৯. নৱমনযো

৯. সম্পযুত্তেনসম্পযুত্তপদনিদ্দেসো

৩১৯. ৱেদনাক্খন্ধেন যে ধম্মা… সঞ্ঞাক্খন্ধেন যে ধম্মা… সঙ্খাৰক্খন্ধেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩২০. ৱিঞ্ঞাণক্খন্ধেন যে ধম্মা… মনাযতনেন যে ধম্মা… চক্খুৱিঞ্ঞাণধাতুযা যে ধম্মা…পে… মনোধাতুযা যে ধম্মা… মনোৱিঞ্ঞাণধাতুযা যে ধম্মা সম্পযুত্তা, তেহি ধম্মেহি যে ধম্মা সম্পযুত্তা…পে… তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩২১. সমুদযসচ্চেন যে ধম্মা… মগ্গসচ্চেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩২২. মনিন্দ্ৰিযেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩২৩. সুখিন্দ্ৰিযেন যে ধম্মা… দুক্খিন্দ্ৰিযেন যে ধম্মা… সোমনস্সিন্দ্ৰিযেন যে ধম্মা … দোমনস্সিন্দ্ৰিযেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেনাযতনেন একায ধাতুযা কেহিচি সম্পযুত্তা.

৩২৪. উপেক্খিন্দ্ৰিযেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন ছহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩২৫. সদ্ধিন্দ্ৰিযেন যে ধম্মা… ৱীৰিযিন্দ্ৰিযেন যে ধম্মা… সতিন্দ্ৰিযেন যে ধম্মা… সমাধিন্দ্ৰিযেন যে ধম্মা… পঞ্ঞিন্দ্ৰিযেন যে ধম্মা… অনঞ্ঞাতঞ্ঞস্সামীতিন্দ্ৰিযেন যে ধম্মা… অঞ্ঞিন্দ্ৰিযেন যে ধম্মা… অঞ্ঞাতাৱিন্দ্ৰিযেন যে ধম্মা… অৱিজ্জায যে ধম্মা… অৱিজ্জাপচ্চযা সঙ্খাৰেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩২৬. সঙ্খাৰপচ্চযা ৱিঞ্ঞাণেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩২৭. সড়াযতনপচ্চযা ফস্সেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩২৮. ফস্সপচ্চযা ৱেদনায যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩২৯. ৱেদনাপচ্চযা তণ্হায যে ধম্মা… তণ্হাপচ্চযা উপাদানেন যে ধম্মা… কম্মভৱেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৩০. সোকেন যে ধম্মা… দুক্খেন যে ধম্মা… দোমনস্সেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেনাযতনেন একায ধাতুযা কেহিচি সম্পযুত্তা.

৩৩১. উপাযাসেন যে ধম্মা… সতিপট্ঠানেন যে ধম্মা… সম্মপ্পধানেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৩২. ইদ্ধিপাদেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা দ্ৱীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩৩৩. ঝানেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা দ্ৱীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৩৪. অপ্পমঞ্ঞায যে ধম্মা… পঞ্চহি ইন্দ্ৰিযেহি যে ধম্মা … পঞ্চহি বলেহি যে ধম্মা… সত্তহি বোজ্ঝঙ্গেহি যে ধম্মা… অৰিযেন অট্ঠঙ্গিকেন মগ্গেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৩৫. ফস্সেন যে ধম্মা… চেতনায যে ধম্মা… মনসিকাৰেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৩৬. ৱেদনায যে ধম্মা… সঞ্ঞায যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩৩৭. চিত্তেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩৩৮. অধিমোক্খেন যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন দ্ৱীহি ধাতূহি সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৩৯. সুখায ৱেদনায সম্পযুত্তেহি ধম্মেহি যে ধম্মা… দুক্খায ৱেদনায সম্পযুত্তেহি ধম্মেহি যে ধম্মা… অদুক্খমসুখায ৱেদনায সম্পযুত্তেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা.

