১. ৱিভঙ্গৱাৰো

হেতুপচ্চযো

১. অতীতাৰম্মণং ধম্মং পটিচ্চ অতীতাৰম্মণো ধম্মো উপ্পজ্জতি হেতুপচ্চযা – অতীতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে অতীতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

২. অনাগতাৰম্মণং ধম্মং পটিচ্চ অনাগতাৰম্মণো ধম্মো উপ্পজ্জতি হেতুপচ্চযা – অনাগতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. (১)

৩. পচ্চুপ্পন্নাৰম্মণং ধম্মং পটিচ্চ পচ্চুপ্পন্নাৰম্মণো ধম্মো উপ্পজ্জতি হেতুপচ্চযা – পচ্চুপ্পন্নাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. পটিসন্ধিক্খণে পচ্চুপ্পন্নাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. (১)

আৰম্মণপচ্চযাদি

৪. অতীতাৰম্মণং ধম্মং পটিচ্চ অতীতাৰম্মণো ধম্মো উপ্পজ্জতি আৰম্মণপচ্চযা… অধিপতিপচ্চযা (অধিপতিযা পটিসন্ধি নত্থি)… অনন্তৰপচ্চযা… সমনন্তৰপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুৰেজাতপচ্চযা… আসেৱনপচ্চযা (পুৰেজাতেপি আসেৱনেপি পটিসন্ধি নত্থি)… কম্মপচ্চযা… ৱিপাকপচ্চযা (ৱিপাকং অতীতাৰম্মণং একং খন্ধং, তিস্সোপি পঞ্হা পৰিপুণ্ণা. পৱত্তিপটিসন্ধি কাতব্বা)… আহাৰপচ্চযা… ইন্দ্ৰিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৱিপ্পযুত্তপচ্চযা… অত্থিপচ্চযা… নত্থিপচ্চযা… ৱিগতপচ্চযা… অৱিগতপচ্চযা.