১৩. পৰিত্তাৰম্মণত্তিকং

১. পটিচ্চৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১. পৰিত্তাৰম্মণং ধম্মং পটিচ্চ পৰিত্তাৰম্মণো ধম্মো উপ্পজ্জতি হেতুপচ্চযা – পৰিত্তাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. পটিসন্ধিক্খণে পৰিত্তাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. (১)

মহগ্গতাৰম্মণং ধম্মং পটিচ্চ মহগ্গতাৰম্মণো ধম্মো উপ্পজ্জতি হেতুপচ্চযা – মহগ্গতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. পটিসন্ধিক্খণে মহগ্গতাৰম্মণং…পে…. (১)

অপ্পমাণাৰম্মণং ধম্মং পটিচ্চ অপ্পমাণাৰম্মণো ধম্মো উপ্পজ্জতি হেতুপচ্চযা – অপ্পমাণাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. (১)

আৰম্মণপচ্চযাদি

২. পৰিত্তাৰম্মণং ধম্মং পটিচ্চ পৰিত্তাৰম্মণো ধম্মো উপ্পজ্জতি আৰম্মণপচ্চযা… অধিপতিপচ্চযা (সংখিত্তং)… অৱিগতপচ্চযা.

১. পচ্চযানুলোমং

২. সঙ্খ্যাৱাৰো

৩. হেতুযা তীণি, আৰম্মণে তীণি, অধিপতিযা তীণি…পে… অৱিগতে তীণি (এৱং গণেতব্বং).

অনুলোমং.

২. পচ্চযপচ্চনীযং

১. ৱিভঙ্গৱাৰো

নহেতুপচ্চযো

৪. পৰিত্তাৰম্মণং ধম্মং পটিচ্চ পৰিত্তাৰম্মণো ধম্মো উপ্পজ্জতি নহেতুপচ্চযা – অহেতুকং পৰিত্তাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. অহেতুকপটিসন্ধিক্খণে পৰিত্তাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা, ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

মহগ্গতাৰম্মণং ধম্মং পটিচ্চ মহগ্গতাৰম্মণো ধম্মো উপ্পজ্জতি নহেতুপচ্চযা – অহেতুকং মহগ্গতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা, ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

অপ্পমাণাৰম্মণং ধম্মং পটিচ্চ অপ্পমাণাৰম্মণো ধম্মো উপ্পজ্জতি নহেতুপচ্চযা – অহেতুকং অপ্পমাণাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. (১)

নঅধিপতিপচ্চযো

৫. পৰিত্তাৰম্মণং ধম্মং পটিচ্চ পৰিত্তাৰম্মণো ধম্মো উপ্পজ্জতি নঅধিপতিপচ্চযা – পৰিত্তাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. পটিসন্ধিক্খণে…পে…. (১)

মহগ্গতাৰম্মণং ধম্মং পটিচ্চ মহগ্গতাৰম্মণো ধম্মো উপ্পজ্জতি নঅধিপতিপচ্চযা – মহগ্গতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. পটিসন্ধিক্খণে…পে…. (১)

অপ্পমাণাৰম্মণং ধম্মং পটিচ্চ অপ্পমাণাৰম্মণো ধম্মো উপ্পজ্জতি নঅধিপতিপচ্চযা – অপ্পমাণাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. (১)

নপুৰেজাতপচ্চযাদি

৬. পৰিত্তাৰম্মণং ধম্মং পটিচ্চ পৰিত্তাৰম্মণো ধম্মো উপ্পজ্জতি নপুৰেজাতপচ্চযা – অৰূপে পৰিত্তাৰম্মণং একং খন্ধং পটিচ্চ তযো খন্ধা…পে… পটিসন্ধিক্খণে…পে…. (১)

মহগ্গতাৰম্মণং ধম্মং পটিচ্চ মহগ্গতাৰম্মণো ধম্মো উপ্পজ্জতি নপুৰেজাতপচ্চযা – অৰূপে মহগ্গতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা (মহগ্গতাৰম্মণে পটিসন্ধি নত্থি). (১)

অপ্পমাণাৰম্মণং ধম্মং পটিচ্চ অপ্পমাণাৰম্মণো ধম্মো উপ্পজ্জতি নপুৰেজাতপচ্চযা – অৰূপে অপ্পমাণাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা (নপচ্ছাজাতপচ্চযঞ্চ নআসেৱনপচ্চযঞ্চ নঅধিপতিসদিসং).

নকম্মপচ্চযো

৭. পৰিত্তাৰম্মণং ধম্মং পটিচ্চ পৰিত্তাৰম্মণো ধম্মো উপ্পজ্জতি নকম্মপচ্চযা – পৰিত্তাৰম্মণে খন্ধে পটিচ্চ পৰিত্তাৰম্মণা চেতনা. (১)

মহগ্গতাৰম্মণং ধম্মং পটিচ্চ মহগ্গতাৰম্মণো ধম্মো উপ্পজ্জতি নকম্মপচ্চযা – মহগ্গতাৰম্মণে খন্ধে পটিচ্চ মহগ্গতাৰম্মণা চেতনা. (১)

অপ্পমাণাৰম্মণং ধম্মং পটিচ্চ অপ্পমাণাৰম্মণো ধম্মো উপ্পজ্জতি নকম্মপচ্চযা – অপ্পমাণাৰম্মণে খন্ধে পটিচ্চ অপ্পমাণাৰম্মণা চেতনা. (১)

নৱিপাকপচ্চযাদি

৮. পৰিত্তাৰম্মণং ধম্মং পটিচ্চ পৰিত্তাৰম্মণো ধম্মো উপ্পজ্জতি নৱিপাকপচ্চযা (পটিসন্ধি নত্থি)… নঝানপচ্চযা – পঞ্চৱিঞ্ঞাণসহগতং একং খন্ধং পটিচ্চ তযো খন্ধা…পে… দ্ৱে খন্ধা…নমগ্গপচ্চযা – অহেতুকং পৰিত্তাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা; অহেতুকপটিসন্ধিক্খণে…পে… দ্ৱে খন্ধা…পে….

