নমো তস্স ভগৱতো অৰহতো সম্মাসম্বুদ্ধস্স

মহাপণামপাঠ

(বুদ্ধৱন্দনা)

১. সো, কো; নে, সং;

২. সত্থা, নেসং; খেমং, দাতা;

৩. হেড়াত-ক্কাৰো সো; জন্তূনং, নো মা নু;

৪. সো লোকন্ধং, হন্ত্ৱা নক্কো;

সত্তম্বোজং, বোধেতা নু.

৫. জিনসূৰিযো, তিভৱনভে;

মুহতিমিৰং, অভিতপযে.

৬. জেনো জিনমূলে, দিস্ৱা জনকাযং;

সংসাৰনিমুগ্গং, সব্বঞ্ঞুত মিচ্ছং.

৭. হিত্ৱা কৰুপেতং, মোক্খং পণিধানং;

ৱত্তেসি দযাণা, যো তং মুনি ৱন্দে.

৮. সুতাযুভৰিযা মে, ধনঙ্গমপি চজ্জং.

চিনং বুধিনিদানে, অগা মুনিযং মেতং.

৯. সো সসজাতিয দেহং, চজ্জিয দানৱৰঞ্চ;

নাগুসভো ৱৰসীলং, পূৰযি সম্পৰিচাগো.

১০. নেক্খম্মগ্গং ৰাজা হুত্ৱা, সেনব্বিদ্ৱা পঞ্ঞাসেট্ঠং;

ৱেদেহিন্দো ৱীৰুক্কংসং, খন্তীৱাদী খন্তীসেট্ঠং.

১১. সো সুতসোমো তথগং, তেমিয ধিট্ঠানৱৰং;

একভুগো মেত্তৱৰং, লোমহসোপেক্খতৰং.

১২. পাৰমী তিদুক্কৰাৱ, পূৰিযান সেট্ঠবোধি;

পাপুণিত্থ যো অনন্ত-ধম্মসাৰদং নমামি.

১৩. পহায চক্কৱত্তিকং, কৰোপনীত মদ্দিযং;

ভুসিধৰে সসেনকং, অজেনি পাপিমং নমে.

১৪. অথুত্তৰং জযাকৰং, বহূপকাৰতং জিনো;

পটিচ্চ নিম্মিসক্খিভি, উদিক্খতে নমামি তং.

১৫. চঙ্কমে মৰুৱিমতি যো, ছিন্দযং কমি ৰতনিযে;

ইদ্ধিপাটিহিৰণকৰো, চক্খুমং তমভিপণমে.

১৬. অথ ৰতনঘৰে বুদ্ধো, ছদিধিতি জনযং সঙ্খ্যং;

সীমীসা তমভিধম্মং যো, সুৰনৰমহিতং ৱন্দে.

১৭. নিগ্ৰোধন্তিক নুব্ভৱী সুখং, ধম্মং যো ৱিচিনং নধীৱৰো;

কিচ্ছালদ্ধ মনঞ্ঞবোধিযং, ৱন্দে তং সুগতং নিগ্ৰোচৰং.

১৮. সব্ভোগেহি থ মুচলিন্দেন,

নাগিন্দেন ৰহসি পাৱুত্তো;

সোখ্যং যো নুভৱি ৱিমুত্তিংতং,

ৱন্দে মাৰাজি অতুলপ্পঞ্ঞো.

১৯. কাৰুণিকো ৰাজাযতনে যো,

ভোজ মুড়াৰং ভোজ্জৰসেকং;

ৱাস মকা নন্তগ্গুণধাৰো,

একগতো ৱন্দামি মহেসী.

২০. কেয্যং কেয্যং অভিজযকেতুং,

জেয্যং জেয্যং ৱৰজযপানং;

পেয্যং পেয্যং সুৱিচি নমে তং,

নেয্যং নেয্যং সমতমুপেক্খিং.

২১. সত্ত চ সত্তাহে ৱিজিতাৱী,

খেপিয নিগ্ৰোধং পুন গন্ত্ৱা;

ধম্মসুদুদ্দস্যং পতি জাতো,

ধম্মকথা প্পোসুক্ক ৱিতক্কো.

২২. মৰুগণেহি ব্ৰহ্মুনা সমং,

ৰতনদামমেৰুণা দদা;

সমভিযাচিতো পটিস্সৱং,

দসবলো নমামি দেসিতুং.

২৩. গন্ত্ৱা ইসিপ্পাতক্কাননঞ্চ,

সত্থা মিগদ্দাযং দেসযিত্থ;

সচ্চপ্পকাৰং যো ধম্মচক্ক-

সুত্তং নমে ছব্বীধংসু তাৱ.

২৪. ৰঞ্ঞো মগধস্স কতপ্পটিঞ্ঞো,

গন্ত্ৱানথ ৰাজগহং ৱিনেতি;

সত্তে মলৰোগযুতে গদগ্গং,

পাযেতুন তং পণমে ভিসক্কং.

২৫. সক্যাধিৱাসে কপিলে সঞ্ঞতিং,

মানদ্ধজং ভিন্দিয মিদ্ধিৱাতা;

ধম্মামতং পাযি পিতুপ্পভুতি,

ৱন্দামি সক্যিন্দ মনোমদস্সিং.

২৬. অনাথপিণ্ডোতি ৱ্হযেন নন্ত-

দ্ধনং চজিত্ৱা সুকতে ৱিহাৰে;

ৱিহাসি ভিয্যো জনতা হিতত্থং,

সুধম্মভেৰিং ৱদযং ভিৱন্দে.

