১. ৱিভঙ্গৱাৰো

হেতুপচ্চযো

৪২. সেক্খো ধম্মো সেক্খস্স ধম্মস্স হেতুপচ্চযেন পচ্চযো – সেক্খা হেতূ সম্পযুত্তকানং খন্ধানং হেতুপচ্চযেন পচ্চযো. (১)

সেক্খো ধম্মো নেৱসেক্খনাসেক্খস্স ধম্মস্স হেতুপচ্চযেন পচ্চযো – সেক্খা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

সেক্খো ধম্মো সেক্খস্স চ নেৱসেক্খনাসেক্খস্স চ ধম্মস্স হেতুপচ্চযেন পচ্চযো – সেক্খা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

অসেক্খো ধম্মো অসেক্খস্স ধম্মস্স (তীণি).

নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স হেতুপচ্চযেন পচ্চযো – নেৱসেক্খনাসেক্খা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে…পে…. (১)

আৰম্মণপচ্চযো

৪৩. সেক্খো ধম্মো নেৱসেক্খনাসেক্খস্স ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, সেক্খং ফলং পচ্চৱেক্খন্তি, চেতোপৰিযঞাণেন সেক্খচিত্তসমঙ্গিস্স চিত্তং জানন্তি, সেক্খা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অসেক্খো ধম্মো নেৱসেক্খনাসেক্খস্স ধম্মস্স আৰম্মণপচ্চযেন পচ্চযো – অৰহা অসেক্খং ফলং পচ্চৱেক্খতি, চেতোপৰিযঞাণেন অসেক্খচিত্তসমঙ্গিস্স চিত্তং জানাতি, অসেক্খা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

৪৪. নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি…পে… ঝানা ৱুট্ঠহিত্ৱা ঝানং পচ্চৱেক্খতি, অৰিযা নিব্বানং পচ্চৱেক্খন্তি. নিব্বানং গোত্ৰভুস্স, ৱোদানস্স, আৱজ্জনায আৰম্মণপচ্চযেন পচ্চযো. অৰিযা পহীনে কিলেসে পচ্চৱেক্খন্তি ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি, চক্খুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি, সোতং…পে… ৱত্থুং নেৱসেক্খনাসেক্খে খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন নেৱসেক্খনাসেক্খচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স আৰম্মণপচ্চযেন পচ্চযো. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… নেৱসেক্খনাসেক্খা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

নেৱসেক্খনাসেক্খো ধম্মো সেক্খস্স ধম্মস্স আৰম্মণপচ্চযেন পচ্চযো – নিব্বানং মগ্গস্স, সেক্খস্স ফলস্স আৰম্মণপচ্চযেন পচ্চযো. (২)

নেৱসেক্খনাসেক্খো ধম্মো অসেক্খস্স ধম্মস্স আৰম্মণপচ্চযেন পচ্চযো – নিব্বানং অসেক্খস্স ফলস্স আৰম্মণপচ্চযেন পচ্চযো. (৩)

অধিপতিপচ্চযো

৪৫. সেক্খো ধম্মো সেক্খস্স ধম্মস্স অধিপতিপচ্চযেন পচ্চযো. সহজাতাধিপতি – সেক্খাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সেক্খো ধম্মো নেৱসেক্খনাসেক্খস্স ধম্মস্স অধিপতিপচ্চযেন পচ্চযো. আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, সেক্খং ফলং গৰুং কত্ৱা পচ্চৱেক্খন্তি. সহজাতাধিপতি – সেক্খাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

সেক্খো ধম্মো সেক্খস্স চ নেৱসেক্খনাসেক্খস্স চ ধম্মস্স অধিপতিপচ্চযেন পচ্চযো. সহজাতাধিপতি – সেক্খাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৪৬. অসেক্খো ধম্মো অসেক্খস্স ধম্মস্স অধিপতিপচ্চযেন পচ্চযো. সহজাতাধিপতি – অসেক্খাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অসেক্খো ধম্মো নেৱসেক্খনাসেক্খস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰহা অসেক্খং ফলং গৰুং কত্ৱা পচ্চৱেক্খতি. সহজাতাধিপতি – অসেক্খাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

