১. ৱিভঙ্গৱাৰো

হেতুপচ্চযো

৪৫. আচযগামী [আচযগামি (সী. স্যা.) এৱমুপৰিপি] ধম্মো আচযগামিস্স ধম্মস্স হেতুপচ্চযেন পচ্চযো – আচযগামী হেতূ সম্পযুত্তকানং খন্ধানং হেতুপচ্চযেন পচ্চযো. (১)

আচযগামী ধম্মো নেৱাচযগামিনাপচযগামিস্স ধম্মস্স হেতুপচ্চযেন পচ্চযো – আচযগামী হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

আচযগামী ধম্মো আচযগামিস্স চ নেৱাচযগামিনাপচযগামিস্স চ ধম্মস্স হেতুপচ্চযেন পচ্চযো – আচযগামী হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

অপচযগামী ধম্মো অপচযগামিস্স ধম্মস্স হেতুপচ্চযেন পচ্চযো… তীণি.

নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স হেতুপচ্চযেন পচ্চযো – নেৱাচযগামিনাপচযগামী হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে নেৱাচযগামিনাপচযগামী হেতূ সম্পযুত্তকানং খন্ধানং কটত্তা চ ৰূপানং হেতুপচ্চযেন পচ্চযো. (১)

আৰম্মণপচ্চযো

৪৬. আচযগামী ধম্মো আচযগামিস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা ঝানং পচ্চৱেক্খতি. সেক্খা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. সেক্খা ৱা পুথুজ্জনা ৱা আচযগামী খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি, তং আৰব্ভ ৰাগো উপ্পজ্জতি, দিট্ঠি…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি, চেতোপৰিযঞাণেন আচযগামিচিত্তসমঙ্গিস্স চিত্তং জানন্তি, আকাসানঞ্চাযতনকুসলং ৱিঞ্ঞাণঞ্চাযতনকুসলস্স আৰম্মণপচ্চযেন পচ্চযো. আকিঞ্চঞ্ঞাযতনকুসলং নেৱসঞ্ঞানাসঞ্ঞাযতনকুসলস্স…পে… আচযগামী খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো. (১)

আচযগামী ধম্মো নেৱাচযগামিনাপচযগামিস্স ধম্মস্স আৰম্মণপচ্চযেন পচ্চযো – অৰহা পহীনে কিলেসে পচ্চৱেক্খতি, পুব্বে সমুদাচিণ্ণে কিলেসে জানাতি, আচযগামী খন্ধে অনিচ্চতো দুক্খতো অনত্ততো ৱিপস্সতি; চেতোপৰিযঞাণেন আচযগামিচিত্তসমঙ্গিস্স চিত্তং জানাতি. সেক্খা ৱা পুথুজ্জনা ৱা আচযগামী খন্ধে অনিচ্চতো দুক্খতো অনত্ততো ৱিপস্সন্তি, কুসলে নিৰুদ্ধে ৱিপাকো তদাৰম্মণতা উপ্পজ্জতি, আচযগামী খন্ধে অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি, অকুসলে নিৰুদ্ধে ৱিপাকো তদাৰম্মণতা উপ্পজ্জতি, আকাসানঞ্চাযতনকুসলং ৱিঞ্ঞাণঞ্চাযতনৱিপাকস্স চ কিৰিযস্স চ আৰম্মণপচ্চযেন পচ্চযো. আকিঞ্চঞ্ঞাযতনকুসলং নেৱসঞ্ঞানাসঞ্ঞাযতনৱিপাকস্স চ কিৰিযস্স চ আৰম্মণপচ্চযেন পচ্চযো. আচযগামী খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

৪৭. অপচযগামী ধম্মো আচযগামিস্স ধম্মস্স আৰম্মণপচ্চযেন পচ্চযো – সেক্খা মগ্গা ৱুট্ঠহিত্ৱা মগ্গং পচ্চৱেক্খন্তি, চেতোপৰিযঞাণেন অপচযগামিচিত্তসমঙ্গিস্স চিত্তং জানন্তি, অপচযগামী খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৰম্মণপচ্চযেন পচ্চযো. (১)

