১. ৱিভঙ্গৱাৰো

হেতুপচ্চযো

১৯. অতীতাৰম্মণো ধম্মো অতীতাৰম্মণস্স ধম্মস্স হেতুপচ্চযেন পচ্চযো – অতীতাৰম্মণা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে অতীতাৰম্মণা হেতূ সম্পযুত্তকানং খন্ধানং হেতুপচ্চযেন পচ্চযো. (১)

অনাগতাৰম্মণো ধম্মো অনাগতাৰম্মণস্স ধম্মস্স হেতুপচ্চযেন পচ্চযো – অনাগতাৰম্মণা হেতূ সম্পযুত্তকানং খন্ধানং হেতুপচ্চযেন পচ্চযো. (১)

পচ্চুপ্পন্নাৰম্মণো ধম্মো পচ্চুপ্পন্নাৰম্মণস্স ধম্মস্স হেতুপচ্চযেন পচ্চযো – পচ্চুপ্পন্নাৰম্মণা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে পচ্চুপ্পন্নাৰম্মণা হেতূ সম্পযুত্তকানং খন্ধানং হেতুপচ্চযেন পচ্চযো. (১)

আৰম্মণপচ্চযো

২০. অতীতাৰম্মণো ধম্মো অতীতাৰম্মণস্স ধম্মস্স আৰম্মণপচ্চযেন পচ্চযো – অতীতং ৱিঞ্ঞাণঞ্চাযতনং পচ্চৱেক্খতি, নেৱসঞ্ঞানাসঞ্ঞাযতনং পচ্চৱেক্খতি. অতীতাৰম্মণং অতীতং ইদ্ধিৱিধঞাণং পচ্চৱেক্খতি, চেতোপৰিযঞাণং… পুব্বেনিৱাসানুস্সতিঞাণং… যথাকম্মূপগঞাণং পচ্চৱেক্খতি. অৰিযা অতীতাৰম্মণে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. অতীতাৰম্মণে অতীতে খন্ধে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি; তং আৰব্ভ অতীতাৰম্মণো ৰাগো উপ্পজ্জতি, দিট্ঠি…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি. অতীতাৰম্মণা অতীতা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, আৱজ্জনায আৰম্মণপচ্চযেন পচ্চযো. (১)

অতীতাৰম্মণো ধম্মো অনাগতাৰম্মণস্স ধম্মস্স আৰম্মণপচ্চযেন পচ্চযো – অনাগতং ৱিঞ্ঞাণঞ্চাযতনং পচ্চৱেক্খতি, নেৱসঞ্ঞানাসঞ্ঞাযতনং পচ্চৱেক্খতি. অতীতাৰম্মণং অনাগতং ইদ্ধিৱিধঞাণং পচ্চৱেক্খতি, চেতোপৰিযঞাণং…পে… পুব্বেনিৱাসানুস্সতিঞাণং…পে… যথাকম্মূপগঞাণং পচ্চৱেক্খতি. অতীতাৰম্মণে অনাগতে খন্ধে অনিচ্চতো…পে… ৱিপস্সতি, অস্সাদেতি অভিনন্দতি; তং আৰব্ভ অনাগতাৰম্মণো ৰাগো উপ্পজ্জতি…পে… দোমনস্সং উপ্পজ্জতি. অতীতাৰম্মণা অনাগতা খন্ধা চেতোপৰিযঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

অতীতাৰম্মণো ধম্মো পচ্চুপ্পন্নাৰম্মণস্স ধম্মস্স আৰম্মণপচ্চযেন পচ্চযো – চেতোপৰিযঞাণেন অতীতাৰম্মণপচ্চুপ্পন্নচিত্তসমঙ্গিস্স চিত্তং জানাতি. অতীতাৰম্মণা পচ্চুপ্পন্না খন্ধা চেতোপৰিযঞাণস্স, আৱজ্জনায আৰম্মণপচ্চযেন পচ্চযো. (৩)