মহগ্গতাৰম্মণং ধম্মং পটিচ্চ মহগ্গতাৰম্মণো ধম্মো উপ্পজ্জতি নমগ্গপচ্চযা – অহেতুকং মহগ্গতাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. (১)

অপ্পমাণাৰম্মণং ধম্মং পটিচ্চ অপ্পমাণাৰম্মণো ধম্মো উপ্পজ্জতি নমগ্গপচ্চযা – অহেতুকং অপ্পমাণাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. (১)

নৱিপ্পযুত্তপচ্চযো

৯. পৰিত্তাৰম্মণং ধম্মং পটিচ্চ পৰিত্তাৰম্মণো ধম্মো উপ্পজ্জতি নৱিপ্পযুত্তপচ্চযা – অৰূপে পৰিত্তাৰম্মণং একং খন্ধং পটিচ্চ তযো খন্ধা…পে…. (১)

মহগ্গতাৰম্মণং ধম্মং পটিচ্চ মহগ্গতাৰম্মণো ধম্মো উপ্পজ্জতি নৱিপ্পযুত্তপচ্চযা – অৰূপে মহগ্গতাৰম্মণং একং খন্ধং পটিচ্চ তযো খন্ধা…পে…. (১)

অপ্পমাণাৰম্মণং ধম্মং পটিচ্চ অপ্পমাণাৰম্মণো ধম্মো উপ্পজ্জতি নৱিপ্পযুত্তপচ্চযা – অৰূপে অপ্পমাণাৰম্মণং একং খন্ধং পটিচ্চ তযো খন্ধা…পে… দ্ৱে খন্ধা. (১)

২. পচ্চযপচ্চনীযং

২. সঙ্খ্যাৱাৰো

১০. নহেতুযা তীণি, নঅধিপতিযা তীণি…পে… নপুৰেজাতে তীণি, নপচ্ছাজাতে তীণি, নআসেৱনে তীণি, নকম্মে তীণি, নৱিপাকে তীণি, নঝানে একং, নমগ্গে তীণি, নৱিপ্পযুত্তে তীণি (এৱং গণেতব্বং).

পচ্চনীযং.

৩. পচ্চযানুলোমপচ্চনীযং

১১. হেতুপচ্চযা নঅধিপতিযা তীণি, নপুৰেজাতে তীণি, নপচ্ছাজাতে তীণি, নআসেৱনে তীণি, নকম্মে তীণি, নৱিপাকে তীণি, নৱিপ্পযুত্তে তীণি (এৱং গণেতব্বং).

অনুলোমপচ্চনীযং.

৪. পচ্চযপচ্চনীযানুলোমং

নহেতুদুকং

১২. নহেতুপচ্চযা আৰম্মণে তীণি, অনন্তৰে তীণি, সমনন্তৰে তীণি, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে তীণি, পুৰেজাতে তীণি, আসেৱনে দ্ৱে, কম্মে তীণি, ৱিপাকে একং, আহাৰে তীণি, ইন্দ্ৰিযে তীণি, ঝানে তীণি, মগ্গে দ্ৱে, সম্পযুত্তে তীণি, ৱিপ্পযুত্তে তীণি, অত্থিযা তীণি, নত্থিযা তীণি, ৱিগতে তীণি, অৱিগতে তীণি (এৱং গণেতব্বং).

পচ্চনীযানুলোমং.

পটিচ্চৱাৰো.

২-৬. সহজাত-পচ্চয-নিস্সয-সংসট্ঠ-সম্পযুত্তৱাৰো

(সহজাতৱাৰোপি পচ্চযৱাৰোপি নিস্সযৱাৰোপি সংসট্ঠৱাৰোপি সম্পযুত্তৱাৰোপি পটিচ্চৱাৰসদিসো).

৭. পঞ্হাৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১৩. পৰিত্তাৰম্মণো ধম্মো পৰিত্তাৰম্মণস্স ধম্মস্স হেতুপচ্চযেন পচ্চযো – পৰিত্তাৰম্মণা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে পৰিত্তাৰম্মণা হেতূ সম্পযুত্তকানং খন্ধানং হেতুপচ্চযেন পচ্চযো. (১)

মহগ্গতাৰম্মণো ধম্মো মহগ্গতাৰম্মণস্স ধম্মস্স হেতুপচ্চযেন পচ্চযো – মহগ্গতাৰম্মণা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে…পে…. (১)

অপ্পমাণাৰম্মণো ধম্মো অপ্পমাণাৰম্মণস্স ধম্মস্স হেতুপচ্চযেন পচ্চযো – অপ্পমাণাৰম্মণা হেতূ সম্পযুত্তকানং খন্ধানং হেতুপচ্চযেন পচ্চযো. (১)

