১. ৱিভঙ্গৱাৰো

নহেতুপচ্চযো

৪৫. পৰিত্তং ধম্মং সংসট্ঠো পৰিত্তো ধম্মো উপ্পজ্জতি নহেতুপচ্চযা – অহেতুকং পৰিত্তং একং খন্ধং সংসট্ঠা তযো খন্ধা…পে… দ্ৱে খন্ধে…পে… অহেতুকপটিসন্ধিক্খণে…পে… ৱিচিকিচ্ছাসহগতে উদ্ধচ্চসহগতে খন্ধে সংসট্ঠো ৱিচিকিচ্ছাসহগতো উদ্ধচ্চসহগতো মোহো. (১)

নঅধিপতিপচ্চযো

৪৬. পৰিত্তং ধম্মং সংসট্ঠো পৰিত্তো ধম্মো উপ্পজ্জতি নঅধিপতিপচ্চযা – পৰিত্তং একং খন্ধং সংসট্ঠা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

মহগ্গতং ধম্মং সংসট্ঠো মহগ্গতো ধম্মো উপ্পজ্জতি নঅধিপতিপচ্চযা – মহগ্গতে খন্ধে সংসট্ঠা মহগ্গতা অধিপতি, ৱিপাকং মহগ্গতং একং খন্ধং সংসট্ঠা…পে… পটিসন্ধিক্খণে…পে…. (১)

অপ্পমাণং ধম্মং সংসট্ঠো অপ্পমাণো ধম্মো উপ্পজ্জতি নঅধিপতিপচ্চযা – অপ্পমাণে খন্ধে সংসট্ঠা অপ্পমাণা অধিপতি. (১)

নপুৰেজাতপচ্চযো

৪৭. পৰিত্তং ধম্মং সংসট্ঠো পৰিত্তো ধম্মো উপ্পজ্জতি নপুৰেজাতপচ্চযা – অৰূপে পৰিত্তং একং খন্ধং সংসট্ঠা তযো খন্ধা…পে… পটিসন্ধিক্খণে…পে…. (১)

মহগ্গতং ধম্মং সংসট্ঠো মহগ্গতো ধম্মো উপ্পজ্জতি নপুৰেজাতপচ্চযা – অৰূপে মহগ্গতং একং খন্ধং সংসট্ঠা তযো খন্ধা…পে… পটিসন্ধিক্খণে…পে…. (১)

অপ্পমাণং ধম্মং সংসট্ঠো অপ্পমাণো ধম্মো উপ্পজ্জতি নপুৰেজাতপচ্চযা – অৰূপে অপ্পমাণং একং খন্ধং সংসট্ঠা তযো খন্ধা…পে…. (১)

নপচ্ছাজাত-নআসেৱনপচ্চযা

৪৮. পৰিত্তং ধম্মং সংসট্ঠো পৰিত্তো ধম্মো উপ্পজ্জতি নপচ্ছাজাতপচ্চযা… নআসেৱনপচ্চযা – পৰিত্তং একং খন্ধং সংসট্ঠা তযো খন্ধা…পে… পটিসন্ধিক্খণে…পে…. (১)

মহগ্গতং ধম্মং সংসট্ঠো মহগ্গতো ধম্মো উপ্পজ্জতি নআসেৱনপচ্চযা – ৱিপাকং মহগ্গতং একং খন্ধং সংসট্ঠা তযো খন্ধা…পে… পটিসন্ধিক্খণে…পে…. (১)

অপ্পমাণং ধম্মং সংসট্ঠো অপ্পমাণো ধম্মো উপ্পজ্জতি নআসেৱনপচ্চযা – ৱিপাকং অপ্পমাণং একং খন্ধং সংসট্ঠা তযো খন্ধা…পে…. (১)

নকম্মপচ্চযো

৪৯. পৰিত্তং ধম্মং সংসট্ঠো পৰিত্তো ধম্মো উপ্পজ্জতি নকম্মপচ্চযা – পৰিত্তে খন্ধে সংসট্ঠা পৰিত্তা চেতনা. (১)

মহগ্গতং ধম্মং সংসট্ঠো মহগ্গতো ধম্মো উপ্পজ্জতি নকম্মপচ্চযা – মহগ্গতে খন্ধে সংসট্ঠা মহগ্গতা চেতনা. (১)

অপ্পমাণং ধম্মং সংসট্ঠো অপ্পমাণো ধম্মো উপ্পজ্জতি নকম্মপচ্চযা – কুসলে অপ্পমাণে খন্ধে সংসট্ঠা অপ্পমাণা চেতনা. (১)

নৱিপাকপচ্চযো

৫০. পৰিত্তং ধম্মং সংসট্ঠো পৰিত্তো ধম্মো উপ্পজ্জতি নৱিপাকপচ্চযা – পৰিত্তং একং খন্ধং সংসট্ঠা তযো খন্ধা…পে…. (১)

মহগ্গতং ধম্মং সংসট্ঠো মহগ্গতো ধম্মো উপ্পজ্জতি নৱিপাকপচ্চযা – মহগ্গতং একং খন্ধং সংসট্ঠা তযো খন্ধা…পে…. (১)

অপ্পমাণং ধম্মং সংসট্ঠো অপ্পমাণো ধম্মো উপ্পজ্জতি নৱিপাকপচ্চযা – কুসলং অপ্পমাণং একং খন্ধং সংসট্ঠা তযো খন্ধা…পে…. (১)

নঝানপচ্চযাদি

৫১. পৰিত্তং ধম্মং সংসট্ঠো পৰিত্তো ধম্মো উপ্পজ্জতি নঝানপচ্চযা… নমগ্গপচ্চযা… নৱিপ্পযুত্তপচ্চযা – অৰূপে পৰিত্তং একং খন্ধং সংসট্ঠা তযো খন্ধা…পে…. (১)

মহগ্গতং ধম্মং সংসট্ঠো মহগ্গতো ধম্মো উপ্পজ্জতি নৱিপ্পযুত্তপচ্চযা – অৰূপে মহগ্গতং একং খন্ধং সংসট্ঠা তযো খন্ধা…পে…. (১)

অপ্পমাণং ধম্মং সংসট্ঠো অপ্পমাণো ধম্মো উপ্পজ্জতি নৱিপ্পযুত্তপচ্চযা – অৰূপে অপ্পমাণং একং খন্ধং সংসট্ঠা তযো খন্ধা…পে…. (১)

২. পচ্চযপচ্চনীযং

২. সঙ্খ্যাৱাৰো

৫২. নহেতুযা একং, নঅধিপতিযা তীণি, নপুৰেজাতে তীণি, নপচ্ছাজাতে তীণি, নআসেৱনে তীণি, নকম্মে তীণি, নৱিপাকে তীণি, নঝানে একং, নমগ্গে একং, নৱিপ্পযুত্তে তীণি (এৱং গণেতব্বং).

পচ্চনীযং.

৩. পচ্চযানুলোমপচ্চনীযং

৫৩. হেতুপচ্চযা নঅধিপতিযা তীণি, নপুৰেজাতে নপচ্ছাজাতে নআসেৱনে নকম্মে নৱিপাকে নৱিপ্পযুত্তে তীণি (এৱং গণতব্বং).

অনুলোমপচ্চনীযং.

৪. পচ্চযপচ্চনীযানুলোমং

৫৪. নহেতুপচ্চযা আৰম্মণে একং, অনন্তৰে একং…পে… অৱিগতে এক (এৱং গণেতব্বং).

পচ্চনীযানুলোমং.

সংসট্ঠৱাৰো.