২১. অনাগতাৰম্মণো ধম্মো অনাগতাৰম্মণস্স ধম্মস্স আৰম্মণপচ্চযেন পচ্চযো – অনাগতাৰম্মণং অনাগতং ইদ্ধিৱিধঞাণং পচ্চৱেক্খতি, চেতোপৰিযঞাণং…পে… অনাগতংসঞাণং…পে… অনাগতাৰম্মণে অনাগতে খন্ধে অনিচ্চতো…পে… ৱিপস্সতি, অস্সাদেতি অভিনন্দতি; তং আৰব্ভ অনাগতাৰম্মণো ৰাগো উপ্পজ্জতি…পে… দোমনস্সং উপ্পজ্জতি. অনাগতাৰম্মণা অনাগতা খন্ধা চেতোপৰিযঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অনাগতাৰম্মণো ধম্মো অতীতাৰম্মণস্স ধম্মস্স আৰম্মণপচ্চযেন পচ্চযো – অনাগতাৰম্মণং অতীতং ইদ্ধিৱিধঞাণং পচ্চৱেক্খতি, চেতোপৰিযঞাণং… অনাগতংসঞাণং…পে… অৰিযা অনাগতাৰম্মণে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি. পুব্বে সমুদাচিণ্ণে কিলেসে জানন্তি. অনাগতাৰম্মণে অতীতে খন্ধে অনিচ্চতো…পে… ৱিপস্সতি, অস্সাদেতি অভিনন্দতি; তং আৰব্ভ অতীতাৰম্মণো ৰাগো উপ্পজ্জতি…পে… দোমনস্সং উপ্পজ্জতি. অনাগতাৰম্মণা অতীতা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, আৱজ্জনায আৰম্মণপচ্চযেন পচ্চযো. (২)

অনাগতাৰম্মণো ধম্মো পচ্চুপ্পন্নাৰম্মণস্স ধম্মস্স আৰম্মণপচ্চযেন পচ্চযো – চেতোপৰিযঞাণেন অনাগতাৰম্মণপচ্চুপ্পন্নচিত্তসমঙ্গিস্স চিত্তং জানাতি. অনাগতাৰম্মণা পচ্চুপ্পন্না খন্ধা চেতোপৰিযঞাণস্স, আৱজ্জনায আৰম্মণপচ্চযেন পচ্চযো. (৩)

২২. পচ্চুপ্পন্নাৰম্মণো ধম্মো পচ্চুপ্পন্নাৰম্মণস্স ধম্মস্স আৰম্মণপচ্চযেন পচ্চযো – চেতোপৰিযঞাণেন পচ্চুপ্পন্নাৰম্মণপচ্চুপ্পন্নচিত্তসমঙ্গিস্স চিত্তং জানাতি. পচ্চুপ্পন্নাৰম্মণা পচ্চুপ্পন্না খন্ধা চেতোপৰিযঞাণস্স, আৱজ্জনায আৰম্মণপচ্চযেন পচ্চযো. (১)

পচ্চুপ্পন্নাৰম্মণো ধম্মো অতীতাৰম্মণস্স ধম্মস্স আৰম্মণপচ্চযেন পচ্চযো – অতীতং দিব্বং চক্খুং পচ্চৱেক্খতি, দিব্বং সোতধাতুং পচ্চৱেক্খতি, পচ্চুপ্পন্নাৰম্মণং অতীতং ইদ্ধিৱিধঞাণং পচ্চৱেক্খতি, চেতোপৰিযঞাণং পচ্চৱেক্খতি. অৰিযা পচ্চুপ্পন্নাৰম্মণে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. পচ্চুপ্পন্নাৰম্মণে অতীতে খন্ধে অনিচ্চতো…পে… ৱিপস্সতি, অস্সাদেতি অভিনন্দতি; তং আৰব্ভ অতীতাৰম্মণো ৰাগো উপ্পজ্জতি…পে… দোমনস্সং উপ্পজ্জতি. পচ্চুপ্পন্নাৰম্মণা অতীতা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, আৱজ্জনায আৰম্মণপচ্চযেন পচ্চযো. (২)

পচ্চুপ্পন্নাৰম্মণো ধম্মো অনাগতাৰম্মণস্স ধম্মস্স আৰম্মণপচ্চযেন পচ্চযো – অনাগতং দিব্বং চক্খুং পচ্চৱেক্খতি, দিব্বং সোতধাতুং পচ্চৱেক্খতি, পচ্চুপ্পন্নাৰম্মণং অনাগতং ইদ্ধিৱিধঞাণং পচ্চৱেক্খতি, চেতোপৰিযঞাণং…পে… পচ্চুপ্পন্নাৰম্মণে অনাগতে খন্ধে অনিচ্চতো…পে… ৱিপস্সতি…পে… তং আৰব্ভ অনাগতাৰম্মণো ৰাগো উপ্পজ্জতি…পে… দোমনস্সং উপ্পজ্জতি. পচ্চুপ্পন্নাৰম্মণা অনাগতা খন্ধা চেতোপৰিযঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

