২. সঙ্খ্যাৱাৰো

সুদ্ধং

৬৮. হেতুযা সত্ত, আৰম্মণে সত্ত, অধিপতিযা দস, অনন্তৰে ছ, সমনন্তৰে ছ, সহজাতে নৱ, অঞ্ঞমঞ্ঞে তীণি, নিস্সযে তেৰস, উপনিস্সযে নৱ, পুৰেজাতে তীণি, পচ্ছাজাতে তীণি, আসেৱনে তীণি, কম্মে সত্ত, ৱিপাকে একং, আহাৰে সত্ত, ইন্দ্ৰিযে সত্ত, ঝানে সত্ত, মগ্গে সত্ত, সম্পযুত্তে তীণি, ৱিপ্পযুত্তে পঞ্চ, অত্থিযা তেৰস, নত্থিযা ছ, ৱিগতে ছ, অৱিগতে তেৰস.

অনুলোমং.

পচ্চনীযুদ্ধাৰো

৬৯. আচযগামী ধম্মো আচযগামিস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

আচযগামী ধম্মো অপচযগামিস্স ধম্মস্স উপনিস্সযপচ্চযেন পচ্চযো. (২)

আচযগামী ধম্মো নেৱাচযগামিনাপচযগামিস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (৩)

আচযগামী ধম্মো আচযগামিস্স চ নেৱাচযগামিনাপচযগামিস্স চ ধম্মস্স সহজাতপচ্চযেন পচ্চযো. (৪)

৭০. অপচযগামী ধম্মো অপচযগামিস্স ধম্মস্স সহজাতপচ্চযেন পচ্চযো… উপনিস্সযপচ্চযেন পচ্চযো. (১)

অপচযগামী ধম্মো আচযগামিস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো. (২)

অপচযগামী ধম্মো নেৱাচযগামিনাপচযগামিস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (৩)

অপচযগামী ধম্মো অপচযগামিস্স চ নেৱাচযগামিনাপচযগামিস্স চ ধম্মস্স সহজাতপচ্চযেন পচ্চযো. (৪)

৭১. নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)

নেৱাচযগামিনাপচযগামী ধম্মো আচযগামিস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (২)

নেৱাচযগামিনাপচযগামী ধম্মো অপচযগামিস্স ধম্মস্স উপনিস্সযপচ্চযেন পচ্চযো… পুৰেজাতপচ্চযেন পচ্চযো. (৩)

৭২. আচযগামী চ নেৱাচযগামিনাপচযগামী চ ধম্মা আচযগামিস্স ধম্মস্স সহজাতং, পুৰেজাতং. (১)

আচযগামী চ নেৱাচযগামিনাপচযগামী চ ধম্মা নেৱাচযগামিনাপচযগামিস্স ধম্মস্স সহজাতং, পচ্ছাজাতং, আহাৰং, ইন্দ্ৰিযং. (২)

অপচযগামী চ নেৱাচযগামিনাপচযগামী চ ধম্মা অপচযগামিস্স ধম্মস্স সহজাতং, পুৰেজাতং. (১)

অপচযগামী চ নেৱাচযগামিনাপচযগামী চ ধম্মা নেৱাচযগামিনাপচযগামিস্স ধম্মস্স সহজাতং, পচ্ছাজাতং, আহাৰং, ইন্দ্ৰিযং. (২)