আৰম্মণপচ্চযো

১৪. পৰিত্তাৰম্মণো ধম্মো পৰিত্তাৰম্মণস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, অৰিযা পৰিত্তাৰম্মণে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. পৰিত্তাৰম্মণে পৰিত্তে খন্ধে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি, তং আৰব্ভ পৰিত্তাৰম্মণো ৰাগো উপ্পজ্জতি…পে… দোমনস্সং উপ্পজ্জতি. চেতোপৰিযঞাণেন পৰিত্তাৰম্মণপৰিত্তচিত্তসমঙ্গিস্স চিত্তং জানাতি. পৰিত্তাৰম্মণা পৰিত্তা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

পৰিত্তাৰম্মণো ধম্মো মহগ্গতাৰম্মণস্স ধম্মস্স আৰম্মণপচ্চযেন পচ্চযো – দিব্বং চক্খুং পচ্চৱেক্খতি, দিব্বং সোতধাতুং পচ্চৱেক্খতি, পৰিত্তাৰম্মণং ইদ্ধিৱিধঞাণং পচ্চৱেক্খতি, চেতোপৰিযঞাণং…পে… পুব্বেনিৱাসানুস্সতিঞাণং…পে… যথাকম্মূপগঞাণং…পে… অনাগতংসঞাণং পচ্চৱেক্খতি. পৰিত্তাৰম্মণে মহগ্গতে খন্ধে অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ মহগ্গতাৰম্মণো ৰাগো উপ্পজ্জতি…পে… দোমনস্সং উপ্পজ্জতি. চেতোপৰিযঞাণেন পৰিত্তাৰম্মণমহগ্গতচিত্তসমঙ্গিস্স চিত্তং জানাতি. পৰিত্তাৰম্মণা মহগ্গতা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

১৫. মহগ্গতাৰম্মণো ধম্মো মহগ্গতাৰম্মণস্স ধম্মস্স আৰম্মণপচ্চযেন পচ্চযো – ৱিঞ্ঞাণঞ্চাযতনং পচ্চৱেক্খতি, নেৱসঞ্ঞানাসঞ্ঞাযতনং পচ্চৱেক্খতি, মহগ্গতাৰম্মণং ইদ্ধিৱিধঞাণং পচ্চৱেক্খতি, চেতোপৰিযঞাণং…পে… পুব্বেনিৱাসানুস্সতিঞাণং…পে… যথাকম্মূপগঞাণং…পে… অনাগতংসঞাণং পচ্চৱেক্খতি. মহগ্গতাৰম্মণে মহগ্গতে খন্ধে অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ মহগ্গতাৰম্মণো ৰাগো উপ্পজ্জতি…পে… দোমনস্সং উপ্পজ্জতি. চেতোপৰিযঞাণেন মহগ্গতাৰম্মণমহগ্গতচিত্তসমঙ্গিস্স চিত্তং জানাতি. মহগ্গতাৰম্মণা মহগ্গতা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

মহগ্গতাৰম্মণো ধম্মো পৰিত্তাৰম্মণস্স ধম্মস্স আৰম্মণপচ্চযেন পচ্চযো – পঠমজ্ঝানপচ্চৱেক্খণং পচ্চৱেক্খতি…পে… নেৱসঞ্ঞানাসঞ্ঞাযতনপচ্চৱেক্খণং পচ্চৱেক্খতি, দিব্বচক্খুপচ্চৱেক্খণং পচ্চৱেক্খতি, দিব্বসোতধাতুপচ্চৱেক্খণং পচ্চৱেক্খতি, ইদ্ধিৱিধঞাণপচ্চৱেক্খণং…পে… চেতোপৰিযঞাণপচ্চৱেক্খণং…পে… পুব্বেনিৱাসানুস্সতিঞাণপচ্চৱেক্খণং…পে… যথাকম্মূপগঞাণপচ্চৱেক্খণং…পে… অনাগতংসঞাণপচ্চৱেক্খণং পচ্চৱেক্খতি, অৰিযা মহগ্গতাৰম্মণে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. মহগ্গতাৰম্মণে পৰিত্তে খন্ধে অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ পৰিত্তাৰম্মণো ৰাগো উপ্পজ্জতি…পে… দোমনস্সং উপ্পজ্জতি. চেতোপৰিযঞাণেন মহগ্গতাৰম্মণপৰিত্তচিত্তসমঙ্গিস্স চিত্তং জানাতি. মহগ্গতাৰম্মণা পৰিত্তা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

১৬. অপ্পমাণাৰম্মণো ধম্মো অপ্পমাণাৰম্মণস্স ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি. চেতোপৰিযঞাণেন অপ্পমাণাৰম্মণঅপ্পমাণচিত্তসমঙ্গিস্স চিত্তং জানাতি. অপ্পমাণাৰম্মণা অপ্পমাণা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অপ্পমাণাৰম্মণো ধম্মো পৰিত্তাৰম্মণস্স ধম্মস্স আৰম্মণপচ্চযেন পচ্চযো – অৰিযা গোত্ৰভুং পচ্চৱেক্খন্তি, ৱোদানং পচ্চৱেক্খন্তি, মগ্গপচ্চৱেক্খণং পচ্চৱেক্খন্তি, ফলপচ্চৱেক্খণং পচ্চৱেক্খন্তি, নিব্বানপচ্চৱেক্খণং পচ্চৱেক্খন্তি. অপ্পমাণাৰম্মণে পৰিত্তে খন্ধে অনিচ্চতো…পে… ৱিপস্সতি, চেতোপৰিযঞাণেন অপ্পমাণাৰম্মণপৰিত্তচিত্তসমঙ্গিস্স চিত্তং জানাতি. অপ্পমাণাৰম্মণা পৰিত্তা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৱজ্জনায আৰম্মণপচ্চযেন পচ্চযো. (২)

