অৰূপাৱচৰকুসলং

চত্তাৰি অৰূপঝানানি [অৰূপজ্ঝানানি (সী. স্যা.)] সোড়সক্খত্তুকানি

২৬৫. কতমে ধম্মা কুসলা? যস্মিং সমযে অৰূপূপপত্তিযা মগ্গং ভাৱেতি সব্বসো ৰূপসঞ্ঞানং সমতিক্কমা পটিঘসঞ্ঞানং অত্থঙ্গমা নানত্তসঞ্ঞানং অমনসিকাৰা আকাসানঞ্চাযতনসঞ্ঞাসহগতং সুখস্স চ পহানা…পে… চতুত্থং ঝানং উপসম্পজ্জ ৱিহৰতি উপেক্খাসহগতং, তস্মিং সমযে ফস্সো হোতি…পে… অৱিক্খেপো হোতি…পে… ইমে ধম্মা কুসলা.

২৬৬. কতমে ধম্মা কুসলা? যস্মিং সমযে অৰূপূপপত্তিযা মগ্গং ভাৱেতি সব্বসো আকাসানঞ্চাযতনং সমতিক্কম্ম ৱিঞ্ঞাণঞ্চাযতনসঞ্ঞাসহগতং সুখস্স চ পহানা…পে… চতুত্থং ঝানং উপসম্পজ্জ ৱিহৰতি উপেক্খাসহগতং, তস্মিং সমযে ফস্সো হোতি…পে… অৱিক্খেপো হোতি…পে… ইমে ধম্মা কুসলা.

২৬৭. কতমে ধম্মা কুসলা? যস্মিং সমযে অৰূপূপপত্তিযা মগ্গং ভাৱেতি সব্বসো ৱিঞ্ঞাণঞ্চাযতনং সমতিক্কম্ম আকিঞ্চঞ্ঞাযতনসঞ্ঞাসহগতং সুখস্স চ পহানা…পে… চতুত্থং ঝানং উপসম্পজ্জ ৱিহৰতি উপেক্খাসহগতং, তস্মিং সমযে ফস্সো হোতি…পে… অৱিক্খেপো হোতি…পে… ইমে ধম্মা কুসলা.

২৬৮. কতমে ধম্মা কুসলা? যস্মিং সমযে অৰূপূপপত্তিযা মগ্গং ভাৱেতি সব্বসো আকিঞ্চঞ্ঞাযতনং সমতিক্কম্ম নেৱসঞ্ঞানাসঞ্ঞাযতনসঞ্ঞাসহগতং সুখস্স চ পহানা…পে… চতুত্থং ঝানং উপসম্পজ্জ ৱিহৰতি উপেক্খাসহগতং, তস্মিং সমযে ফস্সো হোতি…পে… অৱিক্খেপো হোতি…পে… ইমে ধম্মা কুসলা.

চত্তাৰি অৰূপঝানানি সোড়সক্খত্তুকানি.

অৰূপাৱচৰকুসলং.