২৭. উপেতপুঞ্ঞং ৱৰলক্খণোকং-

ণোকং ৱিসুদ্ধং জলিতপ্পদীমং;

দীপং পজানং অনিঘং নৱজ্জং-

নৱজ্জৱাচং সুগতং নমামি.

২৮. মুনিভানু ধম্মপভাহি জন-

ম্বুজ মুদ্ধতন্ধতমো সুতপো;

কৰুণাৰুণো সমবোধযি যো,

ভৱিসীতলত্তপনো পণমে.

২৯. ইন্দু ৱিযম্বৰমজ্ঝতলে যো,

ৰাজতি তাৰগণেন মুনিন্দো;

অৰিযগণপ্পৰিতো তিভৱে তং,

সাদৰ মুগ্গতসোভ মৱন্দি.

৩০. মূলামূলা তিংসতিপাৰমিযো,

সাখাসাখা মজ্ঝিমজ্ঝানকাযা;

পত্তাপত্তা বুদ্ধচক্খুনি যস্স,

পুপ্ফাপুপ্ফা কাৰুণা মগ্গখন্ধো.

৩১. সাৰাসাৰা যমকা ফেগ্গুভিঞ্ঞা,

সব্বালম্বঙ্কুৰকং সীলৱণ্টং;

সেসাধম্মা মধুপক্কপ্ফলানি,

ৰংসীছল্লী সুতচা লক্খণানি.

৩২. ছাযুপগা সুং পুথুনৰদেৱা,

মাৰজিদীপঙ্কৰ মহিজাতং;

পত্থতনন্তঞ্চ কুসলবীজং,

একৰুহং পাদপমুনি ৱন্দে.

৩৩. মাৰতিত্থিযৰিপুং তমঞ্চ যো,

ধংসযং নগৰধম্ম মাপযং;

সীলনীৱৰণ দ্ৱাৰকোট্ঠকং,

এসিকাপৰমসদ্ধ মুত্তমং.

৩৪. দ্ৱাৰপালসুযতং সতিটালং,

ঞাণচচ্চৰ সিঘাটপদিদ্ধিং;

ধম্মমগ্গকুটিসাল সহিত্তং,

ধম্মসেনপতিসাৰিজভূতং.

৩৫. দুতিযসুতপৰোহিতং মহা-

ধুতগুণধৰমগ্ঘ দস্সিকং;

ৱিনযচিনক ধম্মৰক্খকং,

তিভৱপতিক ধম্মৰাজিযং.

৩৬. সুতং সুতং সব্বধি সজ্জনংজনং,

মিতং মিতং নন্তগুণালযং লযং;

হুতং হুতং জন্তুনমানমং নমং,

ভৱে ভৱে তেভৱমঙ্গলং গলং.

৩৭. লোকাভিৰামং ৰমণেয্যৱেদুৰং,

লোকন্তগুং অন্তুভযানুপাগতং;

লোকদ্ধজং মানধজপ্পহাৰকং,

লোকগ্গৰুং অগ্গৰু পচ্চযে নমে.

৩৮. মকুটগ্গফলং নযনঞ্চনিকং,

সৱনব্ভুসনং ৱদনব্ভুসনং;

গলমণ্ডনমিদ্ধি মনঞ্ঞুৰসং,

কিৰিযঞ্ঞুদৰং দ্ৱিখণঞ্ঞুকৰং.

৩৯. কটিৱিভূসন মজ্ঝিমঞ্ঞণকং,

দযৱিলেপন ধাৰণমণ্ডনং;

পটখিলঞ্ঞুনিৱত্থ মনুত্তৰং,

মুনিমৰুত্তম মেক মহং নমে.

৪০. সতিৱৰ সুচকং ইব্ভগ্গপঞ্ঞং,

সুৱীৰিযৱসুৱাহং পীতিসেলং;

গহপতিসমথগ্গং থীপসদ্ধিং,

অসণিযসুনুপেক্খং সত্তভোগং.

৪১. চতুদিসিকিদ্ধিপ্পদ মসহাযং,

সুপৰিৱুতং খত্তিযৱিৰজানং;

সুচিপৰিসং দেৱনৰ মনাপং,

দসবলচক্কাধিপতি ভিৱন্দে.

৪২. সমাধিব্বহিদ্ধং সতিচ্ছট্ঠসেলং,

ৱিৰপ্পঞ্চমা জীৱমজ্ঝং সুকম্ম-

ত্ততিযং সুৱাচাদুতিযং ভিসেট্ঠং,

সমাতক্কপুব্বঞ্চ সত্তপ্পৱাৰং.

৪৩. ৱিৱিধঞাণপভুতিব্বসাকৰং,

বহুমহিদ্ধিক মৰূন মাসযং;

ধুংৱপভাজলিতৰামণেয্যকং,

সুগতনেৰুনগৰাজ মানমে.

৪৪. সীলজ্জলং ৰতনধম্ম মাকৰং,

ভিঞ্ঞাৱিচিং সতিকুলট্ঠি গম্ভিৰং;

ৱিত্থিণ্ণঞাণ মৰিযোদজাসযং,

অট্ঠম্বীধচ্ছৰিযকং অসন্দনং.

৪৫. বহুনজ্জমোসৰণ মেকৰসং,

দুৰুপগ্গমং অচিতসম্ভৰিনং;

পুথুপোতপুঞ্ঞৱতমেৱ নমে,

দ্ৱীপদুত্তমণ্ণৱ নদিন্দৱৰং.

৪৬. অভিনিহৰধনুং গুণপাৰমিং,

নড়মতিমনবাজৰহম্মুখা;

ধিতিসমিতসৰেন সুধাৰযং,

মলম গগণ মেকপৱেদনা.