অপ্পমাণাৰম্মণো ধম্মো মহগ্গতাৰম্মণস্স ধম্মস্স আৰম্মণপচ্চযেন পচ্চযো – অৰিযা অপ্পমাণাৰম্মণং চেতোপৰিযঞাণং পচ্চৱেক্খন্তি, পুব্বেনিৱাসানুস্সতিঞাণং পচ্চৱেক্খন্তি, অনাগতংসঞাণং পচ্চৱেক্খন্তি. চেতোপৰিযঞাণেন অপ্পমাণাৰম্মণমহগ্গতচিত্তসমঙ্গিস্স চিত্তং জানন্তি. অপ্পমাণাৰম্মণং মহগ্গতা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

অধিপতিপচ্চযো

১৭. পৰিত্তাৰম্মণো ধম্মো পৰিত্তাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, পৰিত্তাৰম্মণে পৰিত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা পৰিত্তাৰম্মণো ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – পৰিত্তাৰম্মণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

পৰিত্তাৰম্মণো ধম্মো মহগ্গতাৰম্মণস্স ধম্মস্স অধিপতিপচ্চযেন পচ্চযো. আৰম্মণাধিপতি – দিব্বং চক্খুং গৰুং কত্ৱা পচ্চৱেক্খতি, দিব্বং সোতধাতুং…পে… পৰিত্তাৰম্মণং ইদ্ধিৱিধঞাণং…পে… চেতোপৰিযঞাণং…পে… পুব্বেনিৱাসানুস্সতিঞাণং…পে… যথাকম্মূপগঞাণং…পে… অনাগতংসঞাণং গৰুং কত্ৱা পচ্চৱেক্খতি. পৰিত্তাৰম্মণে মহগ্গতে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা মহগ্গতাৰম্মণো ৰাগো উপ্পজ্জতি, দিট্ঠি উপ্পজ্জতি. (২)

১৮. মহগ্গতাৰম্মণো ধম্মো মহগ্গতাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – ৱিঞ্ঞাণঞ্চাযতনং গৰুং কত্ৱা পচ্চৱেক্খতি, নেৱসঞ্ঞানাসঞ্ঞাযতনং…পে… মহগ্গতাৰম্মণং ইদ্ধিৱিধঞাণং…পে… চেতোপৰিযঞাণং …পে… পুব্বেনিৱাসানুস্সতিঞাণং…পে… যথাকম্মূপগঞাণং…পে… অনাগতংসঞাণং গৰুং কত্ৱা পচ্চৱেক্খতি. মহগ্গতাৰম্মণে মহগ্গতে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা মহগ্গতাৰম্মণো ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – মহগ্গতাৰম্মণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

মহগ্গতাৰম্মণো ধম্মো পৰিত্তাৰম্মণস্স ধম্মস্স অধিপতিপচ্চযেন পচ্চযো. আৰম্মণাধিপতি – পঠমজ্ঝানপচ্চৱেক্খণং গৰুং কত্ৱা পচ্চৱেক্খতি…পে… অনাগতংসঞাণপচ্চৱেক্খণং গৰুং কত্ৱা পচ্চৱেক্খতি. মহগ্গতাৰম্মণে পৰিত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা পৰিত্তাৰম্মণো ৰাগো উপ্পজ্জতি, দিট্ঠি উপ্পজ্জতি. (২)

১৯. অপ্পমাণাৰম্মণো ধম্মো অপ্পমাণাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং গৰুং কত্ৱা পচ্চৱেক্খন্তি. সহজাতাধিপতি – অপ্পমাণাৰম্মণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অপ্পমাণাৰম্মণো ধম্মো পৰিত্তাৰম্মণস্স ধম্মস্স অধিপতিপচ্চযেন পচ্চযো. আৰম্মণাধিপতি – সেক্খা গোত্ৰভুং গৰুং কত্ৱা পচ্চৱেক্খন্তি, ৱোদানং গৰুং কত্ৱা পচ্চৱেক্খন্তি, মগ্গপচ্চৱেক্খণং গৰুং কত্ৱা পচ্চৱেক্খন্তি, ফলপচ্চৱেক্খণং গৰুং কত্ৱা পচ্চৱেক্খন্তি, নিব্বানপচ্চৱেক্খণং গৰুং কত্ৱা পচ্চৱেক্খন্তি. (২)

অপ্পমাণাৰম্মণো ধম্মো মহগ্গতাৰম্মণস্স ধম্মস্স অধিপতিপচ্চযেন পচ্চযো. আৰম্মণাধিপতি – সেক্খা অপ্পমাণাৰম্মণং চেতোপৰিযঞাণং গৰুং কত্ৱা পচ্চৱেক্খন্তি. পুব্বেনিৱাসানুস্সতিঞাণং…পে… অনাগতংসঞাণং গৰুং কত্ৱা পচ্চৱেক্খন্তি. (৩)

অনন্তৰপচ্চযো

২০. পৰিত্তাৰম্মণো ধম্মো পৰিত্তাৰম্মণস্স ধম্মস্স অনন্তৰপচ্চযেন পচ্চযো – পুৰিমা পুৰিমা পৰিত্তাৰম্মণা খন্ধা পচ্ছিমানং পচ্ছিমানং পৰিত্তাৰম্মণানং খন্ধানং অনন্তৰপচ্চযেন পচ্চযো. (১)