অধিপতিপচ্চযো

২৩. অতীতাৰম্মণো ধম্মো অতীতাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অতীতং ৱিঞ্ঞাণঞ্চাযতনং গৰুং কত্ৱা পচ্চৱেক্খতি, নেৱসঞ্ঞানাসঞ্ঞাযতনং গৰুং কত্ৱা পচ্চৱেক্খতি. অতীতাৰম্মণং অতীতং ইদ্ধিৱিধঞাণং গৰুং কত্ৱা পচ্চৱেক্খতি, চেতোপৰিযঞাণং…পে… পুব্বেনিৱাসানুস্সতিঞাণং…পে… যথাকম্মূপগঞাণং গৰুং কত্ৱা পচ্চৱেক্খতি. অতীতাৰম্মণে অতীতে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা অতীতাৰম্মণো ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অতীতাৰম্মণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অতীতাৰম্মণো ধম্মো অনাগতাৰম্মণস্স ধম্মস্স অধিপতিপচ্চযেন পচ্চযো. আৰম্মণাধিপতি – অনাগতং ৱিঞ্ঞাণঞ্চাযতনং গৰুং কত্ৱা…পে… নেৱসঞ্ঞানাসঞ্ঞাযতনং …পে… অতীতাৰম্মণং অনাগতং ইদ্ধিৱিধঞাণং গৰুং কত্ৱা…পে… চেতোপৰিযঞাণং…পে… পুব্বেনিৱাসানুস্সতিঞাণং…পে… যথাকম্মূপগঞাণং…পে… অতীতাৰম্মণে অনাগতে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা অনাগতাৰম্মণো ৰাগো উপ্পজ্জতি, দিট্ঠি উপ্পজ্জতি. (২)

২৪. অনাগতাৰম্মণো ধম্মো অনাগতাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অনাগতাৰম্মণং অনাগতং ইদ্ধিৱিধঞাণং গৰুং কত্ৱা…পে… চেতোপৰিযঞাণং…পে… অনাগতংসঞাণং গৰুং কত্ৱা পচ্চৱেক্খতি. অনাগতাৰম্মণে অনাগতে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা অনাগতাৰম্মণো ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অনাগতাৰম্মণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অনাগতাৰম্মণো ধম্মো অতীতাৰম্মণস্স ধম্মস্স অধিপতিপচ্চযেন পচ্চযো. আৰম্মণাধিপতি – অনাগতাৰম্মণং অতীতং ইদ্ধিৱিধঞাণং গৰুং কত্ৱা…পে… চেতোপৰিযঞাণং…পে… অনাগতংসঞাণং গৰুং কত্ৱা…পে… অনাগতাৰম্মণে অতীতে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা অতীতাৰম্মণো ৰাগো উপ্পজ্জতি, দিট্ঠি উপ্পজ্জতি. (২)

২৫. পচ্চুপ্পন্নাৰম্মণো ধম্মো পচ্চুপ্পন্নাৰম্মণস্স ধম্মস্স অধিপতিপচ্চযেন পচ্চযো. সহজাতাধিপতি – পচ্চুপ্পন্নাৰম্মণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

পচ্চুপ্পন্নাৰম্মণো ধম্মো অতীতাৰম্মণস্স ধম্মস্স অধিপতিপচ্চযেন পচ্চযো. আৰম্মণাধিপতি – অতীতং দিব্বং চক্খুং গৰুং কত্ৱা পচ্চৱেক্খতি, দিব্বং সোতধাতুং গৰুং কত্ৱা পচ্চৱেক্খতি, পচ্চুপ্পন্নাৰম্মণং অতীতং ইদ্ধিৱিধঞাণং গৰুং কত্ৱা…পে… চেতোপৰিযঞাণং গৰুং কত্ৱা…পে… পচ্চুপ্পন্নাৰম্মণে অতীতে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা অতীতাৰম্মণো ৰাগো উপ্পজ্জতি, দিট্ঠি উপ্পজ্জতি. (২)

