পদমঞ্জৰী |ও০.০০০১|

নমো তস্স ভগৱতো অৰহতো সম্মাসম্বুদ্ধস্স

নিৰুত্তিকাযোদধিপাৰগং জিনং,

ৱিসুদ্ধধম্মঞ্চ গণং অনুত্তৰং;

তিধা নমিত্ৱা পদমঞ্জৰী মযা,

কৰীযতো বালকবুদ্ধিৱুদ্ধিযাতি.

অথ অকাৰন্তপুল্লিঙ্গো বুদ্ধসদ্দো ৱুচ্চতে.

বুদ্ধো দেৱমনুস্সানং ধম্মং দেসেসি

বুদ্ধা দেৱমনুস্সানং ধম্মং অদেসিংসু

ভো বুদ্ধ ত্ৱম্পিখো মং পালয

ভো বুদ্ধা তুম্হেপি খো মং পালেথ.

বুদ্ধং ভগৱন্তং সক্কচ্চং ৱন্দামহং

বুদ্ধে ভগৱন্তে সক্কচ্চং ৱন্দাম মযং

বুদ্ধেন ভগৱতা ধম্মো দেসীযতে

বুদ্ধেহি ভগৱন্তেহি ধম্মো দেসিতো

বুদ্ধেন ভগৱতা মহাজনো সুচৰতি

বুদ্ধেহি ভগৱন্তেহি সিৱপদং যন্তি

বুদ্ধস্স ভগৱতো পুপ্ফং যজতি

বুদ্ধানং ভগৱতং পুপ্ফানি যজতি

বুদ্ধা ভগৱতা সিৱপদং লভেয্য

বুদ্ধেহি ভগৱন্তেহি পভা নিচ্ছৰতি

বুদ্ধস্স ভগৱতো ইদ্ধি কিং ন কৰে

বুদ্ধানং ভগৱন্তানং ইদ্ধিপাটিহাৰিযানি

বুদ্ধে ভগৱন্তে মহাজনো পসীদতি.

বুদ্ধেসু ভগৱন্তেসু মনং পতিট্ঠিতং.

ইতি পঠমো পাঠো.

অকাৰন্তপুল্লিঙ্গো অত্তসদ্দো ৱুচ্চতে.

অত্তা সংসাৰদুক্খং পাপুণাতি

অত্তানো সুখদুক্খং পাপুণন্তি

ভো অত্ত সুখদুক্খং অনুভোসি

ভো অত্তনো সুখদুক্খং অনুভোথ

অত্তানং পস্সতি বুদ্ধো ভগৱা

অত্তানো |ও০.০০০২| পস্সতি সম্মা সম্বুদ্ধো

অত্তনা সুখদুক্খং অনুভুত্তং

অত্তনেহি কম্মফলং অনুভুত্তং

অত্তনা সংসাৰসুখং নাম নত্থি

অত্তনেহি ভৱসুখং নাম নত্থি

অত্তনো অত্তাৱ পতিট্ঠা সিযা

অত্তানং কম্মমেৱ পতিট্ঠা সিযা

অত্তনাপি মহব্ভযং উপ্পজ্জতি

অত্তনেহি মহব্ভযানি জাযন্তি

অত্তনো মাতাপিতৰো হোন্তি

অত্তানং পঞ্চগতিযো হোন্তি

অত্তনি সব্বং বলং হৰতি ৰোগো

অত্তনেসু সব্বং বলং হৰন্তি ৰোগা.

ইতি দুতিযো পাঠো.

অকাৰন্ত পুল্লিঙ্গো ৰাজসদ্দো ৱুচ্চতে.

