নমো তস্স ভগৱতো অৰহতো সম্মাসম্বুদ্ধস্স.

ৱেস্সন্তৰাগীতি

[ক]

বাত্তিংসলক্খণূপেত,

দাতব্বং দদতং ৱৰ;

ৱেস্সন্তৰত্ত মাপাদি,

সঞ্চৰং ভৱসাগৰে.

[খ]

দ্ৱন্দংদ্ৱন্দং সঞ্চৰন্তী,

জনানন্দে যসোধীৰে;

মদ্দিত্তং সমুপাগঞ্ছি,

ত্ৱংপিতেন ভৱণ্ণৱে.

[গ]

তুম্হংদানি পৱক্খামি,

উপত্তিং নন্দিনিং তহিং;

দজ্জহ্ৱোৱো মমোকাসং,

কৱযো প্যাভিনন্দথ.

১. একনৱুতেহিতো কপ্পে,

ৱিপস্সীনাম নাযকো;

ৱিনেয্যে তাৰযংখেমং,

লোকে উপ্পজ্জিচক্খুমা.

২. খেমাৰামম্হি সম্বুদ্ধো,

মিগদাযে মনোৰমে;

নিস্সায বন্ধুমতিংসো,

ৱিহাসি নগৰংতদা.

৩. ৰজ্জংধম্মেন কাৰেসি,

নগৰেতম্হি বন্ধুমা;

ৰাজাতস্স দুৱেধীতা,

আসুং সব্বঙ্গসোভণা.

৪. একোহি একদাৰাজা,

বন্ধুমস্স সুপেসযি;

সহস্সগ্ঘনিকং সোণ্ণ-

মালঞ্চা নগ্ঘ চন্দনং.

৫. অদাসি বন্ধুমাৰাজা,

পিতাজেট্ঠায চন্দনং;

সোণ্ণমালং কনিট্ঠায,

তহিং ৱিযায ধীতুযা.

৬. উভোতাপীতি চিন্তেসুং,

নত্থত্থোৱত তেহিনো;

ভগ্যৱন্তস্স পূজেম,

সংপসাদেন চেতসা.

৭. ততোসাচন্দনং চুণ্ণং-

কাৰাপেত্ৱান জেট্ঠকা;

গন্ত্ৱান ৱিহাৰং সোণ্ণ,

ৱণ্ণংপূজেসি নাযকং.

৮. ৱিকিৰিত্ৱা তু সাগন্ধ,

কুটিযং সেসচন্দনং;

এৱঞ্হি পত্থনং কাসি,

বুদ্ধমাতা ভৱামহং.

৯. কাৰেত্ৱা সোণ্ণমালংতু,

উৰচ্ছদ পসাদনং;

পূজেসি হেমৱণ্ণংসা,

ভগৱন্তং কনিট্ঠকা.

১০. এৱম্পি পত্থনংকাসি,

ইদংমম পসাদনং;

সৰীৰে নিচ্চলা ঠাতু,

চৰন্তিযা ভৱাভৱং.

১১. উভোপি ৰাজকঞ্ঞাতা,

ঠত্ৱান যাৱতা যুকং;

উপপজ্জিংসু সোৱগ্গং,

চুতাসুখ পমোদনং.

১২. মনুস্সদেৱ লোকেসু,

সংসৰিংসু সুখংদুৱে;

একনৱুতি কপ্পানি,

মুচ্চিত্ৱা পাযদুক্খতো.

১৩. কস্সপস্স কালেতাসু,

কনিট্ঠা কিকিৰাজিনো;

ধীতা উৰচ্ছদানাম,

হুত্ৱান পৰিনিব্বুতা.

১৪. জেট্ঠকা পন ধীতাসি,

কিকিস্স ৰাজিনো তহিং;

ধম্মানাম দমিতা সা,

কোমাৰ ব্ৰহ্মচাৰিনী.

১৫. ততোচ ৱিত্ৱান সা দেৱ,

মনুস্সেসু পুনপ্পুনং;

সংসৰন্তী মহেসীসি,

পূৰিন্দদস্স একদা.

