৬. ছট্ঠনযো

৬. সম্পযোগৱিপ্পযোগপদনিদ্দেসো

১. খন্ধো

২২৮. ৰূপক্খন্ধো কতিহি খন্ধেহি কতিহাযতনেহি কতিহি ধাতূহি সম্পযুত্তোতি? নত্থি. কতিহি ৱিপ্পযুত্তো? চতূহি খন্ধেহি একেনাযতনেন সত্তহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২২৯. ৱেদনাক্খন্ধো… সঞ্ঞাক্খন্ধো… সঙ্খাৰক্খন্ধো তীহি খন্ধেহি একেনাযতনেন সত্তহি ধাতূহি সম্পযুত্তো; একেনাযতনেন একায ধাতুযা কেহিচি সম্পযুত্তো. কতিহি ৱিপ্পযুত্তো? একেন খন্ধেন দসহাযতনেহি দসহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২৩০. ৱিঞ্ঞাণক্খন্ধো তীহি খন্ধেহি সম্পযুত্তো; একেনাযতনেন একায ধাতুযা কেহিচি সম্পযুত্তো. কতিহি ৱিপ্পযুত্তো? একেন খন্ধেন দসহাযতনেহি দসহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২. আযতনং

২৩১. চক্খাযতনং…পে… ফোট্ঠব্বাযতনং…পে… সম্পযুত্তন্তি? নত্থি. কতিহি ৱিপ্পযুত্তং? চতূহি খন্ধেহি একেনাযতনেন সত্তহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৩২. মনাযতনং তীহি খন্ধেহি সম্পযুত্তং; একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি দসহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

৩. ধাতু

২৩৩. চক্খুধাতু …পে… ফোট্ঠব্বধাতু…পে… সম্পযুত্তাতি? নত্থি. কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৩৪. চক্খুৱিঞ্ঞাণধাতু…পে… মনোধাতু… মনোৱিঞ্ঞাণধাতু তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪. সচ্চাদি

২৩৫. সমুদযসচ্চং… মগ্গসচ্চং তীহি খন্ধেহি একেনাযতনেন একায ধাতুযা সম্পযুত্তং; একেন খন্ধেন একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি সোড়সহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৩৬. নিৰোধসচ্চং… চক্খুন্দ্ৰিযং…পে… কাযিন্দ্ৰিযং… ইত্থিন্দ্ৰিযং… পুৰিসিন্দ্ৰিযং…পে… সম্পযুত্তন্তি? নত্থি. কতিহি ৱিপ্পযুত্তং? চতূহি খন্ধেহি একেনাযতনেন সত্তহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৩৭. মনিন্দ্ৰিযং তীহি খন্ধেহি সম্পযুত্তং; একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি দসহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৩৮. সুখিন্দ্ৰিযং… দুক্খিন্দ্ৰিযং… সোমনস্সিন্দ্ৰিযং… দোমনস্সিন্দ্ৰিযং তীহি খন্ধেহি একেনাযতনেন একায ধাতুযা সম্পযুত্তং; একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি সোড়সহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৩৯. উপেক্খিন্দ্ৰিযং তীহি খন্ধেহি একেনাযতনেন ছহি ধাতূহি সম্পযুত্তং; একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি একাদসহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৪০. সদ্ধিন্দ্ৰিযং… ৱীৰিযিন্দ্ৰিযং… সতিন্দ্ৰিযং… সমাধিন্দ্ৰিযং… পঞ্ঞিন্দ্ৰিযং… অনঞ্ঞাতঞ্ঞস্সামীতিন্দ্ৰিযং… অঞ্ঞিন্দ্ৰিযং… অঞ্ঞাতাৱিন্দ্ৰিযং… অৱিজ্জা… অৱিজ্জাপচ্চযা সঙ্খাৰা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৪১. সঙ্খাৰপচ্চযা ৱিঞ্ঞাণং তীহি খন্ধেহি সম্পযুত্তং; একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি দসহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৪২. সড়াযতনপচ্চযা ফস্সো তীহি খন্ধেহি একেনাযতনেন সত্তহি ধাতূহি সম্পযুত্তো; একেন খন্ধেন একেনাযতনেন একায ধাতুযা কেহিচি সম্পযুত্তো. কতিহি ৱিপ্পযুত্তো? একেন খন্ধেন দসহাযতনেহি দসহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২৪৩. ফস্সপচ্চযা ৱেদনা তীহি খন্ধেহি একেনাযতনেন সত্তহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৪৪. ৱেদনাপচ্চযা তণ্হা… তণ্হাপচ্চযা উপাদানং… কম্মভৱো তীহি খন্ধেহি একেনাযতনেন একায ধাতুযা সম্পযুত্তো; একেন খন্ধেন একেনাযতনেন একায ধাতুযা কেহিচি সম্পযুত্তো. কতিহি ৱিপ্পযুত্তো? একেন খন্ধেন দসহাযতনেহি সোড়সহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২৪৫. ৰূপভৱো…পে… সম্পযুত্তোতি? নত্থি. কতিহি ৱিপ্পযুত্তো? ন কেহিচি খন্ধেহি ন কেহিচি আযতনেহি তীহি ধাতূহি ৱিপ্পযুত্তো.

