১. ৱিভঙ্গৱাৰো

হেতুপচ্চযো

১. সেক্খং ধম্মং পটিচ্চ সেক্খো ধম্মো উপ্পজ্জতি হেতুপচ্চযা – সেক্খং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

সেক্খং ধম্মং পটিচ্চ নেৱসেক্খনাসেক্খো [নেৱসেখানাসেখো (সী.), নেৱসেক্খানাসেক্খো (স্যা. ক.)] ধম্মো উপ্পজ্জতি হেতুপচ্চযা – সেক্খে খন্ধে পটিচ্চ চিত্তসমুট্ঠানং ৰূপং. (২)

সেক্খং ধম্মং পটিচ্চ সেক্খো চ নেৱসেক্খনাসেক্খো চ ধম্মা উপ্পজ্জন্তি হেতুপচ্চযা – সেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

২. অসেক্খং ধম্মং পটিচ্চ অসেক্খো ধম্মো উপ্পজ্জতি হেতুপচ্চযা – অসেক্খং একং খন্ধং পটিচ্চ তযো খন্ধা…পে…. (১)

অসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি হেতুপচ্চযা – অসেক্খে খন্ধে পটিচ্চ চিত্তসমুট্ঠানং ৰূপং. (২)

অসেক্খং ধম্মং পটিচ্চ অসেক্খো চ নেৱসেক্খনাসেক্খো চ ধম্মা…পে… অসেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

৩. নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি হেতুপচ্চযা – নেৱসেক্খনাসেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে …পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং পটিচ্চ তযো মহাভূতা…পে… দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

সেক্খঞ্চ নেৱসেক্খনাসেক্খঞ্চ ধম্মং পটিচ্চ নেৱসেক্খনাসেক্খো ধম্মো উপ্পজ্জতি হেতুপচ্চযা – সেক্খে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অসেক্খঞ্চ নেৱসেক্খনাসেক্খঞ্চ ধম্মং পটিচ্চ নেৱসেক্খনাসেক্খো ধম্মো উপ্পজ্জতি হেতুপচ্চযা – অসেক্খে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

আৰম্মণপচ্চযাদি

৪. সেক্খং ধম্মং পটিচ্চ সেক্খো ধম্মো উপ্পজ্জতি আৰম্মণপচ্চযা… অধিপতিপচ্চযা (পটিসন্ধি নত্থি)… অনন্তৰপচ্চযা… সমনন্তৰপচ্চযা… সহজাতপচ্চযা (সব্বে মহাভূতা কাতব্বা)… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুৰেজাতপচ্চযা… আসেৱনপচ্চযা – সেক্খং একং খন্ধং পটিচ্চ তযো খন্ধা…পে… দ্ৱে খন্ধে…পে….

নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি আসেৱনপচ্চযা – নেৱসেক্খনাসেক্খং একং খন্ধং পটিচ্চ তযো খন্ধা…পে… দ্ৱে খন্ধে …পে… কম্মপচ্চযা, ৱিপাকপচ্চযা – ৱিপাকং সেক্খং একং খন্ধং পটিচ্চ তযো খন্ধা…পে… দ্ৱে খন্ধে…পে… (তীণি, পৰিপুণ্ণং).

অসেক্খং ধম্মং পটিচ্চ অসেক্খো ধম্মো উপ্পজ্জতি ৱিপাকপচ্চযা – অসেক্খং একং খন্ধং পটিচ্চ… তীণি.

নেৱসেক্খনাসেক্খং ধম্মং পটিচ্চ নেৱসেক্খনাসেক্খো ধম্মো উপ্পজ্জতি ৱিপাকপচ্চযা – ৱিপাকং নেৱসেক্খনাসেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে…. (১)

সেক্খঞ্চ নেৱসেক্খনাসেক্খঞ্চ ধম্মং পটিচ্চ নেৱসেক্খনাসেক্খো ধম্মো উপ্পজ্জতি ৱিপাকপচ্চযা – ৱিপাকে সেক্খে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অসেক্খঞ্চ নেৱসেক্খনাসেক্খঞ্চ ধম্মং পটিচ্চ নেৱসেক্খনাসেক্খো ধম্মো উপ্পজ্জতি ৱিপাকপচ্চযা – অসেক্খে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

আহাৰপচ্চযাদি

৫. সেক্খং ধম্মং পটিচ্চ সেক্খো ধম্মো উপ্পজ্জতি আহাৰপচ্চযা… ইন্দ্ৰিযপচ্চযা… ঝানপচ্চযা… মগ্গপচ্চয… সম্পযুত্তপচ্চযা… ৱিপ্পযুত্তপচ্চযা… অত্থিপচ্চযা… নত্থিপচ্চযা… ৱিগতপচ্চযা… অৱিগতপচ্চযা.