পৰিত্তাৰম্মণো ধম্মো মহগ্গতাৰম্মণস্স ধম্মস্স অনন্তৰপচ্চযেন পচ্চযো – পৰিত্তাৰম্মণং চুতিচিত্তং মহগ্গতাৰম্মণস্স উপপত্তিচিত্তস্স অনন্তৰপচ্চযেন পচ্চযো. পৰিত্তাৰম্মণং ভৱঙ্গং মহগ্গতাৰম্মণায আৱজ্জনায অনন্তৰপচ্চযেন পচ্চযো. পৰিত্তাৰম্মণা খন্ধা মহগ্গতাৰম্মণস্স ৱুট্ঠানস্স অনন্তৰপচ্চযেন পচ্চযো. (২)

পৰিত্তাৰম্মণো ধম্মো অপ্পমাণাৰম্মণস্স ধম্মস্স অনন্তৰপচ্চযেন পচ্চযো – পৰিত্তাৰম্মণং ভৱঙ্গং অপ্পমাণাৰম্মণায আৱজ্জনায অনন্তৰপচ্চযেন পচ্চযো. পৰিত্তাৰম্মণং অনুলোমং গোত্ৰভুস্স… অনুলোমং ৱোদানস্স… অনুলোমং ফলসমাপত্তিযা অনন্তৰপচ্চযেন পচ্চযো. (৩)

২১. মহগ্গতাৰম্মণো ধম্মো মহগ্গতাৰম্মণস্স ধম্মস্স অনন্তৰপচ্চযেন পচ্চযো – পুৰিমা পুৰিমা মহগ্গতাৰম্মণা খন্ধা পচ্ছিমানং পচ্ছিমানং মহগ্গতাৰম্মণানং খন্ধানং অনন্তৰপচ্চযেন পচ্চযো. (১)

মহগ্গতাৰম্মণো ধম্মো পৰিত্তাৰম্মণস্স ধম্মস্স অনন্তৰপচ্চযেন পচ্চযো – মহগ্গতাৰম্মণং চুতিচিত্তং পৰিত্তাৰম্মণস্স উপপত্তিচিত্তস্স অনন্তৰপচ্চযেন পচ্চযো. মহগ্গতাৰম্মণং ভৱঙ্গং পৰিত্তাৰম্মণায আৱজ্জনায অনন্তৰপচ্চযেন পচ্চযো. মহগ্গতাৰম্মণা খন্ধা পৰিত্তাৰম্মণস্স ৱুট্ঠানস্স অনন্তৰপচ্চযেন পচ্চযো. (২)

মহগ্গতাৰম্মণো ধম্মো অপ্পমাণাৰম্মণস্স ধম্মস্স অনন্তৰপচ্চযেন পচ্চযো – মহগ্গতাৰম্মণং ভৱঙ্গং অপ্পমাণাৰম্মণায আৱজ্জনায অনন্তৰপচ্চযেন পচ্চযো. মহগ্গতাৰম্মণং অনুলোমং গোত্ৰভুস্স… অনুলোমং ৱোদানস্স… অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (৩)

২২. অপ্পমাণাৰম্মণো ধম্মো অপ্পমাণাৰম্মণস্স ধম্মস্স অনন্তৰপচ্চযেন পচ্চযো – পুৰিমা পুৰিমা অপ্পমাণাৰম্মণা খন্ধা পচ্ছিমানং পচ্ছিমানং অপ্পমাণাৰম্মণানং খন্ধানং অনন্তৰপচ্চযেন পচ্চযো. গোত্ৰভু মগ্গস্স… ৱোদানং মগ্গস্স… মগ্গো ফলস্স… ফলং ফলস্স অনন্তৰপচ্চযেন পচ্চযো. (১)

অপ্পমাণাৰম্মণো ধম্মো পৰিত্তাৰম্মণস্স ধম্মস্স অনন্তৰপচ্চযেন পচ্চযো – মগ্গপচ্চৱেক্খণং পৰিত্তাৰম্মণস্স ৱুট্ঠানস্স… ফলপচ্চৱেক্খণং পৰিত্তাৰম্মণস্স ৱুট্ঠানস্স… নিব্বানপচ্চৱেক্খণং পৰিত্তাৰম্মণস্স ৱুট্ঠানস্স… অপ্পমাণাৰম্মণং চেতোপৰিযঞাণং পৰিত্তাৰম্মণস্স ৱুট্ঠানস্স… পুব্বেনিৱাসানুস্সতিঞাণং পৰিত্তাৰম্মণস্স ৱুট্ঠানস্স… অনাগতংসঞাণং পৰিত্তাৰম্মণস্স ৱুট্ঠানস্স… ফলং পৰিত্তাৰম্মণস্স ৱুট্ঠানস্স অনন্তৰপচ্চযেন পচ্চযো. (২)

অপ্পমাণাৰম্মণো ধম্মো মহগ্গতাৰম্মণস্স ধম্মস্স অনন্তৰপচ্চযেন পচ্চযো – মগ্গপচ্চৱেক্খণং মহগ্গতাৰম্মণস্স ৱুট্ঠানস্স… ফলপচ্চৱেক্খণং মহগ্গতাৰম্মণস্স ৱুট্ঠানস্স… নিব্বানপচ্চৱেক্খণং মহগ্গতাৰম্মণস্স ৱুট্ঠানস্স… ফলং মহগ্গতাৰম্মণস্স ৱুট্ঠানস্স অনন্তৰপচ্চযেন পচ্চযো. (৩)

সমনন্তৰপচ্চযো

২৩. পৰিত্তাৰম্মণো ধম্মো পৰিত্তাৰম্মণস্স ধম্মস্স সমনন্তৰপচ্চযেন পচ্চযো (অনন্তৰসদিসং).

