৭. সম্পযুত্তেনৱিপ্পযুত্তপদনিদ্দেসো

৩০৬. ৱেদনাক্খন্ধেন যে ধম্মা… সঞ্ঞাক্খন্ধেন যে ধম্মা… সঙ্খাৰক্খন্ধেন যে ধম্মা… ৱিঞ্ঞাণক্খন্ধেন যে ধম্মা… মনাযতনেন যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি ৱিপ্পযুত্তা? তে ধম্মা চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৩০৭. চক্খুৱিঞ্ঞাণধাতুযা যে ধম্মা…পে… মনোধাতুযা যে ধম্মা… মনোৱিঞ্ঞাণধাতুযা যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৱিপ্পযুত্তা.

৩০৮. মনিন্দ্ৰিযেন যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৩০৯. উপেক্খিন্দ্ৰিযেন যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি পঞ্চহি ধাতূহি ৱিপ্পযুত্তা.

৩১০. সঙ্খাৰপচ্চযা ৱিঞ্ঞাণেন যে ধম্মা… সড়াযতনপচ্চযা ফস্সেন যে ধম্মা… ফস্সপচ্চযা ৱেদনায যে ধম্মা… ফস্সেন যে ধম্মা… ৱেদনায যে ধম্মা… সঞ্ঞায যে ধম্মা… চেতনায যে ধম্মা… চিত্তেন যে ধম্মা… মনসিকাৰেন যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৩১১. অধিমোক্খেন যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৱিপ্পযুত্তা.

৩১২. অদুক্খমসুখায ৱেদনায সম্পযুত্তেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি পঞ্চহি ধাতূহি ৱিপ্পযুত্তা.

৩১৩. সৱিতক্কসৱিচাৰেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৱিপ্পযুত্তা.

৩১৪. চিত্তেহি ধম্মেহি যে ধম্মা… চেতসিকেহি ধম্মেহি যে ধম্মা… চিত্তসম্পযুত্তেহি ধম্মেহি যে ধম্মা … চিত্তসংসট্ঠেহি ধম্মেহি যে ধম্মা… চিত্তসংসট্ঠসমুট্ঠানেহি ধম্মেহি যে ধম্মা… চিত্তসংসট্ঠসমুট্ঠানসহভূহি ধম্মেহি যে ধম্মা… চিত্তসংসট্ঠসমুট্ঠানানুপৰিৱত্তীহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৩১৫. সৱিতক্কেহি ধম্মেহি যে ধম্মা… সৱিচাৰেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৱিপ্পযুত্তা.

৩১৬. উপেক্খাসহগতেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৱিপ্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি ৱিপ্পযুত্তা? তে ধম্মা ন কেহিচি খন্ধেহি ন কেহিচি আযতনেহি পঞ্চহি ধাতূহি ৱিপ্পযুত্তা.

খন্ধা চতুৰো আযতনঞ্চ মেকং;

ধাতূসু সত্ত দ্ৱেপি চ ইন্দ্ৰিযতো.

তযো পটিচ্চ তথৰিৱ ফস্সপঞ্চমা;

অধিমুচ্চনা মনসি তিকেসু তীণি.

সত্তন্তৰা দ্ৱে চ মনেন যুত্তা;

ৱিতক্কৱিচাৰণা উপেক্খকায চাতি.

সম্পযুত্তেনৱিপ্পযুত্তপদনিদ্দেসো সত্তমো.