১. ৱিভঙ্গৱাৰো

নহেতুপচ্চযো

৩৩. পৰিত্তং ধম্মং পচ্চযা পৰিত্তো ধম্মো উপ্পজ্জতি নহেতুপচ্চযা – অহেতুকং পৰিত্তং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পচ্চযা ৱত্থু, ৱত্থুং পচ্চযা খন্ধা; একং মহাভূতং…পে… অসঞ্ঞসত্তানং…পে… চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা অহেতুকা পৰিত্তা খন্ধা, ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযো

৩৪. পৰিত্তং ধম্মং পচ্চযা পৰিত্তো ধম্মো উপ্পজ্জতি নআৰম্মণপচ্চযা (পটিচ্চৱাৰসদিসং. পঞ্চ).

নঅধিপতিপচ্চযো

৩৫. পৰিত্তং ধম্মং পচ্চযা পৰিত্তো ধম্মো উপ্পজ্জতি নঅধিপতিপচ্চযা – পৰিত্তং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… ৫৩অসঞ্ঞসত্তানং…পে… চক্খাযতনং…পে… কাযাযতনং…পে… ৱত্থুং পচ্চযা পৰিত্তা খন্ধা. (১)

পৰিত্তং ধম্মং পচ্চযা মহগ্গতো ধম্মো উপ্পজ্জতি নঅধিপতিপচ্চযা – ৱত্থুং পচ্চযা মহগ্গতাধিপতি, ৱত্থুং পচ্চযা ৱিপাকা মহগ্গতা খন্ধা. পটিসন্ধিক্খণে ৱত্থুং পচ্চযা মহগ্গতা খন্ধা. (২)

পৰিত্তং ধম্মং পচ্চযা অপ্পমাণো ধম্মো উপ্পজ্জতি নঅধিপতিপচ্চযা – ৱত্থুং পচ্চযা অপ্পমাণাধিপতি. (৩)

পৰিত্তং ধম্মং পচ্চযা পৰিত্তো চ মহগ্গতো চ ধম্মা উপ্পজ্জন্তি নঅধিপতিপচ্চযা – ৱত্থুং পচ্চযা ৱিপাকা মহগ্গতা খন্ধা, মহাভূতে পচ্চযা চিত্তসমুট্ঠানং ৰূপং. পটিসন্ধিক্খণে…পে…. (৪)

৩৬. মহগ্গতং ধম্মং পচ্চযা মহগ্গতো ধম্মো উপ্পজ্জতি নঅধিপতিপচ্চযা – মহগ্গতে খন্ধে পচ্চযা মহগ্গতাধিপতি, ৱিপাকং মহগ্গতং একং খন্ধং পচ্চযা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

মহগ্গতং ধম্মং পচ্চযা পৰিত্তো ধম্মো উপ্পজ্জতি নঅধিপতিপচ্চযা – ৱিপাকে মহগ্গতে খন্ধে পচ্চযা চিত্তসমুট্ঠানং ৰূপং. পটিসন্ধিক্খণে…পে…. (২)

মহগ্গতং ধম্মং পচ্চযা পৰিত্তো চ মহগ্গতো চ ধম্মা উপ্পজ্জন্তি নঅধিপতিপচ্চযা – ৱিপাকং মহগ্গতং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

অপ্পমাণং ধম্মং পচ্চযা অপ্পমাণো ধম্মো উপ্পজ্জতি নঅধিপতিপচ্চযা – অপ্পমাণে খন্ধে পচ্চযা অপ্পমাণাধিপতি. (১)

৩৭. পৰিত্তঞ্চ অপ্পমাণঞ্চ ধম্মং পচ্চযা অপ্পমাণো ধম্মো উপ্পজ্জতি নঅধিপতিপচ্চযা – অপ্পমাণে খন্ধে চ ৱত্থুঞ্চ পচ্চযা অপ্পমাণাধিপতি. (১)

পৰিত্তঞ্চ মহগ্গতঞ্চ ধম্মং পচ্চযা পৰিত্তো ধম্মো উপ্পজ্জতি নঅধিপতিপচ্চযা – ৱিপাকে মহগ্গতে খন্ধে চ মহাভূতে চ পচ্চযা চিত্তসমুট্ঠানং ৰূপং. পটিসন্ধিক্খণে…পে…. (১)

পৰিত্তঞ্চ মহগ্গতঞ্চ ধম্মং পচ্চযা মহগ্গতো ধম্মো উপ্পজ্জতি নঅধিপতিপচ্চযা – মহগ্গতে খন্ধে চ ৱত্থুঞ্চ পচ্চযা মহগ্গতাধিপতি, ৱিপাকং মহগ্গতং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (২)

পৰিত্তঞ্চ মহগ্গতঞ্চ ধম্মং পচ্চযা পৰিত্তো চ মহগ্গতো চ ধম্মা উপ্পজ্জন্তি নঅধিপতিপচ্চযা – ৱিপাকং মহগ্গতং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে…পে… ৱিপাকে মহগ্গতে খন্ধে চ মহাভূতে চ পচ্চযা চিত্তসমুট্ঠানং ৰূপং. পটিসন্ধিক্খণে ৱিপাকং মহগ্গতং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে…পে… ৱিপাকে মহগ্গতে খন্ধে চ মহাভূতে চ পচ্চযা কটত্তাৰূপং. (৩)

নঅনন্তৰপচ্চযাদি

৩৮. পৰিত্তং ধম্মং পচ্চযা পৰিত্তো ধম্মো উপ্পজ্জতি নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা… নপুৰেজাতপচ্চযা… (পটিচ্চৱাৰসদিসা দ্ৱাদস পঞ্হা) নপচ্ছাজাতপচ্চযা… নআসেৱনপচ্চযা… (পৰিপুণ্ণং, ৱিপাকোতি নিদ্দিসিতব্বং চিত্তসমুট্ঠানং ৰূপং ৱিপাকোতি ন কাতব্বং) নকম্মপচ্চযা… নৱিপাকপচ্চযা… (পটিসন্ধিৱিপাকোপি নত্থি) নআহাৰপচ্চযা… নইন্দ্ৰিযপচ্চযা… নঝানপচ্চযা… নমগ্গপচ্চযা… নসম্পযুত্তপচ্চযা… নৱিপ্পযুত্তপচ্চযা… নোনত্থিপচ্চযা… নোৱিগতপচ্চযা.