সহজাতপচ্চযাদি

২৪. পৰিত্তাৰম্মণো ধম্মো পৰিত্তাৰম্মণস্স ধম্মস্স সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো… তীণি (পটিচ্চৱাৰসদিসা কাতব্বা).

উপনিস্সযপচ্চযো

২৫. পৰিত্তাৰম্মণো ধম্মো পৰিত্তাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পৰিত্তাৰম্মণং সদ্ধং উপনিস্সায দানং দেতি, সীলং…পে… উপোসথকম্মং…পে… পৰিত্তাৰম্মণং ঝানং উপ্পাদেতি, ৱিপস্সনং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পৰিত্তাৰম্মণং সীলং…পে… পঞ্ঞং… ৰাগং দোসং… মোহং… মানং… দিট্ঠিং… পত্থনং… কাযিকং সুখং… কাযিকং দুক্খং উপনিস্সায দানং দেতি, সীলং…পে… উপোসথকম্মং…পে… পৰিত্তাৰম্মণং ঝানং উপ্পাদেতি, ৱিপস্সনং…পে… অভিঞ্ঞং…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. পৰিত্তাৰম্মণা সদ্ধা…পে… পঞ্ঞা, ৰাগো…পে… পত্থনা, কাযিকং সুখং… কাযিকং দুক্খং… পৰিত্তাৰম্মণায সদ্ধায…পে… পঞ্ঞায ৰাগস্স…পে… পত্থনায, কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (১)

পৰিত্তাৰম্মণো ধম্মো মহগ্গতাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পৰিত্তাৰম্মণং সদ্ধং উপনিস্সায মহগ্গতাৰম্মণং ঝানং উপ্পাদেতি, ৱিপস্সনং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পৰিত্তাৰম্মণং সীলং…পে… পঞ্ঞং… ৰাগং…পে… পত্থনং… কাযিকং সুখং, কাযিকং দুক্খং উপনিস্সায মহগ্গতাৰম্মণং ঝানং উপ্পাদেতি, ৱিপস্সনং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পৰিত্তাৰম্মণা সদ্ধা…পে… কাযিকং সুখং, কাযিকং দুক্খং, মহগ্গতাৰম্মণায সদ্ধায…পে… পঞ্ঞায ৰাগস্স…পে… পত্থনায উপনিস্সযপচ্চযেন পচ্চযো. (২)

পৰিত্তাৰম্মণো ধম্মো অপ্পমাণাৰম্মণস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – পৰিত্তাৰম্মণং সদ্ধং উপনিস্সায অপ্পমাণাৰম্মণং ঝানং উপ্পাদেতি, মগ্গং…পে… অভিঞ্ঞং…পে… সমাপত্তিং উপ্পাদেতি. পৰিত্তাৰম্মণং সীলং…পে… পঞ্ঞং, ৰাগং…পে… কাযিকং সুখং, কাযিকং দুক্খং উপনিস্সায অপ্পমাণাৰম্মণং ঝানং উপ্পাদেতি, মগ্গং… অভিঞ্ঞং… সমাপত্তিং উপ্পাদেতি. পৰিত্তাৰম্মণা সদ্ধা…পে… কাযিকং সুখং, কাযিকং দুক্খং অপ্পমাণাৰম্মণায সদ্ধায…পে… পঞ্ঞায উপনিস্সযপচ্চযেন পচ্চযো. (৩)

২৬. মহগ্গতাৰম্মণো ধম্মো মহগ্গতাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – মহগ্গতাৰম্মণং সদ্ধং উপনিস্সায মহগ্গতাৰম্মণং ঝানং উপ্পাদেতি, ৱিপস্সনং… অভিঞ্ঞং… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. মহগ্গতাৰম্মণং সীলং…পে… পঞ্ঞং, ৰাগং…পে… পত্থনং উপনিস্সায মহগ্গতাৰম্মণং ঝানং উপ্পাদেতি…পে… দিট্ঠিং গণ্হাতি. মহগ্গতাৰম্মণা সদ্ধা…পে… পঞ্ঞা, ৰাগো…পে… পত্থনা মহগ্গতাৰম্মণায সদ্ধায…পে… পত্থনায উপনিস্সযপচ্চযেন পচ্চযো. (১)

মহগ্গতাৰম্মণো ধম্মো পৰিত্তাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – মহগ্গতাৰম্মণং সদ্ধং উপনিস্সায দানং দেতি, সীলং সমাদিযতি, উপোসথকম্মং কৰোতি, পৰিত্তাৰম্মণং ঝানং উপ্পাদেতি, ৱিপস্সনং… অভিঞ্ঞং… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. মহগ্গতাৰম্মণং সীলং…পে… পত্থনং উপনিস্সায দানং দেতি…পে… দিট্ঠিং গণ্হাতি. মহগ্গতাৰম্মণা সদ্ধা…পে… পত্থনা পৰিত্তাৰম্মণায সদ্ধায…পে… পত্থনায কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (২)

মহগ্গতাৰম্মণো ধম্মো অপ্পমাণাৰম্মণস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – মহগ্গতাৰম্মণং সদ্ধং উপনিস্সায অপ্পমাণাৰম্মণং ঝানং উপ্পাদেতি, মগ্গং… অভিঞ্ঞং… সমাপত্তিং উপ্পাদেতি. মহগ্গতাৰম্মণং সীলং…পে… পত্থনং উপনিস্সায অপ্পমাণাৰম্মণং ঝানং উপ্পাদেতি…পে… সমাপত্তিং উপ্পাদেতি. মহগ্গতাৰম্মণা সদ্ধা…পে… পত্থনা অপ্পমাণাৰম্মণায সদ্ধায…পে… পঞ্ঞায উপনিস্সযপচ্চযেন পচ্চযো (৩)

