১. ৱিভঙ্গৱাৰো

হেতুপচ্চযো

১. আচযগামিং ধম্মং পটিচ্চ আচযগামী ধম্মো উপ্পজ্জতি হেতুপচ্চযা – আচযগামিং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

আচযগামিং ধম্মং পটিচ্চ নেৱাচযগামিনাপচযগামী ধম্মো উপ্পজ্জতি হেতুপচ্চযা – আচযগামী খন্ধে পটিচ্চ চিত্তসমুট্ঠানং ৰূপং. (২)

আচযগামিং ধম্মং পটিচ্চ আচযগামী চ নেৱাচযগামিনাপচযগামী চ ধম্মা উপ্পজ্জন্তি হেতুপচ্চযা – আচযগামিং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

২. অপচযগামিং ধম্মং পটিচ্চ অপচযগামী ধম্মো উপ্পজ্জতি হেতুপচ্চযা – অপচযগামিং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

অপচযগামিং ধম্মং পটিচ্চ নেৱাচযগামিনাপচযগামী ধম্মো উপ্পজ্জতি হেতুপচ্চযা – অপচযগামী খন্ধে পটিচ্চ চিত্তসমুট্ঠানং ৰূপং. (২)

অপচযগামিং ধম্মং পটিচ্চ অপচযগামী চ নেৱাচযগামিনাপচযগামী চ ধম্মা উপ্পজ্জন্তি হেতুপচ্চযা – অপচযগামিং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

৩. নেৱাচযগামিনাপচযগামিং ধম্মং পটিচ্চ নেৱাচযগামিনাপচযগামী ধম্মো উপ্পজ্জতি হেতুপচ্চযা – নেৱাচযগামিনাপচযগামিং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে নেৱাচযগামিনাপচযগামিং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা…পে… দ্ৱে মহাভূতে পটিচ্চ দ্ৱে মহাভূতা; মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

আচযগামিঞ্চ নেৱাচযগামিনাপচযগামিঞ্চ ধম্মং পটিচ্চ নেৱাচযগামিনাপচযগামী ধম্মো উপ্পজ্জতি হেতুপচ্চযা – আচযগামী খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অপচযগামিঞ্চ নেৱাচযগামিনাপচযগামিঞ্চ ধম্মং পটিচ্চ নেৱাচযগামিনাপচযগামী ধম্মো উপ্পজ্জতি হেতুপচ্চযা – অপচযগামী খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

আৰম্মণপচ্চযো

৪. আচযগামিং ধম্মং পটিচ্চ আচযগামী ধম্মো উপ্পজ্জতি আৰম্মণপচ্চযা – আচযগামিং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

অপচযগামিং ধম্মং পটিচ্চ অপচযগামী ধম্মো উপ্পজ্জতি আৰম্মণপচ্চযা – অপচযগামিং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

নেৱাচযগামিনাপচযগামিং ধম্মং পটিচ্চ নেৱাচযগামিনাপচযগামী ধম্মো উপ্পজ্জতি আৰম্মণপচ্চযা – নেৱাচযগামিনাপচযগামিং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে…পে… ৱত্থুং পটিচ্চ খন্ধা. (১)

অধিপতিপচ্চযো

৫. আচযগামিং ধম্মং পটিচ্চ আচযগামী ধম্মো উপ্পজ্জতি অধিপতিপচ্চযা… তীণি.

অপচযগামিং ধম্মং পটিচ্চ অপচযগামী ধম্মো উপ্পজ্জতি অধিপতিপচ্চযা… তীণি.

নেৱাচযগামিনাপচযগামিং ধম্মং পটিচ্চ নেৱাচযগামিনাপচযগামী ধম্মো… একং (পটিসন্ধি নত্থি); একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

আচযগামিঞ্চ নেৱাচযগামিনাপচযগামিঞ্চ ধম্মং পটিচ্চ নেৱাচযগামিনাপচযগামী ধম্মো উপ্পজ্জতি অধিপতিপচ্চযা – আচযগামী খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অপচযগামিঞ্চ নেৱাচযগামিনাপচযগামিঞ্চ ধম্মং পটিচ্চ নেৱাচযগামিনাপচযগামী ধম্মো উপ্পজ্জতি অধিপতিপচ্চযা – অপচযগামী খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অনন্তৰপচ্চযাদি

৬. আচযগামিং ধম্মং পটিচ্চ, আচযগামী ধম্মো উপ্পজ্জতি অনন্তৰপচ্চযা… সমনন্তৰপচ্চযা … সহজাতপচ্চযা (সব্বেপি মহাভূতা কাতব্বা)… অঞ্ঞমঞ্ঞপচ্চযা (চিত্তসমুট্ঠানম্পি কটত্তাৰূপম্পি উপাদাৰূপম্পি নত্থি)… নিস্সযপচ্চযা… উপনিস্সযপচ্চযা… পুৰেজাতপচ্চযা… আসেৱনপচ্চযা… কম্মপচ্চযা… ৱিপাকপচ্চযা… আহাৰপচ্চযা… ইন্দ্ৰিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৱিপ্পযুত্তপচ্চযা… অত্থিপচ্চযা… নত্থিপচ্চযা… ৱিগতপচ্চযা… অৱিগতপচ্চযা….