৩. ধাতু

৩১. চক্খুধাতু কতিহি খন্ধেহি কতিহাযতনেহি কতিহি ধাতূহি সঙ্গহিতা? চক্খুধাতু একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৩২. সোতধাতু… ঘানধাতু… জিৱ্হাধাতু… কাযধাতু… ৰূপধাতু… সদ্দধাতু… গন্ধধাতু… ৰসধাতু… ফোট্ঠব্বধাতু… চক্খুৱিঞ্ঞাণধাতু… সোতৱিঞ্ঞাণধাতু… ঘানৱিঞ্ঞাণধাতু… জিৱ্হাৱিঞ্ঞাণধাতু… কাযৱিঞ্ঞাণধাতু… মনোধাতু… মনোৱিঞ্ঞাণধাতু একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৩৩. ধম্মধাতু অসঙ্খতং খন্ধতো ঠপেত্ৱা চতূহি খন্ধেহি একেনাযতনেন একায ধাতুযা সঙ্গহিতা. কতিহি অসঙ্গহিতা? একেন খন্ধেন একাদসহাযতনেহি সত্তৰসহি ধাতূহি অসঙ্গহিতা.

(একমূলকং.)

৩৪. চক্খুধাতু চ সোতধাতু চ একেন খন্ধেন দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি দসহাযতনেহি সোড়সহি ধাতূহি অসঙ্গহিতা.

৩৫. চক্খুধাতু চ ঘানধাতু চ… চক্খুধাতু চ জিৱ্হাধাতু চ… চক্খুধাতু চ কাযধাতু চ… চক্খুধাতু চ ৰূপধাতু চ… চক্খুধাতু চ সদ্দধাতু চ… চক্খুধাতু চ গন্ধধাতু চ… চক্খুধাতু চ ৰসধাতু চ… চক্খুধাতু চ ফোট্ঠব্বধাতু চ একেন খন্ধেন দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি দসহাযতনেহি সোড়সহি ধাতূহি অসঙ্গহিতা.

৩৬. চক্খুধাতু চ চক্খুৱিঞ্ঞাণধাতু চ দ্ৱীহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? তীহি খন্ধেহি দসহাযতনেহি সোড়সহি ধাতূহি অসঙ্গহিতা.

৩৭. চক্খুধাতু চ সোতৱিঞ্ঞাণধাতু চ… চক্খুধাতু চ ঘানৱিঞ্ঞাণধাতু চ… চক্খুধাতু চ জিৱ্হাৱিঞ্ঞাণধাতু চ… চক্খুধাতু চ কাযৱিঞ্ঞাণধাতু চ… চক্খুধাতু চ মনোধাতু চ… চক্খুধাতু চ মনোৱিঞ্ঞাণধাতু চ দ্ৱীহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? তীহি খন্ধেহি দসহাযতনেহি সোড়সহি ধাতূহি অসঙ্গহিতা.

৩৮. চক্খুধাতু চ ধম্মধাতু চ অসঙ্খতং খন্ধতো ঠপেত্ৱা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

(দুকমূলকং.)

৩৯. অট্ঠাৰস ধাতুযো কতিহি খন্ধেহি কতিহাযতনেহি কতিহি ধাতূহি সঙ্গহিতা? অট্ঠাৰস ধাতুযো অসঙ্খতং খন্ধতো ঠপেত্ৱা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

(অট্ঠাৰসকং.)