পচ্চুপ্পন্নাৰম্মণো ধম্মো অনাগতাৰম্মণস্স ধম্মস্স অধিপতিপচ্চযেন পচ্চযো. আৰম্মণাধিপতি – অনাগতং দিব্বং চক্খুং গৰুং কত্ৱা পচ্চৱেক্খতি, দিব্বং সোতধাতুং গৰুং কত্ৱা …পে… পচ্চুপ্পন্নাৰম্মণং অনাগতং ইদ্ধিৱিধঞাণং গৰুং কত্ৱা…পে… চেতোপৰিযঞাণং গৰুং কত্ৱা…পে… পচ্চুপ্পন্নাৰম্মণে অনাগতে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা অনাগতাৰম্মণো ৰাগো উপ্পজ্জতি, দিট্ঠি উপ্পজ্জতি. (৩)

অনন্তৰপচ্চযো

২৬. অতীতাৰম্মণো ধম্মো অতীতাৰম্মণস্স ধম্মস্স অনন্তৰপচ্চযেন পচ্চযো – পুৰিমা পুৰিমা অতীতাৰম্মণা খন্ধা পচ্ছিমানং পচ্ছিমানং অতীতাৰম্মণানং খন্ধানং অনন্তৰপচ্চযেন পচ্চযো. (১)

অতীতাৰম্মণো ধম্মো অনাগতাৰম্মণস্স ধম্মস্স অনন্তৰপচ্চযেন পচ্চযো – অতীতাৰম্মণং ভৱঙ্গং অনাগতাৰম্মণায আৱজ্জনায অনন্তৰপচ্চযেন পচ্চযো. (২)

অতীতাৰম্মণো ধম্মো পচ্চুপ্পন্নাৰম্মণস্স ধম্মস্স অনন্তৰপচ্চযেন পচ্চযো – অতীতাৰম্মণং চুতিচিত্তং পচ্চুপ্পন্নাৰম্মণস্স পটিসন্ধিচিত্তস্স অনন্তৰপচ্চযেন পচ্চযো. অতীতাৰম্মণং ভৱঙ্গং পচ্চুপ্পন্নাৰম্মণায আৱজ্জনায অনন্তৰপচ্চযেন পচ্চযো. (৩)

২৭. অনাগতাৰম্মণো ধম্মো অনাগতাৰম্মণস্স ধম্মস্স অনন্তৰপচ্চযেন পচ্চযো – পুৰিমা পুৰিমা অনাগতাৰম্মণা খন্ধা পচ্ছিমানং পচ্ছিমানং অনাগতাৰম্মণানং খন্ধানং অনন্তৰপচ্চযেন পচ্চযো. (১)

অনাগতাৰম্মণো ধম্মো অতীতাৰম্মণস্স ধম্মস্স অনন্তৰপচ্চযেন পচ্চযো – অনাগতাৰম্মণং ইদ্ধিৱিধঞাণং অতীতাৰম্মণস্স ৱুট্ঠানস্স…পে… চেতোপৰিযঞাণং অতীতাৰম্মণস্স ৱুট্ঠানস্স…পে… অনাগতংসঞাণং অতীতাৰম্মণস্স ৱুট্ঠানস্স…পে… অনাগতাৰম্মণা খন্ধা অতীতাৰম্মণস্স ৱুট্ঠানস্স অনন্তৰপচ্চযেন পচ্চযো. (২)

২৮. পচ্চুপ্পন্নাৰম্মণো ধম্মো পচ্চুপ্পন্নাৰম্মণস্স ধম্মস্স অনন্তৰপচ্চযেন পচ্চযো – পুৰিমা পুৰিমা পচ্চুপ্পন্নাৰম্মণা খন্ধা পচ্ছিমানং পচ্ছিমানং পচ্চুপ্পন্নাৰম্মণানং খন্ধানং অনন্তৰপচ্চযেন পচ্চযো. পচ্চুপ্পন্নাৰম্মণং পটিসন্ধিচিত্তং পচ্চুপ্পন্নাৰম্মণস্স ভৱঙ্গস্স…পে… পচ্চুপ্পন্নাৰম্মণং ভৱঙ্গং পচ্চুপ্পন্নাৰম্মণস্স ভৱঙ্গস্স অনন্তৰপচ্চযেন পচ্চযো. (১)