২৪৬. অৰূপভৱো… নেৱসঞ্ঞানাসঞ্ঞাভৱো… চতুৱোকাৰভৱো…পে… সম্পযুত্তোতি? নত্থি. কতিহি ৱিপ্পযুত্তো? একেন খন্ধেন দসহাযতনেহি সোড়সহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২৪৭. অসঞ্ঞাভৱো… একৱোকাৰভৱো… পৰিদেৱো…পে… সম্পযুত্তোতি? নত্থি. কতিহি ৱিপ্পযুত্তো? চতূহি খন্ধেহি একেনাযতনেন সত্তহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২৪৮. সোকো… দুক্খং… দোমনস্সং তীহি খন্ধেহি একেনাযতনেন একায ধাতুযা সম্পযুত্তং; একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি সোড়সহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৪৯. উপাযাসো… সতিপট্ঠানং… সম্মপ্পধানং তীহি খন্ধেহি একেনাযতনেন একায ধাতুযা সম্পযুত্তং; একেন খন্ধেন একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি সোড়সহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৫০. ইদ্ধিপাদো দ্ৱীহি খন্ধেহি সম্পযুত্তো; একেন খন্ধেন একেনাযতনেন একায ধাতুযা কেহিচি সম্পযুত্তো. কতিহি ৱিপ্পযুত্তো? একেন খন্ধেন দসহাযতনেহি সোড়সহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২৫১. ঝানং দ্ৱীহি খন্ধেহি একেনাযতনেন একায ধাতুযা সম্পযুত্তং; একেন খন্ধেন একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি সোড়সহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৫২. অপ্পমঞ্ঞা… পঞ্চিন্দ্ৰিযানি… পঞ্চ বলানি… সত্ত বোজ্ঝঙ্গা… অৰিযো অট্ঠঙ্গিকো মগ্গো তীহি খন্ধেহি একেনাযতনেন একায ধাতুযা সম্পযুত্তো; একেন খন্ধেন একেনাযতনেন একায ধাতুযা কেহিচি সম্পযুত্তো. কতিহি ৱিপ্পযুত্তো? একেন খন্ধেন দসহাযতনেহি সোড়সহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২৫৩. ফস্সো … চেতনা… মনসিকাৰো তীহি খন্ধেহি একেনাযতনেন সত্তহি ধাতূহি সম্পযুত্তো; একেন খন্ধেন একেনাযতনেন একায ধাতুযা কেহিচি সম্পযুত্তো. কতিহি ৱিপ্পযুত্তো? একেন খন্ধেন দসহাযতনেহি দসহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

২৫৪. ৱেদনা… সঞ্ঞা তীহি খন্ধেহি একেনাযতনেন সত্তহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৫৫. চিত্তং তীহি খন্ধেহি সম্পযুত্তং; একেনাযতনেন একায ধাতুযা কেহিচি সম্পযুত্তং. কতিহি ৱিপ্পযুত্তং? একেন খন্ধেন দসহাযতনেহি দসহি ধাতূহি ৱিপ্পযুত্তং; একেনাযতনেন একায ধাতুযা কেহিচি ৱিপ্পযুত্তং.