অপচযগামী ধম্মো নেৱাচযগামিনাপচযগামিস্স ধম্মস্স আৰম্মণপচ্চযেন পচ্চযো – অৰহা মগ্গা ৱুট্ঠহিত্ৱা মগ্গং পচ্চৱেক্খতি, চেতোপৰিযঞাণেন অপচযগামিচিত্তসমঙ্গিস্স চিত্তং জানাতি, অপচযগামী খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

৪৮. নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স আৰম্মণপচ্চযেন পচ্চযো – অৰহা ফলং পচ্চৱেক্খতি, নিব্বানং পচ্চৱেক্খতি, নিব্বানং ফলস্স আৱজ্জনায আৰম্মণপচ্চযেন পচ্চযো. অৰহা চক্খুং অনিচ্চতো দুক্খতো অনত্ততো ৱিপস্সতি, সোতং…পে… ৱত্থুং… নেৱাচযগামিনাপচযগামী খন্ধে অনিচ্চতো দুক্খতো অনত্ততো ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন নেৱাচযগামিনাপচযগামিচিত্তসমঙ্গিস্স চিত্তং জানাতি, আকাসানঞ্চাযতনকিৰিযং ৱিঞ্ঞাণঞ্চাযতনকিৰিযস্স আৰম্মণপচ্চযেন পচ্চযো. আকিঞ্চঞ্ঞাযতনকিৰিযং নেৱসঞ্ঞানাসঞ্ঞাযতনকিৰিযস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… নেৱাচযগামিনাপচযগামী খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স আৱজ্জনায আৰম্মণপচ্চযেন পচ্চযো. (১)

নেৱাচযগামিনাপচযগামী ধম্মো আচযগামিস্স ধম্মস্স আৰম্মণপচ্চযেন পচ্চযো – সেক্খা ফলং পচ্চৱেক্খন্তি, নিব্বানং পচ্চৱেক্খন্তি, নিব্বানং গোত্ৰভুস্স, ৱোদানস্স আৰম্মণপচ্চযেন পচ্চযো. সেক্খা ৱা পুথুজ্জনা ৱা চক্খুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. সোতং…পে… ৱত্থুং… নেৱাচযগামিনাপচযগামী খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা…পে… উদ্ধচ্চং…পে… দোমনস্সং…পে… দিব্বেন চক্খুনা ৰূপং পস্সন্তি, দিব্বায সোতধাতুযা সদ্দং সুণন্তি, চেতোপৰিযঞাণেন নেৱাচযগামিনাপচযগামিচিত্তসমঙ্গিস্স চিত্তং জানন্তি, নেৱাচযগামিনাপচযগামী খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স আৰম্মণপচ্চযেন পচ্চযো. (২)

নেৱাচযগামিনাপচযগামী ধম্মো অপচযগামিস্স ধম্মস্স আৰম্মণপচ্চযেন পচ্চযো – নিব্বানং মগ্গস্স আৰম্মণপচ্চযেন পচ্চযো. (৩)

অধিপতিপচ্চযো

৪৯. আচযগামী ধম্মো আচযগামিস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, আচযগামী খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – আচযগামী অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

আচযগামী ধম্মো নেৱাচযগামিনাপচযগামিস্স ধম্মস্স অধিপতিপচ্চযেন পচ্চযো. সহজাতাধিপতি – আচযগামী অধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

আচযগামী ধম্মো আচযগামিস্স চ নেৱাচযগামিনাপচযগামিস্স চ ধম্মস্স অধিপতিপচ্চযেন পচ্চযো. সহজাতাধিপতি – আচযগামী অধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৫০. অপচযগামী ধম্মো অপচযগামিস্স ধম্মস্স অধিপতিপচ্চযেন পচ্চযো. সহজাতাধিপতি – অপচযগামী অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অপচযগামী ধম্মো আচযগামিস্স ধম্মস্স অধিপতিপচ্চযেন পচ্চযো. আৰম্মণাধিপতি – সেক্খা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি. (২)

