১. ৱিভঙ্গৱাৰো

নহেতুপচ্চযো

৬. অতীতাৰম্মণং ধম্মং পটিচ্চ অতীতাৰম্মণো ধম্মো উপ্পজ্জতি নহেতুপচ্চযা – অহেতুকং অতীতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধে…পে… অহেতুকপটিসন্ধিক্খণে …পে… ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

৭. অনাগতাৰম্মণং ধম্মং পটিচ্চ অনাগতাৰম্মণো ধম্মো উপ্পজ্জতি নহেতুপচ্চযা – অহেতুকং অনাগতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধে…পে… ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

৮. পচ্চুপ্পন্নাৰম্মণং ধম্মং পটিচ্চ পচ্চুপ্পন্নাৰম্মণো ধম্মো উপ্পজ্জতি নহেতুপচ্চযা – অহেতুকং পচ্চুপ্পন্নাৰম্মণং একং খন্ধং পটিচ্চ তযো খন্ধা…পে… দ্ৱে খন্ধে…পে… অহেতুকপটিসন্ধিক্খণে…পে… ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নঅধিপতিপচ্চযো

৯. অতীতাৰম্মণং ধম্মং পটিচ্চ অতীতাৰম্মণো ধম্মো উপ্পজ্জতি নঅধিপতিপচ্চযা (অনুলোমসহজাতসদিসং).

নপুৰেজাতপচ্চযো

১০. অতীতাৰম্মণং ধম্মং পটিচ্চ অতীতাৰম্মণো ধম্মো উপ্পজ্জতি নপুৰেজাতপচ্চযা – অৰূপে অতীতাৰম্মণং একং খন্ধং পটিচ্চ…পে… দ্ৱে খন্ধে…পে… পটিসন্ধিক্খণে…পে…. (১)

অনাগতাৰম্মণং ধম্মং পটিচ্চ অনাগতাৰম্মণো ধম্মো উপ্পজ্জতি নপুৰেজাতপচ্চযা – অৰূপে অনাগতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

পচ্চুপ্পন্নাৰম্মণং ধম্মং পটিচ্চ পচ্চুপ্পন্নাৰম্মণো ধম্মো উপ্পজ্জতি নপুৰেজাতপচ্চযা – পটিসন্ধিক্খণে পচ্চুপ্পন্নাৰম্মণং একং খন্ধং পটিচ্চ…পে… দ্ৱে খন্ধে…পে…. (১)

নপচ্ছাজাতপচ্চযাদি

১১. অতীতাৰম্মণং ধম্মং পটিচ্চ অতীতাৰম্মণো ধম্মো উপ্পজ্জতি নপচ্ছাজাতপচ্চযা… নআসেৱনপচ্চযা (নঅধিপতিসদিসা)… নকম্মপচ্চযা – অতীতাৰম্মণে খন্ধে পটিচ্চ অতীতাৰম্মণা চেতনা. (১)

অনাগতাৰম্মণং ধম্মং পটিচ্চ অনাগতাৰম্মণো ধম্মো উপ্পজ্জতি নকম্মপচ্চযা – অনাগতাৰম্মণে খন্ধে পটিচ্চ অনাগতাৰম্মণা চেতনা. (১)

পচ্চুপ্পন্নাৰম্মণং ধম্মং পটিচ্চ পচ্চুপ্পন্নাৰম্মণো ধম্মো উপ্পজ্জতি নকম্মপচ্চযা – পচ্চুপ্পন্নাৰম্মণে খন্ধে পটিচ্চ পচ্চুপ্পন্নাৰম্মণা চেতনা. (১)

নৱিপাকপচ্চযো

১২. অতীতাৰম্মণং ধম্মং পটিচ্চ অতীতাৰম্মণো ধম্মো উপ্পজ্জতি নৱিপাকপচ্চযা…পে… (নৱিপাকে পটিসন্ধি নত্থি).

নঝানপচ্চযো

১৩. পচ্চুপ্পন্নাৰম্মণং ধম্মং পটিচ্চ পচ্চুপ্পন্নাৰম্মণো ধম্মো উপ্পজ্জতি নঝানপচ্চযা – পঞ্চৱিঞ্ঞাণসহগতং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

নমগ্গপচ্চযো

১৪. অতীতাৰম্মণং ধম্মং পটিচ্চ অতীতাৰম্মণো ধম্মো উপ্পজ্জতি নমগ্গপচ্চযা – অহেতুকং অতীতাৰম্মণং একং খন্ধং পটিচ্চ তযো খন্ধা…পে… (নহেতুসদিসা তিস্সো পঞ্হা, মোহো নত্থি ).

নৱিপ্পযুত্তপচ্চযো

১৫. অতীতাৰম্মণং ধম্মং পটিচ্চ অতীতাৰম্মণো ধম্মো উপ্পজ্জতি নৱিপ্পযুত্তপচ্চযা – অৰূপে অতীতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

অনাগতাৰম্মণং ধম্মং পটিচ্চ অনাগতাৰম্মণো ধম্মো উপ্পজ্জতি নৱিপ্পযুত্তপচ্চযা – অৰূপে অনাগতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)