২৫৬. অধিমোক্খো তীহি খন্ধেহি একেনাযতনেন দ্ৱীহি ধাতূহি সম্পযুত্তো; একেন খন্ধেন একেনাযতনেন একায ধাতুযা কেহিচি সম্পযুত্তো. কতিহি ৱিপ্পযুত্তো? একেন খন্ধেন দসহাযতনেহি পন্নৰসহি ধাতূহি ৱিপ্পযুত্তো; একেনাযতনেন একায ধাতুযা কেহিচি ৱিপ্পযুত্তো.

৫. তিকং

২৫৭. কুসলা ধম্মা… অকুসলা ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৫৮. সুখায ৱেদনায সম্পযুত্তা ধম্মা… দুক্খায ৱেদনায সম্পযুত্তা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি পন্নৰসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৫৯. অদুক্খমসুখায ৱেদনায সম্পযুত্তা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি একাদসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৬০. ৱিপাকা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৬১. ৱিপাকধম্মধম্মা… সংকিলিট্ঠসংকিলেসিকা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৬২. নেৱৱিপাকনৱিপাকধম্মধম্মা… অনুপাদিন্নুপাদানিযা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি পঞ্চহি ধাতূহি ৱিপ্পযুত্তা.

২৬৩. অনুপাদিন্নঅনুপাদানিযা ধম্মা… অসংকিলিট্ঠঅসংকিলেসিকা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৱিপ্পযুত্তা.

২৬৪. সৱিতক্কসৱিচাৰা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি পন্নৰসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৬৫. অৱিতক্কৱিচাৰমত্তা ধম্মা… পীতিসহগতা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৬৬. অৱিতক্কঅৱিচাৰা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি একায ধাতুযা ৱিপ্পযুত্তা.

২৬৭. সুখসহগতা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি পন্নৰসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৬৮. উপেক্খাসহগতা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি একাদসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৬৯. দস্সনেন পহাতব্বা ধম্মা ভাৱনায পহাতব্বা ধম্মা… দস্সনেন পহাতব্বহেতুকা ধম্মা… ভাৱনায পহাতব্বহেতুকা ধম্মা… আচযগামিনো ধম্মা… অপচযগামিনো ধম্মা… সেক্খা ধম্মা… অসেক্খা ধম্মা… মহগ্গতা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৭০. অপ্পমাণা ধম্মা… পণীতা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৱিপ্পযুত্তা.

২৭১. পৰিত্তাৰম্মণা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৭২. মহগ্গতাৰম্মণা ধম্মা… অপ্পমাণাৰম্মণা ধম্মা… হীনা ধম্মা… মিচ্ছত্তনিযতা ধম্মা… সম্মত্তনিযতা ধম্মা… মগ্গাৰম্মণা ধম্মা… মগ্গহেতুকা ধম্মা… মগ্গাধিপতিনো ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৭৩. অনুপ্পন্না ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি পঞ্চহি ধাতূহি ৱিপ্পযুত্তা.

২৭৪. অতীতাৰম্মণা ধম্মা…পে… অনাগতাৰম্মণা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৭৫. পচ্চুপ্পন্নাৰম্মণা ধম্মা… অজ্ঝত্তাৰম্মণা ধম্মা… বহিদ্ধাৰম্মণা ধম্মা… অজ্ঝত্তবহিদ্ধাৰম্মণা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৭৬. সনিদস্সনসপ্পটিঘা ধম্মা… অনিদস্সনসপ্পটিঘা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৬. দুকং

২৭৭. হেতূ ধম্মা… হেতূ চেৱ সহেতুকা চ ধম্মা… হেতূ চেৱ হেতুসম্পযুত্তা চ ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৭৮. সহেতুকা ধম্মা… হেতুসম্পযুত্তা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৭৯. সহেতুকা চেৱ ন চ হেতূ ধম্মা… হেতুসম্পযুত্তা চেৱ ন চ হেতূ ধম্মা… ন হেতুসহেতুকা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৮০. অপ্পচ্চযা ধম্মা… অসঙ্খতা ধম্মা… সনিদস্সনা ধম্মা… সপ্পটিঘা ধম্মা… ৰূপিনো ধম্মা…পে… সম্পযুত্তাতি? নত্থি. কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৮১. লোকুত্তৰা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৱিপ্পযুত্তা.

২৮২. আসৱা ধম্মা… আসৱা চেৱ সাসৱা চ ধম্মা… আসৱা চেৱ আসৱসম্পযুত্তা চ ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৮৩. অনাসৱা ধম্মা… আসৱৱিপ্পযুত্তা অনাসৱা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৱিপ্পযুত্তা.