অপচযগামী ধম্মো নেৱাচযগামিনাপচযগামিস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰহা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খতি. সহজাতাধিপতি – অপচযগামী অধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (৩)

অপচযগামী ধম্মো অপচযগামিস্স চ নেৱাচযগামিনাপচযগামিস্স চ ধম্মস্স অধিপতিপচ্চযেন পচ্চযো. সহজাতাধিপতি – অপচযগামী অধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৪)

৫১. নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰহা ফলং গৰুং কত্ৱা পচ্চৱেক্খতি, নিব্বানং গৰুং কত্ৱা পচ্চৱেক্খতি, নিব্বানং ফলস্স অধিপতিপচ্চযেন পচ্চযো. সহজাতাধিপতি – নেৱাচযগামিনাপচযগামী অধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নেৱাচযগামিনাপচযগামী ধম্মো আচযগামিস্স ধম্মস্স অধিপতিপচ্চযেন পচ্চযো. আৰম্মণাধিপতি – সেক্খা ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স অধিপতিপচ্চযেন পচ্চযো. চক্খুং গৰুং কত্ৱা অস্সাদেতি…পে… ৱত্থুং… নেৱাচযগামিনাপচযগামী খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (২)

নেৱাচযগামিনাপচযগামী ধম্মো অপচযগামিস্স ধম্মস্স অধিপতিপচ্চযেন পচ্চযো. আৰম্মণাধিপতি – নিব্বানং মগ্গস্স অধিপতিপচ্চযেন পচ্চযো. (৩)

অনন্তৰপচ্চযো

৫২. আচযগামী ধম্মো আচযগামিস্স ধম্মস্স অনন্তৰপচ্চযেন পচ্চযো – পুৰিমা পুৰিমা আচযগামী খন্ধা পচ্ছিমানং পচ্ছিমানং আচযগামীনং খন্ধানং অনন্তৰপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স অনন্তৰপচ্চযেন পচ্চযো. (১)

আচযগামী ধম্মো অপচযগামিস্স ধম্মস্স অনন্তৰপচ্চযেন পচ্চযো – গোত্ৰভু মগ্গস্স… ৱোদানং মগ্গস্স অনন্তৰপচ্চযেন পচ্চযো. (২)

আচযগামী ধম্মো নেৱাচযগামিনাপচযগামিস্স ধম্মস্স অনন্তৰপচ্চযেন পচ্চযো – আচযগামী খন্ধা ৱুট্ঠানস্স অনন্তৰপচ্চযেন পচ্চযো. সেক্খানং অনুলোমং ফলসমাপত্তিযা, নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকুসলং ফলসমাপত্তিযা অনন্তৰপচ্চযেন পচ্চযো. (৩)

অপচযগামী ধম্মো নেৱাচযগামিনাপচযগামিস্স ধম্মস্স অনন্তৰপচ্চযেন পচ্চযো – মগ্গো ফলস্স অনন্তৰপচ্চযেন পচ্চযো. (১)

নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স অনন্তৰপচ্চযেন পচ্চযো – পুৰিমা পুৰিমা নেৱাচযগামিনাপচযগামী খন্ধা পচ্ছিমানং পচ্ছিমানং নেৱাচযগামিনাপচযগামীনং খন্ধানং অনন্তৰপচ্চযেন পচ্চযো. ভৱঙ্গং আৱজ্জনায… কিৰিযং ৱুট্ঠানস্স… অৰহতো অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকিৰিযং ফলসমাপত্তিযা অনন্তৰপচ্চযেন পচ্চযো. (১)

নেৱাচযগামিনাপচযগামী ধম্মো আচযগামিস্স ধম্মস্স অনন্তৰপচ্চযেন পচ্চযো – আৱজ্জনা আচযগামীনং খন্ধানং অনন্তৰপচ্চযেন পচ্চযো. (২)

