১. ৱিভঙ্গৱাৰো

হেতুপচ্চযো

১. পৰিত্তং ধম্মং পটিচ্চ পৰিত্তো ধম্মো উপ্পজ্জতি হেতুপচ্চযা – পৰিত্তং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে পৰিত্তং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং পটিচ্চ তযো মহাভূতা…পে… দ্ৱে মহাভূতে পটিচ্চ চিত্তসমুট্ঠানং ৰূপং…পে…. (১)

পৰিত্তং ধম্মং পটিচ্চ মহগ্গতো ধম্মো উপ্পজ্জতি হেতুপচ্চযা – পটিসন্ধিক্খণে ৱত্থুং পটিচ্চ মহগ্গতা খন্ধা. (২)

পৰিত্তং ধম্মং পটিচ্চ পৰিত্তো চ মহগ্গতো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৱত্থুং পটিচ্চ মহগ্গতা খন্ধা, মহাভূতে পটিচ্চ কটত্তাৰূপং. (৩)

২. মহগ্গতং ধম্মং পটিচ্চ মহগ্গতো ধম্মো উপ্পজ্জতি হেতুপচ্চযা – মহগ্গতং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

মহগ্গতং ধম্মং পটিচ্চ পৰিত্তো ধম্মো উপ্পজ্জতি হেতুপচ্চযা – মহগ্গতে খন্ধে পটিচ্চ চিত্তসমুট্ঠানং ৰূপং. পটিসন্ধিক্খণে মহগ্গতে খন্ধে পটিচ্চ কটত্তাৰূপং. (২)

মহগ্গতং ধম্মং পটিচ্চ পৰিত্তো চ মহগ্গতো চ ধম্মা উপ্পজ্জন্তি হেতুপচ্চযা – মহগ্গতং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… পটিসন্ধিক্খণে মহগ্গতং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে…. (৩)

৩. অপ্পমাণং ধম্মং পটিচ্চ অপ্পমাণো ধম্মো উপ্পজ্জতি হেতুপচ্চযা – অপ্পমাণং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

অপ্পমাণং ধম্মং পটিচ্চ পৰিত্তো ধম্মো উপ্পজ্জতি হেতুপচ্চযা – অপ্পমাণে খন্ধে পটিচ্চ চিত্তসমুট্ঠানং ৰূপং. (২)

অপ্পমাণং ধম্মং পটিচ্চ পৰিত্তো চ অপ্পমাণো চ ধম্মা উপ্পজ্জন্তি হেতুপচ্চযা – অপ্পমাণং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

৪. পৰিত্তঞ্চ অপ্পমাণঞ্চ ধম্মং পটিচ্চ পৰিত্তো ধম্মো উপ্পজ্জতি হেতুপচ্চযা – অপ্পমাণে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

পৰিত্তঞ্চ মহগ্গতঞ্চ ধম্মং পটিচ্চ পৰিত্তো ধম্মো উপ্পজ্জতি হেতুপচ্চযা – মহগ্গতে খন্ধে চ মহাভূতে চ পটিচ্চ চিত্তসমুট্ঠানং ৰূপং. পটিসন্ধিক্খণে…পে…. (১)

পৰিত্তঞ্চ মহগ্গতঞ্চ ধম্মং পটিচ্চ মহগ্গতো ধম্মো উপ্পজ্জতি হেতুপচ্চযা – পটিসন্ধিক্খণে মহগ্গতং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে…. (২)

পৰিত্তঞ্চ মহগ্গতঞ্চ ধম্মং পটিচ্চ পৰিত্তো চ মহগ্গতো চ ধম্মা উপ্পজ্জন্তি হেতুপচ্চযা – পটিসন্ধিক্খণে মহগ্গতং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে… মহগ্গতে খন্ধে চ মহাভূতে চ পটিচ্চ কটত্তাৰূপং. (৩)

আৰম্মণপচ্চযো

৫. পৰিত্তং ধম্মং পটিচ্চ পৰিত্তো ধম্মো উপ্পজ্জতি আৰম্মণপচ্চযা – পৰিত্তং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে… ৱত্থুং পটিচ্চ খন্ধা. (১)

পৰিত্তং ধম্মং পটিচ্চ মহগ্গতো ধম্মো উপ্পজ্জতি আৰম্মণপচ্চযা – পটিসন্ধিক্খণে ৱত্থুং পটিচ্চ মহগ্গতা খন্ধা. (২)

মহগ্গতং ধম্মং পটিচ্চ মহগ্গতো ধম্মো উপ্পজ্জতি আৰম্মণপচ্চযা – মহগ্গতং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