২৮৪. আসৱসম্পযুত্তা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৮৫. আসৱসম্পযুত্তা চেৱ নো চ আসৱা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৮৬. সংযোজনা ধম্মা… গন্থা ধম্মা… ওঘা ধম্মা… যোগা ধম্মা… নীৱৰণা ধম্মা… পৰামাসা ধম্মা… পৰামাসা চেৱ পৰামট্ঠা চ ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৮৭. অপৰামট্ঠা ধম্মা… পৰামাসৱিপ্পযুত্তা অপৰামট্ঠা ধম্মা সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৱিপ্পযুত্তা.

২৮৮. পৰামাসসম্পযুত্তা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৮৯. সাৰম্মণা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৯০. অনাৰম্মণা ধম্মা… চিত্তৱিপ্পযুত্তা ধম্মা… চিত্তৱিসংসট্ঠা ধম্মা… উপাদা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৯১. চিত্তা ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৯২. চেতসিকা ধম্মা… চিত্তসম্পযুত্তা ধম্মা… চিত্তসংসট্ঠা ধম্মা… চিত্তসংসট্ঠসমুট্ঠানা ধম্মা… চিত্তসংসট্ঠসমুট্ঠানসহভুনো ধম্মা… চিত্তসংসট্ঠসমুট্ঠানানুপৰিৱত্তিনো ধম্মা একেন খন্ধেন একেনাযতনেন সত্তহি ধাতূহি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৯৩. অনুপাদিন্না ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি পঞ্চহি ধাতূহি ৱিপ্পযুত্তা.

২৯৪. উপাদানা ধম্মা… কিলেসা ধম্মা… কিলেসা চেৱ সংকিলেসিকা চ ধম্মা… কিলেসা চেৱ সংকিলিট্ঠা চ ধম্মা… কিলেসা চেৱ কিলেসসম্পযুত্তা চ ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৯৫. অসংকিলেসিকা ধম্মা… কিলেসৱিপ্পযুত্তা অসংকিলেসিকা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৱিপ্পযুত্তা.

২৯৬. সংকিলিট্ঠা ধম্মা… কিলেসসম্পযুত্তা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৯৭. সংকিলিট্ঠা চেৱ নো চ কিলেসা ধম্মা… কিলেসসম্পযুত্তা চেৱ নো চ কিলেসা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৯৮. দস্সনেন পহাতব্বা ধম্মা… ভাৱনায পহাতব্বা ধম্মা… দস্সনেন পহাতব্বহেতুকা ধম্মা… ভাৱনায পহাতব্বহেতুকা ধম্মা… সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

২৯৯. সৱিতক্কা ধম্মা… সৱিচাৰা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি পন্নৰসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৩০০. অৱিতক্কা ধম্মা… অৱিচাৰা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি একায ধাতুযা ৱিপ্পযুত্তা.

৩০১. সপ্পীতিকা ধম্মা… পীতিসহগতা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৩০২. সুখসহগতা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি পন্নৰসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৩০৩. উপেক্খাসহগতা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি একাদসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৩০৪. ন কামাৱচৰা ধম্মা… অপৰিযাপন্না ধম্মা… অনুত্তৰা ধম্মা…পে… সম্পযুত্তাতি? নত্থি. কতিহি ৱিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৱিপ্পযুত্তা.

৩০৫. ৰূপাৱচৰা ধম্মা… অৰূপাৱচৰা ধম্মা… নিয্যানিকা ধম্মা… নিযতা ধম্মা… সৰণা ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৱিপ্পযুত্তা? একেন খন্ধেন দসহাযতনেহি সোড়সহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

ধম্মাযতনং ধম্মধাতু, দুক্খসচ্চঞ্চ জীৱিতং;

সড়াযতনং নামৰূপং, চত্তাৰো চ মহাভৱা.

জাতি জৰা চ মৰণং, তিকেস্ৱেকূনৱীসতি;

গোচ্ছকেসু চ পঞ্ঞাস, অট্ঠ চূড়ন্তৰে পদা.

মহন্তৰে পন্নৰস, অট্ঠাৰস ততো পৰে;

তেৱীস পদসতং এতং, সম্পযোগে ন লব্ভতীতি.

সম্পযোগৱিপ্পযোগপদনিদ্দেসো ছট্ঠো.