সমনন্তৰপচ্চযাদি

৫৩. আচযগামী ধম্মো আচযগামিস্স ধম্মস্স সমনন্তৰপচ্চযেন পচ্চযো…পে… (অনন্তৰসদিসং). (সহজাতপচ্চযে পটিচ্চৱাৰে সহজাতৱাৰসদিসা নৱ পঞ্হা. অঞ্ঞমঞ্ঞপচ্চযে পটিচ্চৱাৰে অঞ্ঞমঞ্ঞসদিসং তীণি. নিস্সযপচ্চযে পচ্চযৱাৰে নিস্সযৱাৰসদিসং. চত্তাৰিপি হি ৱিসুং ঘটনা নত্থি. তেৰস পঞ্হা.)

উপনিস্সযপচ্চযো

৫৪. আচযগামী ধম্মো আচযগামিস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – আচযগামিং সদ্ধং উপনিস্সায দানং দেতি, সীলং…পে… উপোসথকম্মং…পে… ঝানং…পে… ৱিপস্সনং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি, আচযগামিং সীলং… সুতং… চাগং… পঞ্ঞং… ৰাগং… দোসং… মোহং… মানং… দিট্ঠিং… পত্থনং উপনিস্সায দানং দেতি. সীলং…পে… উপোসথকম্মং…পে… ঝানং…পে… ৱিপস্সনং…পে… অভিঞ্ঞং…পে… সমাপত্তিং…পে… পাণং হনতি…পে… সঙ্ঘং ভিন্দতি. আচযগামী সদ্ধা…পে… পঞ্ঞা, ৰাগো…পে… পত্থনা আচযগামিযা সদ্ধায…পে… পঞ্ঞায, ৰাগস্স…পে… পত্থনায উপনিস্সযপচ্চযেন পচ্চযো. পঠমস্স ঝানস্স পৰিকম্মং পঠমস্স ঝানস্স উপনিস্সযপচ্চযেন পচ্চযো…পে…. নেৱসঞ্ঞানাসঞ্ঞাযতনস্স পৰিকম্মং নেৱসঞ্ঞানাসঞ্ঞাযতনস্স উপনিস্সযপচ্চযেন পচ্চযো. পঠমং ঝানং দুতিযস্স ঝানস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স উপনিস্সযপচ্চযেন পচ্চযো. (১)

আচযগামী ধম্মো অপচযগামিস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পৰিকম্মং পঠমস্স মগ্গস্স…পে… চতুত্থস্স মগ্গস্স পৰিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

আচযগামী ধম্মো নেৱাচযগামিনাপচযগামিস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – আচযগামিং সদ্ধং উপনিস্সায অত্তানং আতাপেতি পৰিতাপেতি পৰিযিট্ঠিমূলকং দুক্খং পচ্চনুভোতি. আচযগামিং সীলং…পে… পঞ্ঞং. ৰাগং…পে… পত্থনং উপনিস্সায অত্তানং আতাপেতি পৰিতাপেতি পৰিযিট্ঠিমূলকং দুক্খং পচ্চনুভোতি. আচযগামী সদ্ধা…পে… পঞ্ঞা. ৰাগো…পে… পত্থনা, কাযিকস্স সুখস্স, কাযিকস্স দুক্খস্স ফলসমাপত্তিযা উপনিস্সযপচ্চযেন পচ্চযো. কুসলাকুসলং কম্মং ৱিপাকস্স উপনিস্সযপচ্চযেন পচ্চযো. (৩)

৫৫. অপচযগামী ধম্মো অপচযগামিস্স ধম্মস্স উপনিস্সযপচ্চযেন পচ্চযো. পকতূপনিস্সযো – পঠমো মগ্গো দুতিযস্স মগ্গস্স…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. (১)

অপচযগামী ধম্মো আচযগামিস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – সেক্খা মগ্গং উপনিস্সায অনুপ্পন্নং কুসলসমাপত্তিং উপ্পাদেন্তি, উপ্পন্নং সমাপজ্জন্তি, সঙ্খাৰে অনিচ্চতো দুক্খতো অনত্ততো ৱিপস্সন্তি, মগ্গো সেক্খানং অত্থপ্পটিসম্ভিদায…পে… পটিভানপটিসম্ভিদায ঠানাঠানকোসল্লস্স উপনিস্সযপচ্চযেন পচ্চযো. (২)

