেজাতং, আহাৰং. পুৰেজাতং – পৰো অজ্ঝত্তং চক্খুং…পে… ৱত্থুং অনিচ্চতো…পে… ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, অজ্ঝত্তং ৰূপাযতনং…পে… ফোট্ঠব্বাযতনং বহিদ্ধা কাযৱিঞ্ঞাণস্স অত্থিপচ্চযেন পচ্চযো. অজ্ঝত্তো কবড়ীকাৰো আহাৰো বহিদ্ধা কাযস্স অত্থিপচ্চযেন পচ্চযো. (২)

৪৭. বহিদ্ধা ধম্মো বহিদ্ধা ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (বহিদ্ধা নিন্নানাকৰণং, মাতিকাপদানি ৱিত্থাৰেতব্বানি). (১)

বহিদ্ধা ধম্মো অজ্ঝত্তস্স ধম্মস্স অত্থিপচ্চযেন পচ্চযো – পুৰেজাতং, আহাৰং. পুৰেজাতং – বহিদ্ধা চক্খুং…পে… ৱত্থুং…পে… দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, বহিদ্ধা ৰূপাযতনং…পে… ফোট্ঠব্বাযতনং অজ্ঝত্তস্স কাযৱিঞ্ঞাণস্স অত্থিপচ্চযেন পচ্চযো. বহিদ্ধা কবড়ীকাৰো আহাৰো অজ্ঝত্তস্স কাযস্স অত্থিপচ্চযেন পচ্চযো. (২)

৪৮. অজ্ঝত্তো ধম্মো চ বহিদ্ধা ধম্মো চ অজ্ঝত্তস্স ধম্মস্স অত্থিপচ্চযেন পচ্চযো – পুৰেজাতং, আহাৰং. পুৰেজাতং – বহিদ্ধা ৰূপাযতনঞ্চ অজ্ঝত্তং চক্খু চ অজ্ঝত্তস্স চক্খুৱিঞ্ঞাণস্স…পে… বহিদ্ধা ফোট্ঠব্বাযতনঞ্চ অজ্ঝত্তং কাযাযতনঞ্চ অজ্ঝত্তস্স কাযৱিঞ্ঞাণস্স অত্থিপচ্চযেন পচ্চযো. বহিদ্ধা ৰূপাযতনঞ্চ অজ্ঝত্তং ৱত্থু চ…পে… বহিদ্ধা ফোট্ঠব্বাযতনঞ্চ অজ্ঝত্তং ৱত্থু চ অজ্ঝত্তানং খন্ধানং অত্থিপচ্চযেন পচ্চযো. আহাৰং – অজ্ঝত্তো কবড়ীকাৰো আহাৰো চ বহিদ্ধা কবড়ীকাৰো আহাৰো চ অজ্ঝত্তস্স কাযস্স অত্থিপচ্চযেন পচ্চযো. (১)

অজ্ঝত্তো ধম্মো চ বহিদ্ধা ধম্মো চ বহিদ্ধা ধম্মস্স অত্থিপচ্চযেন পচ্চযো – পুৰেজাতং, আহাৰং. পুৰেজাতং – অজ্ঝত্তং ৰূপাযতনঞ্চ বহিদ্ধা চক্খাযতনঞ্চ বহিদ্ধা চক্খুৱিঞ্ঞাণস্স অত্থিপচ্চযেন পচ্চযো…পে… অজ্ঝত্তং ফোট্ঠব্বাযতনঞ্চ বহিদ্ধা কাযাযতনঞ্চ বহিদ্ধা কাযৱিঞ্ঞাণস্স অত্থিপচ্চযেন পচ্চযো. অজ্ঝত্তং ৰূপাযতনঞ্চ বহিদ্ধা ৱত্থু চ বহিদ্ধা খন্ধানং অত্থিপচ্চযেন পচ্চযো…পে… অজ্ঝত্তং ফোট্ঠব্বাযতনঞ্চ বহিদ্ধা ৱত্থু চ বহিদ্ধা খন্ধানং অত্থিপচ্চযেন পচ্চযো. আহাৰং – অজ্ঝত্তো কবড়ীকাৰো আহাৰো চ বহিদ্ধা কবড়ীকাৰো আহাৰো চ বহিদ্ধা কাযস্স অত্থিপচ্চযেন পচ্চযো. (২)

নত্থিৱিগতাৱিগতপচ্চযা

৪৯. অজ্ঝত্তো ধম্মো অজ্ঝত্তস্স ধম্মস্স নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.