অসেক্খো ধম্মো অসেক্খস্স চ নেৱসেক্খনাসেক্খস্স চ ধম্মস্স অধিপতিপচ্চযেন পচ্চযো. সহজাতাধিপতি – অসেক্খাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৪৭. নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, অৰিযা নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স অধিপতিপচ্চযেন পচ্চযো. চক্খুং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সোতং…পে… ৱত্থুং নেৱসেক্খনাসেক্খে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নেৱসেক্খনাসেক্খাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নেৱসেক্খনাসেক্খো ধম্মো সেক্খস্স ধম্মস্স অধিপতিপচ্চযেন পচ্চযো. আৰম্মণাধিপতি – নিব্বানং মগ্গস্স, সেক্খস্স ফলস্স অধিপতিপচ্চযেন পচ্চযো. (২)

নেৱসেক্খনাসেক্খো ধম্মো অসেক্খস্স ধম্মস্স অধিপতিপচ্চযেন পচ্চযো. আৰম্মণাধিপতি – নিব্বানং অসেক্খস্স ফলস্স অধিপতিপচ্চযেন পচ্চযো. (৩)

অনন্তৰপচ্চযো

৪৮. সেক্খো ধম্মো সেক্খস্স ধম্মস্স অনন্তৰপচ্চযেন পচ্চযো – পুৰিমা পুৰিমা সেক্খা খন্ধা পচ্ছিমানং পচ্ছিমানং সেক্খানং খন্ধানং অনন্তৰপচ্চযেন পচ্চযো. মগ্গো সেক্খস্স ফলস্স… সেক্খং ফলং সেক্খস্স ফলস্স অনন্তৰপচ্চযেন পচ্চযো. (১)

সেক্খো ধম্মো অসেক্খস্স ধম্মস্স অনন্তৰপচ্চযেন পচ্চযো – মগ্গো অসেক্খস্স ফলস্স অনন্তৰপচ্চযেন পচ্চযো. (২)

সেক্খো ধম্মো নেৱসেক্খনাসেক্খস্স ধম্মস্স অনন্তৰপচ্চযেন পচ্চযো – সেক্খং ফলং ৱুট্ঠানস্স অনন্তৰপচ্চযেন পচ্চযো. (৩)

৪৯. অসেক্খো ধম্মো অসেক্খস্স ধম্মস্স অনন্তৰপচ্চযেন পচ্চযো – পুৰিমা পুৰিমা অসেক্খা খন্ধা পচ্ছিমানং পচ্ছিমানং অসেক্খানং খন্ধানং অনন্তৰপচ্চযেন পচ্চযো. অসেক্খং ফলং অসেক্খস্স ফলস্স অনন্তৰপচ্চযেন পচ্চযো. (১)

অসেক্খো ধম্মো নেৱসেক্খনাসেক্খস্স ধম্মস্স অনন্তৰপচ্চযেন পচ্চযো – অসেক্খং ফলং ৱুট্ঠানস্স অনন্তৰপচ্চযেন পচ্চযো. (২)

৫০. নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স অনন্তৰপচ্চযেন পচ্চযো – পুৰিমা পুৰিমা নেৱসেক্খনাসেক্খা খন্ধা পচ্ছিমানং পচ্ছিমানং নেৱসেক্খনাসেক্খানং খন্ধানং…পে… অনুলোমং গোত্ৰভুস্স… অনুলোমং ৱোদানস্স… আৱজ্জনা নেৱসেক্খনাসেক্খানং খন্ধানং অনন্তৰপচ্চযেন পচ্চযো. (১)

নেৱসেক্খনাসেক্খো ধম্মো সেক্খস্স ধম্মস্স অনন্তৰপচ্চযেন পচ্চযো – গোত্ৰভু মগ্গস্স… ৱোদানং মগ্গস্স… অনুলোমং সেক্খায ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকুসলং সেক্খায ফলসমাপত্তিযা অনন্তৰপচ্চযেন পচ্চযো. (২)

নেৱসেক্খনাসেক্খো ধম্মো অসেক্খস্স ধম্মস্স অনন্তৰপচ্চযেন পচ্চযো – অনুলোমং অসেক্খায ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকিৰিযং অসেক্খায ফলসমাপত্তিযা অনন্তৰপচ্চযেন পচ্চযো. (৩)

সমনন্তৰপচ্চযো

৫১. সেক্খো ধম্মো সেক্খস্স ধম্মস্স সমনন্তৰপচ্চযেন পচ্চযো…পে… (অনন্তৰসদিসং, অট্ঠ পঞ্হা).

সহজাতপচ্চযাদি

৫২. সেক্খো ধম্মো সেক্খস্স ধম্মস্স সহজাতপচ্চযেন পচ্চযো…পে… (পটিচ্চৱাৰে সহজাতসদিসং, নৱ পঞ্হা) অঞ্ঞমঞ্ঞপচ্চযেন পচ্চযো (পটিচ্চৱাৰে অঞ্ঞমঞ্ঞসদিসং, তীণি. নিস্সযপচ্চযে কুসলত্তিকে নিস্সযপচ্চযসদিসং, তেৰস পঞ্হা).