ৰাজাপি মহাজনং তোসেতি

ৰাজানো মহাজনং তোসেন্তি

ভো ৰাজা মহাজনং পালয

ভো ৰাজানো মহাজনং পালেথ

ৰাজানং পস্সতি মহাজনো

ৰাজানো পস্সন্তি মহাজনা

ৰঞ্ঞা কাৰীযতে মহাপাসাদো

ৰাজূহি কাৰাপিতা মহাৱিহাৰা

ৰঞ্ঞা মহাজনো সুখং চৰতি

ৰাজূহী মহাজনা সুখং চৰন্তি

ৰঞ্ঞো পণ্ণাকাৰং দেতি মহাজনো

ৰাজূনং পণ্ণাকাৰং দেন্তি মহাজনা

ৰঞ্ঞা মহব্ভযং উপ্পজ্জতি

ৰাজূহি মহব্ভযানি উপ্পজ্জন্তি

ৰঞ্ঞো ৱপ্পমঙ্গলং হোতি

ৰাজূনং সব্বাভৰণানি হোন্তি

ৰঞ্ঞে মহাজনো পন পসীদতি

ৰাজুসু মহাজনা পন পসীদন্তি.

ইতি ততিযো পাঠো.

অকাৰন্তপুল্লিঙ্গো গুণৱত্তুসদ্দো ৱুচ্চতে.

গুণৱা পুৰিসো সুন্দৰং নিব্বাণং গতো

গুণৱন্তো |ও০.০০০৩| পুৰিসা সুন্দৰং নিব্বাণং গতা

ভো গুণৱং পুৰিস ত্ৱম্পি দানং দেহি

ভো গুণৱন্তো পুৰিসা তুম্হে দানং দেথ

গুণৱন্তং পুৰিসং ধম্মং বোধেতি আচৰিযো

গুণৱন্তে পুৰিসে ধম্মং পাঠযতি আচৰিযো

গুণৱন্তেন পুৰিসেন কাৰিতো ৱিহাৰো

গুণৱন্তেহি পুৰিসেহি কাৰিতা ৱিহাৰা

গুণৱন্তেন পুৰিসেন লোকো সুচৰতি

গুণৱন্তেহি পুৰিসেহি লোকা সুচৰন্তি

গুণৱতো পুৰিসস্স সক্কাৰং কৰোতি

গুণৱতং পুৰিসানং সক্কাৰং কৰোন্তি

গুণৱতা পুৰিসস্মা ভযং নূপ্পজ্জতি

গুণৱন্তেহি পুৰিসেহি ভযানি নূপ্পজ্জন্তি

গুণৱতো পুৰিসস্স কিত্তিসদ্দো অঙ্গুগ্গচ্ছতি

গুণৱতং পুৰিসানং গুণঘোসো হোতি

গুণৱন্তে পুৰিসে মে ৰমতি মতো

গুণৱন্তেসু পুৰিসেসু সপ্পুৰিসো পসীদতি.

ইতি চতুত্থো পাঠো.

অকাৰন্তপুল্লিঙ্গো গচ্ছন্তসদ্দো ৱুচ্চতে.

