৩. ৰাগপেয্যালং

৩০৩. ‘‘ৰাগস্স, ভিক্খৱে, অভিঞ্ঞায পঞ্চ ধম্মা ভাৱেতব্বা. কতমে পঞ্চ? অসুভসঞ্ঞা, মৰণসঞ্ঞা, আদীনৱসঞ্ঞা, আহাৰে পটিকূলসঞ্ঞা, সব্বলোকে অনভিৰতসঞ্ঞা [সব্বত্থপি এৱমেৱ দিস্সতি] – ৰাগস্স, ভিক্খৱে, অভিঞ্ঞায ইমে পঞ্চ ধম্মা ভাৱেতব্বা’’তি.

৩০৪. ‘‘ৰাগস্স, ভিক্খৱে, অভিঞ্ঞায পঞ্চ ধম্মা ভাৱেতব্বা. কতমে পঞ্চ? অনিচ্চসঞ্ঞা, অনত্তসঞ্ঞা, মৰণসঞ্ঞা, আহাৰে পটিকূলসঞ্ঞা, সব্বলোকে অনভিৰতসঞ্ঞা – ৰাগস্স, ভিক্খৱে, অভিঞ্ঞায ইমে পঞ্চ ধম্মা ভাৱেতব্বা’’তি.

৩০৫. ‘‘ৰাগস্স, ভিক্খৱে, অভিঞ্ঞায পঞ্চ ধম্মা ভাৱেতব্বা. কতমে পঞ্চ? অনিচ্চসঞ্ঞা, অনিচ্চে দুক্খসঞ্ঞা, দুক্খে অনত্তসঞ্ঞা, পহানসঞ্ঞা, ৱিৰাগসঞ্ঞা – ৰাগস্স, ভিক্খৱে, অভিঞ্ঞায ইমে পঞ্চ ধম্মা ভাৱেতব্বা’’তি.

৩০৬. ‘‘ৰাগস্স, ভিক্খৱে, অভিঞ্ঞায পঞ্চ ধম্মা ভাৱেতব্বা. কতমে পঞ্চ? সদ্ধিন্দ্ৰিযং, ৱীৰিযিন্দ্ৰিযং, সতিন্দ্ৰিযং, সমাধিন্দ্ৰিযং, পঞ্ঞিন্দ্ৰিযং – ৰাগস্স, ভিক্খৱে, অভিঞ্ঞায ইমে পঞ্চ ধম্মা ভাৱেতব্বা’’তি.

৩০৭. ‘‘ৰাগস্স, ভিক্খৱে, অভিঞ্ঞায পঞ্চ ধম্মা ভাৱেতব্বা. কতমে পঞ্চ? সদ্ধাবলং, ৱীৰিযবলং, সতিবলং, সমাধিবলং, পঞ্ঞাবলং – ৰাগস্স, ভিক্খৱে, অভিঞ্ঞায ইমে পঞ্চ ধম্মা ভাৱেতব্বা’’তি.

৩০৮-১১৫১. ‘‘ৰাগস্স, ভিক্খৱে, পৰিঞ্ঞায… পৰিক্খযায… পহানায… খযায… ৱযায… ৱিৰাগায… নিৰোধায… চাগায… পটিনিস্সগ্গায পঞ্চ ধম্মা ভাৱেতব্বা. দোসস্স… মোহস্স… কোধস্স… উপনাহস্স… মক্খস্স… পড়াসস্স… ইস্সায… মচ্ছৰিযস্স… মাযায… সাঠেয্যস্স… থম্ভস্স… সাৰম্ভস্স… মানস্স… অতিমানস্স … মদস্স… পমাদস্স অভিঞ্ঞায… পৰিঞ্ঞায… পৰিক্খযায… পহানায… খযায… ৱযায… ৱিৰাগায… নিৰোধায… চাগায… পটিনিস্সগ্গায পঞ্চ ধম্মা ভাৱেতব্বা.

‘‘কতমে পঞ্চ? সদ্ধাবলং, ৱীৰিযবলং, সতিবলং, সমাধিবলং, পঞ্ঞাবলং – পমাদস্স, ভিক্খৱে, পটিনিস্সগ্গায ইমে পঞ্চ ধম্মা ভাৱেতব্বা’’তি.

ৰাগপেয্যালং নিট্ঠিতং.