পচ্চুপ্পন্নাৰম্মণো ধম্মো অতীতাৰম্মণস্স ধম্মস্স অনন্তৰপচ্চযেন পচ্চযো – পচ্চুপ্পন্নাৰম্মণং পটিসন্ধিচিত্তং অতীতাৰম্মণস্স ভৱঙ্গস্স…পে… পচ্চুপ্পন্নাৰম্মণং ভৱঙ্গং অতীতাৰম্মণস্স ভৱঙ্গস্স…পে… পচ্চুপ্পন্নাৰম্মণা খন্ধা অতীতাৰম্মণস্স ৱুট্ঠানস্স অনন্তৰপচ্চযেন পচ্চযো. (২)

সমনন্তৰপচ্চযো

২৯. অতীতাৰম্মণো ধম্মো অতীতাৰম্মণস্স ধম্মস্স সমনন্তৰপচ্চযেন পচ্চযো (অনন্তৰসদিসং).

সহজাতপচ্চযাদি

৩০. অতীতাৰম্মণো ধম্মো অতীতাৰম্মণস্স ধম্মস্স সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো…(তযোপি পচ্চযা পটিচ্চৱাৰসদিসা).

উপনিস্সযপচ্চযো

৩১. অতীতাৰম্মণো ধম্মো অতীতাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অতীতাৰম্মণা অনিচ্চানুপস্সনা, দুক্খানুপস্সনা, অনত্তানুপস্সনা অতীতাৰম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (১)

অতীতাৰম্মণো ধম্মো অনাগতাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অতীতাৰম্মণা অনিচ্চানুপস্সনা, দুক্খানুপস্সনা, অনত্তানুপস্সনা অনাগতাৰম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (২)

অতীতাৰম্মণো ধম্মো পচ্চুপ্পন্নাৰম্মণস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – অতীতাৰম্মণা অনিচ্চানুপস্সনা, দুক্খানুপস্সনা, অনত্তানুপস্সনা পচ্চুপ্পন্নাৰম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (৩)

৩২. অনাগতাৰম্মণো ধম্মো অনাগতাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অনাগতাৰম্মণা অনিচ্চানুপস্সনা, দুক্খানুপস্সনা, অনত্তানুপস্সনা অনাগতাৰম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (১)

অনাগতাৰম্মণো ধম্মো অতীতাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অনাগতাৰম্মণা অনিচ্চানুপস্সনা, দুক্খানুপস্সনা, অনত্তানুপস্সনা অতীতাৰম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (২)

অনাগতাৰম্মণো ধম্মো পচ্চুপ্পন্নাৰম্মণস্স ধম্মস্স উপনিস্সযপচ্চযেন পচ্চযো. পকতূপনিস্সযো – অনাগতাৰম্মণা অনিচ্চানুপস্সনা, দুক্খানুপস্সনা, অনত্তানুপস্সনা পচ্চুপ্পন্নাৰম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (৩)

৩৩. পচ্চুপ্পন্নাৰম্মণো ধম্মো পচ্চুপ্পন্নাৰম্মণস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – পচ্চুপ্পন্নাৰম্মণা অনিচ্চানুপস্সনা, দুক্খানুপস্সনা, অনত্তানুপস্সনা পচ্চুপ্পন্নাৰম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (১)

পচ্চুপ্পন্নাৰম্মণো ধম্মো অতীতাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পচ্চুপ্পন্নাৰম্মণা অনিচ্চানুপস্সনা, দুক্খানুপস্সনা, অনত্তানুপস্সনা অতীতাৰম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (২)

পচ্চুপ্পন্নাৰম্মণো ধম্মো অনাগতাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – পচ্চুপ্পন্নাৰম্মণা অনিচ্চানুপস্সনা, দুক্খানুপস্সনা, অনত্তানুপস্সনা অনাগতাৰম্মণায অনিচ্চানুপস্সনায, দুক্খানুপস্সনায, অনত্তানুপস্সনায উপনিস্সযপচ্চযেন পচ্চযো. (৩)

আসেৱনপচ্চযো

৩৪. অতীতাৰম্মণো ধম্মো অতীতাৰম্মণস্স ধম্মস্স আসেৱনপচ্চযেন পচ্চযো – পুৰিমা পুৰিমা অতীতাৰম্মণা খন্ধা পচ্ছিমানং পচ্ছিমানং অতীতাৰম্মণানং খন্ধানং আসেৱনপচ্চযেন পচ্চযো. (১)