গচ্ছং যঞ্ঞদত্তো পুৰিসং ভাৰং হাৰযতি

গচ্ছন্তা যঞ্ঞদত্তা পুৰিসং কম্মং কাৰযন্তি

ভো গচ্ছং যঞ্ঞদত্ত ত্ৱং মং পালয

ভো গচ্ছন্তা যঞ্ঞদত্তা মং পালেথ

গচ্ছন্তং যঞ্ঞদত্তং কম্বলংযাচযতি দ্ৱিজো

গচ্ছন্তে যঞ্ঞদত্তে কম্বলং যাচযতি দ্ৱিজো

গচ্ছতা যঞ্ঞদত্তেন ৰুক্খো পুপ্ফানি অৱচীযতে

গচ্ছন্তেহি যঞ্ঞদত্তেহি ৰুক্খো পুপ্ফানি অৱচিতো

গচ্ছতা যঞ্ঞদত্তেন কোচি মগ্গং জানাতি

গচ্ছন্তেহি যঞ্ঞদত্তেহি কেচিমগ্গং জানন্তি

গচ্ছতো যঞ্ঞদত্তস্স ছত্তং ধাৰযতে

গচ্ছতং যঞ্ঞদত্তানং ছত্তানি ধাৰযন্তে

গচ্ছতা যঞ্ঞদত্তস্মা ভযং নূপ্পজ্জতি

গচ্ছন্তেহি যঞ্ঞদত্তেহি ভযানি নূপ্পজ্জন্তি

গচ্ছতো যঞ্ঞদত্তস্স ছত্তো হোতি

গচ্ছতং যঞ্ঞদত্তানং আভৰণানি হোন্তি

গচ্ছন্তে যঞ্ঞদত্তে কোচি পসীদতি

গচ্ছন্তেসু যঞ্ঞদত্তেসু কেচি পসীদন্তি.

ইতি |ও০.০০০৪| পঞ্চমো পাঠো.

ইকাৰন্তপুল্লিঙ্গো অগ্গিসদ্দো ৱুচ্চতে.

অগ্গি পন কট্ঠমঙ্গাৰং কৰোতি

অগ্গযো কট্ঠমঙ্গাৰং কৰোন্তি

ভো অগ্গি ত্ৱং সীতং ৱিনোদেহি

ভো অগ্গী তুম্হে সীতং ৱিনোদেথ

অগ্গিং নিব্বাপেতি যো কোচি

অগ্গযো নিব্বাপেন্তি যে কেচি

অগ্গিনা কোচি অকাৰো দড্ঢো

অগ্গীহি কেচি অগাৰা দড্ঢা

অগ্গিনা কিঞ্চি আগাৰং ঝাপেতি

অগ্গীহি কেচি অগাৰে ঝাপেতি

অগ্গিনো উপাদানং দদাতি ব্ৰাহ্মণো

অগ্গীনং উপাদানং দদন্তি ব্ৰাহ্মণা

অগ্গিনা ধূমো অপেতি নিচ্চং

অগ্গীহি’ধূমাপি অপেন্তি নিচ্চং

অগ্গিনো আলোকো চ হোতি

অগ্গীনং আলোকাপি হোন্তি

অগ্গিম্হি যো কোচি পসীদতি

অগ্গীসু যে কেচি পসীদন্তি.

ইতি ছট্ঠো পাঠো.

ইকাৰন্তপুল্লিঙ্গো আদিসদ্দো ৱুচ্চতে.

আদি বন্ধীযতে সমগ্গেন সঙ্ঘেন

আদযো বন্ধীযন্তে সমগ্গেহি ভিক্খুহি

ভো আদি ত্ৱং দীঘকালং পৱত্তেহি

ভো আদী তুম্হে দীঘকালং পৱত্তেথ

আদিং পস্সতি সমগ্গো সঙ্ঘো চ

আদযো পস্সতি ভিক্খু সঙ্ঘো চ

আদিনা পৰিসুদ্ধেন পন ভূযতে

আদীহি পৰিসুদ্ধেহি পন ভূযতে

আদিনা সমগ্গো সঙ্ঘো সুচৰতি

আদীহি ভিক্খু সঙ্ঘো সুচৰতি

আদিনো কোচি উপকৰণং দেতি

আদীনং কেচি উপকৰণং দেন্তি

আদিনা সমগ্গো সঙ্ঘো অপেতি

আদীহি ভিক্খু’সঙ্ঘো অপেতি

আদিস্স |ও০.০০০৫| উপকাৰিকা খো পন হোতি

আদীনং উপকাৰিকাযোপি হোন্তি

আদিম্হি সমগ্গো সঙ্ঘো নিসীদতি

আদীসূ ভিক্খু সঙ্ঘোপি নিসীদতি.

ইতি সত্তমো পাঠো.

ঈকাৰন্তপুল্লিঙ্গো দণ্ডীসদ্দো ৱুচ্চতে.

দণ্ডী পুৰিসোপি দণ্ডং ছড্ডেতু

দণ্ডিনো পুৰিসা দণ্ডং ছড্ডেন্তু

ভো দণ্ডী পুৰিস দণ্ডং ছড্ডেহি