অপচযগামী ধম্মো নেৱাচযগামিনাপচযগামিস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অৰহা মগ্গং উপনিস্সায অনুপ্পন্নং কিৰিযসমাপত্তিং উপ্পাদেতি, উপ্পন্নং সমাপজ্জতি…পে… ঠানাঠানকোসল্লস্স উপনিস্সযপচ্চযেন পচ্চযো. মগ্গো ফলসমাপত্তিযা উপনিস্সযপচ্চযেন পচ্চযো. (৩)

৫৬. নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায অত্তানং আতাপেতি পৰিতাপেতি পৰিযিট্ঠিমূলকং দুক্খং পচ্চনুভোতি. কাযিকং দুক্খং… উতুং… ভোজনং… সেনাসনং উপনিস্সায অত্তানং আতাপেতি পৰিতাপেতি…পে… কাযিকং সুখং… কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স ফলসমাপত্তিযা উপনিস্সযপচ্চযেন পচ্চযো. অৰহা কাযিকং সুখং উপনিস্সায অনুপ্পন্নং কিৰিযসমাপত্তিং উপ্পাদেতি…পে… ৱিপস্সতি. কাযিকং দুক্খং… উতুং… ভোজনং… সেনাসনং উপনিস্সায…পে… ৱিপস্সতি. (১)

নেৱাচযগামীনাপচযগামী ধম্মো আচযগামিস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি, কাযিকং সুখং…পে… সেনাসনং আচযগামিযা সদ্ধায…পে… পঞ্ঞায, ৰাগস্স…পে… পত্থনায উপনিস্সযপচ্চযেন পচ্চযো. (২)

নেৱাচযগামিনাপচযগামী ধম্মো অপচযগামিস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায মগ্গং উপ্পাদেতি. কাযিকং দুক্খং …পে… সেনাসনং উপনিস্সায মগ্গং উপ্পাদেতি, কাযিকং সুখং, কাযিকং দুক্খং…পে… সেনাসনং মগ্গস্স উপনিস্সযপচ্চযেন পচ্চযো. (৩)

পুৰেজাতপচ্চযো

৫৭. নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – অৰহা চক্খুং…পে… ৱত্থুং অনিচ্চতো দুক্খতো অনত্ততো ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নেৱাচযগামিনাপচযগামীনং খন্ধানং পুৰেজাতপচ্চযেন পচ্চযো. (১)

নেৱাচযগামিনাপচযগামী ধম্মো আচযগামিস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – সেক্খা ৱা পুথুজ্জনা ৱা চক্খুং…পে… ৱত্থুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৱত্থুপুৰেজাতং – ৱত্থু আচযগামীনং খন্ধানং পুৰেজাতপচ্চযেন পচ্চযো. (২)

নেৱাচযগামিনাপচযগামী ধম্মো অপচযগামিস্স ধম্মস্স পুৰেজাতপচ্চযেন পচ্চযো. ৱত্থুপুৰেজাতং – ৱত্থু অপচযগামীনং খন্ধানং পুৰেজাতপচ্চযেন পচ্চযো. (৩)

পচ্ছাজাতপচ্চযো

৫৮. আচযগামী ধম্মো নেৱাচযগামিনাপচযগামিস্স ধম্মস্স পচ্ছাজাতপচ্চযেন পচ্চযো – পচ্ছাজাতা আচযগামী খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অপচযগামী ধম্মো নেৱাচযগামিনাপচযগামিস্স ধম্মস্স পচ্ছাজাতপচ্চযেন পচ্চযো – পচ্ছাজাতা অপচযগামী খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স পচ্ছাজাতপচ্চযেন পচ্চযো – পচ্ছাজাতা নেৱাচযগামিনাপচযগামী খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো.