১৬. ৰত্তচন্দন লেপেন,

লিম্পিত দেহিনী হিসা;

কতপুঞ্ঞ ৱিসেসেন,

নামেন ফুস্সতীহ্ৱিতা.

১৭. দেৱিন্দো অঞ্ঞদাদিস্ৱা,

পৰিক্খীণাযুকং ৱিযং;

দেৱিং তং পৰিৱাৰেন,

মহতা নেসিনন্দনং.

১৮. সিৰীসযন পিট্ঠম্হি,

তংসযাৱিয মাঘৱা;

ঠিতো সযনপস্সম্হি,

ফুস্সতিং এতদব্ৰৱী.

১৯. ৱৰেতেদসদস্সামি,

ফুস্সতেৱৰৱণ্ণিকে;

ত্ৱংঞ্হিইচ্ছসিযেলদ্ধুং,

লভাপেস্সামিতেৱৰে.

২০. সুত্ৱাতং ফুস্সতীদেৱী,

লোমহং সনৰূপিনী;

খীণাযুতমজানন্তী,

অত্তনো এতদব্ৰৱী.

২১. পাপংনু ত্ৱযি দেৱিংন্দ,

কতংমে অপ্পিযাথতে;

ৰম্মামে চৱনং ইচ্ছং,

মঞ্ঞেভণংতি ঈদিসং.

২২. নতেভদ্দে কতংপাপং,

নচমে অপ্পিযাতুৱং;

পুঞ্ঞংতুতে পৰিক্খীণং,

তস্মা তে ৱংৱদামহং.

২৩. সন্তিকে মৰণং তুয্হং,

ৱিনাভাৱো ভৱিস্সতি;

পটিগ্গণ্হাহি মে এতে,

ৱৰেদস পৱচ্ছতো.

২৪. সক্কস্সৱচনং সুত্ৱা,

ঞাত্ৱামৰণ মত্তনো;

ৱৰেসা লদ্ধুমিচ্ছন্তী,

দেৱিন্দমেত দব্ৰৱী.

২৫. ইতো চুতাসহস্সক্খি,

সীৱিৰাজনিৱেসনে;

মহেসী ফুস্সতীনাম,

নীলনেত্তা যথামিগী.

২৬. অস্সং নীলভমুকাহং,

লভেয্যং পুত্তমুত্তমং;

ধাৰেন্তি যাচমেগব্ভং,

মজ্ঝিমঙ্গং অনুন্নতং.

২৭. পলিতান ৱিৰূহন্তু,

অলম্বাচ পযোৰো;

কাযেৰজো নলিম্পেথ,

ৱজ্ঝঞ্চাপি পমোচযে.

২৮. যেযাচিতা ৱৰাভদ্দে,

তযাদস মযাতৱ;

দিন্নাতে তুট্ঠচিত্তেন,

সব্বেলচ্ছসি মানুসে.

২৯. ততোচৱিত্ৱান সাদেৱ-

লোকা নিব্বত্তি ইচ্ছিযং;

মহেসিযা পটিসন্ধি-

ৱসেন মদ্দৰাজিনো.

৩০. দসমা সচ্চযেনেসা,

ধীতৰং মদ্দৰাজিনী;

হেট্ঠাসুসেতচ্ছত্তস্স,

ৱিজাযি সেট্ঠৰূপিনিং.

৩১. ৰত্তচন্দন লেপেন,

এসালিম্পি তদেহিনী;

তেনস্সা ব্ৰাহ্মণানামং,

অকংসু ফুস্সতীইতি.

৩২. সঞ্ঞাকাৰ দোড়াৰুড়-

মঙ্গলাদীনি কাতুন;

মহতা পৰিহাৰেন,

পোসিংসু খত্তিযানিযো.

৩৩. মধূৰখীৰ সম্পন্না,

সিনিদ্ধপীণ যোব্বনা;

ধাতিযো খত্তিযানীতং,

খীৰংপাযিংসু যাপনং.

৩৪. সঙ্কমন্তীৱ ৱুদ্ধাসা,