উপনিস্সযপচ্চযো

৫৩. সেক্খো ধম্মো সেক্খস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো. দুতিযো মগ্গো ততিযস্স মগ্গস্স উপনিস্সযপচ্চযেন পচ্চযো. ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. মগ্গো সেক্খায ফলসমাপত্তিযা উপনিস্সযপচ্চযেন পচ্চযো. (১)

সেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – মগ্গো অসেক্খায ফলসমাপত্তিযা উপনিস্সযপচ্চযেন পচ্চযো. (২)

সেক্খো ধম্মো নেৱসেক্খনাসেক্খস্স ধম্মস্স উপনিস্সযপচ্চযেন পচ্চয – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অৰিযা মগ্গং উপনিস্সায অনুপ্পন্নং কুসলসমাপত্তিং উপ্পাদেন্তি, উপ্পন্নং সমাপজ্জন্তি, সঙ্খাৰে অনিচ্চতো…পে… ৱিপস্সন্তি, মগ্গো অৰিযানং অত্থপ্পটিসম্ভিদায…পে… পটিভানপ্পটিসম্ভিদায… ঠানাঠানকোসল্লস্স উপনিস্সযপচ্চযেন পচ্চযো. সেক্খা ফলসমাপত্তিযা কাযিকস্স সুখস্স উপনিস্সযপচ্চযেন পচ্চযো. (৩)

৫৪. অসেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো. অনন্তৰূপনিস্সযো – পুৰিমা পুৰিমা অসেক্খা খন্ধা পচ্ছিমানং পচ্ছিমানং অসেক্খানং খন্ধানং…পে… অসেক্খং ফলং অসেক্খস্স ফলস্স উপনিস্সযপচ্চযেন পচ্চযো. (১)

অসেক্খো ধম্মো নেৱসেক্খনাসেক্খস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অসেক্খা ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (২)

৫৫. নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – নেৱসেক্খনাসেক্খং সদ্ধং উপনিস্সায দানং দেতি. সীলং…পে… উপোসথকম্মং…পে… ঝানং…পে… ৱিপস্সনং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. নেৱসেক্খনাসেক্খং সীলং…পে… পঞ্ঞং… ৰাগং…পে… পত্থনং… কাযিকং সুখং…পে… উতুং… ভোজনং… সেনাসনং উপনিস্সায দানং দেতি, সীলং…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. নেৱসেক্খনাসেক্খা সদ্ধা…পে… পঞ্ঞা, ৰাগো…পে… পত্থনা, কাযিকং সুখং…পে… সেনাসনং নেৱসেক্খনাসেক্খায সদ্ধায…পে… পঞ্ঞায, ৰাগস্স…পে… পত্থনায, কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. পঠমস্স ঝানস্স পৰিকম্মং পঠমস্স ঝানস্স উপনিস্সযপচ্চযেন পচ্চযো…পে… নেৱসঞ্ঞানাসঞ্ঞাযতনস্স পৰিকম্মং নেৱসঞ্ঞানাসঞ্ঞাযতনস্স…পে… পঠমং ঝানং দুতিযস্স ঝানস্স উপনিস্সযপচ্চযেন পচ্চযো…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স উপনিস্সযপচ্চযেন পচ্চযো. (১)

নেৱসেক্খনাসেক্খো ধম্মো সেক্খস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পৰিকম্মং পঠমস্স মগ্গস্স উপনিস্সযপচ্চযেন পচ্চযো…পে… চতুত্থস্স মগ্গস্স পৰিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

নেৱসেক্খনাসেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং… কাযিকং দুক্খং… উতুং… ভোজনং… সেনাসনং অসেক্খায ফলসমাপত্তিযা উপনিস্সযপচ্চযেন পচ্চযো. (৩)

পুৰেজাতপচ্চযো

৫৬. নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং অনিচ্চতো…পে… ৱিপস্সতি, অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. সোতং…পে… ৱত্থুং অনিচ্চতো দুক্খতো অনত্ততো ৱিপস্সতি…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স, ৱত্থু নেৱসেক্খনাসেক্খানং খন্ধানং পুৰেজাতপচ্চযেন পচ্চযো. (১)