আসেৱনপচ্চযো

৫৯. আচযগামী ধম্মো আচযগামিস্স ধম্মস্স আসেৱনপচ্চযেন পচ্চযো – পুৰিমা পুৰিমা আচযগামী খন্ধা পচ্ছিমানং পচ্ছিমানং আচযগামীনং খন্ধানং আসেৱনপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স আসেৱনপচ্চযেন পচ্চযো. (১)

আচযগামী ধম্মো অপচযগামিস্স ধম্মস্স আসেৱনপচ্চযেন পচ্চযো – গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (২)

নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স আসেৱনপচ্চযেন পচ্চযো – পুৰিমা পুৰিমা নেৱাচযগামিনাপচযগামী খন্ধা পচ্ছিমানং পচ্ছিমানং নেৱাচযগামিনাপচযগামীনং খন্ধানং আসেৱনপচ্চযেন পচ্চযো. (১)

কম্মপচ্চযো

৬০. আচযগামী ধম্মো আচযগামিস্স ধম্মস্স কম্মপচ্চযেন পচ্চযো – আচযগামী চেতনা সম্পযুত্তকানং খন্ধানং কম্মপচ্চযেন পচ্চযো. (১)

আচযগামী ধম্মো নেৱাচযগামিনাপচযগামিস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – আচযগামী চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – আচযগামী চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

আচযগামী ধম্মো আচযগামিস্স চ নেৱাচযগামিনাপচযগামিস্স চ ধম্মস্স কম্মপচ্চযেন পচ্চযো – আচযগামী চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

৬১. অপচযগামী ধম্মো অপচযগামিস্স ধম্মস্স কম্মপচ্চযেন পচ্চযো – অপচযগামী চেতনা সম্পযুত্তকানং খন্ধানং কম্মপচ্চযেন পচ্চযো. (১)

অপচযগামী ধম্মো নেৱাচযগামিনাপচযগামিস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপচযগামী চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – অপচযগামী চেতনা ৱিপাকানং খন্ধানং কম্মপচ্চযেন পচ্চযো. (২)

অপচযগামী ধম্মো অপচযগামিস্স চ নেৱাচযগামিনাপচযগামিস্স চ ধম্মস্স কম্মপচ্চযেন পচ্চযো – অপচযগামী চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স কম্মপচ্চযেন পচ্চযো – নেৱাচযগামিনাপচযগামী চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. পটিসন্ধিক্খণে নেৱাচযগামিনাপচযগামী চেতনা সম্পযুত্তকানং খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযো

৬২. নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স ৱিপাকপচ্চযেন পচ্চযো – ৱিপাকো নেৱাচযগামিনাপচযগামী একো খন্ধো তিণ্ণন্নং খন্ধানং…পে… পটিসন্ধিক্খণে…পে… খন্ধা ৱত্থুস্স ৱিপাকপচ্চযেন পচ্চযো. (১)

আহাৰপচ্চযাদি

৬৩. আচযগামী ধম্মো আচযগামিস্স ধম্মস্স আহাৰপচ্চযেন পচ্চযো… ইন্দ্ৰিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো.

ৱিপ্পযুত্তপচ্চযো

৬৪. আচযগামী ধম্মো নেৱাচযগামিনাপচযগামিস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – আচযগামী খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – আচযগামী খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অপচযগামী ধম্মো নেৱাচযগামিনাপচযগামিস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অপচযগামী খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – অপচযগামী খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – নেৱাচযগামিনাপচযগামী খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পটিসন্ধিক্খণে নেৱাচযগামিনাপচযগামী খন্ধা কটত্তাৰূপানং ৱিপ্পযুত্তপচ্চযেন পচ্চযো. খন্ধা ৱত্থুস্স ৱিপ্পযুত্তপচ্চযেন পচ্চযো. ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নেৱাচযগামিনাপচযগামীনং খন্ধানং ৱিপ্পযুত্তপচ্চযেন পচ্চযো. পচ্ছাজাতা – নেৱাচযগামিনাপচযগামী খন্ধা পুৰেজাতস্স ইমস্স কাযস্স…পে…. (১)