অনাগতাৰম্মণো ধম্মো অনাগতাৰম্মণস্স ধম্মস্স আসেৱনপচ্চযেন পচ্চযো – পুৰিমা পুৰিমা অনাগতাৰম্মণা খন্ধা পচ্ছিমানং পচ্ছিমানং অনাগতাৰম্মণানং খন্ধানং আসেৱনপচ্চযেন পচ্চযো. (১)

পচ্চুপ্পন্নাৰম্মণো ধম্মো পচ্চুপ্পন্নাৰম্মণস্স ধম্মস্স আসেৱনপচ্চযেন পচ্চযো – পুৰিমা পুৰিমা পচ্চুপ্পন্নাৰম্মণা খন্ধা পচ্ছিমানং পচ্ছিমানং পচ্চুপ্পন্নাৰম্মণানং খন্ধানং আসেৱনপচ্চযেন পচ্চযো. (১)

কম্মপচ্চযো

৩৫. অতীতাৰম্মণো ধম্মো অতীতাৰম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অতীতাৰম্মণা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – অতীতাৰম্মণা চেতনা ৱিপাকানং অতীতাৰম্মণানং খন্ধানং কম্মপচ্চযেন পচ্চযো. (১)

অতীতাৰম্মণো ধম্মো অনাগতাৰম্মণস্স ধম্মস্স কম্মপচ্চযেন পচ্চযো. নানাক্খণিকা – অতীতাৰম্মণা চেতনা ৱিপাকানং অনাগতাৰম্মণানং খন্ধানং কম্মপচ্চযেন পচ্চযো. (২)

অতীতাৰম্মণো ধম্মো পচ্চুপ্পন্নাৰম্মণস্স ধম্মস্স কম্মপচ্চযেন পচ্চযো. নানাক্খণিকা – অতীতাৰম্মণা চেতনা ৱিপাকানং পচ্চুপ্পন্নাৰম্মণানং খন্ধানং কম্মপচ্চযেন পচ্চযো. (৩)

৩৬. অনাগতাৰম্মণো ধম্মো অনাগতাৰম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অনাগতাৰম্মণা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – অনাগতাৰম্মণা চেতনা ৱিপাকানং অনাগতাৰম্মণানং খন্ধানং কম্মপচ্চযেন পচ্চযো. (১)

অনাগতাৰম্মণো ধম্মো অতীতাৰম্মণস্স ধম্মস্স কম্মপচ্চযেন পচ্চযো. নানাক্খণিকা – অনাগতাৰম্মণা চেতনা ৱিপাকানং অতীতাৰম্মণানং খন্ধানং কম্মপচ্চযেন পচ্চযো. (২)

অনাগতাৰম্মণো ধম্মো পচ্চুপ্পন্নাৰম্মণস্স ধম্মস্স কম্মপচ্চযেন পচ্চযো. নানাক্খণিকা – অনাগতাৰম্মণা চেতনা ৱিপাকানং পচ্চুপ্পন্নাৰম্মণানং খন্ধানং কম্মপচ্চযেন পচ্চযো. (৩)

৩৭. পচ্চুপ্পন্নাৰম্মণো ধম্মো পচ্চুপ্পন্নাৰম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – পচ্চুপ্পন্নাৰম্মণা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে…পে… নানাক্খণিকা – পচ্চুপ্পন্নাৰম্মণা চেতনা ৱিপাকানং পচ্চুপ্পন্নাৰম্মণানং খন্ধানং কম্মপচ্চযেন পচ্চযো. (১)

পচ্চুপ্পন্নাৰম্মণো ধম্মো অতীতাৰম্মণস্স ধম্মস্স কম্মপচ্চযেন পচ্চযো. নানাক্খণিকা – পচ্চুপ্পন্নাৰম্মণা চেতনা ৱিপাকানং অতীতাৰম্মণানং খন্ধানং কম্মপচ্চযেন পচ্চযো. (২)

পচ্চুপ্পন্নাৰম্মণো ধম্মো অনাগতাৰম্মণস্স ধম্মস্স কম্মপচ্চযেন পচ্চযো. নানাক্খণিকা – পচ্চুপ্পন্নাৰম্মণা চেতনা ৱিপাকানং অনাগতাৰম্মণানং খন্ধানং কম্মপচ্চযেন পচ্চযো. (৩)

ৱিপাকপচ্চযাদি

৩৮. অতীতাৰম্মণো ধম্মো অতীতাৰম্মণস্স ধম্মস্স ৱিপাকপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… অত্থিপচ্চযেন পচ্চযো… নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.