২৭. অপ্পমাণাৰম্মণো ধম্মো অপ্পমাণাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অপ্পমাণাৰম্মণং সদ্ধং উপনিস্সায অপ্পমাণাৰম্মণং ঝানং উপ্পাদেতি, মগ্গং… অভিঞ্ঞং… সমাপত্তিং উপ্পাদেতি. অপ্পমাণাৰম্মণং সীলং…পে… পঞ্ঞং উপনিস্সায অপ্পমাণাৰম্মণং ঝানং উপ্পাদেতি. মগ্গং…পে… অভিঞ্ঞং…পে… সমাপত্তিং উপ্পাদেতি অপ্পমাণাৰম্মণা সদ্ধা…পে… পঞ্ঞা অপ্পমাণাৰম্মণায সদ্ধায…পে… পঞ্ঞায মগ্গস্স ফলসমাপত্তিযা উপনিস্সযপচ্চযেন পচ্চযো. (১)

অপ্পমাণাৰম্মণো ধম্মো পৰিত্তাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অপ্পমাণাৰম্মণং সদ্ধং উপনিস্সায দানং দেতি, সীলং সমাদিযতি, উপোসথকম্মং কৰোতি, পৰিত্তাৰম্মণং ঝানং উপ্পাদেতি, ৱিপস্সনং… অভিঞ্ঞং… সমাপত্তিং উপ্পাদেতি. অপ্পমাণাৰম্মণং সীলং…পে… পঞ্ঞং উপনিস্সায দানং দেতি…পে… সমাপত্তিং উপ্পাদেতি. অপ্পমাণাৰম্মণা সদ্ধা…পে… পঞ্ঞা পৰিত্তাৰম্মণায সদ্ধায…পে… পঞ্ঞায কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (২)

অপ্পমাণাৰম্মণো ধম্মো মহগ্গতাৰম্মণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অপ্পমাণাৰম্মণং সদ্ধং উপনিস্সায মহগ্গতাৰম্মণং ঝানং উপ্পাদেতি, ৱিপস্সনং… অভিঞ্ঞং… সমাপত্তিং উপ্পাদেতি. অপ্পমাণাৰম্মণং সীলং…পে… পঞ্ঞং উপনিস্সায মহগ্গতাৰম্মণং ঝানং উপ্পাদেতি, ৱিপস্সনং… অভিঞ্ঞং… সমাপত্তিং উপ্পাদেতি. অপ্পমাণাৰম্মণা সদ্ধা…পে… পঞ্ঞা মহগ্গতাৰম্মণায সদ্ধায…পে… পঞ্ঞায উপনিস্সযপচ্চযেন পচ্চযো. (৩)

আসেৱনপচ্চযো

২৮. পৰিত্তাৰম্মণো ধম্মো পৰিত্তাৰম্মণস্স ধম্মস্স আসেৱনপচ্চযেন পচ্চযো – পুৰিমা পুৰিমা পৰিত্তাৰম্মণা খন্ধা পচ্ছিমানং পচ্ছিমানং পৰিত্তাৰম্মণানং খন্ধানং আসেৱনপচ্চযেন পচ্চযো. (১)

পৰিত্তাৰম্মণো ধম্মো অপ্পমাণাৰম্মণস্স ধম্মস্স আসেৱনপচ্চযেন পচ্চযো – পৰিত্তাৰম্মণং অনুলোমং গোত্ৰভুস্স… অনুলোমং ৱোদানস্স আসেৱনপচ্চযেন পচ্চযো. (২)

২৯. মহগ্গতাৰম্মণো ধম্মো মহগ্গতাৰম্মণস্স ধম্মস্স আসেৱনপচ্চযেন পচ্চযো – পুৰিমা পুৰিমা মহগ্গতাৰম্মণা খন্ধা পচ্ছিমানং পচ্ছিমানং মহগ্গতাৰম্মণানং খন্ধানং আসেৱনপচ্চযেন পচ্চযো. (১)

মহগ্গতাৰম্মণো ধম্মো অপ্পমাণাৰম্মণস্স ধম্মস্স আসেৱনপচ্চযেন পচ্চযো – মহগ্গতাৰম্মণং অনুলোমং গোত্ৰভুস্স… অনুলোমং ৱোদানস্স আসেৱনপচ্চযেন পচ্চযো. (২)

৩০. অপ্পমাণাৰম্মণো ধম্মো অপ্পমাণাৰম্মণস্স ধম্মস্স আসেৱনপচ্চযেন পচ্চযো – পুৰিমা পুৰিমা অপ্পমাণাৰম্মণা খন্ধা পচ্ছিমানং পচ্ছিমানং অপ্পমাণাৰম্মণানং খন্ধানং আসেৱনপচ্চযেন পচ্চযো. গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (১)

কম্মপচ্চযো

৩১. পৰিত্তাৰম্মণো ধম্মো পৰিত্তাৰম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – পৰিত্তাৰম্মণা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – পৰিত্তাৰম্মণা চেতনা ৱিপাকানং পৰিত্তাৰম্মণানং খন্ধানং কম্মপচ্চযেন পচ্চযো. (১)

মহগ্গতাৰম্মণো ধম্মো মহগ্গতাৰম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – মহগ্গতাৰম্মণা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – মহগ্গতাৰম্মণা চেতনা ৱিপাকানং মহগ্গতাৰম্মণানং খন্ধানং কম্মপচ্চযেন পচ্চযো. (১)