নেৱাচযগামিনাপচযগামী ধম্মো আচযগামিস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু আচযগামীনং খন্ধানং ৱিপ্পযুত্তপচ্চযেন পচ্চযো. (২)

নেৱাচযগামিনাপচযগামী ধম্মো অপচযগামিস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু অপচযগামীনং খন্ধানং ৱিপ্পযুত্তপচ্চযেন পচ্চযো. (৩)

অত্থিপচ্চযাদি

৬৫. আচযগামী ধম্মো আচযগামিস্স ধম্মস্স অত্থিপচ্চযেন পচ্চযো – আচযগামী একো খন্ধো তিণ্ণন্নং খন্ধানং…পে…. (১)

আচযগামী ধম্মো নেৱাচযগামিনাপচযগামিস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – আচযগামী খন্ধা চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – আচযগামী খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

আচযগামী ধম্মো আচযগামিস্স চ নেৱাচযগামিনাপচযগামিস্স চ ধম্মস্স অত্থিপচ্চযেন পচ্চযো – আচযগামী একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে…. (৩)

অপচযগামী ধম্মো… তীণি (আচযগামিনযেন কাতব্বং).

৬৬. নেৱাচযগামিনাপচযগামী ধম্মো নেৱাচযগামিনাপচযগামিস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নেৱাচযগামিনাপচযগামী একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে…পে… খন্ধা ৱত্থুস্স অত্থিপচ্চযেন পচ্চযো. ৱত্থু খন্ধানং অত্থিপচ্চযেন পচ্চযো. একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. পুৰেজাতং – অৰহা চক্খুং…পে… ৱত্থুং অনিচ্চতো দুক্খতো অনত্ততো ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নেৱাচযগামিনাপচযগামীনং খন্ধানং অত্থিপচ্চযেন পচ্চযো. পচ্ছাজাতা – নেৱাচযগামিনাপচযগামী খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. কবড়ীকাৰো আহাৰো ইমস্স কাযস্স…পে… ৰূপজীৱিতিন্দ্ৰিযং কটত্তাৰূপানং…পে…. (১)

নেৱাচযগামিনাপচযগামী ধম্মো আচযগামিস্স ধম্মস্স অত্থিপচ্চযেন পচ্চযো. পুৰেজাতং – সেক্খা ৱা পুথুজ্জনা ৱা চক্খুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো…পে… দোমনস্সং উপ্পজ্জতি, সোতং…পে… ৱত্থুং অনিচ্চতো…পে… ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৱত্থু আচযগামীনং খন্ধানং অত্থিপচ্চযেন পচ্চযো. (২)

নেৱাচযগামিনাপচযগামী ধম্মো অপচযগামিস্স ধম্মস্স অত্থিপচ্চযেন পচ্চযো. পুৰেজাতং – ৱত্থু অপচযগামীনং খন্ধানং অত্থিপচ্চযেন পচ্চযো. (৩)

৬৭. আচযগামী চ নেৱাচযগামিনাপচযগামী চ ধম্মা আচযগামিস্স ধম্মস্স অত্থিপচ্চযেন পচ্চযো সহজাতং, পুৰেজাতং. সহজাতো – আচযগামী একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা…পে…. (১)

আচযগামী চ নেৱাচযগামিনাপচযগামী চ ধম্মা নেৱাচযগামিনাপচযগামিস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – আচযগামী খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – আচযগামী খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – আচযগামী খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

অপচযগামী চ নেৱাচযগামিনাপচযগামী চ ধম্মা অপচযগামিস্স ধম্মস্স অত্থিপচ্চযেন পচ্চযো (দ্ৱে কাতব্বা দস্সিতনযেন), নত্থিপচ্চযেন পচ্চযো, ৱিগতপচ্চযেন পচ্চযো, অৱিগতপচ্চযেন পচ্চযো.