৩৪০. সৱিতক্কসৱিচাৰেহি ধম্মেহি যে ধম্মা… অৱিতক্কৱিচাৰমত্তেহি ধম্মেহি যে ধম্মা… পীতিসহগতেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা.

৩৪১. সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা.

৩৪২. হেতূহি ধম্মেহি যে ধম্মা… হেতূহি চেৱ সহেতুকেহি চ ধম্মেহি যে ধম্মা… হেতূহি চেৱ হেতুসম্পযুত্তেহি চ ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৪৩. সহেতুকেহি চেৱ ন চ হেতূহি ধম্মেহি যে ধম্মা… হেতুসম্পযুত্তেহি চেৱ ন চ হেতূহি ধম্মেহি যে ধম্মা… ন হেতুসহেতুকেহি ধম্মেহি যে ধম্মা সম্পযুত্তা, তেহি ধম্মেহি [ন হেতূহি সহেতুকেহি (বহূসু)] যে ধম্মা সম্পযুত্তা… তে ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা.

৩৪৪. আসৱেহি ধম্মেহি যে ধম্মা… আসৱেহি চেৱ সাসৱেহি চ ধম্মেহি যে ধম্মা… আসৱেহি চেৱ আসৱসম্পযুত্তেহি চ ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৪৫. আসৱসম্পযুত্তেহি চেৱ নো চ আসৱেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা.

৩৪৬. সংযোজনেহি… গন্থেহি… ওঘেহি… যোগেহি… নীৱৰণেহি… পৰামাসেহি ধম্মেহি যে ধম্মা… পৰামাসেহি চেৱ পৰামট্ঠেহি চ ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৪৭. পৰামাসসম্পযুত্তেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা.

৩৪৮. চিত্তেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা.

৩৪৯. চেতসিকেহি ধম্মেহি যে ধম্মা… চিত্তসম্পযুত্তেহি ধম্মেহি যে ধম্মা… চিত্তসংসট্ঠেহি ধম্মেহি যে ধম্মা… চিত্তসংসট্ঠসমুট্ঠানেহি ধম্মেহি যে ধম্মা… চিত্তসংসট্ঠসমুট্ঠানসহভূহি ধম্মেহি যে ধম্মা… চিত্তসংসট্ঠসমুট্ঠানানুপৰিৱত্তীহি ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন সত্তহি ধাতূহি সম্পযুত্তা.

৩৫০. উপাদানেহি ধম্মেহি যে ধম্মা… কিলেসেহি ধম্মেহি যে ধম্মা… কিলেসেহি চেৱ সংকিলেসিকেহি চ ধম্মেহি যে ধম্মা… কিলেসেহি চেৱ সংকিলিট্ঠেহি চ ধম্মেহি যে ধম্মা… কিলেসেহি চেৱ কিলেসসম্পযুত্তেহি চ ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা.

৩৫১. সংকিলিট্ঠেহি চেৱ নো চ কিলেসেহি ধম্মেহি যে ধম্মা… কিলেসসম্পযুত্তেহি চেৱ নো চ কিলেসেহি ধম্মেহি যে ধম্মা… সৱিতক্কেহি ধম্মেহি যে ধম্মা… সৱিচাৰেহি ধম্মেহি যে ধম্মা… সপ্পীতিকেহি ধম্মেহি যে ধম্মা… পীতিসহগতেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা.

৩৫২. সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা সম্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা.

অৰূপক্খন্ধা চত্তাৰো, মনাযতনমেৱ চ;

ৱিঞ্ঞাণধাতুযো সত্ত, দ্ৱে সচ্চা চুদ্দসিন্দ্ৰিযা.

পচ্চযে দ্ৱাদস পদা, ততো উপৰি সোড়স;

তিকেসু অট্ঠ গোচ্ছকে, তেচত্তালীসমেৱ চ.

মহন্তৰদুকে সত্ত, পদা পিট্ঠি দুকেসু ছ;

নৱমস্স পদস্সেতে, নিদ্দেসে সঙ্গহং গতাতি.

সম্পযুত্তেনসম্পযুত্তপদনিদ্দেসো নৱমো.