অপ্পমাণং ধম্মং পটিচ্চ অপ্পমাণো ধম্মো উপ্পজ্জতি আৰম্মণপচ্চযা – অপ্পমাণং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

পৰিত্তঞ্চ মহগ্গতঞ্চ ধম্মং পটিচ্চ মহগ্গতো ধম্মো উপ্পজ্জতি আৰম্মণপচ্চযা – পটিসন্ধিক্খণে মহগ্গতং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে…. (১)

অধিপতিপচ্চযো

৬. পৰিত্তং ধম্মং পটিচ্চ পৰিত্তো ধম্মো উপ্পজ্জতি অধিপতিপচ্চযা – পৰিত্তং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, দ্ৱে খন্ধে…পে… একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

মহগ্গতং ধম্মং পটিচ্চ মহগ্গতো ধম্মো উপ্পজ্জতি অধিপতিপচ্চযা – মহগ্গতং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

মহগ্গতং ধম্মং পটিচ্চ পৰিত্তো ধম্মো উপ্পজ্জতি অধিপতিপচ্চযা – মহগ্গতে খন্ধে পটিচ্চ চিত্তসমুট্ঠানং ৰূপং. (২)

মহগ্গতং ধম্মং পটিচ্চ পৰিত্তো চ মহগ্গতো চ ধম্মা উপ্পজ্জন্তি অধিপতিপচ্চযা – মহগ্গতং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

অপ্পমাণং ধম্মং পটিচ্চ অপ্পমাণো ধম্মো উপ্পজ্জতি অধিপতিপচ্চযা – অপ্পমাণং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

অপ্পমাণং ধম্মং পটিচ্চ পৰিত্তো ধম্মো উপ্পজ্জতি অধিপতিপচ্চযা – অপ্পমাণে খন্ধে পটিচ্চ চিত্তসমুট্ঠানং ৰূপং. (২)

অপ্পমাণং ধম্মং পটিচ্চ পৰিত্তো চ অপ্পমাণো চ ধম্মা উপ্পজ্জন্তি অধিপতিপচ্চযা – অপ্পমাণং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

৭. পৰিত্তঞ্চ অপ্পমাণঞ্চ ধম্মং পটিচ্চ পৰিত্তো ধম্মো উপ্পজ্জতি অধিপতিপচ্চযা – অপ্পমাণে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

পৰিত্তঞ্চ মহগ্গতঞ্চ ধম্মং পটিচ্চ পৰিত্তো ধম্মো উপ্পজ্জতি অধিপতিপচ্চযা – মহগ্গতে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অনন্তৰপচ্চযাদি

৮. পৰিত্তং ধম্মং পটিচ্চ পৰিত্তো ধম্মো উপ্পজ্জতি অনন্তৰপচ্চযা… সমনন্তৰপচ্চযা… সহজাতপচ্চযা (সব্বেপি মহাভূতা কাতব্বা)… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা … পুৰেজাতপচ্চযা (তিস্সো পঞ্হা কাতব্বা)… আসেৱনপচ্চযা (তিস্সো পঞ্হা কাতব্বা)… কম্মপচ্চযা… ৱিপাকপচ্চযা (তেৰস পঞ্হা)… আহাৰপচ্চযা… ইন্দ্ৰিযপচ্চযা… ঝানপচ্চযা… মগ্গপচ্চযা,… সম্পযুত্তপচ্চযা… ৱিপ্পযুত্তপচ্চযা… অত্থিপচ্চযা… নত্থিপচ্চযা… ৱিগতপচ্চযা… অৱিগতপচ্চযা.

১. পচ্চযানুলোমং

২. সঙ্খ্যাৱাৰো

৯. হেতুযা তেৰস, আৰম্মণে পঞ্চ, অধিপতিযা নৱ, অনন্তৰে পঞ্চ, সমনন্তৰে পঞ্চ, সহজাতে তেৰস, অঞ্ঞমঞ্ঞে সত্ত, নিস্সযে তেৰস, উপনিস্সযে পঞ্চ, পুৰেজাতে তীণি, আসেৱনে তীণি, কম্মে তেৰস, ৱিপাকে তেৰস, আহাৰে ইন্দ্ৰিযে ঝানে মগ্গে তেৰস, সম্পযুত্তে পঞ্চ, ৱিপ্পযুত্তে তেৰস, অত্থিযা তেৰস, নত্থিযা পঞ্চ, ৱিগতে পঞ্চ, অৱিগতে তেৰস.

অনুলোমং.