নেৱসেক্খনাসেক্খো ধম্মো সেক্খস্স ধম্মস্স পুৰেজাতপচ্চযেন পচ্চযো. ৱত্থুপুৰেজাতং – ৱত্থু সেক্খানং খন্ধানং পুৰেজাতপচ্চযেন পচ্চযো. (২)

নেৱসেক্খনাসেক্খো ধম্মো অসেক্খস্স ধম্মস্স পুৰেজাতপচ্চযেন পচ্চযো. ৱত্থুপুৰেজাতং – ৱত্থু অসেক্খানং খন্ধানং পুৰেজাতপচ্চযেন পচ্চযো. (৩)

পচ্ছাজাতপচ্চযো

৫৭. সেক্খো ধম্মো নেৱসেক্খনাসেক্খস্স ধম্মস্স পচ্ছাজাতপচ্চযেন পচ্চযো – পচ্ছাজাতা সেক্খা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অসেক্খো ধম্মো নেৱসেক্খনাসেক্খস্স ধম্মস্স পচ্ছাজাতপচ্চযেন পচ্চযো – পচ্ছাজাতা অসেক্খা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স পচ্ছাজাতপচ্চযেন পচ্চযো – পচ্ছাজাতা নেৱসেক্খনাসেক্খা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

৫৮. নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স আসেৱনপচ্চযেন পচ্চযো – পুৰিমা পুৰিমা নেৱসেক্খনাসেক্খা খন্ধা পচ্ছিমানং পচ্ছিমানং নেৱসেক্খনাসেক্খানং খন্ধানং আসেৱনপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স আসেৱনপচ্চযেন পচ্চযো. (১)

নেৱসেক্খনাসেক্খো ধম্মো সেক্খস্স ধম্মস্স আসেৱনপচ্চযেন পচ্চযো – গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (২)

কম্মপচ্চযো

৫৯. সেক্খো ধম্মো সেক্খস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সেক্খা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – সেক্খা চেতনা ৱিপাকানং সেক্খানং খন্ধানং কম্মপচ্চযেন পচ্চযো. (১)

সেক্খো ধম্মো অসেক্খস্স ধম্মস্স কম্মপচ্চযেন পচ্চযো. নানাক্খণিকা – সেক্খা চেতনা অসেক্খানং খন্ধানং কম্মপচ্চযেন পচ্চযো. (২)

সেক্খো ধম্মো নেৱসেক্খনাসেক্খস্স ধম্মস্স কম্মপচ্চযেন পচ্চযো. সহজাতা – সেক্খা চেতনা চিত্তসমুট্ঠানানং ৰূপানং কম্মপচ্চযেন পচ্চযো. (৩)

সেক্খো ধম্মো সেক্খস্স চ নেৱসেক্খনাসেক্খস্স চ ধম্মস্স কম্মপচ্চযেন পচ্চযো – সেক্খা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৪)

৬০. অসেক্খো ধম্মো অসেক্খস্স ধম্মস্স কম্মপচ্চযেন পচ্চযো – অসেক্খা চেতনা সম্পযুত্তকানং খন্ধানং কম্মপচ্চযেন পচ্চযো. (১)

অসেক্খো ধম্মো নেৱসেক্খনাসেক্খস্স ধম্মস্স কম্মপচ্চযেন পচ্চযো – অসেক্খা চেতনা চিত্তসমুট্ঠানানং ৰূপানং কম্মপচ্চযেন পচ্চযো. (২)

অসেক্খো ধম্মো অসেক্খস্স চ নেৱসেক্খনাসেক্খস্স চ ধম্মস্স কম্মপচ্চযেন পচ্চযো – অসেক্খা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

৬১. নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নেৱসেক্খনাসেক্খা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – নেৱসেক্খনাসেক্খা চেতনা ৱিপাকানং নেৱসেক্খনাসেক্খানং খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযো

৬২. সেক্খো ধম্মো সেক্খস্স ধম্মস্স ৱিপাকপচ্চযেন পচ্চযো – ৱিপাকো সেক্খো একো খন্ধো তিণ্ণন্নং খন্ধানং…পে… (সেক্খমূলকে তীণি ).

অসেক্খো ধম্মো অসেক্খস্স ধম্মস্স ৱিপাকপচ্চযেন পচ্চযো – অসেক্খো একো খন্ধো তিণ্ণন্নং খন্ধানং…পে… (অসেক্খমূলকে তীণি).

নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স ৱিপাকপচ্চযেন পচ্চযো – ৱিপাকো নেৱসেক্খনাসেক্খো একো খন্ধো তিণ্ণন্নং খন্ধানং…পে… পটিসন্ধিক্খণে…পে… খন্ধা ৱত্থুস্স ৱিপাকপচ্চযেন পচ্চযো. (১)

আহাৰপচ্চযাদি

৬৩. সেক্খো ধম্মো সেক্খস্স ধম্মস্স আহাৰপচ্চযেন পচ্চযো… ইন্দ্ৰিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো…পে….

ৱিপ্পযুত্তপচ্চযো

৬৪. সেক্খো ধম্মো নেৱসেক্খনাসেক্খস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – সেক্খা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – সেক্খা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো (১).

অসেক্খো ধম্মো নেৱসেক্খনাসেক্খস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সেক্খসদিসং).

নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – নেৱসেক্খনাসেক্খা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পটিসন্ধিক্খণে নেৱসেক্খনাসেক্খা খন্ধা কটত্তাৰূপানং ৱিপ্পযুত্তপচ্চযেন পচ্চযো. খন্ধা ৱত্থুস্স ৱিপ্পযুত্তপচ্চযেন পচ্চযো. ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স, ৱত্থু নেৱসেক্খনাসেক্খানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – নেৱসেক্খনাসেক্খা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নেৱসেক্খনাসেক্খো ধম্মো সেক্খস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু সেক্খানং খন্ধানং ৱিপ্পযুত্তপচ্চযেন পচ্চযো. (২)

নেৱসেক্খনাসেক্খো ধম্মো অসেক্খস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু অসেক্খানং খন্ধানং ৱিপ্পযুত্তপচ্চযেন পচ্চযো. (৩)

অত্থিপচ্চযো

৬৫. সেক্খো ধম্মো সেক্খস্স ধম্মস্স অত্থিপচ্চযেন পচ্চযো – সেক্খো একো খন্ধো তিণ্ণন্নং খন্ধানং…পে…. (১)

সেক্খো ধম্মো নেৱসেক্খনাসেক্খস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – সেক্খা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – সেক্খা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

সেক্খো ধম্মো সেক্খস্স চ নেৱসেক্খনাসেক্খস্স চ ধম্মস্স অত্থিপচ্চযেন পচ্চযো – সেক্খো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে…. (৩)

অসেক্খো ধম্মো অসেক্খস্স ধম্মস্স অত্থিপচ্চযেন পচ্চযো…পে… তীণি (সেক্খসদিসং).

৬৬. নেৱসেক্খনাসেক্খো ধম্মো নেৱসেক্খনাসেক্খস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নেৱসেক্খনাসেক্খো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে…পে… খন্ধা ৱত্থুস্স অত্থিপচ্চযেন পচ্চযো. ৱত্থু খন্ধানং অত্থিপচ্চযেন পচ্চযো, একং মহাভূতং…পে… বাহিৰং…পে… অসঞ্ঞসত্তানং…পে…. পুৰেজাতং – চক্খুং অনিচ্চতো দুক্খতো অনত্ততো ৱিপস্সতি; অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. সোতং…পে… ৱত্থুং অনিচ্চতো…পে… ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স… ৱত্থু নেৱসেক্খনাসেক্খানং খন্ধানং অত্থিপচ্চযেন পচ্চযো. পচ্ছাজাতা – নেৱসেক্খনাসেক্খা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. কবড়ীকাৰো আহাৰো ইমস্স কাযস্স অত্থিপচ্চযেন পচ্চযো. ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)

নেৱসেক্খনাসেক্খো ধম্মো সেক্খস্স ধম্মস্স অত্থিপচ্চযেন পচ্চযো. পুৰেজাতং – ৱত্থু সেক্খানং খন্ধানং অত্থিপচ্চযেন পচ্চযো. (২)

নেৱসেক্খনাসেক্খো ধম্মো অসেক্খস্স ধম্মস্স অত্থিপচ্চযেন পচ্চযো. পুৰেজাতং – ৱত্থু অসেক্খানং খন্ধানং অত্থিপচ্চযেন পচ্চযো. (৩)

৬৭. সেক্খো চ নেৱসেক্খনাসেক্খো চ ধম্মা সেক্খস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – সেক্খো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা…পে…. (১)

সেক্খো চ নেৱসেক্খনাসেক্খো চ ধম্মা নেৱসেক্খনাসেক্খস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – সেক্খা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – সেক্খা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – সেক্খা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

অসেক্খো চ নেৱসেক্খনাসেক্খো চ ধম্মা অসেক্খস্স ধম্মস্স অত্থিপচ্চযেন পচ্চযো…পে… (দ্ৱে পঞ্হা কাতব্বা, সেক্খসদিসা).