২. সঙ্গহিতেনঅসঙ্গহিতপদনিদ্দেসো

১৭১. চক্খাযতনেন যে ধম্মা… ফোট্ঠব্বাযতনেন যে ধম্মা… চক্খুধাতুযা যে ধম্মা… ফোট্ঠব্বধাতুযা যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি অসঙ্গহিতা? তে ধম্মা চতূহি খন্ধেহি দ্ৱীহাযতনেহি অট্ঠহি ধাতূহি অসঙ্গহিতা.

১৭২. চক্খুৱিঞ্ঞাণধাতুযা যে ধম্মা… সোতৱিঞ্ঞাণধাতুযা যে ধম্মা… ঘানৱিঞ্ঞাণধাতুযা যে ধম্মা… জিৱ্হাৱিঞ্ঞাণধাতুযা যে ধম্মা… কাযৱিঞ্ঞাণধাতুযা যে ধম্মা… মনোধাতুযা যে ধম্মা… মনোৱিঞ্ঞাণধাতুযা যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি একাদসহাযতনেহি দ্ৱাদসহি ধাতূহি অসঙ্গহিতা.

১৭৩. চক্খুন্দ্ৰিযেন যে ধম্মা… সোতিন্দ্ৰিযেন যে ধম্মা… ঘানিন্দ্ৰিযেন যে ধম্মা… জিৱ্হিন্দ্ৰিযেন যে ধম্মা… কাযিন্দ্ৰিযেন যে ধম্মা… ইত্থিন্দ্ৰিযেন যে ধম্মা… পুৰিসিন্দ্ৰিযেন যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি দ্ৱীহাযতনেহি অট্ঠহি ধাতূহি অসঙ্গহিতা.

১৭৪. অসঞ্ঞাভৱেন যে ধম্মা… একৱোকাৰভৱেন যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি তীহাযতনেহি নৱহি ধাতূহি অসঙ্গহিতা.

১৭৫. পৰিদেৱেন যে ধম্মা… সনিদস্সনসপ্পটিঘেহি ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি দ্ৱীহাযতনেহি অট্ঠহি ধাতূহি অসঙ্গহিতা.

১৭৬. অনিদস্সনসপ্পটিঘেহি ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি দসহাযতনেহি সোড়সহি ধাতূহি অসঙ্গহিতা.

১৭৭. সনিদস্সনেহি ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি দ্ৱীহাযতনেহি অট্ঠহি ধাতূহি অসঙ্গহিতা.

১৭৮. সপ্পটিঘেহি ধম্মেহি যে ধম্মা… উপাদাধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি অসঙ্গহিতা? তে ধম্মা চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

দসাযতনা সত্তৰস ধাতুযো,

সত্তিন্দ্ৰিযা অসঞ্ঞাভৱো একৱোকাৰভৱো;

পৰিদেৱো সনিদস্সনসপ্পটিঘং,

অনিদস্সনং পুনদেৱ [পুনৰেৱ (পী.)] সপ্পটিঘং উপাদাতি.

সঙ্গহিতেনঅসঙ্গহিতপদনিদ্দেসো দুতিযো.