১. ৱিভঙ্গৱাৰো

নহেতুপচ্চযো

৭. নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নহেতুপচ্চযা – অহেতুকং নেৱসেক্খনাসেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে… ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযো

৮. সেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নআৰম্মণপচ্চযা – সেক্খে খন্ধে পটিচ্চ চিত্তসমুট্ঠানং ৰূপং. (১)

অসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নআৰম্মণপচ্চযা – অসেক্খে খন্ধে পটিচ্চ চিত্তসমুট্ঠানং ৰূপং. (১)

নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নআৰম্মণপচ্চযা – নেৱসেক্খনাসেক্খে খন্ধে পটিচ্চ চিত্তসমুট্ঠানং ৰূপং…পে… পটিসন্ধিক্খণে…পে… খন্ধে পটিচ্চ ৱত্থু…পে… একং মহাভূতং…পে… অসঞ্ঞসত্তানং…পে…. (১)

সেক্খঞ্চ নেৱসেক্খনাসেক্খঞ্চ ধম্মং পটিচ্চ নেৱসেক্খনাসেক্খো ধম্মো উপ্পজ্জতি নআৰম্মণপচ্চযা – সেক্খে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অসেক্খঞ্চ নেৱসেক্খনাসেক্খঞ্চ ধম্মং পটিচ্চ নেৱসেক্খনাসেক্খো ধম্মো উপ্পজ্জতি নআৰম্মণপচ্চযা – অসেক্খে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

নঅধিপতিপচ্চযাদি

৯. সেক্খং ধম্মং পটিচ্চ সেক্খো ধম্মো উপ্পজ্জতি নঅধিপতিপচ্চযা – সেক্খে খন্ধে পটিচ্চ সেক্খো অধিপতি. (১)

অসেক্খং ধম্মং পটিচ্চ অসেক্খো ধম্মো উপ্পজ্জতি নঅধিপতিপচ্চযা – অসেক্খে খন্ধে পটিচ্চ অসেক্খো অধিপতি. (১)

নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নঅধিপতিপচ্চযা… (পৰিপুণ্ণং, পটিসন্ধিপি মহাভূতাপি সব্বে) নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা… নপুৰেজাতপচ্চযা… সত্ত (কুসলত্তিকসদিসা)… নপচ্ছাজাতপচ্চযা…পে… নআসেৱনপচ্চযা. ৱিপাকং সেক্খং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

১০. সেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নআসেৱনপচ্চযা – সেক্খে খন্ধে পটিচ্চ চিত্তসমুট্ঠানং ৰূপং. (২)

সেক্খং ধম্মং পটিচ্চ সেক্খো চ নেৱসেক্খনাসেক্খো চ ধম্মা উপ্পজ্জন্তি নআসেৱনপচ্চযা – ৱিপাকং সেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

অসেক্খং ধম্মং পটিচ্চ অসেক্খো ধম্মো… তীণি.

নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নআসেৱনপচ্চযা… নেৱসেক্খনাসেক্খং (একং, পৰিপুণ্ণং, সেক্খঞ্চ, নেৱসেক্খনাসেক্খঞ্চ, ঘটনা পৰিপুণ্ণা, দ্ৱেপি কাতব্বা. নৱ) নকম্মপচ্চযা – সেক্খে খন্ধে পটিচ্চ সেক্খা চেতনা.

নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নকম্মপচ্চযা – নেৱসেক্খনাসেক্খে খন্ধে পটিচ্চ নেৱসেক্খনাসেক্খা চেতনা; বাহিৰং… আহাৰসমুট্ঠানং… উতুসমুট্ঠানং… একং মহাভূতং…পে….

নৱিপাকপচ্চযো

১১. সেক্খং ধম্মং পটিচ্চ সেক্খো ধম্মো উপ্পজ্জতি নৱিপাকপচ্চযা – সেক্খং একং খন্ধং পটিচ্চ তযো খন্ধা…পে…. (১)

সেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নৱিপাকপচ্চযা – সেক্খে খন্ধে পটিচ্চ চিত্তসমুট্ঠানং ৰূপং.(২)

সেক্খং ধম্মং পটিচ্চ সেক্খো চ নেৱসেক্খনাসেক্খো চ ধম্মা উপ্পজ্জন্তি নৱিপাকপচ্চযা – সেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে…. (৩)

১২. নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নৱিপাকপচ্চযা (পৰিপুণ্ণং, পটিসন্ধি নত্থি ).

সেক্খঞ্চ নেৱসেক্খনাসেক্খঞ্চ ধম্মং পটিচ্চ নেৱসেক্খনাসেক্খো ধম্মো উপ্পজ্জতি নৱিপাকপচ্চযা – সেক্খে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

নআহাৰপচ্চযাদি

১৩. নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নআহাৰপচ্চযা… নইন্দ্ৰিযপচ্চযা… নঝানপচ্চযা… নমগ্গপচ্চযা.

নসম্পযুত্তপচ্চযো

১৪. সেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নসম্পযুত্তপচ্চযা…পে… (নআৰম্মণপচ্চযসদিসং).

নৱিপ্পযুত্তপচ্চযাদি

সেক্খং ধম্মং পটিচ্চ সেক্খো ধম্মো উপ্পজ্জতি নৱিপ্পযুত্তপচ্চযা. অৰূপে সেক্খং একং খন্ধং পটিচ্চ তযো খন্ধা…পে…. (১)

অসেক্খং ধম্মং পটিচ্চ অসেক্খো ধম্মো উপ্পজ্জতি নৱিপ্পযুত্তপচ্চযা – অৰূপে অসেক্খং একং খন্ধং পটিচ্চ তযো খন্ধা…পে…. (১)

নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি নৱিপ্পযুত্তপচ্চযা – অৰূপে নেৱসেক্খনাসেক্খং একং খন্ধং পটিচ্চ তযো খন্ধা…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… নোনত্থিপচ্চযা… নোৱিগতপচ্চযা.