মহগ্গতাৰম্মণো ধম্মো পৰিত্তাৰম্মণস্স ধম্মস্স কম্মপচ্চযেন পচ্চযো. নানাক্খণিকা – মহগ্গতাৰম্মণা চেতনা ৱিপাকানং পৰিত্তাৰম্মণানং খন্ধানং কম্মপচ্চযেন পচ্চযো. (২)

৩২. অপ্পমাণাৰম্মণো ধম্মো অপ্পমাণাৰম্মণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপ্পমাণাৰম্মণা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – অপ্পমাণাৰম্মণা চেতনা ৱিপাকানং অপ্পমাণাৰম্মণানং খন্ধানং কম্মপচ্চযেন পচ্চযো. (১)

অপ্পমাণাৰম্মণো ধম্মো পৰিত্তাৰম্মণস্স ধম্মস্স কম্মপচ্চযেন পচ্চযো. নানাক্খণিকা – অপ্পমাণাৰম্মণা চেতনা ৱিপাকানং পৰিত্তাৰম্মণানং খন্ধানং কম্মপচ্চযেন পচ্চযো. (২)

ৱিপাকপচ্চযাদি

৩৩. পৰিত্তাৰম্মণো ধম্মো পৰিত্তাৰম্মণস্স ধম্মস্স ৱিপাকপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চয… অত্থিপচ্চযেন পচ্চযো… নত্থিপচ্চযেন পচ্চযো… ৱিগতপচ্চযেন পচ্চয… অৱিগতপচ্চযেন পচ্চযো.

১. পচ্চযানুলোমং

২. সঙ্খ্যাৱাৰো

৩৪. হেতুযা তীণি, আৰম্মণে সত্ত, অধিপতিযা সত্ত, অনন্তৰে নৱ, সমনন্তৰে নৱ, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে নৱ, আসেৱনে পঞ্চ, কম্মে পঞ্চ, ৱিপাকে তীণি, আহাৰে তীণি, ইন্দ্ৰিযে ঝানে মগ্গে সম্পযুত্তে অত্থিযা তীণি, নত্থিযা নৱ, ৱিগতে নৱ, অৱিগতে তীণি (এৱং গণেতব্বং).

অনুলোমং.

পচ্চনীযুদ্ধাৰো

৩৫. পৰিত্তাৰম্মণো ধম্মো পৰিত্তাৰম্মণস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (১)

পৰিত্তাৰম্মণো ধম্মো মহগ্গতাৰম্মণস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো. (২)

পৰিত্তাৰম্মণো ধম্মো অপ্পমাণাৰম্মণস্স ধম্মস্স উপনিস্সযপচ্চযেন পচ্চযো. (৩)

৩৬. মহগ্গতাৰম্মণো ধম্মো মহগ্গতাৰম্মণস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

মহগ্গতাৰম্মণো ধম্মো পৰিত্তাৰম্মণস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (২)

মহগ্গতাৰম্মণো ধম্মো অপ্পমাণাৰম্মণস্স ধম্মস্স উপনিস্সযপচ্চযেন পচ্চযো. (৩)

৩৭. অপ্পমাণাৰম্মণো ধম্মো অপ্পমাণাৰম্মণস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

অপ্পমাণাৰম্মণো ধম্মো পৰিত্তাৰম্মণস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (২)

অপ্পমাণাৰম্মণো ধম্মো মহগ্গতাৰম্মণস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো. (৩)

২. পচ্চযপচ্চনীযং

২. সঙ্খ্যাৱাৰো

৩৮. নহেতুযা নৱ, নআৰম্মণে নৱ, নঅধিপতিযা নৱ, নঅনন্তৰে নৱ, নসমনন্তৰে নৱ, নসহজাতে নৱ, নঅঞ্ঞমঞ্ঞে নৱ, ননিস্সযে নৱ, নউপনিস্সযে সত্ত, নপুৰেজাতে নৱ, নপচ্ছাজাতে নৱ, নআসেৱনে নৱ…পে… নমগ্গে নৱ, নসম্পযুত্তে নৱ, নৱিপ্পযুত্তে নৱ, নোঅত্থিযা নৱ, নোনত্থিযা নৱ, নোৱিগতে নৱ, নোঅৱিগতে নৱ (এৱং গণেতব্বং).

পচ্চনীযং.

৩. পচ্চযানুলোমপচ্চনীযং

নহেতুদুকং

৩৯. হেতুপচ্চযা নআৰম্মণে তীণি, নঅধিপতিযা নঅনন্তৰে নসমনন্তৰে নউপনিস্সযে নপুৰেজাতে নপচ্ছাজাতে নআসেৱনে তীণি…পে… নমগ্গে নৱিপ্পযুত্তে নোনত্থিযা নোৱিগতে তীণি (এৱং গণেতব্বং).

অনুলোমপচ্চনীযং.

৪. পচ্চযপচ্চনীযানুলোমং

হেতুদুকং

৪০. নহেতুপচ্চযা আৰম্মণে সত্ত, অধিপতিযা সত্ত, অনন্তৰে নৱ, সমনন্তৰে নৱ, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে নৱ, আসেৱনে পঞ্চ, কম্মে পঞ্চ, ৱিপাকে তীণি…পে… সম্পযুত্তে তীণি, অত্থিযা তীণি, নত্থিযা নৱ, ৱিগতে নৱ, অৱিগতে তীণি (এৱং গণেতব্বং).

পচ্চনীযানুলোমং.

পঞ্হাৱাৰো.

পৰিত্তাৰম্মণত্তিকং নিট্ঠিতং.